فيـروس هجرك عطل القلب تعطيـل .. دمــر ملفــات الفــرح فـي حيــاتـي
عنـوانكم مـاهـوب يـاهــو وهوتميــل .. عنـوانكـم روحــي و قلبــي و ذاتـي
كـم مـرةٍ أرسلـت لـك عبر الإيميــل .. وأدورك فــي كل منـتــدى و شــــاتـي
يالي حبـك سكـن القلب دون تحميـل .. ليـه قلبـك قرص صلب في القسـاتي
موقع وصالك في وجهي مقفل تقفيل .. حتى البروكسي مانفع وش السواتي
بمفضلــة قلبــــي عطيـنــاك تفضيـل .. أنـت المفـضـل عنـدنــا يا غنـــاتــي
ويا زين هجرك عطل القلب تعطيـل .. ومن غير شوفك وش تساوي حياتي
ماعدت أفرق بين اكسس و أكسيـل .. وماعدت أفـرق بيـن بالتـوك وشـاتـي
بأشكي على الكيبورد كثر الغرابيل .. وأكتـب على الوورد المطور وصـاتي
وهذي النهـاية حطها وســط تظليـل .. لا مـت فـغيـابـك هـو سبايـب ممـاتـي

ياشينها لا صرت معجب ( وخجـلان )
خوف المصـارح لا يجيـب المطمّـه

اخاف اصارح بالغلا ( ذاك الإنسـان )
و ينقلـب ( جـو المصـارح مذمّـه)

ويا شينها لا صرت مغرم ( وزعلان )
محد ٍ يراضـي قلبـك ( ومحـد يمّـه)

ان رحت محدٍ قال لك: ( وين يافلان ) ؟
روحتك مع جيّتك .. ( ماهـي مهمّـه)

ويا شينها لا صـرت عايـش بحرمـان
مثـل اليتيـم اللـي فقـد شوفـة أمّـه

ماخوذ حقّه وانظلـم شـوف الأعيـان
واللي اظلموه ( عيـال لحمـه ودمّـه )

ويا شيـن صاحبك ان صـار ثعبـان
لا هو تركـك ولا نفـث فيـك سمّـه