أفـــســـح طـــريـــق الـــمـــوادع لا تـعـنـيّــنــي

خــــلاص خــيّــل جــفـــاك ولاحـــــت الـفــرقــا

يـــــوّن قـلــبــي عـلــيــك ولا بــكـــت عــيــنــي

تــعــلّـــق الــــدمــــع لا يــــنــــزل ولا يــــرقــــا

واســيـــت نـفــســي بـنـفــســي لا تـواسـيــنــي

وهــزيــت غــصــن الــغــرام ونــاحــت الــورقــا

تعال ووقع بجرحك أنا قلبي كتاب جروح

ما يهمك ترى غيرك جرحني ما افتكر فيني

زوايا القلب تتألم وشرخ في الحنايا ينوح

وعبره تخنق إحساسه ودمع راجف بـعيني

زمن فيه الوفا ولى وسيف الغدر به مسموح

يسله من هوى ذاته ويهوى بس يشـقيـني

زمن فيه الأنا تقتل مشاعر بين روح وروح

وعلى كثر الألم منها صار الفرح مجـفيني

شوف الواقع المؤلم يعشق شوفة المجروح

رسخ في داخلي كلي ووده حيل ينهيني

تقول الناس عينك وش بلاهــا

على خدك تنثر كل ماهـــا

صحيح الناس مايدرون عنــــي

ولاحسوا دموعي وش وراهـــا

ولايدرون ليه أسهر لحالـــــي

ولايدرون حالي وش براهـــــا

ولا عاشوا دقيقه في عذابــــي

لأن النار تحرق من وطاهـــا

أنا ياناس مجرووووح فــؤادي

جروح خافيه محد(ن)يراهـــا

شهور وسنين متحمل عذابـــي

موصي النفس لاتبيح خفاهــــا

ولكن للأسف خلصت صـــــبري

وكفتني المحبه من عناهــــا

ولاأقدر على جور الليالـــــــي

بكت عيني وجاها ماكفاهـــا

أترجم همي بكلمات شعــــري

أبي الكلمات يبكي من قراهـــا

يقدر عبرتي من عاش مثلـــي

ويبري علتي رافع سماهـــــا