جزل المعاني شاقها راعي الكيـف= أبيات شعر(ن) شاقـت اللـي كتبهـا
أمست ترازم والقوافـي معاطيـف= في ضامـر اللـي مفرداتـه ندبهـا
سبحان من هو دايم بخلقـه مريـف= أرزاق قاسمهـا لخلقـه وهبـهـا
وسبحان مجريها بيـده التصاريـف =الكـون كلـه ومـا حـوا محتسبهـا
اليوم جاك العلم مااحتاج توصيـف =بعـض المعانـي اليـوم لا تغتربهـا
راع ألفلاحه يزرع اليـوم بالريـف =واليا أثمـرت للسـوق راح وجلبهـا
وهناك شفت اللي عايش على الطيف= يقـول يـا عـزاه روحـي نهبـهـا
أسباب ما بـه قـال بعدالمواليـف =يسمع لبعض الهرج وهمـه طربهـا
وهناك شفت دموع فيهـا سواليـف= تشكي وتخفي الدمع لأحد(ن) قربهـا
دمعت يتيمنا غربلتـه الصواديـف =فقدان اعـز النـاس روحـه تعبهـا
واليوم راع العرف أمسى ولا شيـف =وأهل الجهل للنـار جابـوا حطبهـا
كلن لحاله دالـه اليـوم يـا منيـف =والناس من يدرك رضاهـا وطلبهـا
حبل الصلة مقطوع كلـه تحاريـف= بأسباب أمور(ن) ماخفت من دربهـا
وأمسى كبير السن ما له معاريـف =ولا عاد لـه مقـدار قبلـت عربهـا
للوالدين حقوق فرض(ن) وتعريـف =ويا سعد من هو طاعـة الله كسبهـا
مخلوق ياابن ادم من الطين وضعيف= لا ترفـع النفـس وتجنـي غضبهـا
12-24-2007, 11:21 PM
رساله 
رد : رساله 
العرض العادي
