المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
14-01-06, 02:09 AM
| #1 |
| |[ عـضـو جـديـد ]|  الدولة:  روابط إعلانية |  خاطره الحلم @ خاطره في قصه@ تصدقين ألبارح بالليل أشتقت لك بشكل مايتصور دقيت مارديتي قلت في نفسي ياولد أكتب في مذكراتك اليوميه ألكلام أللي كنت راح تقوله لها وكأنها ردت عليك وكلمتها عاد هومو كلام هي كلمه بس معبره عن كل الكلام ألمهم دخلت ألمكتب حقي في ألبيت وفتحت دفتر مذكراتي فتحت درج المكتب أدور على قلم مالقيت ادور في ألبيت مألقيت ألمهم كان عندي بدرج المكتب طقم أقلام بس ألمدام ألله يحفضها كل مأحتاج ألبيت أغراض دخلت ألمكتب وسحبت ورقه من الطابعه وأخذت قلم من ألدرج وراحت للمطبخ تكتب أغراض البيت ألناقصه ألمهم لما تخلص من كتابة أغراض ألبيت تحط ألورقه بجيب الثوب وألقلم تحطه على ألتسريحه وياخذونه ألبنات ويظيعونه ألمهم دورت قلم مالقيت كانت الكلمه هذي واقفه في حلقي أبي أقولها لك بس للأسف مارديتي قلت بكتبها في مذكراتي مالقيت قلم لازم أقولها هالكلمه الساعه تقريبا كانت أثنين بالليل رحت لغرفة ألنوم وأنا مقهور عشان أيش عشان هالكلمه. ألمهم ألمدام قالت شفيك أزعجتنا نبغى ننام مارديت عليها وأتغطيت بالحاف وفجأه تذكرت مكان في ألبيت ممكن ألاقي فيه قلم وشهو هالمكان غرفت ألشغاله أللي سافرت ألاسبوع ألماضي لأنها دايما تكتب رسايل لأهلها فتحت غرفت ألشغاله وأدور أدور على قلم مالقيت كنت بأنفجر راح تقولين ليش ماتشغل الكمبيوتر وتكتبها في الورد وألاتكتبها في الجوال مادام هي كلمه راح أقلك. لأنها موأي كلمه. ألمهم مالقيت قلم رجعت لغرفة النوم طفشان عشان مالقيت قلم أكتب هالكلمه وأرتاح والمشكله عندي دوام الصبح والساعه صارت تقريبا ثلاث ونص ألفجر ألمهم أتغطيت وألكلمه مازالت هي نفسها ألكلمة اللي ابغى أكتبها مادامني ماقدرت أسمعك أياها ألمهم كثرت حركاتي على السرير ولاقدرت أنام والسبب هالكلمه حتى أن ألمدام قالت ياخي خلنا ننام شفيك جالس تتقلب ولاخلتينا ننام قلتلها عشاني مالقيت قلم قالت أيش عشان مالقيت قلم قلت أيوه قالت وشهوله ألقلم في هالوقت قلت لها عشان ألكلمه قالت أي كلمه قلت لها يوووه نامي أحسلك ماراح تفهمين شي قالت براحتك. ألمهم صارت ألساعه سبعه ونص ألصبح وأنا مالقيت حل لهالكلمه. ألمهم أخذت ألمنشفه وأخذت دش وبدلت ملابسي وأنا ماقدرت لاأسمعك ألكلمه ولاني لقيت قلم أكتبها. ألمهم وأنا واقف عند ألمرايه قدام ألتسريحه أظبط الغتره واطالع على ألتسريحه ألا أنا أشوف ألروج حق ألشفايف على التسريحه طلعت في مخي فكره قلت ياولد أخيرا راح أكتب هالكلمه وأخذت ألروج وأخيرا كتبتهالك على مراية التسريحه بالروج الوردي ألفسفوري وطلعت للدوام وأنا مبسوط عشان أخيرا كتبتها. إلمهم وأنا بالدوام كانت ألساعه تقريبا عشره دقت علي ألمدام وقالت مشكووور يابومحمد قلت لها على أيش قالت على ألكلمه أللي كتبتها علا المرايه وإللي ماخلتك تنام كان قلتها لي في أذني ولاسهرت نفسك وأنت عندك دوام أنا سكت شوي وكأني في غيبوبه وألمدام على الخط ألو إلو إلو أبو محمد شفيك ماترد قلت لاولاشي أم محمد راح أكلمك بعد ألضهر. مادقيت عليها بعد الظهر لأني نمت بالمكتب في العمل لأني داومت وانامانمت المهم صحيت ألساعه تقريبا سبعه المغرب وألسبب هي نفسها ألكلمه شغلت جوالي ألا والرسايل زي الرز من خدمة موجود خمسه وأربعين مكالمه وست رسايل هذي من المدام لوحدها والباقي ثمانيه وثلاثين مكالمه أللي من جوال الوالده واللي من الوالد وأللي من أنسابي واللي من أخواني المهم على بالهم أني مسوي حادث فجأه دقت