بحث مخصص
|
| | |
| | |
|
| ||||
| |||||||
| الملاحظات |
 |
| | أدوات الموضوع | انواع عرض الموضوع |
|
#153
02-22-2008, 02:44 AM
| ||||
| ||||
 رد : قلوب من زجاج ... قصة سعودية خيالية - جريئة " من تاليفي " اهللليييييييين حبايبي مرة مرة مرة مرة عن جد آسفة على التاخير بس انتوا داريين انه بداية الترم ونومي متلخبط انا الليل والعصر .. اذاكر وارجع انام .. مرة حوسه ما صدقت جا الويك اند كملت لكم فيه البارت اتمنى تعذروني وهذا البارت التاسع لعيونكم .. قاعده اكتب في التكمله وان شاء الله اخلصها اليوم " الحين ان شاء الله " وهذا البارت ... <<<< الفصل التاسع >>>> ريناد وتفرك عيونها من النوم : رندااا ؟؟ شتسوين هنا ؟ رندا بارتباك وخوف : ها ؟ ريناد : شفيك واقفه هناك ؟ رندا : لالا ولا شي ريناد مفهية ما حست بشي نزلت تشرب موية رندا اشرت لوليد يروح بيدها قبل لا تنتبه ريناد وما تسكت لها طول الصبح بس مو فاهم شي ريناد : وراك تأشرين مثل المجنونة .. ؟ قدمت لعندها وهي لسه تاشر لوليد يروح ريناد نطت جنب رندا تشوف وش عندها لقت الوليد متخبي على جنب نقزت عليه : وليدووه وحشتني يا دب .. وين هداياي بسرعه .. وبعدين ليش قاعد هنا كانك حرامي .. تعالي للمجلس وليد : لالا خلاص مافي داعي .. يلا باي رندا .. باي ريناد رندا وهي تدعي على ريناد من قلبها : باي ريناد : بااااي والمره الجايه لا تنسى الهدايا ههههههه وليد : ههههه مارح انسى راح الوليد وطلعوا ريناد ورندا غرفهم راحت رندا عند ريناد ريناد : ايش تبين ؟ روحي ابي انام رندا : الحين من جدك كنتي تبين تدخلين وليد المجلس ومش عارفه ايش ؟ ريناد : وايش فيها ؟ رندا : يا غبيه عمي مو اتهاوش مع بابا .. وعبد الرحمن بعد اللي صار كره وليد ؟ ريناد : آآآآه صح .؟؟ اجل ايش مجيبه ؟ رندا : جاي عشاني ريناد : اهااا .. يوووه رندا لا تفكري تسويها مرة ثانيه .. وربي لو شافك عبد الرحمن لا يوريك نجوم الليل بالظهر رندا : ياخي هو ماله دخل .. يخله يطق راسه باربع حيطان ريناد دخلت تحت البطانيه : ايه نشوف الاربع الحيطان هذي .. يلا ضفي ابغا انام رندا : بس والله يا ريناد لو نطقتي باي حرف عن اللي صار ما تلومي الا نفسك ريناد : طاااااااااااايب بس اخلصي وسكري اللمبة والباب ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; رجعت جنا الفندق بعد ما شرت اللي تبغاه وزياده ورتبت شنطتها وشنطة سعود ودخلت كملت نوم وما همها سعود وحكيه اما سعود استغل فرصة نوم جنا وجلس في الصاله رنة .. رنتين .. ثلاث رنات .. جا صوت اروى اللي كان كله نوم اروى بعصبيه لانه صوت الجوال قومها من احلى احلامها : نعم سعود : اووه حبيبي آسف قومتك من النوم اروى ولسه نايمة : شرايك يعني .. مقومني من عز نومي .. عبد العزيز احيانا تتصرف بغباء سعود باستغراب : مين عبد العزيز ؟؟ اروى : عزييييز قسم بالله مو رايقه لاستهبالك .. نسيت اني قعدت معاك الليل كله بالاستراحه .. خليني انام احسن لك سعود : شكلك كنتي تحلمي .. اوكي اكلمك وقت ثاني سكر السماعة وما اعطى للكلام أي اهميه اما اروى رمت الجوال بدرج الكمدينه وكملت نومها بدأت خطبة الجمعة والكل راح للمسجد .. وفي المستشفى عند هديل كانت ام هديل توها ملبسه بنتها ومروشتها .. وبمساعده الممرضة جلسوها على السرير وبدأت شوي شوي تصلي خلصت صلاة وقعدت تنتظر دكتور فهد يسوي معها التمارين المملة دخل فهد الغرفه ونفسه في خشمه .. يكره المريضه البارده هذي وهديل نفس الشي .. تكرهه لغرورة الزايد .. ماتدري على وشو شايف نفسه فهد : السلام هديل اتافف بداخلها وردت امها السلام : وعليكم السلام ورحمة الله وبركاته .. ها بشر دكتور شلون حالة هديل الحين ؟ فهد طالع في هديل اللي كانت تقرأ الكهف ومطنشتهم ورد ببشاشة مصطنعه : لا حالة هديل عال العال .. وتقدر تطلع يوم الاحد ان شاء اله اكتب لها خروج ام هديل بفرحه : جد ؟ الحمدلله يارب الحمدلله اما هديل ما عرفت تعبر عن فرحتها بوجود فهد .. فطنشت الوضع وخلته يبدأ شغله بدأ فهد شغله بمساعده الممرضة ويحاولون يقومون هديل من يدها .. ويخلونها تجرب تقوم بلحالها هديل كانت معنوياتها مش ولابد .. فرحانه انها رح تطلع ومتحطمة لشكلها دخلت دكتورة العلاج الطبيعي بعد فهد وبدأت علاجها بالظهر كامل ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;  |
