الثلاثي المرح)??** قصة رووووعة من تاليفي انا وصديقتي بيفوتكم نص عمركم ان ماقريتوها

[ملكة11كول]

](الثلاثي المرح)??**

في منزل بشاير**?: يمــــــــــــــــــــممه..المللح وين تحطونه .. آه حراااام عليكم... انا عندي اختبار كيف تخلوني اطبخ؟!?أم بشاير: اقول.. ياذي اختباراتك الي ماتخلص ..يكفيك دلع قابلي اختبار المطبخ..اصلا انت باختبار وبدونه ماتدخلين المطبخ..??""هيا اخت بشاير الكبيره تضحك ع حوسة بشايربالمطبخ""?هيا : يازينك وانتي بالمطبخ تهبلين ولا شغاله خمسه نجوم ههه""?بشاير بتباكي وقهر: هيا حبيتي.. تعالي الله يخليك انت قاضيه نص عمرك في ذا ومن يوم تخرجتي.. وانتي ماعندك غير قوة طبخ ههه?أم بشاير: هيا اجلسي ياويل احد اشوفه يساعدها بكره تتزوج وش بتسوي بيردونها لنا ثاني يوم... واحنا ماصدقنا تتزوج..?بشاير: ههه يمه وقتها برفع روسكم لاتخافين، وبعدين الله لا يهينه يجيب لي شغاله وطباخه هالأنامل الذهبية حرام تطبخ وتغسل وتمسح وبعدين وش دخلكم انا وزوجي نتفاهم?أم بشاير: بشاير... شوفي شغلك لايجي ابوك والعشاء ماخلص و بسرعه عشان لك عندي شغله ثانية..?بشاير: تهئ يارب يجي ابويا واشكي له من ظلمكم نسيتوا انا اخر سنة بالجامعه ورايا تخرج=> امحق خريجه احسبوا عندكم عاطله جديده هع??(أم بشاير وهيا يضحكون ع حوسة بشاير بالمطبخ ويتقهوون بالمقلط ع التلفزيون في مسلسل راس غليص =>اخس يالدقه هع? بشاير قامت تصكك في المواعين عشان تعملهم قلق نفسي وهم مطنشين وتمسك قدر الغداء وتطبل بالملعقه ع نغمات العرضة السعودية=> مشروع طقاقه لم يكتمل القهر ومايسوي هع)??بشاير بتباكي : طيب نادوا لي ريتا فين راحت... ريتا ياريتا انقذيني ياريتا ..احبك ياريتا?ام بشاير: بشاير بلا ازعاج احسن لك.. ريتا ارسلتها تسوي شغله وتعبتوها خلوها ترتاح هالضعيفه لو يوم?بشاير: ياسلام.. لا احسن خلوها تتقهوى معاكم تهئ??"حمودي اخو بشاير يمر من المطبخ وبعيونه تريقه وضحك ع بشاير"?حمودي: ههه هذا يوم نحطه في التاريخ بشاير في المطبخ وتبطبخ ..يعني بحجز سراي في الحمام من الحين.?؟ بشاير بتباكي: حمود دخيلك افزع لي وانا اختك وربي اعطيك خمسين من مكافأتي اذا قطعت البصل.. هاه?حمود : ههه بشاير تستغيث وتترجى انا احلم شكلي هع ابي مية ريال ريال ينطح ريال هذا مع التخفيض رأفة بك ولدواعي القربه هههه?بشاير: اش النذاله ذي مية كثير... وش يبقالي هذا عرقي و تعبي تهئ?حمودي: اقول احمد ربك مازودتها.. خبرك رجال مالي هدومي وبتخرج من المتوسط السنة ذي واقطع بصل صعبه ?بشاير:امحق رجال لسه يخاف من الظلمه ... احم احم طيب تأمر امر حبيبي بس تعال بدون امي ماتدري..اسمع ابيك تلبس المريله وانت تقطع?حمودي: اقول لاتغلطين وانت موقفك صعب .. والمريله خليها لك ماني لابسها?بشاير:حمود لأ مايصير ما ابيك تتوسخ.. وتلزق فيك ريحة البصل محد شايفك البسها => تكفين صدقتك يالبريئة هع?وتلبسه المريله وبدأ يقطع البصل وتطلع بشاير جوالها الي مايفارقها وتبدأ تصوره فيدو بدون مايحس هع?=========))??اميرة الورد ليش الورد مفتونك..?ليه بحياته يحاول يشبه اغصانك..?رنة جوال بشاير والمتصل صديقتها خلود?بشاير تكلم نفسها اوووه لأ خلودي مو وقته عندي مهمه اجرامية.. وترد عليها?بشاير:الو:هلا وغلا بخلودتي?خ: الو سلام هلا بشاير شخبارك وحشتينا?ب: انا بخير ياقلبي بس ليش مارديتي علي دقيت عليك بعد المغرب اكيد بالشات ياداشره?خ: ههه بالعدال يالعاقله الي يسمعك يقول كني ماعرفتك من شات ..بس انشغلت كنت احضر وش بالبس بكره خبرك اول يوم ادوام بالوظيفه..?ب:ههههه طيب اسكتي عن الفضايح قال شات قال.. ومن قدك يا ابلتي خلودي تصدقين يا ابله والله اني مدبسه في ورطه هنا ?خ: ههههه افا وش ورطته انا لك والشر ماينالك وابله من لسانك زي العسل ههه?ب: فديتك كفو والله هههههه خلودي بعدين اكلمك واحكيك بالحق صيدتي ههه?خ: ههه اوكي الله يعين من طاح بيدك قلبي معاه .. هيا مع السلامه?ب :ههه مع السلامه??//حمودي قطع البصل وخلص وقاعد يغني.. ?بشاير لحمود وش ذا اسكت البنت كانت تقولي وش صوت الحمار الي عندكم الظاهر تتفرجين برحابمج عن الحيوانات ههه=> اه يالنذله بعد ما خلصت مصلحتك زحلطتيه //?حمودي: ههه ياخفيفه ضحكتيني .. اقول الحمار الي كان ينهق ويبكي قبل شوي خايف من البصل هاه ترى ارميه بالزباله..?بشاير: لأ لأ تعوذ من ابليس يارجال دحنا بنهزر ياقدع?حمود: اوكي لاتنسين ميتي توصلني ومانقبل شيكات ترى ?بشاير بنفسها " ايه هين ان مافضحتك باوساط العايله بصورتك وانت بالمريله ماكان بنت ابوي ههه"??==========))))??** منزل خلود **?خلود بعد ما تقفل من بشاير تبتسم=> يالبى هالسنون الاخت بتسوي اعلان معجون هع?رسااااله حبرها دمي.. نغمة جوال خلود وصلتها مسج?رساله من حبيبها سعود?" وش بلاك يالغزال العارضية.. عن مرابعنا سليتي او غديتي "?