بحث مخصص
|
| | |
| | |
|
| ||||
| |||||||
| الملاحظات |
 |
| | أدوات الموضوع | انواع عرض الموضوع |
|
#331
03-21-2008, 04:27 AM
| |||||||||
| |||||||||
 رد : (قلوب من زجاج) قصة سعودية خيالية - جريئة " من تاليفي " <<<< الفـصل الســادس عشــــر >>>> [color=#000000]" لو طالت الايام ماني بناسيك لو طالت المده وطول دهرها ابيع كل الناس ياشيخ واشريك والناس لاجلك مستعد اخسرها يفز قلبي كل ما مر طاريك ومشاعري تعن لدارك سفرها ياكثر ما احبك ياكثر ما اغليك تراك ياغالي عيوني ونظرها " المرسل " ******** " راحت للرسائل المرسله بدافع الفضول وقرت اخر رساله " وش تقول بشخص مثلي مات فيك حبك لحد الجنون وما اكتفى لونسى عمره وروحه ما نسيك دام حبك نبع صافي للوفا لو تكون بآخر العالم بييك دام شوفك فيه للروح الشفا كم تتمنى في عيونه يحتويك لجل يسري في حناياه الدفا " المستلم " ******* " استغربت من الاسم اللي حاطة عبد العزيز " ******* " بس نجوم !! ابتسمت .. شكله اخوها عايش قصه غراميه مهبله فيه دخلت عبد العزيز وشاف هديل في الغرفه وماسكة جواله وتبتسم عبد العزيز : هلا وغلا هدولة شفيك صاحيه للحين ؟ هديل بابتسامة : ابد .. ماجاني نوم .. وانت ؟ ما وراك دوام بكرة عبد العزيز : الا .. بس ماجاني نوم هديل بخبث : ما جاك نوم والا تراسل معشوقتك عبد العزيز : ههههه ماجاني نوم وقعدت ارسلها عندك مانع هانم هديل ؟ هديل : لا ابد .. انت حر .. بس ليش مو مسميها ؟ عبد العزيز : مممممم ما في اسم يليق لها هديل : يا الله .. اخيرا صار اخوي العاشق الولهان عبد العزيز : آآآآه بتذبحني والله هديل : هههههه الله يشفيك عبد العزيز : آمين هديل : يلا انا بروح احاول انام بكرة وراي دوام .. وانت بعد نام .. وعلى فكرة .. وانت برى الغرفه جتك رساله لفت هديل وطلعت وعبد العزيز مسك جواله واشتغل رسايل ويا اروى ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; اما في المستشفى عند ام محمد محمد طول وقته عند امه وخصوصا لما نقلوها غرفه لحالها وصارت بس عايشة على المغذيات وريم في اليت نايمة في العسل ومحمد مقفل عليها وما يدخلها شي غير الاكل اذا طلبته الساعه 6 ونص الصبح صحى محمد من النوم وراح على البيت اتروش وبدل وراح على دوامه .. وعدا قبلها على غرفة ريم سمعها قاعده في الغرفه تغني وطربآنه عالصبح طنشها و طلع من البيت ريم في الغرفه قاعده قدام التسريحه على وجهها ماسك وقاعده تحط مناكير وتبرد اظافيرها وتغني ورايقه على الآخر شالت الماسك من وجهها وحطت كحل وقلوس ولبست ودقت على سنتيا تفتح لها الباب ريم: سنتيا يا حيوانه قلت لك امشي افتحي الباب والا مارح يصير لك خير سنتيا : ....... ريم تصرخ في السماعه : سنتــــــيآآآآآ يا تبن سنتيا خايفه تسويلها ريم شي صدق بس سكرت السماعه وطنشتها ريم في الغرفه مقهورة .. : يعني اليوم روحة استراحه وطز ما ابي اروح .. حتى مدرسه ووناسة لا اففففففف بدلت ملابسها وفتحت اللاب توب وعلى الشات على طول تسلي وقتها مع الغباء اللي هناك ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; هديل قاعده قدام التسريحة تغني وتحط الكريمات والمراهم على وجهها الدنيا حلوة واحلى سنين بنعيشها واحنا ياناس عاشقين ننسى اللي فاتنا ونعيش حياتنا عالحب متواعدين خلصت ونزلت معها تينا وساعدتها وركبتها السيارة وراحوا على المدرسه من دخلت هديل بوابة المدرسة شله بنات يأشرون ويتكلمون ضاق صدر هديل عالصبح من كلامهم وواضح 100 % انهم يتكلمون عنها .. طنشتهم ودخلت الفصل وكانت الاستاذه بادية الشرح .. طلعت لها تينا كتبها وجلست في اخر الصف عشان لو تبغى هديل شي في هالوقت اروى داخله الفصل معها كوب موكا وتشرب ولا همها .. فصخت عبايتها وجلست مكانها طالعت في مكان الماس لقته فاضي قالت بصوت عالي : وينها الدفرة ما جت اليوم وئام انتبهت انه المقعد اللي جنبها فاضي .. واشرت لاروى انها ما تدري الاستاذه عصبت من اروى اللي مو معطيه اهمية للحصه : اروى وبعدين ؟؟ متى بتسكتين ؟؟ وشيلي اللي قاعده تشربينه .. ما اتوقع انها فسحه اروى : اووه استاذه مشتهيه واحد مثله ؟؟ لا تخافين اقدر ادق على السواق يجيب لك بس لا تحطين عينك على حقي مابي يجيني مغص الاستاذه عصبت ودمها طلع لمخها ومو عارفه ايش ترد على وقاحة مثل كذه اروى ضحكت بصوت عالي على شكلها وكملت : ايه صح .. ترى المديرة تبغى مادموزيل هدييل .. رفعت هديل راسها بسرعه لاروى وطالعت اروى فيها وضحكت باستهزاء اروى : هههه اخيرا طلع قرار انها تنقل لمدرسة معاقين ههههههههههههه هديل فقدت اعصابها .. ماقدرت تسكت اكثر من كذه وقالت بصوت كله قهر ودموعها تنزل على خدها : الله يحرق قلبك يا اروى على اغلى شي عندك مثل ما حرقتي قلبي الكل على وجهه اكبر علامة استفهام وتعجب من رد هديل للي ماله معنى بالنسبة لهم !! اروى ارتبكت وابتسمت تخفي ارتباكها وردت بكبرياء : ههههه انا اروى يا انسه هديل .. واقدر أي شي ارجعة بحركة اصبع .. مو مثلك يا .... قاطعتها الاستاذه : بس اروى ... اتفضلي هديل عند المديرة حركت تينا كرسي هديل وطلعت من الفصل على مكتب المديرة ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; نروح عند جنا اللي كانت قاعده في جناحها طفشانه ومافي احد في البيت الا هي والشغالات ندى وشوق ف دواماتهم .. وام سعود طالعه كالعاده تتمشى في الجناح بدون أي هدف شافت التلفون محطوط على طاولة في الصاله الصغيرة .. اتحركت لعنده وجلست على الكنبه ورفعت السماعه وضغطت على ارقام معينه تنتظر الرد ردت بصوت مرح : هلا جنا : اهلين .. اخبارك يا دبه اميرة : تماام انتي كيفك وايش اخبارك ؟ جنا : الحمدلله بخير اميرة : اعرفك مصلحجية ما دقين على صديقة عمرك اميرة الا اذا تبين شي جنا : ههههه شف السخيفه ... هالمره ايه .. طفشانه وبطق من الطفش اميرة : تعالي عندي المدرسه جنا : أي صح اجي عندك انتظرك في غرفة المدرسات والا احضر حصصك المملة اميرة : انطمي بس ... كم الساعه عندك ؟ جنا : 9 ونص اميره تطالع في جدولها : مممممم فاضية الرابعه والخامسة .. والسادسة عند اول ثاوي والسابعه عند ثاني ثانوي .. الثامنه عند ثاني متوسط .. جنا : قوليلهم انك تعبانه وامشي نروج نتمشى اميرة : ممممم .. اوكي ليش لا .. يلا سي يو وبرجع ادق عليك .. اجهزي وتعالي مريني جنا : اوكي تم سكرت جنا من اميرة وراحت لغرفتها بدلت واخذت عبايتها نزلت وشافت الخدامات يرتبون المجلس وينظفونة جنا : مونيكا .. اذا جات مدام قوليلها انا طلعت مع صديق اوكي ؟ مونيكا : اوكي جنا : روحي قولي للسواق يجهز السيارة مونيكا : اوكي جهزت السيارة وطلعت جنا وراحت لمدرسة اميرة  |
| اليـــــوم , 11:20 PM |
| (قلوب من زجاج) قصة سعودية خيالية - جريئة " من تاليفي " |
|
#332
03-21-2008, 04:29 AM
| ||||
| ||||
