| | | ||
| | |||
| | | ||
إعلانات منتديات تعب قلبي
| ||||||
| ||||||
| |||||||
| الملاحظات |
 |
| | أدوات الموضوع | انواع عرض الموضوع |
|
#266
03-13-2008, 04:01 AM
| ||||
| ||||
 رد : (قلوب من زجاج) قصة سعودية خيالية - جريئة " من تاليفي " ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; محمد يضرب باب غرفه ريم باقوى ما عنده : ريـــم .. ريــم وصمخ ريم قامت متنرفزة وفتحت الباب وما تلاقي الا ذاك الكف من محمد على وجهها حطت يدها على خدها وهي تطالعه بحقد . يصارخ في وجهها ما تدري وش يبي محمد : يا حيوانه يا بنت الـ ..... ريم دفته لبرى : خير خير انت وش عندك مقومني من نومي تصارخ شعندك ؟؟ محمد : شعندي ؟؟ شعندي يا بنت الـ .... امك في المستشفى يا حيوانه يا ..... ريم : اففففففففف بس كذه ؟؟ خلاص بعد شوي بتطلع .. على وشو مسوي القلق ذا كله محمد دفها ومسك راسها وضربه في الجدار لحد ما حست انه الدنيا تدور حولينا وبزياده تاثير عينها على الضربه طاحت على الارض وفقدت توازنها في ذيك اللحظة محمد : الحين وريني متى بتقومين يا حقيرة هذي امك اللي اتـ ........... قاطعه صوت ماجد اللي جا يستفسر وش سبب هالهواش والصراخ ماجد : خير وش صاير ؟؟ فتح عيونة على اخر شي يوم شاف ريم مرميه على الارض وماسكة راسها تخفف الدوخة جا بينزلها الا محمد وقفه : لا تنزلها ذي المنحطة .. اللي ما تعرف قيمة الام .. روح المستشفى اسال على امك وشوف ريم وش سوت .. " تفل عليها " تفو عليك انتي مو وجه تربيه مسك ماجد وطلعه من الغرفه وسكر الباب وراه اما ريم ما كانت حاسة في نفسها ابد وقاعده مرمية على الارض وراسها يدور فيها ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; في الصاله عند محمد وماجد .. ماجد : وليه ما دقيت علي وانا في الشغل ؟ محمد : خلاص انت رح تقعد تعايرني ؟ صار اللي صار ماجد قام من الكنبه محمد : على وين ؟ ماجد : بروح اشوف امك محمد : لا تتعب نفسك ما رح يدخلونك ماجد : وليه ؟ محمد : يقول الدكتور عندها نزيف وقدروا يوقفوه .. بس لو ما قامت خلال 24 ساعه يمكن ...... ماجد تخرع على امه : يمكن ايش ؟ محمد : يمكن تدخل في غيبوبه الله عالم كم مدتها ماجد رمى نفسه على الكنبه ومسك راسه : وانت كيف دريت ؟ محمد : دقت علي وحده من الشغالات تقول انه ريم دفتها من على الدرج ماجد وصل دمه لراسه وقام من على الكنبه يروح لريم لكن محمد وقفه : لا تروح الحين .. خليها هي تأدب نفسه بنفسها .. واذا ما اتأدبت لنا تصرف ثاني .. تعال الحين نروح نشوف امك ماجد تحرك مع محمد مثل ما قاله لانه لو انه ما كان وقفه كان ارتكب جريمة في ريم ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; [/color]  |
|
#267
03-13-2008, 04:06 AM
| ||||
| ||||
| رد : (قلوب من زجاج) قصة سعودية خيالية - جريئة " من تاليفي " <<<< الفصل الرابـــــــع عشــــر >>>> [color=#000000]اما عند رندا وريناد الساعه 8 الليل قاعدين في الصاله الاثنين جنب بعض ومسويين شكلهم كل واحد مثل الثاني .. لابسين بنطلون برمودا وتي شيرت اورانج ورافعين شعورهم وفي حضنهم البوب كورن مندمجين مع الفلم .. وام عبد الرحمن وياهم على كنبتها الهزازة في الصاله بس قاعده تقرى روايه .. وابو عبد الرحمن وعبد الرحمن في شركتهم الصغيرة يشوفون أيش الجديد ثواني ويدخل عبد الرحمن مبسووط على الاخر عبد الرحمن : السلاام الكل : وعليكم السلام عبد الرحمن : هاي رندا .. هاي ريناد شخباركم ريناد : الله الله شهالرضا المفاجئ عبد الرحمن : عندي لكم خبر بمليون رندا وريناد : اللي هو عبد الرحمن : اخر مناقصاتنا مع شركة عبد الحميد الكافي راسية علينا بنسبه 80 % ريناد ورندا : يااي والله ؟ عبد الرحمن : يلا وبهالمناسبه حاجزلكم طاوله في السنبوك الجديد تبون والا ....... ريناد ورندا نقزوا : اكييييييييد عبد الرحمن : يلا اجل اجهزوا وانا انتظركم هنا .. وانتي يمة مو رايحه ام عبد الرحمن حطت الفاصل داخل الكتاب وسكرته : أي منيح انك تزكرت امك .. عبد الرحمن : لا والله شدعوة يمة مو انتي اللي تقولين هالكلام ام عبد الرحمن : أي يلا خود اخواتك وروحوا انا مو جاي عبالي روح عبد الرحمن : لا يوه يمة مو حلوة الطلعه بدونك ام عبد الرحمن : لا دخيلك مافيني راسي عم يوجعي كتير .. خود اخواتك وروحوا الله معكن عبد الرحمن باس راسها : على امرك جلس عبد الرحمن ينتظرهم لحد ما نزلوا وركبوا معاه وراحوا على المطعم ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; اما عند جنا وسعود قاعدين على الطاولة الكبيرة مع العائلة يتعشون والهدوء يسود المكان قاطع هالسكوت صوت جوال سعود يرن في جيبه ام سعود : يوووه سعود كم مرة نقولك لا تجيب جوالك هنا .. وقت الاكل خليه يا في الصاله او في غرفتك سعود بهدوء : معليش كنت انتظر مكالمه رفع الجوال يشوف منو المتصل وزاد ارتباكه ام سعود : ها ؟؟ دقوا عليك سعود لاااا مو وقته تدق ذي عاد : ها ؟؟ لالا رقم غريب شوق : ياحبي للارقام الغريبه .. عطني اهزءه لك ياه سعود : هاها ما تضحكين .. شو انا مو مالي عينك شوق : انزين رد .. اكلتني بقشوري سعود قفل جواله وحطه على الطاولة : ها وهذاني قفلته .. حرة فيك بس شوق : يالطيييف على النذاله .. مدري من وين جايب عرق النذاله .. ماهقيت في احد بالعائلة نذل سعود وهو يلعب بالشوكة في الصحن : منك شوق : والله مدري مو اكبر ندى : يوووووه منكم خلاص اسكتوا الواحد بعد ما يعرف ياكل جنا كانت تراقب الموقف وتبتسم يزيد عاجبه وضع جنا وانها متهمة في البيبي اللي في بطنها كثير وتاكل اكل حق شخصين كل يوم .. كأنها تحس انه لازم ياكل كثر ما تاكل هي خلصوا العشا وجو الخدامات شالوا الاكل والكل قعد في الصاله كعادة العائلة ام سعود : ها جنا حبيبتي رحتي عند اهلك ؟ جنا : ايه ويسلموا عليك ام سعود : الله يسلمك ويسلمهم ان شاء الله .. يصير اذا رحتي لهم مرة ثانيه خذيني معك جنا : ان شاء الله سعود : يلا تصبحون على خير شوق : وين ؟؟ بدري يالدجاجه سعود : وراي دوام بكرة يالفقمه مو مثلك شوق : ليه وش قالولك اميه؟ كلنا عندنا دوامات وقاعدين سعود : بكيفكم .. انا بروح انام تصبحون على خير الكل : وانت من اهله طلع سعود ولحقته جنا دخل سعود الحمام و طلعت له جنا البيجاما والثوب اللي بيلبسه بكرة والغترة والعقال والجزمة – الله يعزكم – طلع لقى جنا تعلق الثوب وتحط الشماغ على الكنبه عشان لا يتعفط وتجهز كبك الثوب ما قدر يخفي ابتسامته على اللي تسويه .. لو اروى مكانها كان سفطته ونامت .. موهي اللي تشتغل له خدامه اخذ سعود منها البيجاما ودخل بدلها في غرفة التبديل وطلع نام سكرت جنا النور وفتحت لمبات الابجورة وطلعت قعدت في صاله جناحها تكمل الرواية اللي كانت تقراها في جنيف اما في الغرفه ... سعود فتح جواله وشاف رساله من اروى ادري كانت بجنبك .. بس مو معناته تسكر في وجهي ! سعود رجع دق عليها يراضيها واروى ما ردت في البدايه ينقال تتغلى رجع دق مرة ثانيه وثالثة لحد ما ردت اروى : نعم ؟ سعود : وراه الحلو زعلان ؟ اروى بدلع ومكر تتصنع العصبيه : يعني ما تدري ؟ سعود : لا ما ادري اروى : اجل باي سعود : لالالالا انا ما صدقت رديتي اروى : ...... سعود : انا اسف اروى ابتسمت بخبث : ......... سعود : احبك اروى : ............ سعود : اراوووييي اروى : نعم سعود : نعامة ترفزك وتجيبك لعندي اروى : لا والله ؟؟ سعود : أي والله اروى : طيب يلا سكر ابي نام سعود : بدري جنا كانت واقفه عند الباب متردده تدخل تنام او لا .. سمعته يكلم احد .. ما حبت تدخل الحين .. رجعت للصاله وبترجع تدخل بعد شوي اروى : الساعه 9 .. سعود : طيب ؟ اروى : يعني انا وحده ابي انام .. بكرة عندي مدرسه سعود : اروى من زمان ما طلعت وياك اروى : وذاك اليوم وش كان ؟؟ سعود : هذيك تسمينها طلعه اللي بس 5 دقايق اروى تذكرت يوم حطت الجوال على المنبه : ههههههههه سعود : شفيك تضحكين .. قلت شي يضحك اروى : انا كيفي اضحك وقت ما ابي سعود : اوكي .. تصبحين على خير اروى : باي سكرت اروى منه تتاففف .. تكرهه بس ما تبغاه يتهنى دقت نجلاء باب غرفتها اروى : ادخل دخلت نجلاء : هاي اراوي اروى : هايات نجلاء : تلعبين معنا ؟ اروى : ايش نجلاء : انا ورؤى ونوف وسارة نلعب مونوبولي .. تلعبين ؟ اروى : اوكي ليش لا .. انزلي انا لاحقتك نجلاء : اوكي نزلت نجلاء تحت وقعدت على الارض وياهم سارة : ها نازلة ؟ نجلاء : ايه لاحقتني سارة : اوكي نزلت اروى واخذت مكانها في اللعبه سارة : أي صح اسمعوا .. الملكة حقتي اتفقنا انا وبندر تكون بعد شهر شرايكم ؟ اروى : مو كأنه بدري سارة : الا بس انا وراي مشاوير بعد بروح الامارات بعد اسبوع وبقعد اسبوعين وارجع .. وشكلي بشتري فستاني من هناك بعد .. وبعد الملكة بشهرين العرس .. وبعدها كوومة مشاوير ..حتى يمكن شهر عسل مانروح نوف : يؤ ليه كذه .. ما تقدرين تاجلين مشاويرك شوي ؟ سارة : مع الاسف لا نجلاء : يوووه يلا بتلعبون والا شلون نوف : لالا خلاص بنلعب .. اكلتنا بقشورنا وجع سارة : من جد ههههههه |
|
#268
03-13-2008, 04:08 AM
| ||||
| ||||
| رد : (قلوب من زجاج) قصة سعودية خيالية - جريئة " من تاليفي " ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; اما عند وئام قاعده تتعشى في غرفتها مالها خلق تنزل .. رن جوالها باسم almasoo 2 اخذت الجوال بعصبيه وردت : نعم تركي : وئام شفيك صار لك كم يوم ما تردين علي وئام : ايش اسويلك اذا انت فرقتني عن اعز صديقاتي قفلت السماعه في وجهه ونزلت دموعها غصبن عنها حست فجأه انه تركي ماله دخل هي اللي اتسببت هذا لنفسها .. وهي اللي جنت على نفسها ذا كله ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; في السنبوك .. جلسوا رندا وريناد وعبد الرحمن في الطاولة اللي حجزوها وجاهم الويتر بالمينيو اما في طاولة ثانيه .. الوليد : اقول راشد .. هذا مو كانه عبد الرحمن ؟ راشد : ايه والله هو .. قوم نسلم عليه الوليد : تبي تروح انت روح .. انا مو رايح راشد : افاا ليه ؟ الوليد : مشكله بسيطة راشد : افا عليك بس .. امشي بس سلم الوليد : اوكي امرنا لله مشوا الوليد وراشد لطاولة عبد الرحمن : السلام عليكم ررفع عبد الرحمن عينه وشاف راشد ومعاه الوليد : وعليكم السلام .. هلا راشد شخبارك الوليد ابتسم .. كان متوقع اكثر من كذه راشد : الحمدلله تمام .. انت شخبارك .. ومبروك عليكم عبد الرحمن : الله يبارك فيك راشد : وشخبار الوالد عساه بخير عبد الرحمن : والله الحمدلله راشد : الحمدلله .. يلا مع السلامة نستأذنك عبد الرحمن : اذنك معك رجعوا الوليد وراشد لطاولتهم والوليد عينه على رندا لاحظة عبد الرحمن ونادا على الويتر يجيبلهم بارتشن " مثل الحاجز يحطونه في المطاعم " ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; اليوم الثاني الساعه 7 الصبح ... ريم قامت من النوم وطالعت حولينها .. مسكت راسها .. للحين يعورها بس خف الالم عن امس كثير قامت على حيلها وراحت الحمام .. طلعت ولبست ملابسها وجت تفتح