ابــو نــورهـ

إرسال رسالة

آخر نشاط: 07-23-2008 03:26 PM

مذكراتي

عرض مذكراتي 1 إلى 10 من 14

07-22-2008 03:46 PM - permalink
ابــو نــورهـ

.:. كفــأك غــرور .:.

صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..
انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك فـ السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وفـ عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور

.:. البــــدر .:.
07-18-2008 01:31 AM - permalink
ابــو نــورهـ

يوم الخلايا تنام وفكرها نامي
حرام عيني لذيذ النوم يغفيها
حالي كما عشب صيف صابها الضامي
ولا كما وردة جفت نواديها
07-16-2008 12:02 PM - permalink
ابــو نــورهـ

قال الوداع

قال الوداع وقلت ريع لي شوي
اصبر ترى عمر السعاده ثواني

قال الظروف وقلت عن ظرفه عي
تعال وقف ساعتك في زماني

قال احترق في شمسها وانت في فيّ
ماكل ماغطى عيوبك كساني

قلت العفو بصبر على حامي الكي
واكسيك من صبري كساوي حناني

قال الحقيقه شي واحلامنا شي
والشاهد الله ليت هذا مكاني

قلت الوعد قال الوعد يابعد حي
لاصاح لك قلبي وقلبك دعاني
07-16-2008 11:44 AM - permalink
ابــو نــورهـ

يا حبيبٍ نسيته بين قلب و وريد ...... في خفوفي مشاعر والكتابه أنــا
07-15-2008 11:41 AM - permalink
ابــو نــورهـ

مركب الهند
.
.

يامركبَ الهند .. يابو دقلين ..
ياليتني كنت ربَّانك ..
وأكتب على دفِّتك شطرين ..
إسمُه حبيبي وعنوانك ..
طال إنتظاري وقلبي جريح ..
يامركب الشَّوق ليت الرَّيح
وقت السحاري .. تملأ السواري ..
وأبحر بشوقي لنور العين ..
وأرجع لخلِّي لأوطانه ..
يابحر موجك علَّي عالي ..
وطيفه حبيبي على بالي
والبُعد قاسي .. وحبيبي ناسي
والله .. ياربعي .. وأهلي .. وناسي ..
مشتاق قلبي لخلاَّنه ..
يامركب الوهم عمري ضاع ..
مابين أمل في لُقا ووداع
وبحر الأماني .. ماله مواني ..
ضيَّع زمانك .. وضيَّع زماني ..
وضاع المركب .. بربَّانه..

.
.

بدر بن عبدالمحسن
07-01-2008 06:32 AM - permalink
ابــو نــورهـ

الا يا نجم يا عالي تبصر
شف بعين المحبه عين وافي
وخبرني عن علومه وحاله
عسى قلبه مع الاشواق دافي
وخبر صاحبي عن حال خله
تراي أمشي على الاشواك حافي
ولو ممشاي في جمرٍ يفيده
مشيت بجمرها كنه عوافي
ولكن وش يفيده لو ذبحني
ومن يوصف جماله عقب قافي
06-30-2008 01:03 PM - permalink
ابــو نــورهـ

لــو أن كلٍ ينــال منــاه بــذراعه *** خــذيت حــقي مـن أقــصاها لــدانيها
05-31-2008 02:47 AM - permalink
ابــو نــورهـ

..:.. الهــوى الغــايب ..:..

إذا التقينا يوم .. ولاعرفتيني
فلا عليك لوم .. شاب الزمن فيني
انا الهوى الغايب
أنا اللي كان .. ذاك الزمان وقت ومكان
أنا اللي كان .. في نظرة عيونك حنان
ومضه في عتمات المسا .. فرحة فؤادي اللي نسى
بسمة صباحك .. دمعة جراحك
خاطر عبر مرة في حياتك
انا الهوى الغايب
في ليله عشتها عمري .. لموعد انتهى بدري
رسمت احلام .. وعشت ايام
وغنيت الهوى أنغام
وكنت الهوى للقلب .. وكنت الوطن للحب
ولو غيرت وجهي مسافات السنين
ماتختفي في العين نظرات الحنين
انا الهوى الغايب
ياللي تركتيني .. وخاواني الغياب
رحتي ونسيتيني .. وتذكرني العذاب
سارت بي الايام في غربة حياه
لاطريق امشيه أو اعرف مداه
زحمة وجوه وعابرين
لاروح فيها او حنين
ولاشبه منك في عيون الناظرين
جيتك على غفلة زمن
هيا قبل يصحى الزمن
انهى عذابات الشجن
انا الهوى الغايب..
05-31-2008 02:43 AM - permalink
ابــو نــورهـ

انتظرت أزمان
في ظل الوعد
أحسب الخفقات
يا أغلى وعد
أنتظرت
لكن النجمه سرت
والقمر
راحوا أصحاب السمر

ما ابي وعد باكر ولا توعد اليوم
.. خلك بعيد وخل للحب قيمه
لا توقظ النايم تحرمه من النوم
.. ولا تبعث جروح بقلبي قديمه
ترى له سنين وهو عنك محشوم
.. وان طاوعك بلواه صارت عظيمه
من عاد لامرٍ خابره قبل مذموم
.. يستاهل الحسرات عقب الذميمه
كانك بزينك يا اريش العين موهوم
.. ترى لنا زود على الصبر شيمه
.
.
خالد الفيصل
05-31-2008 02:41 AM - permalink
ابــو نــورهـ

سهر
والدنيا نعسانه
سهر
والفرقى
كانت عن حبايبنا
قدر
والجرح نزف الدمعتين
والدمع شباك الحزانا
للقدر

بعيني تغيب الشمس و تشرق بعيني ..
في ناظري للشمس موت و ميلاد
لليل في دمعي سنى نجمتيني ..
وللصبح في جفني شفق هم و سهاد
كن السهر درب عليه بتجيني ..
ولا ودي أقطع درب لاماك برقاد
ياللي جميع الناس بينك و بيني ..
كل لحظة آبنتظر منك ميعاد
عذري لياسي منك إنك تبيني ..
خنت الرجا وإن صنت لي عهد ووداد
لمصافحك ربي خلق لي يميني ..
آمدها لكم وصل وآمدها بعاد
وبسمتك ترخص غوالي سنيني ..
همي يزول و صادق الشوق يزداد
أنسى عذاب العمر ما أنسى حنيني ..
تبلى ليالي العمر و جروحك جداد
.
.
بدر بن عبدالمحسن