بحث مخصص
|
| | |
| | |
|
| ||||
| |||||||
| الملاحظات |
 |
| | أدوات الموضوع | انواع عرض الموضوع |
|
#307
03-18-2008, 10:44 PM
| ||||
| ||||
 رد : (قلوب من زجاج) قصة سعودية خيالية - جريئة " من تاليفي " بنوووته الله يوفقك يارب في ختباراتك لا تتأخري علينا حنا في نتظارك تقبلي مروري ...  |
|
#308
03-19-2008, 12:03 AM
| ||||
| ||||
| رد : (قلوب من زجاج) قصة سعودية خيالية - جريئة " من تاليفي " <<<< الفصل الخـــامس عشـر >>>> الدكتور : ممكن تتفضل عندنا المستشفى اذا تبغى .. لا تخاف امك بصحة وعافيه الحمدلله محمد بارتباك مو داري ايش يسوي : اوكي اوكي .. فمان الله قفل محمد من الدكتور وقام من المكتب واخذ اغراضه وطلع ركب سيارته ومشى باسرع ماعنده على المستشفى دخل بسرعه وراح عند مكتب الدكتور الدكتور : اهلين استاذ محمد .. اتفضل اقعد محمد : بشر دكتور كيف الوالده ؟ الدكتور نزل راسه بأسف : والله مدري ايش اقولك يا اخ محمد بس امك ما قامت للحين محمد بصدمة : نعم ؟؟ ما سمعت ؟ وشو ما قامت .. ؟ نزل راسه وقال بصدمة اكبر ؟ : يعني ..... سكت .. ما يبغا يقولها .. بس كمل عنه الدكتور الدكتور : ايه نعم .. امك دخلت في غيبوبة والغالب في مثل هالحالات تكون شهور لا اكثر محمد طالع في الدكتور بحقد .. بعد ييقولها بكل بساطة .. قال شهور قال محمد وخانقته العبرة : اقدر اشوفها ؟ الدكتور : اكيد .. اتفضل معاي مشى محمد مع الدكتور وهو يجر رجوله جر مرت قدامه لحظات مع امه تأكله وتشربة وتلعبه وتلبسه وتروشه .. كيف ما تسوي كل هذا وهو بكرها وقبل ما يكون بكرها هو ولدها .. من لحمها ودمها دخل الغرفه اللي كان نورها بسيط بالمرة وحول امه الاجهزة تقدم لعندها وباس راسها ومسك يدها البارده .. دمعت عيونه وهو يشوف امه بهذا المنظر مرت قدامه لحظات وفاة ابوه .. وكانها صارت اليوم مو قبل 3 سنين للحظات حس بالكره والحقط على ريم .. هي اللي وصلتها لهذي الغرفة وهي اللي سببت لها كل هذا قام بسرعه من مكانه وطلع برى الغرفه متوجه لبوابة الخروج ركب السيارة و اتوجه للبيت بسرعه محمد : سنتياااااااا .. سنتياااا وصمخ سنتيا ركضت عند محمد بخوف : يس مستر محمد : عطيني مفتاح غرفة ريم سنتيا بخوف ودقات قلبها تتسارع : بس مس ريم روهي مدرسه وهو ياخد مبتاه " مفتاح " محمد فتح عيونه على اخر شي واتقدم لعندها ومسكها من بلوزتها : يا حيوانه انا مو قايل لك ما تطلع سنتيا خلاص بغا يغمى عليها .. رماها محمد على الارض بدفاشه وطالع في ساعته .. لسه الساعه 12 الظهر .. ركب سيارته بسرعه وراح للمدرسه يطلعها استئذان .. مو فاضيلها ينتظرها ساعة ونص ريم في المدرسه استغربت من هالاستئذان المفاجئ واخذت اغراضها وطلعت بس اول ما شافت انه اللي في السيارة محمد جت تدخل المدرسه بس محمد سبقها ونزل من السيارة وركبها بالغصب محمد : ادخلي يا مال الوجع والنكد .. الله لا يوفقك لا دنيا ولا اخرة يا بنت الـ ..... ريم تطالع فيه مستغربه ومبسوطة انه معصب .. وقعدت تطالعه بنظرات برود تزيد من عصبيته محمد : تدرين انك دخلتي امك في غيبوبة يا حيوانه يا ملـ .............. ريم ببرود كبييير : عادي .. نرتاح منها ومن شكلها المقرف كم سنه .. وياريت تموت بعد مرة وحده يكون احسن محمد طالعها بنظرات صدمة وحرك السيارة بسرعه ووده يرميها منها ويرتاح منها ومن مشاكلها اللي ما تجيب الا عوار الراس محمد : وبعدين من بكرة ما اشوف رقعه وجهك .. ريم : لا والله ؟ عادي بعد يكون احسن اني ما اشوف وجهك محمد كمل طريقه بصمت قبل لا يتهور ويرميها صدق ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; اما في المدرسه عند البنات .. وقت فسحة الصلاه هديل معاها تينا توضيها وتلبسها العبايه وتساعدها عشان تصلي البنات من الفصول الثانيه متوسط وثانوي وقت ما كانت تينا تساعد هديل كلهم متجمعين عند الباب يشوفونها .. خبر هديل انتشر بالمدرسه انه وحده في فصل ثالث ثانوي ما تمشي !! هديل تطالع فيهم وفي عيونها الف دمعه .. ودها تروح وتطردهم وتقولهم انها تقدر تتعافى وانه هذي بس فترة وتعدي لكن ما بيدها تسوي شي .. صارت شي شاذ بالمدرسه .. لو انها نقلت لمدرسه معاقين كان احسن لها ولكرامتها على الاقل هناك محد يطالعها بهالنظرات لانهم كلهم مثلها صلت ودعت ربها يشفيها ويساعدها في ظروفها القاسيه هذي راحت تينا للحمام تجيب المنشه حقت هديل اللي نستها هناك و اروى توها داخله الفصل مع شلتها وضحكهم العالي طالعت في البنات بخبث واتقدمت عند هديل اللي كانت ساجده على الطاولة وشكلها مطولة مسكت الطاولة وسحبتها بقوة خلت راس هديل يطيح بقوة لانها كانت سانده راسها على الطاولة ومعتمده عليها في السجود غمضت عيونها ونزلت دموعها على حضنها لكنها كملت صلاه وما اهتمت لاروى اما البنات اللي كانوا عند الباب يراقبوا الماس وهي تصلي شهقوا من حركة اروى الجريئة لبنت ضعيفه مثل هديل .. في هالوقت سلمت هديل وختمت صلاتها وفسخت اكمام العبايه وقربت كرسيها لعند الطاولة بهدوء وبدون اي تعليق اروى رفعت حاجبها وعلى وجهها ابتسامة الخبث والمكر ورجعت لمكانها ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; الساعه 2 ونص الظهر رجعت شوق من المدرسه وندى من الجامعه وسعود ويزيد وابو سعود من شغلهم والكل متجمع على الطاولة للغدا ندى كانت في جناح جنا وسعود ويسولفون في الصاله الصغيرة في هالايام القليله اللي عاشتها جنا في بيت اهل سعود انسجمت مع ندى وحستها انها نفس طبايعها في الرقه والشفافيه والدلع لكن ندى على ارقى .. جنا تهتم في نفسها ولكن مو كريمات وميك اب .. جنا انسانه راقيه ومؤدبة لكن مو عشان البريستيج وندى عكس شوق العربجيه اللي ما تعرف لا بريستيج ولا دلع .. اللي دايما نص يومها بالنادي او في غرفتها اللي كلها صور ممثلين وممثلات واغاني راب اعلى صوت ندى : ترى اليوم بعد المغرب في بيت جدي كالعاده جنا : اووه .. ما اتذكر اني رحت بيت جدك الا مرة وحده قبل لا اسافر ندى : الا صح ما حكيتيني وين رحتي في جنيف .. اكيد اخوي ما قصر وطلعك ووراك جنيف كلها ههه جنا رجعت فيها ذكرياتها لاتعس شهر عسل في العالم بس ما بينت شي لندى وضحكت لها وصرفت الموضوع بسرعه جنا : مممم ايش بتلبسين اليوم في بيت جدك ؟ ندى : ممم عندي فستان فوشي كوكتيل للركبه ومن ورى في مثل الفيونكة كبيرة نوعا ما جنا : اهاا .. ندى : وانتي ايش رح تلبسي ؟ جنا : ممم ما ادري تعالي معاي نشوف بما انه سعود ما دخل ينام ندى : اوكي دخلوا الغرفه وفتحت لها جنا الدولاب وتركت ندى تتفرج وتختار لها مسكت فستان طويل ذهبي كوكتيل ووراه ذيل طويل تقريبا : هذا حلو جنا : ندى من جدك ؟؟ هذا حق سهرة ندى : عادي لازم تتعودي .. وترى مارح نكون لحالنا .. في معارف جدي وجدتي اكيد بيجون .. والسهرى لآخر الليل والكل بيكون لابس كذه جنا : يوووه تصدقين مالي خلق ندى : ههههه نفس حالي .. تخيلي هذا العذاب كل اسبوع جنا : بعد ؟؟ اجل الله يعيننا ندى : من جد جنا : وايش احط ميك اب ؟ ندى : حطي احمر او زيتي جنا : مممم لا بحط احمر .. شافوني بالذهبي والزيتي ندى : حلو فجأه فتحت شوق الباب بأقوى ماعندها وصرخت : بوووووووو جنا وندى لفوا عليها بسرعه وكل وحده قلبها صار عند رجولها ندى : وجع ان شاء الله الله ياخذك كذه احد يدخل شوق : ايش اسويلكم اذا انتو مرة هاديين .. تعالوا عازمكم على غرفتي جنا : والله ؟ يلا فرصه اشوف غرفتك ندى : لالا ما انصحك بتتخرعين شوق : ندى اكرمينا بسكاتك والا بخليك تقعدين برى زي الشحاته ندى : يا اللله مرة انا ميته على عزيمتك .. اقص رقبتي اذا ما شغلتيلنا فيفتي سنت او آشر شوق : اسكتي بس اسكتي ..يلا جنا تجين ؟ جنا : اوكي يلا .. يلا ندى ندى اتنهدت : يلا اتوجهوا لغرفه شوق وقبل لا يفتحوا الباب صوت الاغاني يدرج الجدران .. فتح لهم الباب وقالت : تررررااااا دخلوا جنا وندى الغرفه سادين اذانيهم من الصوت العالي وجنا تطالع الجدران اللي كلها صور شوق مركبتهم مع الفنانين .. تبوسهم وتحضنهم وجنبهم وشالينها وكلها تركيــب جنا : هههه شوق عليك غرفه .. كيف تنامين في غرفه كذه شوق : هههههه بالعكس ونآسه جنا في هاللحظة عرفت انه شوق مراهقه من الدرجة الاولى من الرجه والهبال ناظرت في الرفوف لقت عليها كؤوس من النوادي وشهادات واوسمة .. والرف الثاني صورها مع صديقاته ومدربينها في النادي .. لاحظت صورة حصان وعليه شوق جنا : اووه شوق راكبه حصان مين ؟ شوق ناظرت في الصورة .. : اووه هذا وودي حصاني في مزرعة جدوو جنا : وبعد تحبين الخيل ؟ شوق : اموت فيهم .. وخصوصا حبيبي وودي جنا : غريب لونه اسود شوق حركت حوجبها فوق وتحت بابتسامة واثقه : احلى جنا ابتسمت لتفكير شوق الغريب وطالعتها وهي تحوس داخل ثلاجه صغيرة حاطتها في الزاوية .. طلعت منها كيس شوكالاتات وفتحته ورمت على ندى وجنا الحلويات .. وطلعت العصير وحطته فوق الثلاجه يلا نحتفل ندى : بمناسبه ؟ شوق : بمناسبه انه دوري الباسكت قرب ندى : يالطيف على الفضاوة شوق : ندى يا حمارة ما تبين انقلعي برة ندى : افف وجع طيب ما قلنا شي |
|
#309
03-19-2008, 12:05 AM
| ||||
| ||||