حبيبتي مشتاق ومضنيني الفراق ادخلي الشات او اذا تقدري اكلمك اشتقت لصوت يطرب النفس ويزيل كدرها" أحبــــــــــــــــــــك"?خلود تتنهد وتبتسم وتردله مسج=> اثقلي شوي طيب ردي بعد خمس دقايق ع الأقل...?/خلود تروح يم المرايا وتفل هذا الشعر الحرير... الاسود المطعم بلون ذهبي كنه مصبوغ من خيوط الشمس الذهبية ولآ العيون يلبى هالعيون من شافها حق عليه يصير مجنون والجسم الممشوق عود خيزران يمر الهواء بشويش خوف يكسره والبياض كنه مسكوب من ضوء القمر => باختصار هي المقصوده باغنية العروس لخالد عبدالرحمن هع?/تأملت شكلها.. وكلمات سعود صداها في اذنها "احبك ياملاكي مو بس فمك الي يحكي.. كل جزء بجسمك يحكي حكاية اسطورية.. انت مرسوله الجمال من السما..." تنهدت خلود.. وقالت بنفسها حراااام يروح هالجمال لغيرك ياسعود=> كنها حاسه الاخت ان فيه خطاب في الطريق تابعوا القصه هع?..وفجأة! الا ذاك الصاروخ يحط ع راسها طربق طاق=> عاد لاتصدقون صاروخ مجرد مخده بس للتشويق والحبكه الدرامية هع?خلود:وجع! بسم الله سعد... وش ذا خربت شعري وفجعتني.. انت كيف دخلت وماحسيت فيك؟؟!?""سعد ولد اخت خلود عمره عشرين سنة""?سعد:هاذي تحية سبيشل لك عشان اعلمك اني جيت ...وتكفين ارحمي المرايا من وجهك هع.. انا درعمت عندك وحضرتك تتمقلين في خشتك بالعدال يانيوكل قدمان هع?خلود: وشو قدمان! يالبدوي اسمها كدمان ..والله تطورحاب من متى... انت حدك انتصار الشراح وتخب عليك بعد.. وبعدين تعال! وش نيكول ماتسوى ظفري ذي ?سعد بصراحه بسألك سؤال حيرني انت وش جابك ماعندك بيت يضفك?سعد: هع هع بشويش علي كليتني بقشوري يادبه .. ايه ايه صح وشي قدمان قدامك .===> شاطر سعد خذها قد عقلها ناقصة عقل ودين هع?سعد: هذا وانا راميك بمخدة قبيتي فينا كيف لو اني راميك ببلكه وش كان سويتي؟؟!?هذا بدال ماتظيفين ولد اختك من الشكليطات الي بدولابك تزفين.. !يامال الجوع... اقول نسيت اقولك امك تبيك تحت انزلي لها عجلي ..?? ريل لوف اغنية لمساري بالعنجليزي نغمة جوال خلود=> مااعرف كلماتها بس ابي اقولكم ان خلود بلبل بالانجلش هع? بشاير يتصل بك...?خلود لسعد: طيب طيب.. بس اطلع بسرعه برد واجي وراك..?سعد: طيب لا تتأخرين... الا وش رايك تفتحين سبيكر واوسع صدري بسماع صوت ناعم تعبت طبلتي من تنشيزك ياشعبولا هع?خلود: اقول ياسعيدان.. اقضب الباب ياسعيدان وانا جاية وراك?بشاير: الو.. السلام عليكم?خلود: وعليكم السلام ياهلا والله بالارهابية?ب: قولي المسيكينة هههه اشبك تأخرتي بالرد يابنت?خ:ابد كان عندي واحد غثيث..?ب: ههه اكيد سعد ماغيره يازينه محد مهجدك غيره يامتكبره.. ?خ: مغروره بس معذوره ههه قولي لي وشخبارك ومن ذا الي طاح بيدك هالمره هاه ?ب:ياشيخه حشروني بالمطبخ تأمروا علي يقولون اسوي عشاء تهئ يرضيك?خ: هههههه بس عشاء احسب السالفه كايده ماكثر الله غير المطاعم بس تستاهلين هذا كبرك ولا تعرفين تطبخين.. وش عاد سويتي طيب?ب: اقولك مؤامره يعني حتى كل مطاعم السعوديه صفت معاهم ضدي والقهر بعد ما سويت عشاء قاموا يسوون عشا ثاني ?خ:هههه الله يرجك ماهم بايعين اعمارهم ياكلون من صنايعك ?ب: هذا وانا خويتك مالنا شههور متعرفين ع بعض انتبهي لاتطحين الميانة كثير يابنت.. الا ع البركه بكره اول دوام والله صرحاب هبلات اقصد ابلات ههه?خ: ايه احسب كني سمعت هبله ههه آه ياشيخه الله يعين ادعي لي وعقبالك?ب: خلودي شايله هم.. من جدك انتي؟! الي يسمعك يقول بتدرسين جامعه حدك بزارين الروضه?خ: هذا بلى بوك ياعقاب البزارين ومسايستهم هذا يطق هذا وهذا وده الحمام شغله.. وبعدين اول يوم دوام له رهبه انتي وش دراك بس هههه.. اقولك نسيت امي تبيني اشوفك بالشات تامرين ع شي ?بشاير: فديتك مابعطلك خلاص بكره طمنينا وش صار بالدوام??=============)?*في المواقف في كلية البنات* ?ألووو.. ريم قولي لسالم لايروح انا جيت دقايق بس ..?رحاب.. تجري من الكلية تبي تلحق الباص.. تجري بالشارع والعباية مقلوبه ومسوية زورو وراها والغطا.. يطيح وترجعه وبيدها بيبسي وشيبس .. وتعاين الباص وتدوس بنزين...?بطريقها يقابلها واحد كدش مغازلجي يطلع راسه من سيارته الكامري ?الكدش مخاطبا رحاب: يابعد روحي يقولون نعم للبشويش لا للسرعه افتحي بلوتوثك يا لغزال الفازع... و ترى ماورانا صلاة استسقاء ليه قالبه عباتك هعههه?رحاب ترتبك وتهدي السرعه وتنتبه ع حالها ودها تلحق الباص وماودها هالكدش يشوفها تركب الباص=> آه يالورطه هع?تقوم تهدي وتعدل المشية وتلفلف من ورا السيارات عسى مايشوفها .. شوي تشوف الباص يتحرك وتنفجع وتجري لا شعوريا وشوي طربق طراخ => صوت دوي انفجار طاحت الخبله هع?ويطيح البيبسي ومجله سيدتي كانت بشنطتها=> هذا العلم بدل الكتب هع?الكدش: يضحك ههههه بسم بالله عليك يالبى عمودك الفقري فقره فقره اثرك معاقه خليني عصاك الي ماتعصاك هههههه ?رحاب: تقوم مقهوره وتسبه وهي تبكي ..كله منك ياكلب ?