قصة ( احــــــلام لاتكتــــــمل ).. قصه سعوديه..

[الخجوله 11]

السلام عليكم ...

هدي اول قصه لي واتمنى انكم تشجعوني فيها ...

قصة ( احــــــلام لاتكتــــــمل ).. قصه سعوديه..

في ليلة ظلماء قد هطل فيها المطر وخيوطه تنسدل على النافده
وانا مختبئه في غرفتي خائفة من هذا البرد القارس وجالسه بين دفتري الذي اسطره لكم على امل ان يعجبكم ...
فمن شعور البرد والوحده والحزن والالم والحسره استوحيت اسم دفتري هذا بعنوان ..
( احلام لاتكتمل ) ..


بالبدايه نتعرف على افراد العائله ...

بيت ابو فارس

ابو فارس : اسمه محمد رجل يشتغل في شركه واحواله الماديه عال العال
وزوجته ندى : ام لثلاث بنات وولد
فارس : الولد الكبير وعمره 24 سنه.... شكله وسيييييييييم وانسان مزاجي
سعاد : البنت الكبيره عمرها 21 سنه مخطوبه لولد خالتها ثامر
الريم : بنت عمرها 17 سنه ناعمه كثييير جميله بشرتها حنطيه وجسمها جميييل
ودلوعه شوي الي يشوفها يقول انها مغرووره لكنها غييييير بالعكس اخلاقها تماااام
وهوايتها الكووره وحياتها كوره في كوره...
نادين : بنت تحب المزح عمرها 15 سنه اجتماعيه تحب تتعرف على البنات ومن ناحية شكلها مزيونه
بشرتها جميله وخدودها حمر وجسمها مليان وعيونها عسليه وحساااسه وغيوره
__________________________________________________ ___________________

بيت ام ثامر ...

ام ثامر : سعاد اخت ندى ( ام فارس )... عندها ثلاث اولاد وبنتين
ثامر : ..خاطب بنت خالته الحان وعمره 25 سنه وصديق فارس الروح بالروح
زياد : عمره 22 سنه وسيييييم واحلى مافيه جسمه حلوووو اذا شافوه البنات انجنو عليه بس هو مايحب هالحركات واما من ناحيه اطباعه مغروور وعصبي وشخصيته غاااامضه ...
مشعل : مزيون عمره 20 سنه
شوق : عمرها 17سنه جميله وجسمها جميييل واخلاقها حلوووووه وهي صديقة الريم الروح بالروح
ميسا : عمرها 14 سنه

__________________________________________________ ___________

بيت ام بندر ...

ام بندر : مها اخت سعاد وندى وهي ام لولدين
بندر : الولد الكبيير عمره22 سنه شكله عادي واخلاقه تمام وجسمه رشيق واقرب الناس اله زياد
محمد : شكله جميل وعمره 19 سنه والبنات يعتبرونه اخوهم تمااام معهم..
ديما : عمرها 14 سنه ودائما مع نادين وميسا
__________________________________________________ ______
الجزء الاول

في العطله الصيفيه .... الساعه 2 الظهر
الريم جالسه في غرفتها وزهقانه

الريم : يالله والله استمليت من القعده في البيت خليني اتصل بشوق
واخذت الجوال يرن ... يرن .. يالله لين رفعته
الريم : وينك نايمه ؟؟
شوق : بسم الله السلام اول شيء
الريم : اوووووه ... هلاااااااااا
شوق : اهليييييييين لامنيب نايمه جوالي فوق وانا تحت
الريم : والله اجل ليه ماخدته ؟
شوق : كذا ابكشخ به
الريم : ههههههههه مهيب حلوه منك
شوق : انتي داقه تهزئيني
الريم : لاوالله من الملل
شوق : أي والله معك حق بس ايش نسوي
الريم : ايش رايك نروح اليوم العصرالكورنيش
شوق : والله فكره بس كلهم اول شي بيقولون موافقين وبعدين يتهربون
الريم : لاهالمره غير شوفي نقنع الشباب اول انا علي فارس وانتي عليك زياد ومشعل ونخليهم يقنعون بندر وانا بعد بتصل الحين الى محمد وبقنعه
شوق : فكرررره خلاص صار بعد الغدا بكلمهم
الريم : لا الحين
شوق : اوكي
الريم : يالله وافيني بالاخبار بااااااااااااااااااي
شوق : اوكي بااايات
.................................................. ............
في مكان اخر وتحديدا في بيت اسيل صديقة الريم

