ادق رقمك باشتياق ولهفه....!!!!!

[رقيق احساس]

أذكرك يابنت كان تنسين
باللي حرق قلبي وسبب كسافه
يوم إني أغيب يوم(ن)ويومين
وأدق رقمك بإشتياق ولهافه
كنت أنتظر أهلن حبيبي وأهلين
وينك حبيبي القلب قرب جفافه
ثم أنصدم بك لاهلا .لا .ولا . . وين؟
وأعاف كل الحب ورقمك أعافه
مدري أحسك عايشه بس تسلين
وإن الهوا بذا الوقت عندك خرافه!!
أجيك أنا مشتاق وأنتي تغلين!
حتى التغلي صاير(ن)فيك آفه
أبطي مادق أبغى عليه تدقين
حطيت لك نغمة غرام ولطافه
وأنتشرت النغمه بين الملايين
وأنا أتحرى تتصل ياحسافه..!!!
حتى الجهاز اللي مايدرك بشين
من حرته أصبح بحجمه نحافه!
وأنهارت آمالي وفكرت بعدين
لايكون أنا عايش بدور(ن) أخافه
خايف غلاتي عايشه بين شخصين
وأنا الذي محتل دور الوصافه
من حينها أعلنت للحب أنا دين
إني لسوي مارى القلب وشافه
حتى لو إنتي وافيه ماتخونين
يكفي هملتي حبنا بإنتصافه!!
كان الصبر قاسي لاكن بدا يلين
وبدا فؤادي يبتعد عن ضفافه
والحين حل الوفا يابنت هالحين
بخون معنى الحب وأجرح عفافه!
والله لخونك مع ثلاثه وثنتين
لن الوفا مع مثل شخصك قرافه . !
بعلمك وشلون كنتي تلهين
وأكلمك ترياق ضحك وسخافه
أنتي حرام أنتي بدنيا محبين
يادارسه معنى الجفا في حرافه
مع السلامه أبعدي لاااا تردين
يامسببه للقلب كل إنحرافه
والله ماحبك أسمعيها بعد زين
ماعاد أحبك جد ماهي لقافه

[اميرة الدلوعة]

صح لسانك يا رقيق الاحساس



ويعطيك الف العافيه

[شذا السعوديه]

رقيق احساس
صح لسانك
تقديري

[أصعب بنت]

رووووووووعه ابداع

يسلموووووووووووووو

[خالي البال]

قصيده من اروع مايكون ..

وفيها الاحساس متناثر على ضفافها ...

صح لساااانكـ ...

لكن يا رقيق احساااااس

في البيت الاخير وآخر شطر

والله ماحبك أسمعيها بعد زين
ماعاد أحبك جد ماهي لقافه

كلمة لقافه تخل بالمعنى ...

يعني لوقلت ..

ما عاد احبك جد ماهي ظرافه ..

لان الظرافه عكس الجد .. لكن لقافه ..

بعيده عن الجد ومعنى البيت ..

هل كلامي صحيح ..

تقبل نقدي ةاعجابي بالقصيده