زمانٍ فات كنّـا بـه صغـارا = نعيـش الـود دايـم ونتبـارا
على عهد الوفى عهد المحبـه = زمـانٍ راح واصبحنـا كبـارا
تباعدنا مـن سلـوم القبايـل = حبايب ونحرمنـا بـزيـارا
ترى مجنون ليلى مـا ألومـه = بما صابه ومن مثله يجـارا
قريت اللي كتب من حب ليلـى = ببيـتٍ زبدتـه جنـي الثمـارا
وابيك تركـز ببيتـه وتـدري = بشيٍ وسط قلبـي لـك يـدارا
" أمر على الديـار ديـار ليلـى = أقبـل ذا الجـدار وذا الجـدارا
وما حب الديار شغفـن قلبـي = ولكن حب من سكـن الديـارا "
وانا مثله ولكن ويش اسـوي = محبه صافيـه مامـن غبـارا
يقولون العرب فأهـل المحبـه = تراهـم دايـمٍ كنهـم سكـارا
بليت بحب من تسلب عيونـه = كما الرماي ما يخطي العيـارا
بليت بحب من هـو مادرابـي = وانا في الحب رايح في انحدارا
أعذره لأن مافي يديـه حيلـه = على نفسه ما هو يملك قـرارا
أشوف عيون من شافوه وانشد = عن اللي قال واصبح به وصارا
وانا في حيرتي والشوق كاوي = ماغير يصيبني فالجوف نـارا
أقبل ايد من صافحـت بإيـدك = أعيش بشوق ياسيـد العـذارا
مادام الحـل معـدوم وتلاشـا = باعيش بعصر كنّا به صغاااااارا
للحين أحبها ولا ني قادر انساها
صورتها دايم في بالي ماتفارقني
كل شي حولي يذكرني بذكراها
خلتني في كل شي ذكره تذكرني
كانت لقلبي اهيا الدنيا ومعناها
أحيانِ تطري علي وأقول مقساها
وأحيانِ ماتطري وألقى الشوق جنني
كل يوم أقول اني منها اليوم بنساها
وأكذب على روحي بالنسيان لاكني
للحين أحبها ولا ني قادر انساها
صورتها دايم في بالي ماتفارقني
كل شي حولي يذكرني بذكراها ..
خلتني في كل شي ذكره تذكرني
,
,'
تلقيت إعجاب