يوم قابلته جذبني بابتسام = وابتسمت انا فهمت اللي يبيه
سهم حبي داخل بقلبه تمام = واحيا قلبي السهام اللي تجيه
منه نظره تغني عن احلى كلام = جمع الله كل جمال الكون فيه
فاض كل احساس مني بازدحام = صار حتى صعب ابدا انتقيه
ليتني اخفيه عن كل الانام = داخل بقلبي وروحي تفتديه
معه حبي زاد لكن يا حرام = كاتب الله ابتعد وانا ابيه
شالني وقتي من اوساط الزحام = جاني احساس ارتباك(ن) يكتسيه
تاهت الخطوه وحارت بالظلام = وسط مجهول(ن) وخفت اني اتيه
منهو منا يعلم بيوم الختام = كل منا الموت في وقت بيجيه
السفر قرب وشديت الحزام = هالبلديمكن انا مقدر اجيه
ياعديل الروح في قلبي غرام = لو كتب ربي اشوفك بابتديه
اما اذا كاتب لي الله الختام = خل يوصلني دعائك بحتريه
01-25-2008, 11:45 PM
كاتب الله ابتعد وانا ابيه 
العرض العادي
