منت بالحلو....
--------------------------------------------------------------------------------
ابياتك شدتني وجذبتني وودتت لو تشاركونني قرائتها
اترككم مع الابيات:
قالت ترى منت بحلو قلت رجال
والزين ماهو من شروط الرجوله
الزين يلقى عند لابسات الشال
والرجل زين ان كان زانت فعوله
قالت علامك تلبس شماغ وأعقال
انت بدوي قلت بدوي من حموله
مالبس بناطيل لها انواع واشكال
ومتر الشارع بعرضه وطوله
قالت أجل راعي معاميل ودلال
شرب القهاوي تحسبونه بطوله
قلت اسمعيني وأفهمي كل الاقوال
تمعني في كل حرف اقوله
كيفي يابنت الحضر دله وفنجال
وحليب خلفه بالمراح معقوله
احب الكرم والطيب وعلوم الابطال
مغروس فيني من زمان الطفوله
قالت ترى بنت البدو حظها مال
قلت احذري حذرا تكوني جهوله
بنت البدو يابنت تضرب بالامثال
غير الجمال وطاعه الله خجوله
زينه على كل المزايين تهتال
مثل القمر ينشاف ولا حد يطوله
ماتنخدع في كل ماكر ومحتال
اللي لهم بالسوق صوله وجوله
هي مهرتن تصعب على كل خيال
ونتي ومثلك عسفها بالسهوله
قالت تغزل بي وشف حبت الخال
ناضر عيوني والرموش الكسوله
وناضر جديلن فوق الامتان ميال
ومبيسم يعجبك تنظيم لوله
قلت العفو مايستوي زين وهبال
والي تبينه شيبي عن حصوله
قالت وقلت كلمت الحق تنقال
والزين ماهو من شروط الرجوله
وسلامتكم
وارجع اقول بكل صراحه هذي الأبيات اعجبتني
واتمنى انها تحوز على القليل من اعجابكم
ــــــــــــــــــــــــــــــــــــــــــــــــــ ــــــــــــ
مستني الردود أخوكم أحمد
01-15-2006, 06:23 PM
منت بالحلو.... 
العرض العادي