الكدش: هاو هاو هاو انا جاي اكلك الحقي باصك هاهاهاهاهاهاهاها?//رحاب توصل الباص وتفتح الباب وهي معصبه... ?وخروا وجع ابعدوا لي ياهمج بدو.. حتى باص ماتعرفون تركبون وتجي تجلس جنب السواق => ماتشوف الدرب بعد الطيحه هع?ريم صاحبة رحاب: رحاب ياخبله تعالي وشفيك رحااااب?بنات الباص فطسوا ضحك => عز الله راحت فيها سمعة البنت مدام البنات كشروا عن انيابهم..??ريم تنادي رحاب وش بلاك انهبلتي تعالي..?رحاب تحس ع روحها وتتنحنح وتقوم تدور وتقول طاح قلمي هنا احد شافه => عاش مصرف هع?ترجع ورا جنب ريم ووجها طايح عند السواق هع=> ماكفتها الطيحه ياربي النحيس نحيس من يومه هع??//رحاب ترمي بنفسها ع الكرسي وتمسح دموعها?ريم وهي مدهوشه وماسكه ضحكتها : وشفيك انجنيتي تجلسين جنب ماهر.. ههه شاربه شيء غير البيبسي وليش صوتك كنك تبكين?رحاب: آه ياريم اليوم هذا ضدي تصبحت بوجه مين انا ياربي؟ طحت ياقهري تخيلي وانا اجري بلحق الباص الزفت?ريم: بذمتك امانه ههههه سلامتك ماتشوفين شر قهر فاتني منظرك ?" رحاب تقول بنفسها ماقصر راعي الكامري يمكن بكره تشوفين طيحتي بلوتوث يارب استر"?رحاب: الي قاهرني البيبسي حقي طاح علي وانا نفسي فيه موت?ريم: الله يرجك ماهمك الا البيبسي وانا اقول جلستك جنب السواق ماهي من عاقله هههه?بس تستاهلين عندكم سواق وتجين في باص وجه فقر صدق..!?رحاب: هذا جزاتي اخترت خوتك ع راحتي ياخبله تصدقين الجلوس جنب السواق ابرك منك..?//رحاب تهدأ شوي وتحط يدها بالشنطه وتطلع علبه بيبسي وتفتحها وتشرب..?ريم: ماتقولين طيحتي العلبه ومعك علبه ثانية جد مجنونة ومنقهره ع الي طاحت ياطماعه?وش انتي راضعه بيبسي..!?رحاب: اقول اسكتي خليني اشرب وانسى همومي.. صدق انقهرت ع ذيك عشان كان نفسي فيها اكثر من ذي.??//والباص واقف عند الاشاره تلمح رحاب الكدش الي ضحك عليها وقت ماطاحت كانت موقف سيارته جنب البقاله ومعه وحده بالسياره

[ملكة11كول]

//?رحاب: ريم ريم شوفي هذا لي عنده ثأر ضحك علي يوم طحت وجنبه وحده شككلها خويته ..?وينزل الكدش بيدخل البقاله?رحاب : جاك الموت ياتارك الصلاة وتطالع في علبه البيبسي وتقول وداعا لا اوصيك خذي حقي منه وتفتح الشباك وتقنص ع راسه => الحقد ومايسوي هع?وطااااخ في راسه وتطيح العلبه ع السياره وينكب البيبسي عليها?الكدش انفجع وطلعت شياطينه وقعد يسب ويسخط ويلعن ===> ما الومه قدام خويته صعبه هع?رحاب انقلبت ضحكتها خوف من عصبيته ?ريم: وش.. سويتي يلخبله ياويلنا..?رحاب: هاه ما ادري.. احسن.. بس ماحسبته بعيصب كذا ريم ادعي تولع الاشاره خضرا بسرعه== => طيب منت قدها لا تردها هاها حلوه صح??/وفعلا تولع خضرا قبل ما يروح الكدش لسواق الباص ماهر ويتناشب معه..? وعدت ع خير بس ما انصح البنات يجربونها هع/??===========)

0?**في منزل خلود**?أم خلود: افتحي الباب ياخلود ما احد من اخوانك بالبيت هذا اكيد سعد قال بيجي?خلود: آه سعيدان.. شكل اختي تطفش منه وترسله لنا المفروض تدفع لنا بدل تلف اعصاب من سعد الله يعين بتشهد ع روحي وافتح الباب?/خلود تخرج وتفتح الباب?/ سعد: ابو العيال !!لو ادري انه انتي الي بتفتحي لي ماجيت اعوذ بالله ههه?خلود: ياخفيف.. من قدك القمر بنفسه فاتح لك الباب.?سعد: اقول وخري شوي بحط رجلي بشويش بسم الله علي اخاف حاطه لي سحر عند الباب عشان احبك ولا شيئ ههه?خلود: سعيدان ادخل فضحتنا عند الباب احب الشيطان ولا احبك ادخل قبل اغير رأيي?/سعد يدخل قبل خلود ويشد شعرها.. وتطيح ربطة شعرها ويفحط وهو داخل : الحقيني يادبه هههه/?خلود: آي .. يمممه وجع متى بتكبر هذا وانا خالتك..?يوم طاحت ربطة خلود البمبيه المنقطه بأبيض وعليها ورده رصاصية اللون=> شفتوا الدقه كيف اتحدى النقاد بقصتي هع? وينفل ذاك الشعر الحرير ع كتوفها النواعم وتدنق تشيلها وع رفعة راسها الا ولد جيرانهم ماجد ع بلكونتهم فاغر من هول مايرى وكني به يقول قمر بالنهار معجزة الخالق=> والله ما الومه لو بداله لا اكتفي بالفغره الا اطب من البلكونه مو كل يوم الواحد يشوف له ملكة جمال هع?/وتفز خلود بسرعة البرق تدخل داخل=> لاتخلون اخواتكم يفتحون البيبان هع?=========)??بعد مضي ثلاثه شهور?خلود... اصبحت ابله بزران ابتدائية يشار لها بالبنان بعد ترقيه معتمده ?بشاير ... تخرجت من الجامعه بجيد جدا مع مرتبة الشرف الثانية...= كفو يابشاير ماهقيناها منك هع?رحاب.... مازالت تطارد باص الكلية وصارت ثاني كلية
