ياامي ياغلا الدنيا.. واصدق عاطفه في الكون


وادفى حضن يحضني .. واكبر قلب يحويني


انا بك دنيتي جنه .. وبسماتك مطر ونزول


وضحكاتك ربيع اخضر.. زهوره فتحت فيني


اذا شفتك ارى الدنيا.. صباح بالفرح مسكون


واذا غبتي عن عيني .. يغيب النور عن عيني


عشقتك والهوى طفل .. ربى في خافق المفتون


كبر هذا الطفل واصبح .. غرامه يسبق اسنيني


انا يـ أمي ترى .. مااوفيلك مهما يكون


جميلك دين في عمري .. وربي بك اموصيني


ومهما عشت لك وافي .. بظل لك الوافي المديون


لانك روح في قلبي .. ودم في شرايني