بحث مخصص
|
| | |
| | |
|
| ||||||
| |||||||
| الملاحظات |
| ||||
 |
| | أدوات الموضوع | انواع عرض الموضوع |
|
#38
02-23-2008, 01:37 PM
| ||||
| ||||
 رد : نصف عذراء في احضان المجهول...!!!((روايه جريئه رومانسيه خياليه)) لاتفووووتكم
يسلموووااااااا على القصه الرهيبه بس نجد لا تخلينا نستناك كثير عشان البارت الجديد................جاري الانتظارررررر
 |
|
#40
02-23-2008, 04:56 PM
| ||||
| ||||
| رد : نصف عذراء في احضان المجهول...!!!((روايه جريئه رومانسيه خياليه)) لاتفووووتكم وداد..... قمت على صوت دق قوي على باب غرفتي قلت بفزع: مين!! جاني صوت أخويا غازي : وداد قومي قومي !! قمت من على سريري مفزوعة فتحت باب الغرفة وشفت شكل غازي ما يطمن مرة... حسيت إن في مصيبة حاصلة وقتله : غازي خير إيش في؟؟ قلي بصوت متوتر: بسرعة ياوداد غيري ثيابك بنروح المستشفى.. اول شي جا ببالي إن هالة تعبانة أوحصل فيها شي طلعت من الغرفة وقتله بخوف: هالة فيها شي؟؟ قلي : لا مو هالة ......وسكت شوية حسيت أنهم دهر.. قتله بشبه صراخ :إش فــــــــــي؟؟؟؟ قلي:بيت عمي سو حادث. شهقت : ايش ؟؟؟مين الي قلك؟؟ قلي: مؤيد...هو الحين دق عليا وقلي إنهم في المستشفى...يلا غيري بسرعة وانا بروح أصحي هالة... دخلت الغرفة وانا مو مستعبة الكلام الي قاله غازي..!! بيت عمي سو حادث؟؟....سترك يارب... يارب إلطف فيهم ...لا يكون حصل لهم شي؟؟... بدلت ثيابي وأنا ادعي ربي أنه يلطف بهم ويكشف عنهم البلا... وصلنا المستشفى ولقينا مؤيد مستنينا عند الرسبشن ..شكله كان مايطمن مرة ..قلبي طاح بين ظلوعي..يا الله لا يكون أحد فيهم جرى له شي!! هو أول ما شافنا جا علينا .. سأله غازي بسرعة: مؤيد إيش في إيش الي حصل!! ... كانت معالم وجهه ما تبشر بالخير ابدا .. قال عشان يطمنا: خير ..خير إن شاء الله... أنا خوفي زاد لان نبرة صوته تقول انه مو خير أبدا قتله بخوف: مؤيد... عمي أو أحد فيكم جراله شي؟؟ سكت وبعدين قال: تعالو كلهم هناك..ومشي ومشينا وراه رحنا لعندهم...ولما وصلنا أول شخص شفناه هو عمي جريت عليه أنا وهالة وارتمينا في حظنه ..ماهمنا كل الناس الي واقفين والي كانو يمشو في الممرات..أهم شي إنه بخير..عمي أغلى عندنا من كونه مجرد عم هذا ابونا إحنا ماعرفنا أبونا ولا شعرنا بحنانه ..لكن عرفنا عمي وحسينا بحنيته وحبه لنا... قتله وانا أبكي:يبا ...إنت بخير؟؟ حط يده على راسي ومسد عليه بحنيه أنا بخير ..الحمد لله.... سمعته يتنفس بسرعة وقلبه يضرب بقوة .. إلتفت على بقية أخواني شفت حالتهم نفس حالة مؤيد قلبي أنقبض لما شفت كلهم واقفين ...ما عدى صبا !! التفت على عمي بسرعة وسألته بصوت يرجف: عمي فينها صبا ؟!هي كانت معاكم؟؟ ماجاني رد من عمي..كل الي شفته دمعة حايرة في عينه... صار قلبي يضرب بعنف ورجعت التفت على أخواني وسألتهم بخوف:إيش فيكم؟؟....صبا فينها!!....صبا إيش حصل لها؟؟ قلي صالح بصوت كله رجفة: صبا.....في العناية المركزة حطيت يدي على فمي من الصدمة:يالله!!! قربت مني عمتي مريم وحظنتني وانا استسلمت لحظنها : صبا يا عمتي في العناية المركزة؟؟ إيش جرى لها ؟؟ليه منومينها !! والتفت على صوت عمي و شفت الدمعة الي كانت حايرة في عينه عرفت طريقها ونزلت على خده :صبا سوت حادث وحالتها خطيرة.... قتله: كيف !!....كيف حصل الحادث !!...ومن كان معاها !! جاني صوت محمد الي كان طول الوقت ساكت: ماحد كان معاها ....صبا سوت الحادث لما ..... شفته نزل راسه وما كمل ... قتله بصبية: لما إيش؟؟ ماجاني منه رد... التفت مرة ثانية على عمي: لما إيش يبا!! قلي بحرقة : لما هربت من البيت....لما هربت من البيت !! انا تصنمت في مكاني..صبا تهرب من البيت!!!.ليه!!...إستحالة صبا ما تسويها ضاعت الكلمات مني ماعرفت حتى أسأل السؤال...مريت بنظري بين أخواني صالح ومحمد ومؤيد كانو معلقين نظرهم على ابوهم وباين في عيونهم القهر والحيرة وغازي حالته زي حالي مصدوم ..عمتي وهالة ماشفت ملامحهم لانهم مغطين عيونهم..لكني متأكدة انهم مو أحسن حال مني...وخصوصا عمتي مريم الي تشوفنا كلنا عيونها ...أكيد قلبها محروق على صبا .... إلتفت على صالح إلي كان قريب مني وقتله: صالح ابغى أشوف صبا! قلي بتعب:هي الحين تحت العناية المشددة..تقدري تشوفيها بس من برى! هزيت له براسي ..يعني موافقة..رحنا انا وغازي وهالة عشان نشوفها وقفنا عند غرفتها......وشفتها ..وياريت ما شفتها...هذه مو صبا...ولا حتى تشبه صبا!!....صبا الي وجهها يتفجر حيوية ..ومكسو بلون الحياة..وجهها الحين لونه أصفر...وهالة من السواد تحت عيونها..لالالالا..ذي مو صبا!! وقفت أتأملها قلبي حن عليها مرة شكلها كان يقطع القلب .. تمنيت أدخل واحظنها..أحسسها بدفئ حظني بدل برودة الأجهزة الي عليها... بكيت وأرتفع صوت بكايا.. حظني صالح وقلي بصوت كله ألم: أدعيلها إن ربي يخفف عنها وياخذ بيدها..إدعيلها إن ربي يرحمها..هي الحين أحوج ماتكون فيه لدعانا قلت من وسط جزعي وخوفي: اللـهـم رب الـنــاس اذهــب الـبــاس واشــف انــت الـشــافـي شــفــاء لا يـغــادر سقما... سألته : صالح إيش الي حصل!!...ليه عمي يقول إن صبا هربت !! هي من جد هربت ؟؟ هز راسه يعني أيوا.. قتله وانا أبكي: لا صبا ما تسويها..كيف تهرب!! ومع مين هربت!!وإيش الي حصل!! قلي صالح : طيب تعالو نروح نجلس وأحكيلكم الي حصل .. رحنا وجلسنا وجلس يحكي كل شي ... أنا كنت فاتحة عيوني على آخرها..أدري إن صبا ذكية ..وعنادية..لكن ماكنت أعرف أنها ماكرة ...من فين جابت الحيلة ذي كلها!!!! لا بارك الله فيك يا ناصر ...كله منك إنت إلي لعبت بعقلها..الله لا يوفقك ... قله غازي: عمي غلطان وانتو كلكم غلطانين!!...كان المفروض تفهمو صبا حقيقته ...ماتخلوها على عماها!!...وانتو أكثر ناس عارفين إن صبا راسها يابس وماتسوي غير إالي هي مقتنعة فيه وبس.. قله صالح:ابوي كان ناوي يفهمها على كل شي اليوم ..لكن هي قالت إنها تعبانة ..وسابها ابوي على اساس انه يقلها بكرة.. |
 | سياسة الخصوصية |  |
رد : نصف عذراء في احضان المجهول...!!!((روايه جريئه رومانسيه خياليه)) لاتفووووتكم 
العرض العادي
