سحابة الوجد

[harthe1166]

عند السفر يا حبيبـي لا تواسينـي = انثر دموع الغلا لا عـاد تخفيهـا
قربك عذابي وبعدك نار تشوينـي = ما لوم عينً بكت لفـراق غاليهـا
في غربتي ما سوى طيفك يسليني = اصبر النفـس ياروحـي وسليهـا
ما كان ودي فراقك يا نظر عينـي = لولا ضروفي قسـم بالله مطريهـا
حسبي على حضي الرادي معنيني = وهموم صدري تبارينـي وباريهـا
الضيقه اللي بصدري كم تبكينـي = في وحدتي تسكب اعيوني عباريها
سحابة الوجد نصف الليل تضويني = اسود من الليل توُحشني غداريهـا
اسري مع الفكر والهاجس يخاويني = الهاجس اللي عليه احوالي اشكيها
ويشب ضـو الغـلا علله يدفينـي = ما يدري النفس ما غيـرك يدفيهـا
ويصب من بارد المنهل ويسقينـي = ونيار فرقاك مـا غيـرك يطفيهـا
يقطعش دنيا عن احبابي قطعتينـي = حتى المراسيل ملقى مـن يوديهـا
وجدي لمن شوفته ساعه تداوينـي = كلامه العذب لجروحـي يداويهـا
زوله معـي دايـم الله مايخلينـي = لو في صلاتي يشاغلني ويسهيهـا

لمراسلتي على الماسنجر
harthe999@hotmail.com

[شـ ـ ـ ـاعر الانــثى]

اخوي العزيز ... فعلا صح لسانك .. كلام وربي رووعه ..

احساس جميل ...


إلى الاماام .. تحياتي ...


عدنووونـ

[ريم الغلا]

صح لسانك اخوي قصيده رائعه
تحياتي

[النــــايــف]

صصح لسانك وبيض الله وجهك ياالقرم

[الاطرق بن بدر آل هذال]

صح لسانك وسلم بنانك


رائعه كروعة حضورك


تسلم يمناك ودام لنا بوحك


تقبل مروري