محمد ( ابو اسيل ) : يالله جهزو اغراضكم السفر بكره على الامارات
اسيل : وااااااااااااااااااااااااو مابغينا نسافر فديتك يابوي
وباست ابوها على راااسه
اميره ( ام اسيل ) : وانا ...
اسيل : انتي الي مانقدر على فرقاك ياااقمر
وباستها على راسها
اميره ( ام اسيل ) : الله يوفقك ويزوجك ويمتنك
اسيل خجلت وداخليا تقول (ياااااااااااارب )
اسيل : يالله انا بروح ارسل الى صاحباتي مسج بقولهم اني بسافر
وراحت كتبت ((( ياهلا وغلا بصديقاتي العزيزات فديتكم والله عندي لكم خبر يقول اني بسافر الى الامارات بكره ويمكن نجلس فتره طويييييله هناك وبشتاق لكم ... تحياتي المرسل : اسيل القمره ) ورسلت لهم كلهم
( الريم عندها اربع صديقات وهم ( اسيل .. رهف .. سالي ... ريناد ) ويسمونهم بال ( الخماسي المرح )
.................................................. ................
الريم كلمت اخوانها ووافقو والبيت كله موافق وجلست تنتظر رد شوق
ووصل لها المسج ( الصدق ينقال نادي الهلال ... ازرق هلالي .. هلالي سعودي ... ( نغمتة الرسائل )

الريم : واااااااااااااااااااااااو فديتها الخاينه بتروح عنا ورسلت لها ((( والله يااسيل راح تكون الك وحشه كبييره عندنا منيب متعوده على فرقاك .... فدييييييييييتك يااحلى اسيل في الكوووون )
ويرن الجوال ( زعيم نصف الارض ... ( النغمه )
الريم : ها بشري
شوق : مارضو
الريم : كذااااااااابه
شوق : صدقيني
الريم بكئابه : لييييييييه
شوق : ماادري بس قالو
الريم : ايش قالو ؟؟
شوق : قالو عااااااااااااااااااادي والبيت كله راااااااضي
الريم : وااااااااااااااو فديتني
شوق : يالله بروح اجهز
الريم : حتى انا
شوق : بااااي
الريم : بااايات

.................................................. ..........
وفي بيت ريناد

ريناد كانت جالسه تفكر وقطع حبل افكارها صوت مسج اسيل
ريناد ( ان شاءالله تفرحين بالسفره واذا شفتي فزااااااااااااع صوريييييييييييينه )
وقامت من السرير راحت الى لاب توبها تكتب قصتها الجديده
وتدخل اختها سلمى ..
سلمى : اكيييييييييد تكتبين القصه
ريناد : ليه عندك مانع
سلمى : لا بس يالله امي تقول لك قومي تغدي
ريناد : اوكي شوي بس
سلمى : ان ما اجيتي الحين بناكل عنك
ريناد : لا شوفي اغلقته يالله
سلمى وهي ماااشيه : بنات مايجون الا بالعين الحمرا
ريناد : ماااااااااااااااالت عليك
.................................................. ..............
وفي بيت رهف .. الساعه 3 العصر

رهف : هلا والله
سالي : ياهلا ومرحبا
رهف : كيفك؟؟
سالي : تمام الحمدلله انتي ايش مسويه ؟؟
رهف : بخير ... انا واختي اسوار بنروح السوق بتروحين معنا
سالي : اوكي .. الساعه كم بتروحون
رهف : على الساعه اربع ونص
سالي : خلاص اذا وصلتو البيت دقو
رهف : اوكي ... يالله باااااااااااااي
سالي : بااااااااااااااااااااايات
.................................................. .................
اما العائله الكبيره فالكل كان مجتمع عند بيت ابو فارس .. الساعه 4 العصر

كانو كلهم في اربع سيارات ( ابو فارس وام فارس والبنات في سياره .. وابو ثامر وام ثامر ومشعل والبنات في سياره .... وابو بندروام بندر ومحمد وديما في سياره ... وفارس وثامر وزياد وبندر في سياره )

وفي السيارات صار سباق والبنات مهييييصين ويصارخون لين وصلو بسلام
واول ماوصلو الشباب راحو يتمشون والبنات راحو البحر والباقي جلسو وثامر والحان يتمشون بروحهم ....

