بســــــمك اللهم أكتب كل بيت(ن) على منواله ؟

[شـ ـ ـ ـاعر الانــثى]

السلام عليكم ...

مساء الخير ...

هذا كنت انا وشاعر من اجمل الشعراء حقيقه إلي عرفتهم

وكان وده بمجال تحدي بيني وبينه ... فإستسرد قائلا :

""
يا شاعر اجزل واكتب في قيل(ن) وإلا قاله ... اوصف بنت(ن) في بالك وابغى ردك يجي عندي
""

طبعا ... وقتي القريحه بدت تشتغل ... وعلى نفس البحر وعلى نفس القافيه .. وإختلط اكثر من موضوع في بالي ..

فااا رديت .. وقلت له ...

بسمك اللهم أكتب كل بيت(ن) على منواله = واطرق كل بحر(ن) وانا اعرف انه ما هو قدي
يرحم الله شخص(ن) عارف قدره واحواله = ما اقول اني شاعر لكن عارف وش هو عندي
قصيدي منبعه نفسي ولا أقدر أحتاله = أجيب جزل المعنى ودايم ملتزم عند حدي
يا عذارى الكون والله ما جيتوا في باله = من حلاته والله قطع كل متون الوردي
خل(ن) من جماله غطى على البرتقاله = وخبر حبه وصل حتى لابو جدي
عيونه برق(ن) يلمع يطًيح الخياله = ورموشه مع جفنه غصب تبيح لك السدي
ما فيها شبه ابد واتحدى كل الجاله = الكون كله في حد وهي لوحدها حدي
من نظره تفتن الورع ويلحق به رجاله = مهرة(ن) تشد لها من هو ما ينشدي
الجسم يا ناس والله مصيبة(ن) بلحاله = لدي نظرك لجسمك يلا الحين لدي
لا تلوميني انا واحد من بين الصواله = جزري يبدا فيك وفيك ينتهي عند مدي
بعض العرب والله ما تآخذ حتى جداله = وانا والله ما اهذري وفاي هو وعدي
يا بنتِ ما في رجل(ن) إلا بقوله وافعاله = وانا رجل(ن) قول وفعل وما انقذ عهدي
تبغى الفرقا فال الله والله ولا فاله = ودي افارق بس صعب احقق ودي
هذا كلامي وجالك يالحلو برساله = ما اقول إني شاعر لكن عارف وش هو عندي

تحياتي


عدووووني نور عيوووني

[قلبي انمرد]

صح لساااااااااااانك
يسلموووووووووووو

[لمسـات هـادئـه]

مشكــــــــــــــــور اخوي على الطرح الرائع
دام قلمك الرائـــــــــــع
تقبل مروري

[{ أحـمـر الـعـيـن }]

صــحّ قـلـبــك




أخـي الـشـاعـر : عدنان العنزي .




مـا هـذا يارجـل أأأأأأأأأربـكـت الـشـعـر ،،، وأسـرجـت الـقـوافـي وطـوعـتـهـا ...

فـأتـت صـاغـرةً طـائـعـةً خـاضـعـةً لـبـنـانـك




لله دَرُّك ولـنـا دُرَرك أيـهــا الـجَــزِل




قـصـيـدهـ فـي مـنـتـهـى الـروووعـه

[خالي البال]

والله انت شاعر يا عدنان وماعليك كلااام ...

واعرف انك تكتب الشعر وانت صغير ..


عشان كذا والله صرت اخاف انقد قصيدتك ..

وتزعل .. بس انا ما ودي اتكلم عن الوزن

بس ابي اتكلم عن القصيده ..

احس انها ثقيله وفيها خشونه بالنسبه لابيات

فيها وصف لبنت والتغزل فيها ..

ارجو انك فهمتني ..

اما الوزن فا انت ادرى ..

وانت قلت القصيده ارتجاليه

و انا ما دققت فيها كويس ..

تقبل مروري على صفحتك الرائعه ...