جبروت إمرأه ( صرخة فتيات )

[شهوده11]

القصه تحكي وقائع اكثر من ما انها حواريه


شخصيات القصه :

جود : 22 سنه خريجه دبلوم تنتظر الوظيفه
حور: 19 سنه طالبه بكالريوس
نور : 16 سنه طالبه ثانويه عامه

الشخصيات الثانويه الاساسيه بالقصه

الخاله غنيمه ( أكبر خالات البنات – مطلقه – 50 سنه )
الخاله أسماء ( أصغر خالات البنات – متزوجه – 30 سنه )

أغلب أحداث القصه تدور حول هالشخصيتين اللي راح نعرف مدى تأثيرهم على حياة البنات .

------------

الجـزء الأول :

نبلش بـ جود عاشت اغلب طفولتها في منزل يدها والد والدتها بحكم العلاقه القويه بينها وبين خالاتها وهالشي كان له اثر سىء الى حد ما اثر على حياتها الطبيعيه كـأي طفله .

بهالفتره كانت اسماء ( الخاله الصغرى ) بفترة مراهقتها وطيشها اللي استمرت معاها تقريبا الى وقتنا الحالي ، وبهالفتره تخللها تجاربها الجريئه اللي ما كانت تحسب لا لنفسها ولا لاهلها أي حساب ، وبهالفتره فقدت جود أحلى مراحل طفولتها بحيث فتحت عيونها على اشياء كبرتها 10 سنين جدام دون أي انتباه او رعاية هالخاله لطفولتها ، وعقبها بفتره انضمت حور لها ومع العلم انه أسماء ماكانت قاصده أي اذى لهـ البنتين او ضامرتلهم أي شر بس لانها طايشه وانانيه مافكرت بالبنات كل اللي شاغل تفكيرها نفسها ووقتها شلون ومع منو ووين تقضيه .

عارفه بتلومون امهات جود وحور على انهم فرطوا بطفولة بناتهم بس كان هالشي بادر منهم بنيه سليمه على انهم مأمنين عليهم عند اختهم وللاسف اكتشفوا سوالف هالاخت متأخر .

وصلوا جود وحور لفتره المراهقه بعد ماتشبعوا بالافكار السيئه وصار تفكيرهم نوعا ما مثل تفكير أسماء .

وبهالوقت تزوجت أسماء انسان خالي من مواصفات الزوج المناسب وطبعا السبب يعود لتصرفاتها الطايشه اللي اجبر اهلها على اتخاذ قرار تزويجها من أي انسان حفاظا على ماتبقى من سمعة العايله اللي ماحطت له أي اعتبار وذلك بارتباطها بعلاقه حب من شخص فئة غير محددي الجنسيه ودخلت نفسها واهلها بمتاهات والحمدالله قدروا يلحقون على نفسهم بهالزوج اللي مايدري شنو حياته مع هالانسانه اللي ماتصلح ابدا كـ زوجه .

وهذي مقدمة القصه واذا حسيت في تفاعل بكمل القصه

[الأمنيـــة]

تسلمي شهودة وفي انتظار التكملة وياريت يكون البارت أطول شوي