عند الشباب ..
فارس : تدرون شباب والله نفسي افحط
زياد : ايوه وقدام ابوتنا كان يجلدونا قدام امة لااله الا الله
محمد : بس والله فكره يبغى لنا نطلع يوم لحالنا ونفحط
فارس : والله فكره
محمد : اقول بندر راويهم التفحيط الي ارسله لك محمد
زياد : ايش ارسل ؟
بندر : ارسل تفحيط والله كلمة عجيب قليله
فارس : يالله راوينا
.............
وعند البنات
نادين : شوفو الشباب كيف جاييين مره بيقربون عندنا
شوق : هذا كل من صراخكم فضحتونااااااااا بين العربااااااان
نادين : واحنا ايش عرفنا ان في احد جنبنا
ميسا وهي خايفه : يلا مشينا
الريم : مالت علييييييييييك
نادين : من ولادتك وانتي خوافه ان اجو بتشوفون ايش راح اسوي الهم
شوق : كيف يعني ... بتضربينهم وبتفشلينا
ديما : ههههههههه مااتخيل بس مااستبعد شي عن نادين
وقربو الشباب اليهم وهم طبعا فاتشين
واحد منهم ( ويغمز ): اقول ياحلوين ممكن تعطونا وجه
ميسا بهدوء : ياالله بموووووت يالله مشيييييييينا
الثاني وسمع ميسا : ليه نخوف ؟؟
نادين بعصبييييه : مالت على وجهك من زينك مغتر بنفسك بزيااااااااااده مااقول الا روح شوف نفسك بالمرايه بتخاف
الثالث : متاكدين الي معاكم بنت ؟؟
نادين انقهرت بس كانت بتتكلم الا الاول تكلم ..
الاول ويوجه كلامه الى الريم : انا اول مره اشوف قمرطالع بعزالنهار
( طبعا الي اانتو مستغربين منه هو كيف البنات ساكتين وماقامو... القصه وما فيها ان ديما راحت بدون مااحد يحس ... الى الشباب تناديهم)
ويجي زياد بسرعه ويمسك الاول ويضربه على ايده : والله انك ماتستحي
وفارس ومحمد معصبين وراحو الى الثالث : قسم انكم منتو بمربيين
الثاني ومعصب : وانتو وش دخلكم
ويجي بندر ومسكه من قميصه : والله وش دخلنا هذولا خواتنا
الاول خاف : اوكيه نتفاهم
زياد وخلاص زااااادت العصبيه : والله ان مارحتو الحين لادفنكم هنا
الثاني : اوكي بس انتو اتركونا
الثالث : يالله مشينا
فارس وهو معصب : وانتو ليش قاعدين هنا لحالكم روحو قعدو مع اهلكم
الريم : والله نبغى نشوف البحر
شوق : أي والله احنا طالعين من البيت عشان نستانس
زياد بعصبيه : يالللللللله قومو خلصونا
البنات : اووووووووووف زين
وقامو قعدو قريب من العايله ..
.................................................. ..........
في بيت سالي .. الساعه 4 ونص

سمعت صوت سياره فعرفت ان هذي رهف جايه .. وطلعت

سالي : هاااااااااي
رهف : هايات
اسوار : ياهلا والله
سالي : تأخرت ؟
رهف : لاماشاء الله اول مره تطلعين على طول
سالي : الحين انا دايم اتأخر؟
رهف : لااسم الله عليك انا الي دايم اتأخر
سالي : اها قولي كذا من اول ههههههههه
رهف : ههههههههههههههه
سالي : اقول انتو ليه بتروحون السوق
رهف : كذا بس نرفه عن نفسنا ومنها اسوار تبغى كم غرض
سالي وتوجه كلامها الى اسوار: اهااااااا ايش الحاجات الي تبغينها
اسوار : حفلة خطوبة صديقتي بعد اسبوع الاكسسوارات مااخذتهم
سالي : واكيد ماخذتني عشان اختار لك لان ذوقي حلووووووو
اسوار: اكيييييييييييييييييييييد
سالي : فديييييييييييييتك ياااقمر

[الخجوله 11]

..............................................
وعند البنات في الكورنيش ..