|
#154
02-22-2008, 02:46 AM
| ||||
| ||||
| رد : قلوب من زجاج ... قصة سعودية خيالية - جريئة " من تاليفي " COLOR="Black"]ريم كانت شبه نايمة ومقفله على نفسها تمنع الازعاج صحت من نومها راسها مصـــدع لدرجة فظيعه جلست على السرير ومدت يدها لدرج الكمدينه تفتحه تدور بندول او أي شي تاخذه .. مالقت اللي تبيه .. وقفت بتعب وراحت لعند الباب وراسها يدور ما قدرت تفر المفتاح المعلق على الباب عشان تفتحة .. طاحت على الارض من الدوخة .. سندت نفسها على الباب وغمضت عيونها .. حاولت تستجمع كل طاقتها الباقيه وتمسك على يد الباب وتوقف .. فتحت الباب بصعوبة وانهد حيلها عند الباب وطاحت مرة ثانيه كل الكلمات اللي قدرت تنطقها كانت : مامااااااا تستنجد في امها .. مافي احد تلجأ له ويضمها لصدره بحنان غير امها ! اما ام ريم كانت في المطبخ مع الخدامات يساعدونها في الغدا كالعاده .. سمعت صوت ريم اللي يستنجد فيها .. شهقت وحطت يدها على صدرها : بنــــتي !! ركضت بسرعه لفوق تشوف ريم .. لقتها مرمية عند باب غرفتها ووجهها اصفر .. خافت يكون صار فيها شي خطير راحت لعندها بسرعه وبدون وعي شالتها وحطتها في غرفتها وجابت لها بندول واكل تاكله .. واول ما يرجعون اخوانها يودونها المستشفى ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; نلف شوي ونروح عند بيت اهل الماس كالعاده بعد صلاة الجمعه الساعه 2 تتجمع العائلة عندهم ويتغدون وقعدة الى الليل وبعدها الكل يروح بيته الماس قاعده مع بنات عمها من بينهم شادن اخت تركي كانت خايفة يكون تركي قالها او شي وشادن المستغربة من تصرفاتها وشرودها الملحوظ الكل كان يسولف ومستانس والماس منزلة راسها تتهرب من نظرات شادن المستغربه الماس كانها قرت افكار شادن انها تبغا تاخذها مكان وتكلمها .. فداركت الوضع وقامت نزلت المطبخ ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; اما وئام .. قامت من بدري .. صلت الجمعة وقرت الكهف ونزلت تقعد مع امها واختها على مايجي الوليد وابوها ... اما بالنسبة لعلاقة وئام وتركي اللي كانو طول الليل امس يتكلموا مع بعض تركي كل ماله اعجابه بشخصية وئام تزيد ووئام كل مالها تتعلق في تركي اكثر رن جوال وئام في يد امها اللي كانت تلعب واكيد تركي المتصل ام الوليد : مين almasoo 2 ? وئام انخضت وارتبكت اخذت الجوال من امها :أي الماس داقة من رقمها الثاني ام الوليد : اهاا ردت وئام وطلعت لغرفتها تركي : هلا وئام : اهلين تركي : كيفك ؟ وئام : تمام .. انت كيفك ؟؟ تركي : تمام وئام : أي وكيف الشغل تركي : الحين لا تضيعين السالفه .. انتي دارية ليش انا داق وئام : طيب انت قلت ما تبي مكان عام .. وانا ماعندي الا ذا المكان تركي : امر عليك المدرسه ؟ وئام : واذا شافتك الماس ؟ تركي : اييه صح .. شذا الورطة سكتوا الاثنين للحظات ....... وئام : جبتها ... تركي : بشري وئام : بكرة ملكة سارة اخت اروى .. في قصر الـ ...... بخليك تدخل من الباب الخلفي تركي : والماس مارح تحضر ؟؟ . . . في هاللحظة حطت الماس رجلها على اول بلاطة من المطبخ مكان ما كان تركي يكلم وئام رجعت بهدوء تسمع وش يقول عنها !! ولمين !! تركي : حرام عليكم والله انها حبوبة وتجنن ....... خلاص اجل لقاءنا بكرة .. الماس وقف قلبها !! ليش يقول عنها كذه ؟؟على طول فكرت انه خفى حبه عنها .. ليه ؟؟ هو مو محتاج حب متبادل ؟؟ رجعت طلعت لغرفتها وقفلت لى نفسها بدون مايحس عليها احد من بنات عمها او من شادن جلست على سريرها متنحه . . ليه يقولي كذه ؟؟ معقولة صار يحبني ؟؟ لا وش هالتفكير الغبي .. قال لي اني مثل اخته وانا اعتبرته من بعدها انه اخوي بس ..؟؟ !!! ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; قلوب من زجاج ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; يتبع بعد قليل ^_^[/color] |
| اليـــــوم , 11:20 PM |
| (قلوب من زجاج) قصة سعودية خيالية - جريئة " من تاليفي " |
|
#155
02-22-2008, 03:30 AM
| ||||
| ||||
| رد : قلوب من زجاج ... قصة سعودية خيالية - جريئة " من تاليفي " يالله بنوته بسررررررررررررررررررررعة نزلي الباقي اول تعلييق هههههههههههههههههههههههه |
| روابط لأكثر الكلمات بحثاُ |
 | سياسة الخصوصية |  |
العرض العادي