.?=========)=?*في منزل بشاير في حوش منزلهم*?بشاير: ابو بشاير ياتاج راسنا وعامود بيتنا فديتك شايف كيف رفعت راسكم في اوساط العايله الكريمه وتخرجت بممتاز الا درجه?ابو بشاير: ايه الله يوفقك ماقصرتي والنعم.. بس كني مشبه ع اللهجه ذي كن وراها شيئ?اما بشاير:واخيرا تخرجتي عشان المطبخ مشتاق لك بعد اختك عليا ماتزوجت مالنا غير بشورتنا?بشاير: يمه تكفين الله يخليك انا بلحظه صفاء وزهو لاتخربون فرحتي.. وخليني اتفاهم مع ابو بشاير وتطمني ما بنساك وتغمز لأمها?ثم تستطرد بشاير حديثها=> تستطرد جايبها من جريده عكاظ الصفحه 13 صفحه بعنوان محليات هذا مايسمى الحاشية من زود الأمانة هع?بشاير: يابو بشاير اربع سنوات سهر ومذاكره=> سلمي لي السهر ع الشات نجحتي من هنا و استقال العميد من هنا هع?وتعبت عشان ارفع راسكم .. طالبتك طلب واحد صغير واحد كبير.. ودي اسوي حفله صغيره اعزم فيها صحباتي والطلب الثاني ابي تذبحون لي عشان الناس يدرون ان عندكم بنت متخرجه وانكم ربيتوا وحصدتوا==> علينا تبين العجايز يدرون عنك ويخطبونك احم احم.. هع?ابو بشاير بإبتسامه: ابشري بالطلب الصغير مقدور عليها وهينه .. اما الذبيحه ماذبحنا لاختك علياء واكيد بتزعل?بشاير: تسلم لي يبه راعيها والله..وعليا من قالها تتزوج بعد ما تتخرج بسرعه.. خلاص زوجها يسوي لها?يبه ودي بالسوق اليوم اذا عندك وقت?ابو بشاير: خلاص تجهزي رايح مشوار وجايك بعد المغرب => يازين ابو بشاير صح يابنات اذكروا الله هع?وتقوم بشاير وتحط حبه فوق راس ابوها وتطيح عقاله => حتى بحبها تخرب تعلموا الذرابه من بشاير فديتها

[ملكة11كول]

.??==========)??*في منزل خلود*?خلود مرت من عند الصاله ع اصوات ابوها وامها ووقفت شوي تسمعهم=> ولاتجسسوا ياخلود هع?أبو خلود: وقالوا بيجون بأقرب فرصه يطلبونها رسمي وقلت لهم حياكم بأي وقت?أم خلود: ايه الله يقدم مافيه الخير باقي اعرف رأي خلود من كم يوم وانا اشوف ام ماجد تلمح لي?أبوخلود: خلود خلاص بسن زواج ووالله الرجال ماينعاب يشتغل بارامكو واشوفه دايما بالمسجد وذرب كل ماشافني حبني فوق راسي=> انبسط ابو خلود ع الحبات هع?وماظنتي ماعندها مانع البنت وانا اعطيتهم موافقتي?خلود حست برجفه وان الدنيا دارت فيها ماشالتها رجولها ماجد.. ولد جيرانهم الي شافها من البلكونة طلبها؟!?رجعت ورا وهي تسترجع وقت ماشافها دخلت غرفتها ويدها ع قلبها?خلود: والدمعه تخنقها طيب وسعود وحضنت جوالها ودها تحس الأمان لأن فيه ريحة حبيبها ودفئ كلماتها?ســــــــــــــــــــعود حبــــــــــــــــــــيبي ?ودها تصرخ تعال ضمني?خايفه ياسعود خايفه يبعدوني عنك خايفه اغمض وافتح ع حلمي مذبوح قدامي تكفى ياربي لا
=> طيب استني بعد ماصار شئ بدري ع النواح _ بس هاه كيف اعرف اسوي رومانسي هع??فتحت جوالها ارسلت لسعود رساله?"أحــــــــــــــــــــبك"?وغطت وجهها بالمخده تكلم حالها يارب اكون سمعت غلط.??هلي لاتحرموني منه..?هلي لاتبعدوني عنه صوت نغمة رساله بجوال خلود===> ولا ليش الكذب جوالها كان ع الصامت بس انفعلت مع القصه هع?رساله من سعود"أحبك ياروحي وشفيك احسك متضايقه احبك كأني سمعتها من كل قلبك "===> هذا الاحساس المرهف والحب ولا بلاش هع?//خلود تدمع عينها دمع سحاب صافي يلمس ورد خدها وقالت بنفسها آه ياحبيبي سعود حاس فيني بدون ما احكي!! إه والله هواء بدونك ماودي اتنفسه آه?خلود ترد له مسج" ولا شي حبيبي احاكيك بعدين احبك ياسعود احبك ومسكنك بين حدب الضلوع وباعماق قلبي"??==========)?*كاتب القصه*?تعبت آه مافيه احد يجي يكمل الخراط قصدي القصه عني أحم احم ولا شئ ذكروني امسح هالكلام لا يمسكونها علينا النقاد??==========)?*في السوق*?بشاير في السوق اجمل مكان بحياتها ==> الظاهر تدخله اكثر من مطبخهم?ابو بشاير: بشاير اجلسي ع الكراسي هذيك وانا رايح اصلي جماعه وجايك انتبهي ع نفسك?"لا احد يسأل ليش بشاير ماراحت تصلي كانوا بصلاة العشا وقالت بتصلي في البيت اذا رجعت وانا شايفها بعيني صلت" ??بشاير طفشانة ولا تحب تطالع ذا وذا غرورها مايسمح لها?تقوم تفتح البلوتوث?فتحت البلوتوث البحث عن اجهزة مقترنة?الراقي0521111111 ?سوسو ولولو?دلوعة جده?ملكه?تاكسي الغرام?انفاس الظما هع ...الخ?شوي يجيها بلوتوث من دلوعة جده?صورة هيفا وهبي وتحتها كاتبه أحبك يادحومي ?بشاير: وش ذا دحومي مين ؟غلطانة شكلها?بشاير تأكدت من نكها في البلوتوث طلع دحومي الحزين?تذكرت انها اعطت جهازها اخوها يكشخ به عند اصحابه امس?شوي يجيها بلوتوث من بزرنجي?ياحبيبي اتصل وراح اراضيك وانسيك احزانك?بشاير تضحك وناسه مابغير النك?شوي تشيك ع النكات?الراقي===> هذا مرابط ع البلوتوث شكله هع?أمير الصمت?سندريلا?بطه بس شطه?جايب راسها جايبه?بشاير لفت نظرها اخر نك ارسلت له بلوتوث >ابشر براسها وراس اهلها كلهم بس من هي عنز هاهاه<ا?يرد نك جايب راسها جايبه> تستهبل انت وراسك ؟ هاذي بنت عنيده دوختني خذ رقمها جرب حظك وحط رقمه..ا?بشاير ترد عليه >أعصابك ياحبيبي ..ياولد الي خلقها خلق غيرها وانك تنشر رقمها مو حل ولا رجاله طالبك لاتنشر رقمها شوف السوق مليان فراولات اش حلاتهم ليش تتعب نفسك مع وحده يمكن تحب غيرك حتى..??شوي يجي بلوتوث لبشاير بنك حلو موت: وانت صادق غير النك عشانك.. خذ رقمي اذا تحب نتعرف?/ابو بشاير يتصل ع بشاير?تعالي انا في محل العود الي كنا فيه قاعد اول اشوفك تعالي??==========)?