الباب بس كان مسكر اتنرفزت وقالت " اكيد هذا الغبي محمد وجع " راحت عند التلفون ودقت على غرفة الشغالات سنتيا : يس ريم : سنتيا تعالي افتحي باب الغرفه حقي بسرعه ابغا اروح المدرسه سنتيا : بس بابا محمد يقول لا افتحي ريم بصراخ : الله يلعنك انتي وياه .. اقولك امشي افتحي بسرعه خافت سنتيا وراحت فتحتلها الباب وجهزت لها الفطور وراحت وياها للمدرسه تشيل عنها اغراضها ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; دخلت ريم المدرسه رافعه راسها وتمشي بثقه وغرور ودخلت الفصل الحصة كانت باديه ودخلت وقعدت وطنشت الاستاذه اللي واقفه تشرح الاستاذه : ريم ليش متاخرة ريم : الواحد قايم الصبح ليش يتاخر ؟؟ كنت نايمة الاستاذه : ورحتي عند استاذه اماني ؟ ريم : افففف لا الاستاذه : انزين روحيلها الحين .. ومو داخله الا اذا رحتيلها ريم : اففف مو رايحه .. ارتحتي ؟ الاستاذه : ريم روحي ويالله صباح خير ريم : اقول كملي بس كملي بتخلص الحصه الاستاذه طنشتها وكملت شرح وريم حطت العبايه على الطاولة وحطت راسها عليها تسولف مع اروى اروى : غريبه شفيك متاخرة ؟ ريم : امس التبن محمد ضرب راسي على الجدار وطحت على الارض وتركني .. لا وقفل علي بعد اروى : اف .. ليش ؟؟ ريم ماحبت تقول لاروى انها دفت امها وطاحت ودخلت العنايه المركزه .. الخ : اهبل .. ماما راحت المستشفى وقلت له الحين بتطلع لا تخاف قام سوى كذه اروى ما اقتنعت .. وحست انه ريم مسوية شي كبير : اها الاستاذه : اروى وريم .. ما تبون تسمعون اطلعوا برة اروى بغرور : لو سمحتي مو انتي اللي تطرديني الاستاذه تبغى تتكلم بس مو قادره .. تعرف اروى وعمايلها .. طنشتها وكملت شرح ريم انفجرت ضحك على شكلها وهي تحاول تتكلم ومو قادره مسكت الطبشورة وضغطت عليها بيدها بس ضحك ريم زاد عصبيتها .. ورمت عليها الطبشورة بتهور الطبشورة جت في عين ريم وغبارها تناثر في عيونها ريم : آآآه فركت عينها اكثر من مرة تخفف من حرقانها وقامت بسرعه وطلعت للحمام .. غسلتها بموية بارده ونزلت عند الدكتورة بعد فترة جا نداء لغرفة المعلمات ينادون استاذه رهام " اللي كانت عليهم " في غرفة المديرة : ايش هذا اللي سويتيه يا استاذه رهام .. ما عهدناك تسوين في بناتنا كذه أ . رهام : استاذه عبير انتي ما شفتي ايش يسوون بالحصه .. متاخرة .. وتسولف .. وقلة ادب .. ايش هذا .. كل هذا وما تبيني اعصب المديرة فهمت انه الاستاذه ما مسكت اعصابها على قلة ادب ريم ووقاحتها وقالت : اوكي اطلعي انتي الحين يا ريم وانا بتفاهم مع استاذه رهام ريم : اوكي حركت حواجبهاا وطلعت من الغرفه وهي تطالع أ. رهام بنظرات انتصار في الفصل اروى : ها شصار ؟ ريم : لاتخافين باخذ حقي منها اروى : تعجبيني ريم : ولوو وما اكون انا ريم اذا ما طلعت من المدرسه اليوم قبل بكرة في الشركة عند محمد السكرتير بلهجته المصريه : استاز محمد حضرتك المستشفى دقت عليك .. احولها والا ازاي ؟ محمد ترك اللي في يده بسرعه : ايه اكيه وبسرعه حوله السكرتير الخط ورد عليه محمد محمد : ايوا السلام عليكم الدكتور : وعليكم السلام .. اخوي محمد ؟؟ محمد : ايه نعم الدكتور : انا الدكتور عصام من مستشفى الـ ..... محمد : خير دكتور الوالده فيها شي الدكتور : .................[/color] نهاية البارت الرابع عشر انتظروني في البارت الخامس عشر ^_^ تحياتي لكم .. بنوتة اون لاين |
|
#270
03-13-2008, 09:43 AM
| ||||
| ||||
| رد : (قلوب من زجاج) قصة سعودية خيالية - جريئة " من تاليفي " lمشكوووووووره على الباارت.. تحيااني لج .. (زهرة السوسن) |
|
| أدوات الموضوع | |
| انواع عرض الموضوع | |
|
|
 |  |
العرض العادي