| رد : (قلوب من زجاج) قصة سعودية خيالية - جريئة " من تاليفي " اميرة وهي تركب السيارة : هاااي جنا : هايات اميره : وين تبين تروحين ؟ جنا : اول شي ناوية اشتري جوال لانه شكله مستر سعود مو ناوي يشتريلي شي اميرة : هو لسه على حاله جنا : كل ما احس انه بدأ يتغير ما يمر يوم الا وهو رجع مثل اول واحيانا اسوء اميرة : اف جنا : خلينا في المهم .. وين نروح ؟ اميرة : مممم نروح الظهران جنا : اوكي يلا ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; هديل قاعده في الفصل .. جابت لها تينا اكلها وخلته على الطاولة حاطة راسها على الطاولة وتشهق بدموعها سمعت وشوشات في الفصل سكتت تركز في الصوت سمعت بنتين من اول ثانوي يطالعونها 1 : مسكينه شوفي كيف تبكي 2 : ايه مرة تحزن .. الله يشفيها هديل بس سمعت كلامهم زادت شهقاتها .. 1 شهقت : سمعتنا 2 : طيب واذا ما قلنا شي غلط 1 : يلا نروح تحت عند البنات بس كنت ابي اوريك ياها هديل بس سمعت كلمتها زادت بكا بقهر .. اروى السبب .. هي اللي خلتها شي شاذ وغريب وسط البنات بهالمدرسة .. اروى اللي شوهت سمعتها .. اروى اللي خلتها فرجة للناس . الرايح والجاي حتى لو ماكان ناوي يطالعها بيطالعها رفعت راسها ومسحت دموعها بطرف كمها وبدأت تاكل شوي شوي وهي تتذكر كلام المديرة لها في الغرفه ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; المديرة : اهلين آنسه هديل اتفضلي دخلتها تينا الغرفه وطلعت وسكرت الباب المديرة : كيفك الحين ان شاء الله مرتاحه ؟ هديل بصوت مبحوح : ايه الحمدلله المديرة : ومافي احد بيضايقك كذه او كذه ؟ هديل اشرت لها براسها بمعنى " لا " المديرة : الحمدلله .. قامت المديرة من كرسيها ومشت لعند هديل : حبيبتي هديل بما انك الحين صرتي احسن الحمدلله وحالتك استقرت تماما .. بس ابي اعرف منك ايش صر بالضبط يوم الحادث هديل سكتت .. ما تبغى تقول لاحد أي شي المديرة : سمعنا انك انتي وكم بنت هربتوا للراشد وقت الفسحة مكان ما لقوك هناك في حمامات الدور الرابع عند المطاعم هديل : .......... المديرة : مارح ادخل في العميق اكثر من اللازم .. اللي علي اسويه هو اني اعرف مين سبب كل هذا ؟ وليش ؟ هديل : انامارح اقول شي الحين المديرة هزت راسها : اوكي تقدرين تتفضلين .. ووقت ما تكوني حابه نسمعك احنا حاضرين هديل هزت راسها بمعنى اوكي وادت على تينا وجت اخذتها ورجعوا الفصل ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; خلصت الفسحة وطلعوا البنات لفصولهم يستعدون للحصة الرابعه الماس : ايش علينا ؟ مزون : ممممم توحيد الماس : مم جلست الماس مكانها وطلعت كتاب التوحيد تفتحة عشان تراجع الدرس الماضي لقت كلام مكتوب بخطها وخط وئام " مجروح قلبي وخاطري مجروح كيف القس ينسى حنان الروح " " احبها احبها مدري وش اللي بقلبها احبها احبها مدري وش اللي بقلبها ان خانت عهود الهوى الله الله الله الله الله ربي وربها " " ياخي والله هالاغنيه عذااب " " من جد .. ما تلاحظين اننا في حص؟ توحيد ؟ " " ههههه من جد .. لاحظت واحنا قاعدين نغني " " بس والله شرحها ممل " " وانتي الصادقه " " اقول وئاموه .. تعالي عندي اليوم " " وليش مو انتي تجين كل مرة انا اجيكم " " اوكي .. الساعه 6 انا عندكم " " حياك الله " اتجمعت الدموع في عيونها لحد ما ثقلت وطحت على الحبر وساح في الورقه انبهت عليها وئام اللي كانت حاطة راسها على الطاولة وكانها حست بثقل دمعه الماس طالعت فيها لقتها فاتحة على بدايه الكتاب ومكتوب كلام هم كاتبينه .. تذكرت هاللحظة طفشانين وقاعدين يسولفون .. " يالله وش اشتقت لهالسوالف " رجعت طالعت فيها لقتها تقلب في صفحات الكتاب تدور على الدرس للي راح وتراجعه قبل لا تجي الاستاذه اخذوا ثنتيناتهم مزيل وكتبت على الطاولة .. ماقصرت نست وعدها تاخرت ما قصرت ماجت ولاهي تعذرت خلت لي الليل وسرت ماقصرت ماقصرت ماقصرت اخ يالقهر لو بيدي كان الجفا حق الجفا لكن قدر اني احب