[ملكة11كول]

..**في مقر عمل خلود**?خلود توصل المدرسه التى تدرس فيها وبالها بالموضوع الي دار بين ابوها وامها امس وصلت المدرسه ع الساعه ثمنية ونص مانامت امس ?وتدخل غرفة المعلمات وكالعاده تلتفت الأعناق تناظر وش لابسه اليوم معودتهم ع الكشخه والرزه كل يوم=> احلى ياعارضه أزياء هع?خلود: السلام عليكم.. صباح الخير?يردون عليها المعلمات ?نهله: هلابك صباح الورد ماجتك الاخبار?خلود وهي قاعده تفك عبايتها: اللهم اجعله خير ع هالصبح?نهله: انا عن نفسي ما اعتبره خير يؤسفني انقل انا لك هالخبر بتحضر لك اليوم موجهه?خلود: بس كذا وقعتي قلبي؟ احسبها شغله اكبر عادي انا اصلا ودي من زمان تحضر لي موجهه تقيم اسلوبي وتنبهني ع اخطائي=> لأ لأ اموت انا ياثقه هع?نهله فغرت بإندهاش: ياواثقه انا لي اربع سنوات ادرس في كل مره تحضر لي موجهه اصير مو ع بعضي ياشيخه اعطينا شوية من برودك مدري ثقتك بنفسك..?خلود: سميها ثقه احسن انا مابرد بس بتجيك الاخبار قريب?/خلود تجلس ع مكتبها ترتب اوراقها شوي طنق طنق طنق طنق يجيها مسج:?من سعود:صباح الخيرمن قلبي إلى روحي?صباح الخير عدد مابه من?الاشواق في قلبي ?صباح ابهى من ايام الفرح والعيد...?صباح الخير...لك وحدك مو للغير....?صباح يرتبط وياك لين?يصير مساء الخير?مساء الخيرمن كلي إلى ظلي....?مساء الخير عدد ماعيني تهلي ?(يانجم في ظلام الليل~?يا احلى من رأت عيني~ يابسمة عمري وسنيني) احبك واعترف واقسم وحبي يبني مايهدم <مابين ضلوعي لك بنيان بدونك خالي السكان .... وبوسط عيوني فيه إنسان هو"إنت"يااغلى انسان>?مساء الخير ياعمري?مساء يربطك بالخير لين الفجر?مساء الخير ياازكى من نسيم السحر .. ياأندى من رحيق الزهر .. ودمت بخيرياعمري الين الشمس لك تشرق ويظهر من جديد الفجر ويرجع لك صباح الخير?يا.............عمري. أحبك"??خلود تداري دمعتها وتمسحها بمنديلها الوردي المعطر=> ياربي ع النعومه?وترسله مسج = مشفر ماني قايل لكم عنه بس الأكيد انه فيه احبك هع??صوت الجرس خلود تتوجه لحصتها وتلمح الموجهه عند المديره ولا كأنها شافت احد زينت بلوزتها وكملت مشيها في نص الطريق تذكرت انها نست اقلام السبوره ع مكتبها رجعت للمكتب وقابلت المديره عند الباب?المديره بإندهاش: اابله خلود انتي هنا والموجهه راحت الفصل قبلك!! وصلك انها بتحضر لك ؟?خلود بكل هدوء : عفوآ نسيت أقلام السبوره و رجعت اخذها?المديره بغضب : كان بإمكانك ترسلي وحده من الطالبات تجيبها لوسمحتي الحقي حصتك?خلود تطنش وتمشي تاخذ الاقلام بكل هدوء تتوجه لحصتها وتلاقي الموجهه واقفه عند الباب منتظرتها?خلود: السلام عليكم اعتذر تفضلي اتشرف بحضورك?/الموجهه متعجبه من هداوة خلوب وثقتها بنفسها/ ?في الحصة خلود تبدع كالعاده ونظرات الموجهه تنظر لها بإعجاب دق الجرس وانتهت الحصه واستأذنت الموجهه خلود ونادتها عند الباب?الموجهه: خلود انتي رائعه وثقافتك ممتازه مع انك مالك شهور التحقتي بسلك التعليم الا انك اثبتي وجودك وقدرك الى الامام.. لكن ملاحظتي عليك التأخير?خلود: الحمدالله اني كنت عند حسن ظنك ..شهادتك شرف لي ودافع واعتذر ثاني مره=> ترى خلود ماهمها مدح هالموجهه بس تجاملها => خلود ما اقبل الدفع بالشيكات شفتي كيف رزيتك احم احم? ?============)?*منزل بشاير*?بشاير صاحية من النوم وعيونها منفخه تناظر الساعه الساعة ‎=‎01 بس شافتها الساعه عشره?بشاير: اوه عشره بدري وش مصحيني انا خليني اخمدها وتدفن راسها ببين مخدتها??//شوية الا صوت المكيف طفى انقطعت الكهرباء عاد موت بشاير ولا المكيف يصير له شيء?تقوم تلعن وتسخط مع نفسها وتمسح عينها الا تشوف الساعه 1،16 م بشاير يمه دوبها كانت عشره وش ذا?تقوم من سريرها تلاقي امها جاية بتصحيها//?ام بشاير: صح النوم وشفيك تاخرتي ع الصلاه يلا قومي تغدي ليتك بعدك تدرسين كان مو هاذي حالتك لافطور وسهر ع الفاضي..?بشاير: يمه نسيتي كنت بالسوق امس وتعبت من المشي وانتم ليش ماصحيتوني ع الصلاة طيب?ام بشاير : ارسلت لك ريتا عيت تروح تقول تخاف تعصبين عليها?بشاير: ههه ضعيفه تدرين ليش اخاصمها لاني احس اني اشبهها اذا صحيت من النوم?/وتروح بشاير تغسل وجهها وتتغدى وتعين من الله خير/??=========)


