حالتهاصعبه مع العرس البنات يكسرون الخاطر

[عايش وقلبي ميت فيه]

أبشركم انـخـطـبـت تقول كنت قاعدة أتفرج عالتلفزيون متابعة مسلسل ..وجاء مشهد زواج وحدة تزوجت من الشخص اللي تحبه من زمااااان ...
قلبت القناة على قناة ثانيه لقيت عرض أزياء فساتين عرايس قلبت القناة .. لقيت خطوات وضع مكياج العروس سكرت التلفزيون وجريت الونة " تنهيدة كبيرة " تشقق الصدرالتفت علىّ أبوي اللي نسيت تماما انه كان جنبي قال لي أبوي خير إن شاء الله يابنتي ؟! وش فيك ؟! عسى ماشرانا تلخبطت ساعتها وفتحت له التلفزيون وقعدت ساكتة إيه أكيد بسكت وش أقول ؟ أقول له ودي أعرس ( يعني أتزوج باالعربي أقول له إن صاحباتي اغلبهم تزوجوا وإلا أقول له إني تمنيت أكون مكان بنت خالي في كوشتها وفي الزفةأمس ؟يقطع الدراسة وسنينها ياشيخ أوف والله غثا .. يا بخت جداتنا ماتطق الوحدة العشر سنين إلا هي مخطوبة ..وعلى الثنعش أعرست ..
وان وصلت البنت ثمن طعش ما اعرست قالوا عانس!هذوليك البنات اللي عايشين صح مُبْ حنا اللي نعجز ونوصل سن اليأس ما اعرسنا أخخخ .. يُبه الله يفتح عليك وتخليني اعرس ... وتفكني من الدراسةوساعة انا غارقة في قاع هذي الهواجيس ويرن التلفون ويقطع حبل افكاري طالع الرقم ابوي وقال رقم غريب رد بلهجة رسميه وعليكم السلام الله يسلمك الحمد لله بخير.
ايه أنا أبوفلان ( منيب قايلة لاحد عشان محد يعرفني ويضحك علي
لا منت غلطان انا هو:ماعليك زود الله يسلمك.من معاي ياخوي ماعرفتك ...
والنعم .... تفضل وش السالفة اللي تبيني فيها >>لا ماني مشغول ...
لدرجة الموضوع مهم ؟!...تفضل تكلم شغلتني ...التفت أبوي علي وعطاني
نظرة غريبة ..أنا ساعتها قرصني قلبي مو من ردود أبوي بس من نظراته الغريبة ..رد أبوي على المتصل : وش فيها زود طيب ؟...لا بس مافيها أي ميزات عن الباقي..اقول في نفسي .. ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل ..رد ابوي على المتصل : طيب وبعدين ... أيوه طيب وش اسمك الكامل ؟وش تشتغل بالضبط ؟
طيب من دلك علي وعطاك رقمنا ؟لا الموضوع يا ابني مو بهالبساطة ....
العملية مش بيع وشرى وبس ...الواحد لازم يسأل كثير ويحرص قبل يقدم على أي خطوة ...لاموضوع انك تجي لبيتنا خليها بعدين ...لين أسأل عن كل صغيرة وكبيرة ...لا لما اكتفي من السؤال وأخذ المعلومات اللي تكفي .. باتصل عليك تجي ونتفاهم ويكون خير إن شاء الله ..أنا كنت أتابع حركات أبوي وأنا متشققة من الفرحة أخيرا انخطبت وبتزوج مثلي مثل غيري ...
يوووووه أخيرا بلبس فستان أبيض منفوووش أخيرا بطلع أجهز واتقضى للزواج ...بسوي زواج كبير مررررررة وبحط زفة ريميكس وطرحتي مابيها خليجية بخليها مبتكرة ...منيرة منيب عازمتها هي وخواتها .. ماعزموني الأسبوع اللي فات على الدي جي اللي سووه..وحصة صديقة امي منيب عازمتها بعد مطوعة مالي خلقها تحوسني لو حطيت أورق وبشتري أغراض واشيل واحط واخطط ... بيصدع راسي بس ولو لذيذ هالصداع يوم قفل الخط ابوي التفت علي وهو مبتسم ابتسامة تعجب وهو ساكت ...قلت :هاه يبه ؟ متى بيجي يشوفني ؟منهو هذا اللي خطبني تو وشو؟!خطيبي اللي تو
تمووونين انتي ووجهك صار خطيبك على طول ماعندك وقت ..ايه يبه ترا احذرك هالمرة شف تكرش العريس .. مثل ماكرشت ولد أم مساعد العام الماضي .للحين تراها حازة في نفسي ..ترا هالمرة بضرب عن الدراسة ...
والا الاكل مقدر اضرب عنه ...وجع يبه بعنس من تحت رأس وفعايلك خطاطيبي والرسول حث على تزويج من ترضون دينه وخلقه وهذا الخاطب قايل قلبي انه أجودي .. ترا ما اعرفه بس اتوقع انه كذا وترا العرس أهم من الدراسة عشان الجنس البشري ماينقرض ....وبعدين من قال لك اني منيب مكملة دراستي والله بكمل حسيت ان عيون ابوي بتطلع من شدة علامات التعجب اللي في وجهه ..بعدين انفجر من الضحك هي انتي وين رحتي ... حدك حدك لا تشطحين !!! وش اشطح ؟!هذي الحقيقة يبه والحقيقة ماتزعل .. وانت الله يطول لنا بعمرك علمتنا على الصراحة وحب الحقيقة أي عريس وأي هم؟؟!!انتي مصخنة ؟؟هذا المتصل مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ قومي نامي يابنيتي ولا تكثرين قعده قدام التلفزيون ... الحين بس عرفت ليه سكرتيه تو...أنا لا تسألون عن وجهي ...الله يقطع أم العجلة اللي تعرفونها ....
مشكلتي إني أجزم على طوووووول قبل أتأكداستروا ما واجهتوا انتهت




تكسرالخاطرأحسهاتعاني حالتهامستعصيه..

عادالله الله بالاراء..

[كلي شوق]

هههههههههههههههههههههههههههههههههههههههههههههه
هههههههههههههههههههههههههههههههههه
هههههههههههههههههههههه

والله مسكينه هالبنية
قطعت قلبي

[اعتزلت الغرام]

يحلياها هل البنت شكلها ماصدقت على الله تبي تفتك من الدراسه
ه

[***(الدكتـــور الجـــراح)***]

يسلموووووووووووووووووووووووو

[حوانين]

يا حليلها تبي تتزوج
شكلها بطول وهي في بيت ابوها
الله يعطيك العافيه على القصه الحلوه
تحياااااتي ..... واحترامي ....
حواااااااااااااااااااانين