اللي نسا عهد الوفا مثل الزمان تغيرت لا جت ولاهي تعذرت مثل الزمان تغيرت ما جت ولاهي تعذرت خلت لي الليل وسرت ما قصرت ما قصرت ماقصرت مجروح قلبي وخاطري مجروح ااه كيف القسا ينسى حنان الروح احبها احبها مدري وش اللي بقلبها احبها احبها مدري وش اللي بقلبها ان خانت عهود الهوى الله الله الله الله الله ربي ربها الــله ربي وربها ابتسموا لما خلصوها . قد ايش كانوا يحبون هالاغنيه .. ويحبون احاسيس عباس ابراهيم الحزينة وهو يغنيها سكروا المزيل وقربوا وجههم لاشعوريا على الطاولة يشمون ريحة المزيل .. رائحتهم لمفضله ههههه لاحظت الماس انه وئام سوي نفس حركاتها .. طالعت في الطالوة لقتها كاتبه نفس اللي تكبته .. ولكم خلصت شمت المزيل . حركة دايما يسوونها يشمون ريحة المزيل بعد ما يخلصون منه طالعت وئام فيها ترددت تبتسم او لا .. لكن ابتسمت بعد ما شافت ابتسامة الماس .. ما توصف راحتها لمن شافت ابتسامة الماس .. ونفس الشي الماس .. ارتاحت لما بادلتها وئام الابتسامة ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; نروح في الظهران مول عند اميرة وجنا دخلوا محل جوالات لجنا تبغى تشتري جوال اميرة : شوفي هذا حلو وناعم حتى لونة حلو جنا : ايه هذا روعة .. مو مثل ذاك استغفر الله كانه ألة حاسبه شكبره العميل في المحل سعودي وماسك ضحكته من اول على تعاليقهم الهبله على الجوالات جنا اخذت الجوال وعطته الرجال : ايش مميزاته الرجال قعد يشرح لها مميزات الجوال نصها ما فهمتها واميره قعدت تشرح لها اياها جنا : خلاص يعني اخذه ؟ اميرة : لا رجعيه .. ياربي عليك غباء مو صاحي جنا فقعتي مرارتي خذيه لا تقعدين تـ .... قاطعتها جنا : طيب طيب اف .. " لفت على الرجال " خلاص عطيني اياه الرجال : اوكي جاب لها اياه ودفعت حقه وطلعت وفرحتها مو شايلتها جنا : تعالي نجلس عند المطاعم اشغله اخيرا اشترت جنا الجوال وشغلته وبعدها راحوا تسوقوا ورجعوا البيت جنا : تجين عندي ؟ اميرة : لا وشو فرضا زوجك المصون جا جنا : ما يجي الحين يجي الساعه 2 اميرة : لاا وشو بعد اجي عندك بملابس المدرسة .. تخيلي بس جنا : امحق يالبريستيج اميرة : طيب انتي تعالي عندي جنا : اوكي يلا .. اخاف يروح علينا الوقت وماارجع بدري اميرة : صار عندك جوال حطي منبه الساعه 1 ونص تنقلعي بيتكم جنا : شف الحمارة .. طيب علميني شلون ما عرف اميرة : خل نطس البيت اول بعدين يصير خير جنا : امشي يلا ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; في بيت اميرة .. اميرة فتحت الثلاجة طلعت بيبسي وشوكالاتات جنا : لالالا مافي عصيير او فواكه اميرة طالعتها بنص عين : ياشينك يوم تمزحين جنا : لا من جد .. مو زين لي الحين البيبسي اميرة : وايش معنى الحين ؟ جنا : هو .. ما دريتي اني حامل اميرة فتحت عيونها على اخر شي : نعــم ؟ من متى وفي أي شهر ؟ جنا : لسه في نهاية الاول اميرة دخلت الاشياء للثلاجة مرة ثانيه وفتحت الدرج اللي في الثلاجة وطلعت فواكه وسوت لها عصير برتقال جنا : ههههههه ليه كل هذا اصلا الحين بروح البيت اتغدى اميرة : ولوو لازم تاكلي يا ام اميرة عشان يطلع البيبي زي البطيخة دب جنا غصت : ام اميرة ؟؟ وبطيخة ؟ ليييش من قلة الاسامي اميرة : شف التبن .. اصلا لك الشرف تسمين على اسمي .. هو في احلى من اسمي جنا : ايه في اميرة : يلا مثل شنو هانم جنا جنا : اذا بنت بسميها جوري واذا ولد بسميه محمد على اسم بابا اميرة : مالقيتي غير هالاسم .. اسمي احلا جنا : مالت عليك من زين اسمك الحين .. " تتطنز " اميرة .. ياريته بعد اسم على مسمى رن المنبه على الساعه 1 ونص اميرة : يلا بسرعه انقلعي بيتكم انتي وبنتك جنا ضمتها : ههههههههه حبيبتي انتي يلا اشوفك على خير اميرة ضمتها هي بعد : ان شاء الله والمرة الجايه بجي عندك اوكي خخخ جنا : هههه حياك الله بس ترى ما يمدحون رزة الفيس اميرة جت ترفع رجولها تشوتها بس اتذكرت البيبي ونزلتها بسرعه جنا : تدرين لو كنتي سويتيها كنت مو بس ذبحتك .. اميرة : ههههه نسيت عاد وين هالبطن اللي ممكن تخلي الواحد يستوعب انك حامل جنا : هههههه يلا باي اشوفك على خير اميرة : اوكي يلا باي مشت وراها اميرة وقفلت الباب وراحت لغرفتها تنام شوي ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; |
|
#333
03-21-2008, 04:31 AM
| ||||
| ||||
| رد : (قلوب من زجاج) قصة سعودية خيالية - جريئة " من تاليفي " جنا في السيارة ماسكة جوالها تفتش فيه وتلعب وقفت السيارة قدام البيت ونزلت جنا ودخلته بس مالقت الا شوق قاعده في المجلس لابسه بطلون رياضة وتي شيرت ورابطة الجاكيت على خصرها وحاطة رجلها على الطاولة ومتكتفه ومغمضة عينها جنا : اهلين شوق اشوفك رجعتي بدري اليوم شوق : عندي 8 حصص اليوم والنادي الساعه 4 وماعندي مشاوير قلت ارجع اريح احسن جنا : الا متى قلتيلي دوري السله حقك ؟ شوق : مممممم بعد اسبوع جنا : وكيف استعداداتك ؟ شوق : ماشي الحال .. اقول تراكم كلكم بتحضرون الدوري مو تقولين مدري ويمكن جنا : ههه ان شاء الله شوق : يلا انا بطلع انام شوي لاجا وقت الغدا صحوني جنا : اوكي طلعت شوق لغرفتها وراحت جنا لحناحها بدلت ملابسها ونزلت ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; اروى في غرفتها الساعه 2 ونص تدور ايش تلبس لاستراحة اليوم طفشت من التنانير والفساتين تبغى شي مميز يخطف انظار الكل طالعت في فستان فوشي كوكتيل و طويل ينلف حول الجسم كله ويترك قطعه على جنب وماسكها بروش صغير عضت اصباعها السبابة محتارة تلبسه او لا طلعته ورمته على السرير ورمت جنبه كم فستان تختار احلى واحد منهم بس حطت الفوشي في بالها وبتلبسه يعني بتلبسه نادت الشغاله عشان تكويه لها بالبخار ونزلت تتغدى اروى : مامي بروح عند صديقاتي اليوم مسويين حفله في استراحة ام فيصل : طيب حبيبتي روحي استانسي تبين احد من اخوانك يوصلونك اروى : لا مامي وئام بتمر علي عشان سواقها يعرف الاستراحه ام فيصل : اوك على راحتك دخل فيصل مع ابوه غرفه الطعام وسمع اخر كلمة ام ام فيصل فيصل : شصاير ؟ اروى تتافف من تدخله : انا بطلع انادي البنات نادت اروى خواتها وجت تدخل غرفه نجلاء لقتها قاعده ترقص وتغني وماسكة الفرشه ويعننه مايكرفون اروى : ههههههههه نجلاء يلا انزلي الغدا نجلاء : ياااارب انك خربتي جوي اروى : يارب انك متخلفه .. يلا امشي .. وين سارة ؟ نجلاء : طالعه مع بندر اروى : اها .. يلا طيب امشي انزلي والا ما تبين نجلاء : افا عليك .. اروى تطلع لي تناديني وانا ما انزل .. مع انها اول مرة في الكون ولازم نحطها في تاريخ العائلة الكريمة اروى : طيب يلا انزلي نجلاء : يلا طيب نازلة نزلول اروى ونجلاء ويسمعوا فيصل يخانق اروى : افففف شيبغى ذا نجلاء : شعنده يخانق من اليوم ؟ اروى : مدري عنه .. امشي بس ندخل امشي دخلوا اروى ونجلاء على طلعة فيصل من الغرفه معصب ويطالع اروى من فوق لتحت اروى دخلت : شيبغى ذا ؟ ام فيصل : ماعليك منه .. وين نوف ورؤى ؟ نجلاء : الحين نازين ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; الساعة 8 الليل نروح عند هديل في البيت كانت في غرفتها قاعده وسط الظلام مسكرة الستاير واللمابات وقاعده قدام مرايا تبين كل جسمها تطالع في يدها وترجع تطالع في رجولها كانها ناوية على شي بس حركت كرسيها لجهه السرير وحاولت تقوم تطلع له لكن بدن فايده اياديها ضعيفه وما تتحمل تشيل رجول بهالثقل اللي تحسه هديل تضغط على الكرسي بيدها وتعتمد عليه في الوقوف لكن بدون فايده دقت الجرس اللي موجود على كمدينة السرير وجتها تينا بسرعه تينا : يس مس هديل : حطيني في السرير اتقدمت تينا لعندها وشالتها وحطتها على السرير و غطتها غمضت هديل عينها واستسلمت للنوم ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; عبد العزيز في غرفته يدندن ويكب على نفسه من قزازة العطر ويلبس الجزمة طلع من الغرفه ونزل يبغى يطلع بس شاف تينا تطلع من غرفه هديل عبدالعزيز يكلم تينا : نامت مس هديل ؟؟ تينا : يس حرك عبد العزيز راسه وطلع من البيت وركب السيارة ومشى باقوى سرعه والاغاني تصرخ في السيارة بصوت اليسا باغنيه ايامي بيك يبي يسمع كل الناس انه يحب وحده وعشقها لحد الجنون بغرورها وكبرياءها وثقتها الزايده بنفسها وجمالها اللي يجذب كل انسان يشوفها غلط نيوتن يوم قال انه سر الجاذبيه هي الارض ... وسر الجاذبيه في نظر عبد العزيز هي اروى وصل عبد العزيز الاستراحة اللي كانت الاغاني ترج جدرانها واللي يشوفها يقول عرس اللي قاعد صير داخلها دخل الاستراحه شاف كم بنت لى كنبه حمرا وقاعد وسطهم مشاري معاه كاس بس شاف عبد العزيز قام وراح عنده : هلا والله ابو العز عبد العزيز حط يده على انفه : الله يقرفك على ذي الريحة .. روح من وجهي مشاري : هههههه افا علي ابو العز ما تبي تجرب لك كم كاس والله يروووووق عبد العزيز : الحمدلله رايق خلقه .. طلع جواله ودق على اروى اللي كانت في السيارة مع وئام اروى : هلا عزوزي عبد العزي : اهلين حياتي وينك ؟ اروى : خلاص قربنا شايفين الاستراحه عب العزيز : تمام .. اروى : يلا اشوفك عبد العزيز : اوكي سكر عبد العزيز وراح يجلس ينتظر وصولها اما اروى وصلت الاستراحه مع وئام .. فسخوا عباياتهم في الحوش حق الاستراحة وعدلوا اشكالهم ودخلوا اخذت خدامات الاستراحه عباياتهم وحطتها في مكان العبايات وعطتهم ارقامهم عبد العزيز لمح اروى تدخل وبسرعه راح لعندها عبد العزيز : هلا اراوي لفت اروى عليه بسرعه وابتسمت : اهلين عبد العزيز يطالع ارووى بتفحص فستانها الفوشي الملفوف على جسمها و الورده الفوشيه اللي حاطتها على جنب في شعرها وملفلفته طالع شكلها مرة كيوت اروى نزلت راسها تحس نظراته تاكلها .. رفع عبد العزيز راسها عبد العزيز : ارفعي راسك .. مو اروى اللي تنزله صح ؟ اروى : ههه صح مسك عبد العزيز يدها وطلع لبرى اما وئام واقفه قدام المرايا تعدل شكلها وتعدل الميك اب جا من وراها مشاري ومعاه كاسين : هلا وئام وئام تطالعه من المرايا بدون من تلف : اهلين مشاري : تدخلين وياي لفت وئام وطالعته بغرور واخذت منه الكاس وحطه على الطاولة قدام المرايا : اكيد دخلوا القاعه اللي كانت كأنها ديسكو مو قاعه احتفالات مشاري مالك الاستراحه مسوي بار على جنب وستيج حق رقص وكراسي وطاولات جلست وئام على احد الطاولات كانوا قاعدين فيها بنات تعرفهم تسلي وقتها معهم واروى مع عبد العزيز عند المسبح كالعاده جالسة اروى جنب عبد العزيز على احد الكراسي والمكان لهم مافي أي احد الكل داخل القاعه المزعجه عبد العزيز ماسك يد اروى يلعب باصابيعها : امس اختي قرت الرسايل اروى :اختك أي وحده عبد العزيز : ههه ماعندي الا اخت وحده اروى : اووه صح المريضه ؟ عبد العزيز اتنهد : ايه اروى : وايش قالت ؟ عبد العزيز :استغربت ليش مسميك نجوم اروى : شلون يعني نجوم ؟ عبد العزيز : رمز نجمه اروى : لا والله وليش مو مسميني ؟ عبد العزيز : مالقيت اسم يناسبك اروى ابتسمت : اهاا ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; |