?*في الكلية*?رحاب بأخر الصفوف طفشانة من المصرية الي رجت راسها بالمحاضره وجوالها يدق رقم يأذيها دوم?رحاب تكلم نفسها: الله ياذا الرقم يقطعك انا ناقصه مغثات ماينعطون وجه جد?المصرية تلاحظ شرود رحاب وتقزها بنص عين?المصرية:من حئولنا صفات الخلية الي ادمنا بتشبه خلية درسناها ابل كدا ?عاد قاموا الدافورات باول الطوابير يرفعن ايدهن?المصرية: ايوة عايزنا وقوه قديده من ورا ايوة... انسه رحاب عايزنا نعرف رأيك=> المصرية عارفه اسمها بعد عزالله راحت فيها هع?/رحاب كنه سطله مويه انكب ع خشتها البائسه قامت تطنش كنها مو هي المقصوده وتحاول تخش راسها ..?المصرية: ايوة رحاب الي لابسه الجاكت الجنز تفضلي اوئفي لو سمحتي. عايزين كلنا نشوفك?رحاب وصوتها انبح من الخرعه: نعم دكتوره?المصرية: نعم الله عليك ياختي.. كنا بنؤل ايه ?رحاب: ماما ما انتبهت المصرية: وايه الي شغلك المفروض داخله محاضرتك بتلتزمي بالانتباه.. مين يؤلها كنا بنسأل عن ايه?"رحاب وجهها غدا الوان قوس قزح"?المصرية تقوم الدافوره حنان اخس وحده عند رحاب=> ايه الجمل لاطاح كثرت سكاكينه هع?حنان تقز رحاب وبعين شماته تقول :كنا نقول الخلية الي بالسبوره تشبه احد الخلايا الي درسناها سابقا?المصرية: احسنتي حنان تفضلي.. ايوة انسه رحاب تفضلي قاوبي..?رحاب كنها بكابوس مرعب: د د.. د..كتوره انا تعبانة ما كنت منتبهه للمحاضره?المصرية: سلامتك ياست رحاب ..كنا بنحكي عن الخلية العمدية تفضلي ارسميها لنا في السبوره?"رحاب ماعاد تنشاف ودها الأرض تنشق وتبلعها"??رحاب ع السبوره تمسك القلم وترسم مربعات وخطوط وخرابيط?المصرية: رحاب بتعملي ايه دا ..تفصيل بيتكو.. ودي غرفتك يعني.. رحاب الرسمه اهيه ادامك كان المطلوب تنسخيها بس ..بس انتي مش معانا خالص.. ارقعي محلك ومر عليا بنهاية المحاضره ع المكتب اذا سمحتي ضروري??"رحاب ترجع محلها وهي ماتشوف الدرب وهي تلعن وتسب وتسخط"?تنتهي المحاضره.. تطلع رحاب الجوال من جيبها وتلقى السماعه مفتوحه قفلت بسرعه شافت الرقم طلعت فتحت السماعه بالغلط مع الغثيث الي كان يدق عليها بأول المحاضره وسمع كل تهزيئتها=> هي كذا المصايب تجي مره وحده هع??بغى يغمى عليها من القهر والفجعه=> الله لايحطنا محلها اي والله هع?رجع دق وردت : الو وفطس ضحك ايه عرفت اسمك رحاب ليه ماتذاكري هاه هاهاهاهاهاهاهاهاهاهاها?رحاب بقهر: انقلع ياحمار مو انا الي تقصدها و...=> جربي غيرها هع?هاهاهاها والله وشفت فيك يوم ..رحاب تقفل بوجهه?يرسل مسج لاتنسي تروحي للمصرية هاهاه انا ما اتنازل اكلم وحده خبله حيطه هبيطه للمصاري هاها0??============)?*مقر عمل خلود*?خلود تدخل غرفة المعلمات وتستقبلها نهله بحفاوة: ايش هألابداع والثقه جت المديره سألت عنك ومدحتك اعترف لك كسبتي الرهان..?خلود: تسلمي عادي التلميذ احيانا كثير يتفوق ع معلمهم?وتجمعوا المعلمات حول مكتب ابله رقية=> من اسمها دبه هع وضرب في هالنعمه??دق الجرس خلود كانت نازله من الدرج جاها مسج من سعود فتحته " قلبي يقولك احبك ياخلود"?شوي وصوت دوي يهول يعم ارجاء البسيطه=> قوية ذي هع طربق طراخ تدرعم مع الدرج وتشوف صورة سعود تروح وتجي فلاش => ضربت فيوزاتها ?وتمد يدها تتخيله يمد يده ويساعدها=> حتى بطيحتها رومنسية ياعيني هع?وبعد ما استقرت بأخر الدرج تلتف يمين يسار محد شافها?? وتحاكي نفسها "والله الستر نعمه "?وتفز بسرعه وسمعت طقة ظهرها حست بألم مبرح وتتمالك نفسها وتقوم ..??===========)

[ملكة11كول]

?**منزل بشاير**?بشاير بعد ماتغدت وعينت من الله خير.. راحت تقيس ملابس حفلةا يوم الخميس .. دخلت غرفتها قفلت الباب تذكرت الرقم الي جاها بلوتوث وطقت براسها تسمع الصوت ودقت مره ثنتين ثلاث ما حد رد?واخيرآ ردت? صوت بنوته وعندها اصوات بواري وزحمه بشاير : الو السلام عليكم هذا جوال منى?البنت:وعليكم السلام لا والله غلطانة?بشاير: طيب كيف حالك ليش معصبه هدي الدنيا ماتسوى?البنت: انا بخير وهادية وغيرو?بشاير: بصراحه صوتك بريئه وهذا شجعني احذرك انتبهى ع نفسك رقمك قاعد ينشره واحد بلأسواق بلوتوث?البنت: اقولك مو علينا مقلد صوت بنت وع صوتك نشاز وتوووت توت صوت القطار قفلت بوجه بشاير ?بشاير انقهرت: انا بنت ابوي شكلها مخربتها هالبنت والله اخذ حق اذني?ودقت مره ثانية وثلاث ماترد?ترسل بشاير مسج " والله انا بنت ردي والله قاصده خير بقولك كلمه"?ترجع تدق بشاير ترد البنت?البنت: الو نعم خير?بشاير: بغيت اسمعك صوت موسيقى عذبه وتقفل السماعه بوجهها??مرت عشره دقايق??بشاير في نفسها حرام صوتها برئ وانا الي تليقفت بدق اعتذر واخلص ضميري=> احلى ياحنونة هع?وتدق مره ثانية ترد البنت?البنت: الو نعم ياغثا?ب: معليش ع التقفيله بس والله انا بنت وشفت رقمك بلوتوث وطلبت صاحب النك لا ينشره يعني مسوية لك جميل?البنت: والله وفيك الخير لا يكون خويته بس?