لا تحسب أني يوم تبعد أبارجيك

أن جيتني حياك وأن رحت عادي

ماتفرق أصلا لو يجيبون طاريك

ولا أسمعك لو صرت جنبي تنادي

خلاص ما احبك ولا عدت مغليك

مسكين لو فكرت تسكن فوادي

مجنون لو علقت أنا نفسي فيك

ماأبي محبة من يدور بعَادي

يا ما زعلت وكنت دايم أراضيك

أجيك وأكسر عزتي مع عنادي

أبعد بتلقى حب ثاني يسليك

هذا جزء من كان بالصد بادي

مرتاح ولا يتصنع قلبك الراحه
شايل في خاطرك ولا البال متهني
مجروح ولا شفى قلبك من جراحه
زعلان للحين والا راضيٍ عني
شخبار قلبك عسى ما فارق افراحه
ادري جرحتك وشلت بخاطرك مني
خسران بعدك وقلبي ضاعت ارباحه
غلطان ادري وابي منك تسامحني
تدري عيوني بغيابك ما هي مرتاحه
تبكي على فراق طيفك وانت ذابحني
ياللي ذبحني غلا شكرا على رماحه
اللي طعني بها وما يوم ريحني
جيتك من الشوق والاشواق ذباحه
اسال عيونك عسى للحين تذكرني
راضي بجرحك وانا ما اتصنع الراحه
تكفى عشاني ابي ترجع وتسمعني

استمتع بالأشياء البسيطة !


استمتع بكل شي تشوفه .. بأكله حلوة تحبها .. بصوت عصفور عجبك .. باجتماع عائلي حميم ..
بمنظر الغيوم .. أي شي ..!
عيش اللحظة الحلوة واستمتع بها ..
ليش تكدر صفو اللحظة الحلوة اللي انت عايشها
. بتذكر الهم اللي صار لك قبل يومين !! والله انك
مو وجه نعمة !

صحتك ..!

إن كانت ممتازة ..
أحمد ربك .. و حافظ عليها ..
وإن كانت غير مستقرة . حسنها .. واهتم بها اكثر ..
وإن لم يكن بوسعك تحسينها .. اطلب المساعدة

خلي دايماً الأشياء اللي تحبها حواليك ..و تحيط بك ...


سواء كانت عائلة .. حيوان أليف تحبه ..
نبته ترعاها بنفسك . هواية .. وات افر ' أي شي '!
بيتك .. هو ملاذك الوحيد .. فأجعله مأوى للاستمتاع .

::

إذا أردت أن تعيش سعيداً فلا تحلل كل شي فإن الذين حللو الألماس
وجدوه فحما ً