|
#334
03-21-2008, 04:34 AM
| ||||
| ||||
| رد : (قلوب من زجاج) قصة سعودية خيالية - جريئة " من تاليفي " اما عند جنا وسعود .. الساعه 2 الفجر سعود راجع من الدوام ومعصب من غباء الموظفين دخل وطلع جناحه طلعت وراه جنا اللي كانت تسولف مع ندى تشوف ايش فيه طلعت له بجامته كالعاده وسحبها منها بقوه وراح بدلها وطلع جنا بتردد: سعود ما تبي تتعشى ؟ سعود بعصبيه : لا .. وانقلعي برة ما ابي اشوف احد جنا فتحت عيونها كانه احد ضاربها كف على وجهها .. طلعت بدون أي تعليق وسكرت النور والباب وقعدت في الصاله اتمددت على الكنبه الطويله وحزت بشي يهز في جيبها .. طلعت جوالها تشوف مين يدق " اكيد اميره ما غيرها " لكنها عقدت حواجبها لمن شافت رقم غريب يتصل .. بدأت لعبه الارقام المزعجه ضغطت على الزر الاخضر وسكتت تشوف مين المتصل : الوو جنا ارتبكت من سمعت صوت رجال .. جنا : نعم المتصل : ياويل حالي على هالصوت جنا : .......... المتصل : لا تسكتين .. ليش تحرمينا نسمع الصوت الحلو انفتح باب الغرفه وطلع منه سعود يمشي للمطبخ .. بس وقفه شكل جنا المرتبك وهي ماسكة الجوال اتقدم لعندها وسحب الجوال منها وحط عند اذنه يشوف سبب ارتباكها المتصل : الوو وينك يا صاحبه الصوت الناعم .. وينك يا من خذيتي قلبي واحتويتيه سعود عصب : مين معاي ؟ المتصل خاف من صوت سعود وقفل بسرعه سعود طالع في الشاشه وشاف الرقم ورمى الجوال على جنا بعد ما اعطاها خزة خلاها تتجمد بمكانها ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; عبد العزيز باس اروى على خدها : باي حبيبي واول ما توصلي كلميني اروى : اوكي حياتي باي عبد العزيز : باي ركبت اروى السيارة مع وئام وراحوا على البيت ولحقهم عبد العزيز على بيته ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; اما عند ريم ... ريم عند الباب صار لها وقت تضرب الباب باقوى ماعندها تنادي على الشغالات يفتحون لها الباب .. اختنقت من القعده في مكان واحد ريم بصراخ : يا كلاااااااب افتحوووا لييييييييي سمعت صوت المفتاح .. وقفت صراخ ووخرت عن الباب عشان ينفتح دخل منه محمد والشر يطلع من عيونه .. ضربها كف خلاها تطيح على الارض شاتها برجولها على جسمها : لاعد اسمعك تصارخين فاهمة ؟؟ اذا طلعت امي من غيبوبتها ذيك الساعه تطلعين ريم قامت من الارض وصرخت في وجهه : اذا كذا اقعد في الغرفه مليون سنه ولا تقوم ذيك الخايسه مسك محمد شعرها وشده ورماها على السرير اتقدم لعندها ومسك رقبتها .. خلاااص ناوي عليها اليوم ريم صارت تكح من ضغطه على رقبتها الشغالات واقفين عند الباب يراقبون وكل وحده عيونها مفتوحة شبرين .. راحت وحده منهم نادت على ماجد وياسر في غرفهم وجو مسكوا محمد وطلعوه بره الغرفه ريم استرخت على السرير ومسكت رقبتها وتحاول تشتنشق هوا قامت من السرير واخذت المفتاح من على الباب بسرعه قبل لا يلاحظونها وقفلت على نفسها من داخل ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قامت من النوم متضايقه وتحس البكا واقف عند حلقها والدموع جفت من عيونها من كثر البكا تحس انه صدرها مكتوم وعينها تحرقها جلست وحاولت تنزل رجولها من السرير مافي فايده تحس رجوها ثابتين على السرير .. مسكت رجولها بيدها وشالتها ونزلتها ونفس الشي الرجول الثانيه ابتسمت لما حست انه رجولها لمست الارض تكت على السرير بيدها تحاول تقوم .. من