ب: يخسى الا هو لا والله بس انصحك لله لا تردين ع اي رقم غريبه والله وانا اختك قصدي خير?البنت: بس محد دق علي غيرك?ب: يعني محد ملقوف غير هههه طيب معليش احتياطا والحذر واجب وابشري رقمك امسحه من عندي تامرين ع شي?البنت : مشكوره هذا واحد حقد علي عشان ما اعطيته وجه?ب: ايه كذا خلي راسك مرفوع لا ينحني لاحد?البنت : لاتوصين حريص مشكوره انا اسمي رحاب من جده وانتي===> ياربي يالبراءه ايه ايه صح طلعت رحاب خويتنا هع?بشاير: كفو لا شكر ع واجب عاشت الاسامي يارحوبه بجده انا واسمي بشاير الا عندك صجه وينك؟?رحاب: ايه انا بالكلية ادرس وساكنه بحي الصفا وانتي?بشاير: والله! انا بنت خالي بكلية العلوم و ساكنة انا بحي الشاطئ?رحاب: خلاص بتعرف عليها طلعتوا قريبين منا ياسبحان الله ع الصدف احس اني ارتحت انتي لك تدرسي.. اوف الباص جاء?بشاير: ههه اوكي رحوبه الحقي باصك واذا حبيتي رقمي عندك مع السلامه.?شوي يجي بشاير مسج من رحاب بشاير تكلم نفسها: ياحليلك يارحوبه?صح الحين وقت خلود تطلع من الدوم خلني ارسلها مسج?وترسلها المسج الي جاها من رحاب ...??خلود متسدحه بالسياره ماسكه ع ظهرها وتتأوه?وشوي صوت نغمة رساله وتفز ع بالها مسج من سعودها ويطق ظهرها وتصرخ آه يمه ظهري وتفتح رساله بشاير ماتقراها وترجع ترد لبشاير " سلام اه يابشاير تصدقين طحت اليوم وظهري ذبحني الحقي علي..??طنق طنق طنق طنق ..عند بشاير مسج?بشاير تقول لنفسها ياحلاتها خلودتي ترد بسرعه مو زي بعض ناس يوم يومين لين يجيك رد..?بشاير بعد ماقرت مسج حلود?انا بنت ابوي وتدق بشاير ع خلود..?بشاير: الو السلام عليكم سلامتك وقعتي قلبي وش صار?خلود: آه يابشاير ظهري الله يسلمك طحت من الدرج?بشاير: خلود ترآ هالعيون مركبه عشان تشوفين الدرب عساك بخير او افزع لك?خلود: آه بمر مستشفى عرفان احس اني تعبانة ?بشاير: خلاص وانا بالحقك مع السلامه??بشاير تروح لابوها يابه تكفى صديقتي تعبانة في مستشفى عرفان ودي الحق عليها?ام بشاير بفجعه: عسى ماشر وشفيها ?بشاير: طاحت وتعبانة ماعندها احد غيري وبتباكي تكفون يمه بتموت البنت=> هاذي طبعا مبالغه عشان تسلك امورها وبعد الشر عن خلود??ابو بشاير قده مشغل السياره وينادي بشاير??==========)?*في المستشفى*?خلود تدخل المستشفى وهي تعرج وماسكه ع ظهرها وبغرفة الكشف وتدخل عليها الدكتوره وبعد الفحص?الدكتوره: سليمه ان شاءالله مجرد رضوض بس للاطمئنان عملنا لك اشعه وبيحضر استشاري العظام الدكتور ياسر .. يسألك شوية اسئله?شويه يدق جوال خلود والمتصل بشاير?ب: الو... هاه وينك..?خ: فديتك انا بخير في المستشفى قالوا بسيطه.. ?ب: طيب انا عند الاستقبال جايتك فينك?خ: يا قلبي ماكان له داعي تجي ... انا الحمدالله بخير ..?خذي الدور الاول واطلعي يمين..?(شوية يدخل الدكتور ياسر ويسلم ع خلود.. شاب زي الورده طويل جسمه رياضي..وجهه جميل وبشوش وصوته دافي ==> بإختصار كنه توم كروز هع?وخلود طبعا ما تغطت عن الدكتور لان الضرورات تبيح المحظورات لا احد يلومها)?الدكتور ياسر: سلامتك ماتشوفين شر سليمه ان شاءالله كيف حاسه الحين?خلود: الله يسلمك يادكتور الحين احس بألم خفيف بظهري...و__?قبل ماتكمل خلود كلامها الا بشاير تدرعم عليهم بالغرفه وتشيل الغطا==> بيت ابوك ع غفله هع?وتسلم ع خلود بشاير?بشاير: هاه بشري وش قالوا لي سلامتك والله...?الدكتور بإبتسامه حنونه?الدكتور: تطمني خلود بخير.. انتي وش تقربي لها..?الا وتنتبه بشاير بوجود الدكتور بالغرفه وتحمر خديداتها وتصلح غطاها وتدرعم خارج الغرفه مسرعه?بشاير برى الغرفه مو قادره تجمع ..وتوجهت لا شعوريا للحمامات... قاعده تطالع بنفسه في المرايا .. وقاعده تطالع بنفسها وقالت لنفسها:?قهر ليتني حطيت شوية مكياج وانا طالعه.. قامت تفتش في شنتطها تدور ع روج ..وقامت وحطت روج وطلعت كحل وتكحلت.. وبعدين حاكت روحها?++ صدق خبله اشبي باكشف ع الدكتور او بشوفه ليش احط روج الحمدالله والشكر العقل نعمه++?شوية جوال بشاير يدق والمتصل خلود?خلود: الو بشاير وينك تعالي انا ماعندي احد...طالعه الحين بسرعه..?تتوجه بشاير لخلود وتدخل الغرفه..?ب: سلامتك ياخلودي شفتي غلاتك عندي كيف.. جيتك جري وطبيت ع الدكتور بعد?خ: الله يسلمك.. كفو الله لايحرمني وجودك ياغالية والله شكلك يضحك بعد ماتفجأتي بالدكتور?ب: هههه لاتذكرني فز قلبي من شفته مدري وشفيني.. واحنا ماسوينا غير الواجب ياخلودتي?خ: ههههه تراه مدحك بس ماني قايله لك وش قال.. شفتي حتى بمصايبي اجيب لك افراح?ب: بالله عليك تكفين وش قال.. من جدك انتي.. وانتي صادقه رب ضاره نافعه بس تكفين قولي وش قال هاه?