يا عيني هلي صافي الدمع هليه ... والى انتهى هاتي سريبه
ويا عين شوفي زرع خلك وراعيه ... شوفي معاويده وشوفي قليبه
لو مرني بالدرب ما قادراحاكيه ... مصيبة ياوي والله مصيبه
اللي يبينا عيت النفس تبيه ... واللي نبي عجز البخت لا يجيبه

الحب الأعمى .....
ـــــــــــــــــــــــــ
تخطي وأعذرك وأتحمل خطاياك
هويـت غلطاتك كـثر مـا هويـتك
ضحيـت بـالدنيا عـلشــان دنياك
خليـت كل اللي يبونـــي وجيتـك

فرقــاك عـادي و أقـل من عـادي ... أنـا من الله كذا لا عـفت أحد عـفته
ما نيب من يتبع المقفين وينادي ... يا عنك لا اقفيت ما عينـي بملتفته

إن ضاق وقتك و الزمن يفني الحيل ... حقك علي لو جيت أشكي من الأمس
عـذرك معـك لا تحزنك ضيـقة الليل ...الليل تجلي ضيقته طـلة الشمـس

رفيقي اللي ما يوقف بصفي ... لا ينكتب بيني وبينه علاقة
فرقاه ربح وجيته ما تشفي ... الا الذي ماله على الشي طاقة

بغى يقرا الخفايا في عيوني مير ما لديت ... تذكرت إني أرخيت العنان وواجبي شده
وقفت بعيد عنه هنا لا قفى و لا قفيت ... من الحيرة و نظرات الشماته جاه ما سده