ألمدام وينك سلامات قلت جاي ألبيت بس راحت علي نومه في العمل قالت كل هذا عشان القلم أللي البارح قلت لا عشان إلكلمه قالت ياذلكلمه. ألمهم وأنا راجع البيت مريت ألمكتبه وأخذت موطقم أقلام كرتونة أقلام عشان مايحصل زي الليله أللي فاتت أخذت ألاقلام ورحت البيت نزلولي العشاء بدري لأني جوعان ماتغديت وأخذت براد الشاهي ودخلت المكتب وحطيت في كل درج وفي كل زاوية من المكتب قلم عشان أذا بغيت قلم ألاقيه وكل هألاقلام عشان كلمه. إلمهم دقت علي المدام وقالت ممكن أجلس معك شوي أبيك في موضوع قلت تفضلي قالت شفيك من البارحه منت على بعضك وشهالموال اللي طلعت فيه البارح قلت هي بس كلمه قالت يووه مع السلامه تصبح على خير. ألمهم فتحت مذكراتي وكتبت ألكلمه بالقلم الجديد بس حسيتها باهته ماهي زي اللي في الصباح ماعرفت أكتبها ثاني مره حاولت بس ماقدرت أتاري ألكلمه لها وقت ولها أحساس ولها شعور . أللحين عرفت أنها مو سبب الدوشه كلمه ولا قلم أتاري ألسبب أحساس ولهفه وشعور ماينكتب ولاينقرا. مع ذلك لازلت مصر أنها كلمه عضيمه في نفس ألوقت مخيفه تدرين ليش أخاف أنها تذبل أذا مالاقت صدى يرجعها ويرددها علي أخاف أنها تكون شارده ماتلاقي من يحتضنها ويرددها علي مع ذلك حبيتها هالكمه وقلت في نفسي مومشكله هي حتى لو أنها من جانب واحد راح تضل أروع كلمه وبدونها مال الدنيا حلاة . ألمهم وألأهم. صحيح أنا أول ماعرفتك كنت ماقدر أقولك هالكلمه لأنها كانت ملك غيرك مع أني كنت أشوفها بعيونك مع ذلك مالتفت يمك ليش لأني كنت مخدوع في كلمه زائفه من غيرك ولادريت أن الكلمه ألصادقه هي في فمك وأليوم رجعتلك وكل ألحكي والكلام الصادق يمك. بصراحه كل الكلام أللي ينحكى فيه مايجي في جمال وروعة هالكلمه صعبه حيل أنها تنقال بأخلاص وصدق أعترفلك بأنكساري بعد ألشموخ أللي غرني فيه سراب الكلمه ألزائفه من قبلك بس أللحين صارت ألكلمه منك كنز وبريق حقيقي موزائف ولاكذاب . حتى ألانكسار بعد ألشموخ لعيون هالكلمه موعيب بالعكس عز وفخر دامها كلمه صادقه حتى لو القلم ماقدر يكتبها بس الشفايف ترسمها بخطوط من وله وشوق. {أخيرا} كل ألحكي اللي قريتيه في هالرساله كان حلمي ألبارح يعني صار معي وانا في أحلى نومه وصحيت من نومي مفجوع بسرعه رحت أركض يم المرايه لأني أذكر الكلمه أللي كتبتها بروج ألشفايف ومالقيتها ناضرت في ألمرايه ألاودمعتي نازله على خدي في ألنهايه أنكتبت ألكمه أللي بكتني على خدي أنكتبة بدموعي. وكلها بأختصار كلمه وحده بس. تدرين شنهي هالكلمه. { أحبك } عرفتي أللحين شكبر هالكلمه وأيش سوت فيني صرت أمشي مع ألعالم وقلبي معك عرفتي ألحين معنى هالكلمه وكيف أنكتبت. تذكااارالحب2/12/1426 |
|
|
14-01-06, 02:19 AM
| #2 |
| |[ عـضـو مـبــدع ]|  الدولة: | شكرا لك ياتذ كااار اخوك امير الحزن ننتظر المزيد منك واهلا وسهلا بك في منتدانا الرائع |
|
|
|
14-01-06, 10:07 AM
| #3 |
| |[ عـضـو مـشـارك ]| الدولة: | مشكور أخوي تذكار نتريا جديدك صدى الأسفار |
|
|
|
21-03-06, 03:45 PM
| #4 |
| |[ عـضـو نـشـيـط ]|  الدولة: | قصه حلوه ومشوقه أشكرك |
|
|
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| خاطره | بــيـرو || ~ | خواطر - عذب الكلام | 17 | 07-10-09 10:58 AM |
| خاطره | saryn | خواطر - عذب الكلام | 1 | 08-09-08 01:19 AM |
| خاطره | جديه بس رومنسيه | خواطر - عذب الكلام | 5 | 28-04-08 10:36 PM |
| اول خاطره | من رحم الألم | خواطر - عذب الكلام | 3 | 09-09-07 09:13 AM |
| خاطره | بنت الاحزان | خواطر - عذب الكلام | 5 | 11-08-07 05:33 PM |
