سامحيني

[ساهر الطرف]

طالْعي فِـ خطوط كفّي ما بها دربٍ لغيرك=واقرَيْ فنجالي تشوفي ما بهِ الاّ ريق فمّك
.
ما أشوف الا جمالك ما أشمّ الا عبيرك=يا هناة الرّوح منهو بعد فرقايه يلمّك
.
سامحي وحْدٍ يحبّك للشّدايد هوْ ذخيرك=واعذُري قلبٍ تفطّر، بين جِنحانه يضمّك
.
الشّفَق خطّه بعيني أحمرٍ يرسم مصيرك=يا بقايا روحيِ يكفي وقّفي من نزف دمّك
.
إن نويتِ البعد فضلاً خفّفي بالله مسيرك=اذكري حُبٍّ جمعنا كان حبّي لك يهمّك
.
يا عسى تتراجعي وتعوّدي في خطّ سيرك=نبتدي حُبٍّ جديدٍ وارميَ اشواقي ليمّك
.
أشتفي من زمّ ريقك وارتوي من مُزن خيرك=كلّ حُبّي لو نثرته خصّكِ انتي ما يعمّك
.
سلهمي برموش عينك سمّعيني نغم طيرك=دثّريني لو سمحتي حتى لو باطراف كُمّك

/
\
/

ساهر الطرف

[رجل رومانسي]

سلمت يمناك اخوي على هذه الكلمات والابيات الرائعه وتقبل مرووووري

[عاشقة الذوووق]

كلمات أكثر من رائعه تدل على إحساسك المرهف ومشاعرك الجياشه..يعطيك ألف عافيه وتقبل مروري
.
.
عاشقة الذوووق

[جــــــراح]

صح لسااانك ساهر ابداع يالغالي


دمتي كما انت

تحياتي

[بــنــدر ســعــد]

شاعرنا ومشرفنا
ساهر الطرف
صح الله لسانك مليون ولايسدون وبيض الله وجهك على هذه الراائعه
تقبل مروري المتواضع
لك ارق تحيه
بندر سعد
غشااااام