ღ♥ღ



!..حبيبتي هل سوف يطول الانتظار

ღ♥ღ

وينك: ترى قلبي تقطع من الشوق
وينك ؟ تعبتْ من السَهَر والكأآبه
ماني مصدق كل مطرود ملحوق
من يوم طال الانتظار وعذابه
اشتاق لك شوق ٍ على الواقع يفوق
شوق الغريب اللي فقد له قرابه
ويحنّ لك قلبي من الشوق ويتوق
يـَعصى لو ترده شروط الرقابه
اسهر مع اطيافك على منتهى الذوق
واعيش حلم ٍ تكتسيه الغرابه
حريتي ضاعت وقـِـيدت بسبوق
كل الدروب امست بعيني تشابه
حب .. وفرح واحزان وجروح وحروق
ودمع ٍ يكدّر صفوتي بانسكابه
عليك احس اني بلا راي مسيوق
اثر الغلاء يكسر جسور الصلابه
يثور بك حزني وينزاح .. ويروق
ويرجح عذابي لين يوفي نصابه
ليل الشقاء عتّم به رعود وبروق
وعواصف ٍ تحجب بياض السحابه
وريح ٍ يخلي قاسي القلب مفتوق
حتى تضيع من السؤال الاجابه
سرقتني .. والحب سارق ومسروق
وآسرتني لو ما براسي طلابه
من جد محتاجك قطع قلبي الشوق
تعال مليت السهر والكأآبه