الريم : تدرون نفسي اشوف تفحيط
شوق : لا ايش تفحيط اصلا بياخه وازعاج
الريم : مالت عليك والله ان التفحيط رهييييييييييب
ديما : والله ذاك اليوم شفت تفحيط عجييييييييييييييب
الريم ومتحمسه : وييييييييييييين ابغي اشووووفه
ديما : في جوال اخوي بندر
الريم ومنقهره : اوووو خلاص ماابغي اشوفه
ميسا : ليييييييييه ؟
الريم : انا بندروه لااطيقه ولايطيقني
ديما : ههههههه انا ابغي اعرف ايش السبب
الريم : كذا بس من شفته وشافني وانا مااااطيقه
شوق : ليه يعني ماتحسنين العلاقه
الريم : ليه احسنها ؟
ميسا: وعاجبتك الحاله كذا
الريم : اكيييد لا ... يعني ولد خالتي ودايم العائله مع بعض ومااطيقه .... بس خلاص مافي امل تتحسن العلاقه
شوق : طيب وزياد
الريم : زياد هذا موضوع بروحه
ديما : كيف يعني؟
الريم : والله مدري وش قضيته في الحياه
نادين :ايش شعورك اتجاهه ؟؟
الريم : مدري من اشوف وجهه احس انه يكرهني فانقهر واتنرفز
ديما: مابقى احد تحبيه
الريم : لا بس الباقي أيزي
..................................................
في المجمع .... الساعه 6 الا ربع

رهف : والله تعبنا وحنا نمشي من مكان الى مكان ولا خلصتي
اسوار : ما اعجبني شي
سالي : انتي الي مايعجبك العجب ولا صيام في رجب
اسوار : ايش اسوي انتو شفتو شي زين
رهف : الاماكن كلها حلوه بس انتي الي ماتشوفين الاشياء الزينه
اسوار : اوووووووف لاتقعدون تزعجوني
رهف : وغير كذا اخوي بشار يبغي يروح الى اصدقائه
اسوار : منكم من تدخلون مكان تطلعون في كل شي فيه

سالي : ههههههههه من الملل والله
اسوار : والله .... خلاص انتو اجلسو هنا على الكراسي وانا بشتري وارجع لكم اوكي
رهف وسالي : اوكي
...........................................
في بيت اسيل ..

اسيل : ماما اغراضي ماتكفي الشنطه
اميره ( ام اسيل ) : ليه ؟؟؟ شايله كل ثيابك معاك ؟؟؟
اسيل : لا بس مدري ليه
اميره ( ام اسيل ) : كم بدله اخذتي معاك ؟
اسيل : مدري مايقارب 12 بدله
اميره ( ام اسيل ) : اقول خليني الحين ارتب اغراضنا والليل انا بروح وبرتب اغراضك
اسيل : اوكي
اميره ( ام اسيل ) : زين يالله روحي صلي وبدلي ثيابك بنروح بيت جدك
اسيل : الحين بنروح ؟؟
اميره ( ام اسيل ) : لا بنصلي وبنروح
اسيل : اوكي
.........................................
في المجمع ....

