رابع شهر لعيون خلي بديته = ما عاد لي روحن تفارق هواها


العشق للمكحول كله حويته = والقلب ما يعشق طروبٍ سواها


اقول له بالروح وكلي فديته = والعمر يحسب دائما في فداها

حبيت وادري ان حبي مواويل = انثر شعر والقلب للزين يشتاق

واخاف من حبه اشوف التهاويل = وتبقى حياتي كلها نزف عشاق

اجر له لحن المشاعر تغازيل = اداعب جفونه واسليه لا ضاق

يا حن قلبي مثل حن المحاحيل = من عيلمن ما شيف ماها لمن واق

ارجي مع المزيون شعر وتعاليل = وابادله حبٍ تغلغل بالاعماق

اي والله ارجي شوفته قبل لا احيل = واهز خصر الشوق واقطف اذا راق

اسهر مع النجمات غبش واكاليل= واجيب له همسات عشقي بالاذواق

اجمع قصيدي قبل صبح الجماميل = لا زرفلو بالنوق من قبل الاشراق

تهل عينه للغزل ك الهماليل = ويذوب في شعري ويرمي بالاوراق

يضم لي صوره واضم المخاييل = واسقيه من قلبي عذيبات الارياق

يديك تبدع منْ.... جزيل المعاني = واطرب على شيلات شعرك واغني


يا ليلا دانه يا... لا دانه وداني = يهتز لك قلبي وشعرك فتني


يا مبدع الالحان... منكم اعاني = وابكي على الموال وسهمك طعني


الحب يذبحني.... ربي بلاني = واصبر على بلواي واخفي واوني


واهل دمع الوجد..... شوقه كواني = واصد بالعبرات يومٍ غزني

نسايم عشقي الاول هبوبك يتعب الباقين = ومهما حاولو يخفون نورك عظمهم يبطي

تداعبني بنظراتك وتفلق قلبي لنصفين = ولا اتحمل كثير الصد اجيك بتوبت المخطي

انا قصرت في حقك وليت اتسامحين الحين = تجيك اعذاري الثكلى تسح الحبر من خطي

طالت ... اسفار الغرام وطالت الغيبه = وانا لي مترفه مقدر افارق حظنها ساعة

اعيش بخاطري معها واحس بكل ترحيبه = خفوقن يحتوى حبي وافهم كل اوجاعه

على رصت شفاه البنت والا كثر تحبيبه = والا همسة المغرم يعانق ثوب دراعه

تراني ارسم اللوحه وكل العشق اهذري به = وجانب من خيالي طاح قبل لا تطيح شماعه

تلا قينا بلا ميعاد وابي احيا بتغريبه = على جال الغرام ابحرت وفل المركب اشراعه

مسكت كفوفها بالهون وقلبي في تلابيبه = ابي اعبر جنوح الفكر وانام وسادتي ذراعه

ذبحني عشير بالدلع والدلالا = وخلاني اتبع مشيته با ختياري

في مبسم المكحول برقن تلالا = يشع ضوه قدوتن للسهاري

من عينها تطرح عديد السوالا = واخذ صفر مكعوب بكل اختباري

والله حبيب الروح ما هو خيالا = ولا داجت رجولة بوسط الحواري

خلي ضحوك السن حسن وجمالا = في ملعبه امن خلف الذواري

محفول مكفولٍ ويسقى زلا لا = يفتح له السواق باب الفراري

يخدم بمنديل الرفاهه جلالا = تخضع لسطواااته عديد الجواري

لا فاح ريح العطر جني جزالا = ابيات وصفه مثل صف السواري

اختار منها مثل نقو الحلالا = منقيتن شهلا بسن البكاري

ومن خلفها طابور هتلر حبالا = تسرح مع الرعيان بوسط الخباري

يا لا لا لا له يا لا لا له و لا لا = تمشي على الموال وقت العصاري

تنساق للمزيون بارض الشمالا = تبرك بوسط البيت والكل داري

اقول له اجيك ويقول لا لا = ودي اجيه بنور قمراه ساري

البارحه يا بنت عقب القمر غاب = شكيت للنجمات اخر همومي

البارحه صيّحت من عدت اسباب = وما رد لي صوتي غير الحزومي

البارحه والصدر يشقى بلهاب = القلب يرزح تحت رمي السهومي

البارحه دمعي على الخد ينساب = الهم يلعب في خوافي عزومي

اصيح له وارجيه لا يقفل الباب = ليته معي خلي عطوفٍ رحومي

الجرح جرحه نازفً ما بعد طاب = والدم غرق مشلحي والهدومي

ادري وليفي كامل الزين جذاب = ومعاملت عشقه عليها ختومي

لكن تراني ناضح الجرح منصاب = اسير حربٍ اثخنته الكلومي

في كتفي الايمن تشاريه وعتاب = ونظرات عيني يكتسيها وجومي

والرجل ثقلت كنها خطو شياب = مرٍ اثبتها ومرات تومي

كني طريح افراش من لدغت الداب = مدري اغيب بموت والا بنومي

اشوف طيفه صدق ما نيب كذاب = يزورني ساعات صفو الحلومي

واحط خدي فوق صدره اذا ذاب = اداعبه بالعشق في كل يومي

اواجه كل اهات الليالي وانتظـر بكـره = لعل الغد في حضنه يداوي بعض وناتـي


على فرقا محبين الهوى زادت بي الحسره = واحس بخافقي يضعف واقرب من نهاياتي

الا يا اهل الهوى تكفون خلوني على السكره = اعيش بسكرته واهيم في اجمل ملذاتي


ولا يجمع شتات العمر الا شفي للنظره= اراقبها على جال الطريق وانتظر تاتي

يطري علي اني اغادر حياتي = واخفي معالم خطوتي من طريقي

واخفي جسد مجروح يحوي رفاتي = وانزع نفس مكذوب ما هو حقيقي


واقول

ناظر حبيبي وش كثر اهتني فيك = اجلس معك ساعات تحسب ثواني

واكشف لك اسراري واخذ خوافيك = وادوخ في عشقك و عطرك غواني

ارمي هموم القلب واصيح ابيك = احضن شتاتك ياحسين المعاني

اكتب لي ابياتك وترجم معانيك = وافتح لنا ديون عذب الاغاني

يا ما حلات الليل ان جتْ طواريك = وطيفك بوسط الحلم ياما احتواني

يا ما سهرت الليل في وسط واديك = ارقب يسيل واهتني في زماني

اقول ارفع لي حبيبي اياديك =واهتز بالنشوة وحرك كياني

العشق يرضخ والقصايد تناديك = والقب من لهفة غرامك كواني

مثل الجمر قلبي وانا في تحريك = واصبح نزيفه غامقن ارجواني

يا دمع يجرح في عيون اليتاما= ويترك عل صدر الثكالا وسومه

يا دمع يجرف خاطري في الظلاما = وناثر دموعة في الخفا من يلومه

ويا دمعة الرجال خلف اللثاما = تخفي بريق الدمع مسحة كمومه

قبل الوداع المر مني سلاما = وقبل الرحيل الفج شالو هدومه

الموت هيض بالحشا ثم جاشا = نهارنا لّّيل و غارت نجومة

المتلعات الجيد يردنا عطاشا = والعاجزت السن يهنن بيومه

يرمي على النيشان ويرمي طياشا = وما يدري ان الناس تشرب سمومه