زمان ما وقفت على رجولها حاولت اكثر من مرة ولكن بدون فايده .. تحس انه صعب عليها .. استجمعت كل قواها ومسكت في عامود السرير ووقفت .. حست انه عمودها الفقري انشد مرة ثانيه فرحت لما حست انها وقفت على رجولها تركت العامود تتمنى تمشي مثل اول لكن خابت امالها لما طاحت على الارض بقوة صرخت تستنجد بأي احد صاحي في البيت .. لكن بدون فايده زحفت على الارض ورفعت يدها دقت الجرس ثواني ودخلت تينا الغرفه وفتحت النور شافت هديل مرميه على الارض وتبكي شهقت وركضت لعندها وشالتها وجت تبي تحطها على السرير بس اشرت لها هديل على الكرسي فهمتها تينا وحطتها على الكرسي مثل ماتبي ورتبت لها السرير وطلعت هديل حركت نفسها بالكرسي ووقت قدام المرايا كالعاده طالعت في وجهها واللي الجروح بدات تلتئم رفعت راسها شافت الجروح على رقبتها طالعت في المرايا بحقد واخذت قزازة العطر ورمتها باقوى ما عندها عليها لحد ما اتكسرت المرايا وتناثر القزاز على التسريحه غطت وجهها بيدها وبكت .. بكت على شبابها اللي راح وسط هالجروح وعلى هالكرسي .. وممكن ما يرجع كل شي مثل اول ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; في هاللحظة دخل عبد العزيز البيت يغني ويدندن .. كذه حاله من يوم مايرجع من طلعه طلعها مع اروى او حتى مكالمة شاف نور غرفة هديل مفتوح .. ابتسم بهدوء وقرب لعند الباب وسمع صوت انينها وبكاها .. سمع صوت تكسير دخل الغرفه بسرعه وشافها ترمي التحف على الارض وتكسرها واحد واحد وتحط حره في كل وحده منهم رمت نفسها على الارض ودفنت راسها تبكي بقهر وحرقة عبد العزيز يشوفها وفاتح عينه على الاخر اتقدم بسرعه لعندها وشالها وجلسها على السرير عبد العزيز : حببتي هديل شفيك ؟؟ ايش صاير فهميني ؟ هديل رمت نفسها في حضن اخوها وتبكي وتشهق وتحاول تتكلم عبد العزيز يمسح على شعرها بحنان : هدي هدول هدي وقوليلي ايش فيك هديل لسه تبكي : ليش انا يصير فيني كذه ؟ ليش الكل يطالعني بشفقه ؟ ليش يحسبوني معاقه ؟ ليش انا صرت شاذه عن الكل .. ليش لمن اكون في مكان الكل يطالعني ؟ سمعتي اتشوهت يا عزيز سمعتي في المدرسه صارت في الارض .. كله منها .. هي اللي صورت البنات وحطت الجوال في شنطتي .. هي اللي ركبت صوري مع شباب ونشرت الصور في المدرسة .. هي اللي بعدت عني الناس .. هي اللي شوهتني .. هي اللي خلتني شي غريب بين البنات .. هي اللي بعدت عني البنات كلهم بشكلي هذا .. مين يبي يكون صديقة انسانه معاقه مين يبي يصادق انسانه مشوهه مافي أي فراغ في جسمها صافي .. كل جسمي جروح . انا تعبت يا عزيز تعبت من نظراتهم .. تعبت من كلامهم .. ليش يحزنون علي ؟؟ انا ما ابيهم يحزنون علي او يقولون اني مسكينه .. بليز قولهم لا يقولون عني كذه .. الله يخليك عزييز قولهم شهقت بقوة ورجعت تبكي عبد العزيز ساكت يسمع كلامها .. ماعادت تتحمل أي احد .. سكتت كثير وجا الوقت اللي تنفجر فيه قامت من حضن عبد العزيز وقالت بكل حقد وقهر : كله منها .. كله منها اروى العالي بنت الكلب عبد العزيز تجمد في مانه من سمع اسم حبيبته على لسانها .. مسكتها من كتفها وقال بجديه : اروى مين يا هديل ؟؟؟؟؟؟؟؟؟؟؟؟؟؟؟؟[/color] ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; نهاية البارت الـ 16 .. اشكركم على انتظاركم حبايبي وان شاء الله يكون البارت عجبكم واتمنى الاقي توقعاتكم الحلوة تحياتي لكم ... بنوتة اون لاين |
| اليـــــوم , 11:20 PM |
| (قلوب من زجاج) قصة سعودية خيالية - جريئة " من تاليفي " |
| روابط لأكثر الكلمات بحثاُ |
 | سياسة الخصوصية |  |
العرض العادي