رهف وسالي قاعدين ينتظرون اسوار
رهف : اقول مهوب كأنهم هذي رابع مره يمرون علينا
سالي : أي والله لا ونظراتهم سخيييييييييفه
رهف : والله خايفه بنات لحالنا
سالي : يعني ايش بسوون المجمع كله ناس
رهف : تخيلي يخطفونا
سالي وتمثل الخوف : يالله ويقتلونا ويقطعونا
رهف وهي مييييته خوووف : ايه ويحطونا في كيس اسود
سالي وتكمل معاها : ايه ويرمونا الى الكلاب
رهف خلاص ومهيب متحمله : قومي بس قومي بأتصل ببشار يجي لنا
سالي : مااااااااااااااالت عليك يالخوافه والله ماأثرت عليك الا القصص الي تقرينها ( وتقلد عليها )
ويحطونا في كيس ويرمونا الى الكلاب ..... شكلي بخليهم يمنعوك من القصص الي تقرينها
رهف : هههههههههههه
وجات اسوار : ماطولت صح
سالي : لابس نص ساعه واحنا ماصلينا
اسوار : انا ؟؟؟؟؟ كلها عشر دقايق
رهف : اقول مشينا بس ورانا صلاه
اسوار : يالله
.................................................. ...................
في بيت ابو فارس وتحديدا في غرفة الريم ....... الساعه 7

الريم جالسه على السرير ونادين على الارض قاعده على لابتوبها
الريم : اقول ندونه
نادين : هممممممممممممم
الريم : ايش رايك نقول الى ماما ان بكره بيت خالتي يجون يتغدون عندنا
نادين : فكره
الريم : الليله نقول اليها
نادين : ايش قلتي ؟
الريم : قلت عمى بعينك
نادين : لا صحيح
الريم : قلت الليله نقول الى ماما
نادين : عن ايش؟
الريم : عن السياره الى بتصدم بليسك
نادين : هذا بليسي لاتسبينه
الريم :هههههه مهبوله
نادين : امزح معاك .. اوكي نقول لها
الريم وقامت من السرير قعدت جنب نادين : اقول دخلي منتدانا
نادين : ليه؟
الريم : بس كذا يالله عطيني اياه
نادين : لا تاخدينه انا ادري بتشوفين من متواجد
الريم : وانتي الصادقه
اخدت الريم اللاب توب
الريم : واااااااااااو كلهم موجودين
نادين : منو ؟
الريم : ماتشوفين قدامك كلهم متواجدين الاعضاء
نادين : أيوه ايش يعني ؟
الريم : يعني المنتدى مهييييييييييص ... يالله قووومي
نادين : لا
الريم : اجل قومي اطلعي
نادين وهي قايمه : مالت عليك ... قايمه ولا مدلتك
الريم : واااااااااااو طردووووووها
نادين : عقليه متخلفه ...... وسكرت الباب
..................................................
في بيت ريناد .... الساعه 9 وربع

ريناد تتصل بالريم
ريناد : هلا والله
الريم : ياهلا ومرحبا بالزينه
ريناد : كيفك ؟
الريم : تمام الحمد وانتي اخبارك ؟
ريناد : بخير ..... ايش مسويه مع الاجازه ؟
الريم : والله تمام ... اليوم طلعنا ورحنا الكورنيش
ريناد : زين طلعتو
الريم : أي والله .... اخبار قصتك الجديده ؟
ريناد : ههههه والله وصلت الى الجزء الخامس
الريم : ايش الاحداث ؟
ريناد : لاماابغى اسبق الاحداث
الريم : طيب ايش اسمي
ريناد : لميس
الريم : واااااااو حلوو الاسم
ريناد : انتي احلى ... ايش مسويه مع مبارياتك
الريم : والله هم الي يملون علي وقت الفراغ
ريناد : ايش صار وايش ماصار؟
الريم : لحد الحين الزعيم فوق فوق
وكملو سوالفهم ....
..............................................
في بيت ابو فارس وتحديدا في الصاله ....... الساعه 12 ونص الليل

الريم : ماما ليه ماتكلمين بيت خالتي وتقولين لهم يجون عندنا اليوم يتغدون معنا
ام فارس : والله فكره عطيني التلفون اكلمهم
الريم : فديتك يااحلى ام في الدنيا الله يخليك لي ولا يحرمني منك يااااااارب
ام فارس : ولا منكم
.................................................. .....
وفي اليوم الثاني .... في بيت ابو فارس ..... الساعه 1 وربع الظهر

بيت ابو فارس كانو ينتظرون العائله كلها تجي

والبنات تجهزو
الريم لباسها تنوره سوده وقصيره لنص الركبه وفيها شك شوي والبلوزه بيضا فيها رسومات لونها اسود وسيرين يلتفون حول الرقبه وبوت لونه ابيض ولافه شعرها وطالع حلووو وحاطه ميك اب خفيف

ونادين لابسه بنطلون جينز وبلوزه زرقا وعليها قميص صغير فوق لبلوزه لونه ازرق جنز طالعه جنااان وشعرها لافته وحاطه ميك اب ناعم

.................................................. ................

