ياهنوف الشرق...!!

[جريح القوافي]

ياهنوف الشرق يـا أغلـى هنـوف=رحلتـي ويــاك تبكيـهـا الـحـروف
رحلـتـي ويــاك يحكـيـهـا الـزمــن=ما توصفهـا القصايـد والوصـوف
كنـت انـا ويـاك فـي درب الحـيـاه=غافليـن ومــا دريـنـا بالـضـروف
قـادنـي حـظـي وجـيـتـك بالـعـجـل=جيت ادور من صفا ودك رشـوف
مافهمتـك يـوم انـا اشـوفـك تـغـار=وغيرتك ما خلت عيونـك تشـوف
اعذرينـي ياحـروفـي لــو شكـيـت=فـي غيابـه الـف معنـى للكـسـوف
ضـامـي الأيــام مـايـروى ضـمـاه=واتعس العشـاق عشـاق الطيـوف
طالبـك ياصاحـب القلـب الرهـيـف=ابتسامـه ترتسـم فــوق الشـفـوف
اه يـالـيــت الـسـعــاده تـشـتــرى=واشتريـهـا لــك بمـئـات الألــوف
ودي اكـفّـر عــن الـذنـب الـقـديـم=وامحـي الـزلات يالقلـب العطـوف
اضحكـي لامــن سمعـتـي قصـتـي=وقولي عني شاعر شوي مخفوف
الـمـهــم ان الـسـعــاده تـسـكـنــك=لــو اقدمـهـا بـراحــات الـكـفـوف
بعـدهـا ماهمـنـي غـيــر الـرحـيـل=ودي اسلك درب لو ماهو معروف
لعـن ابـو عشـق ٍ يـكـدر خـاطـرك=ياهنوف الشرق يـا أغلـى هنـوف

[بدر الوفى]

المهـم ان السعـاده تسكـنـك
لـو اقدمهـا براحـات الكفـوف

صح لسانك ياجريح القوافي ....

إختكم/وافــي العــهد

[ساهر الطرف]

رااائعة هذه القصيده

بكلّ أحاسيسها

بكلّ معانيها

جميلةٌ مذهله

تقبّل أخي تحاياي
/
/
/
ساهر الطرف

[النــــايــف]

بيض الله وجهك وصح السانك