خ:الله يرجك اثقلي هذا دكتور مو مطالع لك امزح ترى انت تستاهلين بروفسور براسه بعد.. ومع كذا مابقولك الحين احترقي?ب:ياختي وش اثقل مليت من التثيقل.. وبعدين هذا الدكتور لويشوفه المرض ينحاش..لايق عليه دكتور يعالج قلوب المرضى?خ: والله البنت طاحت ولا احد سمى عليها هههه..?ب:ليتني امرض ياشيخه بروح ازلق نفسي من درج المستشفى شكلي ههه.. الا انتي وش مشغل عقلك خلاك تطيحن كسرتي درج المدرسه هههه?خ: هههه حرام عليك هههه طيب كذا مابقولك وش قال عنك الدكتور وترى اسمه ياسر?ب: ياسر..الله اسمه حلو بعد ههههه في الليل بدق عليك ونتفاهم براعي حالتك الراهنة??وهم طالعين الا يقابلون الدكتور في الممر?وتضيع علوم بشاير وتلاحظ نظرات الدكتور تلاحقها بإهتمام وتبطي المشي بشاير وخلود تسحبها لأن ابوها قاعد يدق ع جوالها يستعجلهم...??============)

?*في منزل خلود*?خلود متسدحه ع سريرها.. الساعة 11مساء?"يدق باب غرفتها..ام خلود تدخل ع خلود.. تجلسن جنب خلود تمسح ع راسها?أم خلود:كيف حالك ان شاءالله بخير..?خلود: الحمد الله احسن?أم خلود: والله بشاير خويتك بنت رجال الله يحفظها لأهلها?خلود: اي والله ماشاءالله مع اني ماعرفتها من زمان?ام خلود: بفاتحك بموضوع ?خلود ارتبكت وحست ان امها بتفتح معها موضوع الزواج?خلود: يمه خير ان شاءالله?أم خلود: انت كبرتي ما شاءالله وحلوة وصرتي بسن زواج بالمختصر ولد جارحاب ماجد طلبك وش رايك؟?خلود مع انها عندها فكره عن الموضوع الا انها من فجعتها حست انها اول مره تسمعها?خلود: يمه ماجد ماينعاب.. بس انا ماودي اتزوج الحين و..?أم خلود: اجل متى .. خلود بنات اصغر منك تزوجوا وصار عندهم اولاد .. والمسأله مافيها خجل هاذي سنة الحياة وانا امك?خلود سكتت هي كذا اذا انصدمت تخنقها العبره ولا تقدر ترد?أم خلود: خلود انا ماكان ودي اسألك الحين وانت تعبانة بس مافيه وقت والناس يسألون..?فكري وترى ابوك معطي الرجال موافقته..?ام خلود تطلع من غرفة خلود..?خلود تضم مخدتها بحرقه ودها تكتم صرخه قهر واستغاثه فتت قلبها ?و جوالها في حضنها كالعاده .. لانه ريحه غلا سعود..?تضمه وتدمع عينها?"سامحني ياسعود ماقدرت ادافع عن حبك.. ضمني ياسعود اعطني مو قوتك وامانك"?شوي ويدق جوال خلود والمتصل بشاير.. وهي مشغوله باحزانها ماردت..??===========)?*منزل رحاب*?رحاب مشغوله ع الماسنجر مع صاحبتها ريم وقاعده تشرب بيبسي وتفصفص..وفكرت تكلم بشاير واخذت الجوال ودقت ع بشاير...?ب:الو ياهلا وغلا بخويتي الجديده رحوبه?ر: هلابك كيف حالك .. نتشرف بصحبتك يابشوره?ب:تسلمين ياعمري.. انا بخير الا انتي وش مسهرك يادبه ماوراك دوام?ر:الا ورايا بس بغيب تعبانة نفسية من تهزيئة المصرية اليوم?ب: ههههه وانا اقول رديتي علي الصبح وانتي معصبه لا ولله سلامتك وش سويتي اجل?ر:اقولك بشوره اذا عندك ماسنجر برسلك ايميلي وتدخلين احسن?ب: اوكي خلا ص تم ديزي لي اياه??"تحسبونهم قفلوا وراحوا ع الماسنجر لأ غلطانين?واستمرت المكالمه ساعه وساعتين وثلاثه => مين قال ان البنات مو ثرثارات هع بس لا احد يغلط كان كلام مفيد??==========)?*في منزل خلود*?خلود ما داومت.. وقامت ع الساعه 10 صباحا وحاسه هموم الدنيا ع راسها.. فتحت جوالها لقت مكالمات لم يرد عليها: سعود_ نهله _ بشاير_ هند_ سعد?وفتحت المسجات وقرت مسج بشاير" طمنيني دقيت عشان اسأل عنك مو عشان اسأل وش قال الدكتور(:"?اربع مسجات من سعود?خلود تحاكي نفسها?آه ياسعود.. حتى مسجاتك صرت اخاف اقراها واغرقها بدموعي.. ??==========)?*في منزل بشاير*?الساعه 10ونص صباحا?وبشاير صاحية=> ياكبرها عند الله..هع?فكرت تدق ع رحاب وتعزمها وع الحفله وتتعرف عليها اكثر..?وتبحث في الاسماء ..خويتي الجديده رحوبه وتدق عليها..?ب:الوووو.. صباح الورد ياورد?ر: ياهلا وغلا صباح البيبسي ياشبس?ب: ههههه حلوة بس لا تعيدها لان البيبسي اسود البشره... شخبارك?ر: ههههه اموت بالأسود انا بخير تصدقين لو دقيتي قبل دقيقه كان مارديت كنت بالمحاضره وهربت?ب:هههه افا عليك وليش هربانة هذا وانا شاده فيك الامل ترفعين راسي وانا امك ماقالتي بتغيبين?ر:هههه راسك مرفوع مايحتاج ماغبت عشان المصروف ههه .. تصدقين بنص المحاضره اشتهيت بيبسي واستأذنت من الاستاذه كني بروح الحمام وخرجت خروج بلا عوده هههه?ب: الله يرجك هههه شوقتيني لايام الدراسه فله.. وحاشا ماصار بيبسي صار هروين ههه?واستمرت المكالمه نصف ساعه وقفلوا بدون ماتقولها بشاير عن العزيمه ونست الهدف الاساسي للمكالمه..??===========)