| رد : (قلوب من زجاج) قصة سعودية خيالية - جريئة " من تاليفي " ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; اروى : ممممممم يعني خلاص اكيد بكرة ؟ عبد العزيز : يس اروى : وفي نفس الاستراحه ؟ عبد العزيز : يس اروى : اوكي بشوف وئام و ريم اذا بيجوا او لا عبد العزيز : ولازم يعني ؟ ما ينفع نكون لحالنا شوي ؟ اروى : ماهو بنقعد لحالنا بس يجون معي على الاقل عبد العزيز: مارح نكون قاعدين براحتنا اروى : ليش ؟ والمرة اللي فاتت اخذنا راحتنا وعادي عبدالعززيز : لا تحسبيها مرة .. كانت اخلاقي واصله حدها وماقعدت معك زين اندق الباب عبد العزيز : دقيقه اراوي اروى : اوكي حط يده على سماعة الجوال : ميين ؟ هديل من ورى الباب : ممكن ادخل عبد العزيز : اوكي دقيقه بس همس اروى : اوكي بيبي بكلمك بعد شوي اختي تبيني اروى : اوكي .. انتبه على نفسك عبد العزيز : اوكي وانتي بعد .. باي حياتي اروى اتنهدت : باي ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; سكرت اروى منه واتنهدت بضيق .. ليش يتهرب منها ؟ معقوله اخته تبغاه والا يصرف بس ؟ قامت من الكنبه الهزازة واتوجهت للدولاب تطلع فستان تلبسه لحفلة بكرة دخلت عليها نجلاء بسرعه وجت من وراها شوي شوي خرعتها اروى شهقت : يا حمارة يا نجلاء كم مرة اقولك دقي الباب نجلاء متسدحة ضحك على شكل اورى وعيونها اللي شوي وتطلع من مكانها من الخرعه اروى زهقت من ضحك نجلاء : افففف بغيتي شي ؟ نجلاء : سلامتك بس اليوم بنروح عند جدوووو " حركت حواجبها تقرها " اروى : يووه صح اليوم اربعاء .. اففف .. ايش رح تلبسين ؟ نجلاء : مممم افكر البس مثل الكاو بويز اروى : ممم حلو والبسي الكاب المعووج حقة ذاك بعد وافتحي شعرك وتعالي اسوي لك الميك اب نجلاء : اكييد .. وانتي ايش رح تلبسي ؟ اروى : ممم ماادري .. شوفي ايش تختاري لي ؟ نجلاء تطالع في الملابس : مممممممم المشكلة كل ملابسك قصيرة ههه اروى : لا في هناك ملابس عاديه نجلاء راحت مكان ما قالت لها اروى ولفت نظرها تنورة طويله موديها نفس موديلات تنانير الرقص المصري .. وفيها اجراس وغجريه بشكل مو صاحي نجلاء : هذي تجنن .. وحرة بعد واجراس ذهبيه .. خياال اروى : لا والله تبين حريم عماني المعقدين ياكلوني شوفي كيف مفتحة من كل مكان نجلاء : هههههههه ايه والله وانتي الصادقه .. خصوصا مرت عمي حمد اروى : اف يا كرهي لها .. يلا دوري شي ثاني نجلاء : ممممممممم .. البسي الافرول الاسود الجلد اللي كنتي بتلبسيه من اول بس ما رحتي معنا اروى : ايه صح ذاك جديد وما شافوني فيه نجلاء : تمام .. " طالعت في ساعتها " .. صارت الساعه 6 ونص .. بروح البس واجيك عشان تحطي لي الميك اب اروى : اوكي ويلا انا بعد بلبس .. وقولي لفهد بطريقك لا يروح ينتظرني عشان اجي معه نجلاء : اوكي طلعت نجلاء من غرفه اروى وراحت لبست في غرفتها ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; اما عند ريم .. مافي احد في البيت الا ريم والخدامات وكل اخوانها راحوا المستشفى عند امها ريم في غرفتها معليه على صوت الاغاني وترقص بغباء ومبسوطة .. شوي ويرن جوالها كشرت وجهها ووطت على الاغاني بعصبيه وردت ريم : نعم ؟ اروى : خير ؟ شكلك ما شفتي اسمي على الشاشه ريم : اففف اروى خير تبين شي ؟ اروى : هيه انتي .. تراني مو اصغار عيالك .. كلميني زين فاهمة ريم : اوكي عمتي .. بغيتي شي ؟؟ اروى : ايه بغيت .. جايه بكرة الاستراحه او لا ؟ ريم بخبث : وشو اشوف عاجبتك الشغله ؟ اروى : كل شي عشان خاطر عزوزي يهون ريم : اف لا يكون طبيتي ؟ اروى اتنهدت : ما ادري يا ريم .. احس لو يمر يوم وما اكلمه يكن في شي ناقص ريم : لالا اشم ريحة حب هنا اروى : آآآآه بس من الحب اذا كان كذه تعذيب ريم : ههههه بس بقولك ترى ما رح اجي اروى : ليييه مارح اروح لحالي .. وبعدين هو سواقك اللي يدل الاستراحه ريم : ليه بعد سواق وئام يدل اروى : يووه صح وئام نسيتها .. ليه ماصارت معنا مثل اول البنت ذي ؟ ريم : مدري عنها .. خلي الماس الخايسه تنفعها اروى : اهاا اذا كذه اجل تخسي ههه ريم : وانتي الصادقه .. شوفي كلميها يمكن تروح اروى : اوكي باي ريم : باي سكرت اروى من ريم ودقت على وئام وئام بصوت تعب : هاي اراوي اروى : اف وئام شفيك تعبانه ؟ وئام : بس صداع .. بغيتي شي ؟ اروى : اها .. ايه بس بقولك اذا تبين تجين معي الاستراحه بكره وئام : طيب يمكن انسى من همي شوي هناك اروى : تمام .. يلا اجل تمريني بكرة الساعه 9 عشان نروح وئام : اوكي اروى : يلا باي وئام : باي ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; نروح عند جنا وسعود .. سعود كان يبدل ملابسه .. لابس بنطلون جينز عادي وتي شيرت اسود . وحاط جل على شعره ولابس جزمة رياضه سودا جنا لبست الفستان اللي قالت لها عليه ندى وحطت ميك اب احمر ولبست صندل احمر بعد وسشورت شعرها و سوت حركة فيه حلوة طلعت من غرفه التبديل وسعود يربط جزمته رفع راسه وطالع فيها ببرود كعس اللي داخله .. من داخله مبهور من شكلها الانثوي بالفستان الناعم عليها حزت هالنظرة في خاطر جنا كثير كان ودها يطالعها بانبهار ويقولها كلمات لا تنوصف باعجابه فيها طالعت في نفسها بالمرايا يمكن يكون شكلها غلط والا الميك اب مو حلو او الفستان مو حلو عليها .. بالعكس طالعه تجنن والفستان لايق عليها كثير .. وحتى الميك اب حاطته بطريقه حلوة ومطلعها جنآن .. بس ليه يطالعها كذه ؟؟ طلعت شنطة مناسبه وحطت فيها الاغراض اللي تحتاجها واخذت عبايتها ولبستها ونزلت ولا اهتمت له شافت يزيد وندى قاعدين في الصاله .. يزيد لابس وخالص و ندى قاعده بعبايتها تنتظر مع يزيد لفت ندى تشوفها وصفرت باعجاب : وااو جنا غطيتي علي هههه جنا : هههه لا تبالغي ندى : لا ولله جد شكلك طالع جنآن جنا ابتسمت لها : تسلمين انتي اللي تجنني يزيد كان قاعد يدخن وسرحان وبالمرة مو معهم نزلوا البقيه و ركبوا السيارات جنا وسعود في سيارة وندى ويزيد وشوق مع بعض في سيارة وابو سعود وام سعود في سيارة الكل وصل بيت الجد والرجال ملحق والحريم بملحق اروى كانت تطالع جنا من فوق لتحت بنت الكلب طالعه حلوة .. شافتها تسولف مع اخواتها وندى بعد معهم الا هي قاعده مع بنات عمها حمد المعقدين واللي شوي وياكلونها بعيونهم على اللي لابسته قامت من مكانها بسرعه وجلست جنب نجلاء شوي ويطلع صوت الجده تنادي على جنا : مبروك حبيبتي الف مبروك اروى باستهزاء تكلم ندى : هههه وشو الجده مضيعه توها تدري انه سعود تزوج ذي ندى : هههههه لا يا هبله تبارك لها على حملها اروى لفت على ندى بصدمة : نعم ؟ متى امداها تحمل ؟ ندى : ههههه شفيك كذه صلي على النبي اروى رجعت وجهت نظرها لجنا المستحيه وتجلس جنب الجده طالعت في بطنها اللي حتى ما برز لفت على ندى وقالت بحقد : وفي أي شهر الهانم ؟ ندى مستغربه من طريقه كلام اروى : لسه في الاول .. واظن انها داخله الثاني بعد اسبوع اروى رفعت حاجبها : اها ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; في الجهه الثانيه فيصل يبارك لسعود من قلبه .. اخيرا رح يلهى عن اروى ويتفرغ لولده او بنته اللي جايين بالطريق وفهد يبارك من دون نفس فهد اخلاقه مثل اخلاق اروى .. ما يطيق احد ونفسه في خشمه عشان كذه بعد يكره هديل |
| اليـــــوم , 11:20 PM |
| (قلوب من زجاج) قصة سعودية خيالية - جريئة " من تاليفي " |
|
#310
03-19-2008, 12:19 AM
| ||||
| ||||
| رد : (قلوب من زجاج) قصة سعودية خيالية - جريئة " من تاليفي " ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; اما عند وئام .. كانت على سريرها تبكي .. خلاص تعبت من صد الماس .. تعبت من فراقها .. تعبت من فراق صديقة عمرها وتدعي ربها يصير اللي تبيه وماسكة الجوال بنفاذ صبر تنتظر الرد ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; نروح عند الماس شويتين ونمر بعدها على عيال عم وئام الماس في غرفتها توها طالعه من الحمام متروشه وقاعده تمشط شعرها دقت الخدامة الباب وفتحته بعدما اذنت لها الماس الخدامه : مس الماس .. مستر تركي تحت يبغا انت الماس تنحت في وجه الشغاله دقيقتين وحطت بعدها الفرشه على التسريحه ونشفت شعرها ونزلت له تركي مد يده لها وصافته واشرت له يقعد تركي : كيفك الماس ؟ الماس : بخير الحمدلله انت شخبارك ؟ تركي : تمام لحظة صمت بين الاثنين .. وقطع هالصمت دخول الاخدامة معها العصير الماس بغباء : بغيت الوالد ؟ تركي ابتسم : لا ابيك انتي الماس : اتفضل قول وش بغيت ؟ تركي : هو سؤال واحد فقط لاغير .. ايش صار بينك وبين وئام ؟؟ الماس : ههههه ولحقت تشتكي لك ؟ تركي : ارجوك جاوبي على السؤال الماس : ارجوك تركي لا تتدخل تركي : شلون وهي قايلتلي اني انا السبب في اني فرقتكم الماس قامت من الكنبه وقالت باستهزاء : هههه لا وتعلق اغلاطها عليك .. مستخدمتك شماعه الاخت .. مع الاسف خانت عشرة سنين .. طلعت على حقيقتها .. مسكينه تعبت من القناع اللي لابسته هالخاينه تركي رفع حاجبة وطالع فيها باستغراب اتقدم لعندها : موانتي يا الماس اللي تقولين كذه .. .. كنتي دايما تدافعين عنها ؟ الي كنتي تنكرين كل كلمة شينه تنقال عنها ؟ مو انتو كنتوا تتسمون بالتوأم .. ليه تكون النهايه كذه ؟ الماس نزلت دموعها قالت بصوتها المبحوح : بس ليه سوت كذه ؟؟ ليه كلمتك ؟ تركي : ليش تفكرينها خيانه ؟؟ الماس سكتت ولا عرفت ترد تركي : الماس انا احب وئام الماس طالعت فيه ببرود والصدمة تاكلها من داخلها تركي كمل .. : تعرفي انها طلبت مني اجيك هنا .. تعبت من صدك يا الماس .. ترضينها لصديقة عمرك ؟ الماس ما قدرت تسمع كلام تركي الباقي .. طلعت فوق بسرعه ورمت نفسها على سريرها تبكي بقهر تركي تحت ماسك جواله .. ما يدري وش يرد على وئام .. " تلاقيها الحين تنتظر على نار " ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; اما عند بيت ابو عبد الرحمن الكل قاعد في الصاله اللي قاعد يتفرج تلفزيون واللي على اللاب توب واللي يقرى .. الخ من وضعيات عبد الرحمن متمدد على الكنبه وماخذ مكان ريناد اللي قاعده تحته وعلى حضنها اللاب توب حاط يده على راسه وقال لريناد : اقول ريناد .. ما تعرفين انتي وئام وليان بنات عمي ؟ ريناد : وئام ما اذكرها كثير بس اعرف ليان لانها معنا بالجامعه .. واكيد وئام بتلحقها على نفس الجامعه السنه الجايه لانها اصغر مننا بسنه عبد الرحمن : وكيفهم طيبين ريناد : مممم ليان ايه حبوبة وفرفوشة اشوفها كثير بالجامعه وبس بيننا سلام من بعيد عبد الرحمن : اها .. ريناد لفت عليه : وليش تسأل عبد الرحمن : بنات عمي وانا حر ريناد : اوكي وانا بسالك .. عبد الرحمن : خير ؟ ريناد : ليش بعد ما طردك عمي من بيته ذاك اليوم ما تطي سيره الوليد على لسناننا مع انك كنت مرة صديقه الروح بالروح حتى بعد ما انفكت الشراكة عبد الرحمن حرك عينه على رندا ولقاها تاركة اللي في يدها عشان تعرف ليش الوليد على لسانهم .. رجع طالع في ريناد وضربها على راسها .. : مالك دخل .. ريناد تقلد صوته و تتطنز : ولد عمي وانا حرة عبد الرحمن ضرب راسها بالخفيف : اكرمينا بسكاتك بس لفت ريناد عنه ورجعت للي في يدها ما عبد الرحمن حط يده على راسه يسترجع الاسباب اللي خلته يبعد عن ولد عمه ونصفه الثاني الوليد ويحاول يعرف صحة اتهامات عمه الكذابه اللي رماها عليهم بدون أي تحقيق سواه عشان تاكد اقواله ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; نرجع لبيت الجد شوي .. في وقت العشا جنا وندى قاموا حطولهم وجلسوا على الطاولة وجو معهم البنات .. اروى طلعت من الملحق وقعدت في الحديقه ووقفت قدام البركه عاضة باسنانها على اضفر اصبعها السبابه تفكر وتهز رجولها بعصبيه .. " بعد حملت جنا يا سعود ؟؟ اكيد الحين بينساني ويتفرغ لولده ومرته المصون .. لكن ما عاش من ينسى اراوي .. اكـرهك واكره زوجتك وولدك يا ...... " قطع حبل افكارها يد جافه جت على عينها .. حطت يدها على يده ونزلتها بعصبيه ولفت عليه سعود : يؤ يؤ ليش كل هالعصبيه ؟ اروى وحوجبها واحد فوق واحد تحت : وبعد تسأل مو داري عن مرتك شكلك سعود ارتبك اول ما حس انها درت عن حمل جنا اروى نزلت دموع التماسيح بمهارة ومثلت البكا وقالت بصوت مصطنع مبحوح : انا قايله الحين بتنساني و .. سعود حط يده على فمها يسكتها وقلبه تقطع على شكل اروى وهي تبكي او بالاحرى تتصنع البكا : الا بنت الفقر ما تشغلني عن حبيبتي وقلبي وحياتي اراوي اروى : اكيد ؟ سعود : اكيدين ابتسمت اروى بانتصار وقطع هالابتسامة صوت نانسي تغني نغمة مميزة حاطتها اروى لشخص حست انها بدأت تذوب في هواه ارتبكت وطلعت الجوال تبين لسعود انه مكالمه عاديه .. ردت بصوت يرتجف ونظرات سعود المستغربه زادت من حالها عبد العزيز : لها حبي كيفك ؟ اروى : هلا عبد العزيز : كيفك ؟ اروى : تمام سكتت اروى .. ما تبي تكلم بد العزيز صفة المؤنث وتخليه يسكر .. ولا تبي تمشي من المكان ويشك في امها سعودد وتخرب كل مخططاتها عبد العزيز : وانا ما تسالين عني ؟ اروى اخيرا لقت لكلمة لمناسبه وقالت : الا شدعوة اخبارك ؟؟ عبد العزيز : بخير ... سكتت اروى وسكت عبد العزيز رفعت عينها مالقت سعود قدامها .. التفتت تدوره لكنها مالقته اتنهدت بعدها بارتياح وجلست على الكراسي الموجوده جنب البركه اروى : سوري بس ما كنت لحالي عبد العزيز : اهااا .. وانا اقول شفيك خرعتيني اروى بدلع : ليش تخاف علي ؟ عبد العزيز ابتسم : اذا ما اخاف عليك اخاف على مين ؟ اروى : ياعمري انت عبد العزيز ما استوعب : ايش ؟ اروى بغباء : ايش ؟؟ عبد العزيز : ايش قلتي من شوي ؟ اروى : ما قلت شي عبد العزيز : ههههه قولي انك مستحيه تقولين اروى ماعت : عزييييز عبد العزيز : عيونه اروى : احبك عبد العزيز اتنهد : ياويلي منك بس اروى : ..... بعد فترة من السوالف سكرت اروى من عبد العزيز ورجعت دخلت داخل .. شافت جنا قدام المرايا وبعد ما خلصت مشت تدخل الصاله مشت اروى بغرور ودعست على طرف فستان جنا وكانت شوي وتطيح بس مسكت في الجدار ووازنت نفسها طالعت وراها تشوف مين اللي سوى كذه بس مالقت احد .. رفعت الطرف ومشت بهدوء وجلست جنب البنات ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; صارت الساعه 2 الفجر والكل طالع وراجع بيته في سيارة سعود جنا كانت ساكته تراقب سعود وهو ورى قاعد عند شنطة السيارة ما تدري وش يحوس فيه دقايق ورجع دخل سعود السيارة واشتغلت اغنيه من اغاني عباس ابراهيم بس بصوت احد ثاني جنا مشبهه عليه وسمعته قبل كذه ارمي بروحي في بحر كالزلالِ تنسفني امواجه على يابس الجان اسأل فراشي كيف اقضي الليالي بالليل لي حال ومعكم لي احوال سعود كان يسوق وسااكت يسمع الاغنيه وباله مو معه ابد وجنا قاعده تلعب باظافيرها متنرفزة من تقلبات مزاجه ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; عبد العزيز في غرفته يرسل مسجات لاروى وهو ترد له بالاحلى طلع عبد العزيز من الغرفه وترك الباب مفتوح على اساس انه راجع الحين هديل بس شافت عبد العزيز طلع من الغرفه حركت كرسيها ولحقته .. بس وقفها صوت جواله يرن بنغمة مسج .. اتقدمت لغرفته ومسكت جواله وفتحت الرساله .................................................. نهاية البارت الخامس عشر مشكورين حبايبي على انتظاركم وان شاء الله يكون البارت اعجبكم وارضاكم |
| روابط لأكثر الكلمات بحثاُ |
 | سياسة الخصوصية |  |
العرض العادي
