زوايـا الأمـكـنــه

[محمد السريّع]

البسمه اللي ترتسم و تغلّف الجرح الدفين=بسمه يتيمه ما ورها الا الجروح المزمنه
ما بقّت سيوف الهجر و البعد و رماح السنين=الا بقايا ذكرياته في زوايا الامكنه
يا وجد حالي وجد من جرّب فراق الوالدين=بسابع سنينه خنجر الايام بالصدر طعنه
دايم و صورة والده لاضاق في عينه تبين=يوم الجماعه للمقابر ينقلونه بكفنه
ويسرح بذكرى والده لو الجميع معيدين=يوم ان ابوه ليا دخل هلّا و رحّب و حضنه
و لامن ذكرها عند جده صد عن جده يمين=يدرأ مشاعر جده الشايب يخاف يفطنه
وجده مثل وجدي على لاماك ياصاف الجبين=ياللي رحلت و من رحيلك صار لي ثالث سنه
و انا اكتم العبره بصدري و احبس انفاس الحنين=اخاف نظرات العتب و اخشى كلام الالسنه
ودّي بوصلك بس درب الوصل عيّا لا يزين=تقفلت طرق المواصل و الضروف استلعنه
وقّف بنا سير الوصل و الحل ما هو باليدين=ليته يفيد الدهن في سير المواصل و ادهنه
بين التقيد بالحيأ و مفارقك و الحض شين=ضاع الأمل و الياس خيّم وسط قلبي و سكنه
و المشكله لارحت اراجع في حياة الاولين=وجدت عيش اهل الهوا حرمان عبر الازمنه
بس المهم ان الوفا يبقى لنا و الله يعين=نصبر على سهر الليالي و الجروح المزمنه

[النــــايــف]

هلا هلا هلا وغلاوالله اخوي
(محمد السريع)وصح لسانك وبيض الله وجهك
ياالقرم على القصيده الجزله

[شـ ـ ـ ـاعر الانــثى]

وجده مثل وجدي على لاماك ياصـاف الجبيـن
ياللي رحلت و من رحيلك صار لي ثالـث سنـه

الله الله الله .. يا محمد .. صح لسانك .. واعتلا شانك ...

حبكة شاعر متمكن .. وطرق شعري مو سهل بعد ..

تقبلي مروري وإلى الامام .. تحياتي ... عدنوونـ

[ملكة الروايات والقصص]

ماشاء الله لاقوة الا بالله
الله حلللللللللللوه مرررررررررره
صح لسااانك

[عاشقة الجنة]

يعطيك العافية اخوي محمد علي الكلمات الرائعه والاحساس الرائع




ننتظر جديدك المميز ,,,,,,,