(قلوب من زجاج) قصة سعودية خيالية - جريئة " من تاليفي "

[^*_*أحلى زعيميه*_*^^]

يوووووووووووووووووه بنوته بسرررررررررررعه كملي !!
تكفين ..

[wetyn]

وش الســـــالفــه ...؟

[احل بنوته ـــــــــى]

بنوته وين التكمله بسرعه كملي
وينننننننننننننننننننننننننننك

[احلى سمره]

تسلمين يا عسوله على القصة الفوق روعه وشكرا تقبلي مرووووري احلى سمره

[بنوتة اون لاين]

تابــــــــــــــــــــــع


; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

[color=#000000]اما ريم توها داخلة البيت ووجهها اصفر .. حطولها مغذي واخذوا تحاليل ورجعوها

دخلها اخوها الغرفه وجلس مع امه في الصاله

ام محمد : يا الله انا قلت لك المستوصفات ماعندها سالفه توديها مستوصف ليه .. معقولة كل هذا عشان فقر دم ؟

محمد : يمة .. نسيتي راسها ؟ اكيد خبطت في شي وهي نايمة وسوى لها كل ذا .. واللي زاده فقر دم . ليش مكرة السالفه هالقد
ام محمد : لالا انا مو مرتاحه
محمد : ماله داعي تكبرين السالفه وهي صغيرة .. الحين تقوم لك مثل الحصان
ام محمد : الله يسمع منك يارب

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في جنيف .. الساعه 2 الفجر من يوم السبت

جنا كانت تتفقد الادراج والاماكن كلها حتى ما ينسوا شي
فتحت درج كان تحت المكتبه اللي حاطين فيها التلفزيون لقت بكت سجاير وولاعات اغلبها مخلص .. شافت علب السجير لقت اغلبهم مخلصين .. ايش هالشراهه في التدخين .. شالتهم ورمتهم في الزباله .. ما تصدق متى يمر هاليوم وتروح لديارها .. ديار بو متعب الغاليه

دخل سعود الشقه وشافها ترمي بكت السجاير والولاعات وتطالعهم باشمئزاز
طنشها ودخل الغرفه اخذ شاور ولبس دام انه جنا لابسه وخالصة

راحوا على المطار وكل واحد سكوته خير للثاني .. جلست جنا عند الشباك كالعاده
والشمس كانت على الاشراق .. والسما صارت ازرق على برتقالي واحمر .. منظر تحب تشوفه جنا بهالوقت .. يروق اعصابها بعد كل اللي صار من هوشات وزعل في جنيف
خلااااااص بعدها بتروح بيت اهلها ولا تبي تشوف رقعه وجه سعود لاشعار اخر

نامت جنا وسط افكارها وما صحت الا على صوت الكابتن وهو يعلن عن هبوط الطيرة في مطار الملك فهد الدولي ..

قامت بسرعه وكانها ماصدقت انها على اراضي السعوديه
نزل من الطيارة ووراها سعود اللي ما اهتمت له .. اخذت نفس عميق وكانها ترجع هوا السعوديه لدمها
دخلت المطار الا تلاقي سعود تقدمها وعطا رجال لابس بدلة عاديه الورده حقة العفش " مدري شيسمونها خخخ "
استغربت انه سعود ما سلم عليه الا باليد واتعامل معاه برسمية زياده عن اللزوم
انتظروا جنا وسعود في قاعة الانتظار لحد ماجاهم الرجال معاه العفش وطلعوا وياه على المواقف
طالع في السيارة البورش حقة سعود داخلها سواق .. جلس الرجال جنبه وسعود وجنا ورى
ولسة على وجهها استفهامات كبيرة

سعود : ها حمد شخبار الشركة ؟
حمد : والله تبشر بالخير والمناقصات الاخيرة كلها لنا .. بس في اوامر من طويل العمر تـ ...
قاطعه سعود بحده : حمد .. انت السكرتير هنا .. يعني وش شغلتك .. ما تنفذ اوامر الا اوامري انا .. فهمت ؟!!
حمد : حاضر طال عمرك

جنا رجعت ذاكرتها لليوم اللي طلعت معاه على السوق عشان تشتري هدايا لأهلها .. قال في البداية ناصر .. قفل وقال عبد العزيز ..!!!!!!!!!!!!!!!!!!
رفعت حاجبها اليسار مستغربة منه .. ليش كم سكرتير عنده هو ؟؟!!

نطقت اخيرا : على فكرة ابغا اروح عند اهلي
سعود طالع فيها من فوق لتحت : الحين !!
جنا : ايه .. ينتظروني على الفطور
سعود : وليش تقوليلي ..؟؟ تبغي تروحي روحي لحالك
جنا : اجل يلا ودني عندهم
سعود : وامي تنتظرنا على الفطور الحين

جنا حست انها مو حلوة في حق ام سعود .. مهما كان هي اتعاملت معها بالطيب وما قصرت معها : اج عطيني الجوال بكمل ماما

سعود رما لها الجوال وهي دقت على بيتهم

ام جنا بتعب : الوو
جنا : السلام عليكم
ام جنا : وعليكم السلام .. مين ؟ جنو ؟
جنا : ايه ماما كيفك ؟
ام جنا : هلا .. هلا وغلا بحبيتي .. انا اسأل عنك . كيفك حبيبتي وصلتوا ؟
جنا : أي بالطريق الحين
ام جنا : والله ؟ اجل انا انتظركم
جنا : لا ماما ما اقدر الحين ..ام سعود تنتظرني على الفطور .. تعرفي مو حلوة بحقها ..اجيكم على الغدا ان شاء الله .. كلمي اميرة و سهى وقوليلهم يجون عالغدا
ام جنا : حاضر حبيبتي انا انتظرك
جنا : الله يخليك لي يارب
ام جنا : الله يرضى عليك يا بنتي
جنا : سلمي على بابا
ام جنا : يوصل ان شاء الله
جنا : يلا مع السلامة
ام جنا : فمان الله

سكرة جنا من امها وهي تطالع الحي الفخم اللي دخلوه .. اول مرة تدخل بيت سعود !
وقفت السيارة عند بيت ابيض كبير وحديقته واسعه

نزل السواق فتحلها الباب ونزلت بهدوء تنتظر سعود ..
رفعت عينها لقتها سبقها ومشى لقدم بدون ما ينتظرها .. اتنرفزت .. ليه يكرهها ؟؟ ليه يعاملها كذه ؟؟ وش سوت له عشان تستحق هالمعاملة منه .. حتى قدام اهله كذه ؟؟

مشت لوراه بسرعه تحبس دموعها المتجمعه لكنها غطت على عيونها وماصارت تشوف شي

رفعت يدها تمسح دموعها بطرف كم العباية لكنها صدمت في شي صلب .. خلاها تفقد توازنها !!
ظلمت الدنيا حولها .. وحست ان الارض تدور فيها بسرعه كبيرة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

رنا قاعده تفطر مع امها وابوها : يوووووووه ماما قلت لك مارح اروح .. ما ابغا جنوو جايه وابغا اعوض كل ساعه ما كنت معها فيها
ابو جنا : خلاص يا مره خليها على راحتها
ام جنا : لاحول ولا قوة الا بالله .. الله يهديك بس .. مدري متى بتعرفين قيمة الدراسة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;