وصلو عائلة ابو بندر ....

اول من استقبلهم الريم

الريم : اهلين خالتو كيفك ؟؟
ام بندر : هلا هلا بالريامي كيفك انتي انشالله تمام
الريم : تمام الحمدلله
ديما : هلا ريوووووومه كيفك ؟
الريم : هلا حبيبتي تمام
وشوي تنزل لهم نادين وفرحت بشوفتهم وسلمت على خالتها وراحت الى ديما و ام بندرراحت تساعد اختها ام فارس في المطبخ

وشوي حضرو عايلة ابوثامر وسلمت وراحت تساعد اخواتها .. وراحو البنات مع بعض ...
......
في المجلس عند الشباب

فارس وثامر جالسين يسولفون في زاوية الغرفه ومحمد جالس على جنب
وبندر ومشعل يلعبون كوره( في السوني ) ..

ويدخلون ابو ثامر وزياد ... لان مشعل وثامر حضرو من قبل مع بعض
زياد وابو ثامر : السلام عليكم
الكل : وعليكم السلام
ابو ثامر : كيف الحال ؟
ابو فارس وابو بندر : بخير تمام .. تفضل
ابو ثامر جلس مع ابو فارس وابو بندر اما زياد راح وجلس بجنب بندر

بندر : يلا زياد تتحدى اغلبك ؟
زياد : عادي ليه لا اتحدى ونص
بندر : يالله بدينا ...
ولعبو زياد وبندر ..... بندراختار اسبانيا و زياد ايطاليا
( بندر يموووووووت في الكوره ... اما زياد فهو يلعب بس مايحب الكوره لدرجه الجنوووون مثل بندر )

ويلعبون وهم يصارخون وحتى الصوت وصل للبنات

.....

عند البنات

الريم وشوق مع بعض في غرفه ونادين وديما وميسا في غرفه
اما في الغرفه يلي فيها الريم
الريم : واااااااو يصارخون اكيد يلعبون كوره ليه ماياخدوني معاهم ؟؟؟
شوق : ايش رايك تروحين الحين وتدخلين المجلس وتقعدين معهم
الريم : ياليت والله
شوق : علشان تروحين في داهيه من فارس .. بس صوت من يلي يصارخ ؟؟؟؟
الريم : ههههههه كان يقصبننننني .... بس والله فيني فضوووووول مهوب طبييييعي ... قومي قومي
شوق : وين ؟؟
الريم وهيه ساحبتها : الفضووووول بيذبحني وانا جالسه

وراحو عند الغرفه الثانيه الي فيها نادين وديما وميسا

الريم : بنات تعرفون تميزون صوت من الي يصارخ ؟؟؟
نادين ( ورافعه حاجب ) : ليه تسالين ؟؟؟
شوق : فضووووووووووول
الريم : يلا بنات مشينا عند المجلس

وراحو البنات عند المجلس
ديما وميسا يراقبون الي جاي والريم حاطه اذنها عند الباب وشوق ونادين الي خايفين ومرتبكين موووووووت
وشوي ينفتح الباب ...

.....

تتوقعون من الي طلع من الغرفه ؟
وايش راح يصير في البنات ؟؟
انتظرو البارت القادم من قصة ( احلام لاتكتمــــــــــــــــــــــــــــــــل ) .....

اتمنى يكون اعجبكم اول جزء وانشاءالله اشوف التفاعل ...

[المعززة]

مرحبا بك خجولة11 في عالم القصص

البداية حلوة يا ليت تنزلي الباقي

تقبلي مروري

[الخجوله 11]

اياهلا والله اختي المعززه ..

نورتي يالغلا ..
ان شاءالله قريب انزل الجزء ..
دمتي بود ..

الخجوله11