عـودة للخلف   منتديات تعب قلبي > منتديات تعب قلبي للقصص والروايات > قصص تعب قلبي


إضافة رد
 
أدوات الموضوع
قديم(ـة) 14-11-07, 04:47 PM   #11
|[ عـضـو مـشـارك ]|

 
صورة الشهانه الرمزية
 
الدولة:
الافتراضي رد : قصه الامـــــــــأآأآكــََََـــَـنّ كلـــهـّــــاّ مشتــــآآآآقــــهــّ لـــــكــّّّ


انوار((عمرها 19 متخرجه من رابعه بدرجة امتياز علمي وتدرس بالجامعه وبتصير مهندسه))اوف بنت خالتي هذي ما تدق ابد
حنان (( اخت انوار عمرها 16 سنه)) : انتي اشفيج محتره منها هذي بنت خالتج
انواربنفس خايسه وغرور: على شنو احتر منها انا احسن منها بالدراسه والذوق والكلام
حنان : انتي حيل شايفه نفج ما الوم الطاف وساره اذا مادقو عليج انتي اشعندج من السوالف
طلعت انوار من الغرفه وخلت حنان تكلم عمرها
حنان: طااااااااا خلتني وراحت مالت عليها

ساره : كاهو هيا شوفيه طالع من البا رايح السياره
هيا : خوفج يشوفنا ونطيح من عينه
ساره: ماعليج محمد واعرفه زين
محمد لاحظ ان ساره وهيا يشوفونه اشر لهم بايدة بااااااي
ساره : امبي شافنا
هيا : اقولج
نزلت راسها بسرعة وراحت غرفتها تنام
يوم السبت ثاني اسبوع مدارس
ريما رفيجه سارة والطاف : صباح الخير بنات شلونكم
الطاف وساره: هلا والله صباح النور
ريما : الا اقول شلون عبير ليش ماتداوم
الطاف: اهي اتداوم بس انتي اللي ما لج وجود
ريما: حرام عليكم انا كله بالصف قاعدة
ساره: ها كا قلتيها كله بالصف يعني منج مو منها
ريما : المهم سلمو عليها بروح الكافتيريا بتريق
سارة : الله معاج

------------------------------------------
بالصف قاعد سارة و مها رفيجتها يسولفون دخلت عليهم الطاف مستعجله ومرتبكه
اللطاف: مها ممكن شوي تقومين عن درجي باخذ كتابي بوديه للابله الجغرافيا
ساره: اشفيج متوترة مو اليوم تجمعهم
الطاف: حبيبتي نامي على اذنج اليوم ياقلبي نامي بس نامي يا الكسلانه
(( الطاف شاطرة مشا الله عليها ودايما متفوقه )) (( وساره يعني ))
ساره منصدمه : اماااااااااااااااااااااااااااااااااااااااانه
الطاف: والله
ساره : انا مو مكملته
الطاف: كمليه مني كلها درس واحد وعطيني اوديه
ساره: عطيني
اكتبت ساره الدرس وودت دفترها وخذت العلامه الكامله
________________________
ارجعت من المدرسه
ام خالد: ساره بدلي اهدومج وتعالي تغدي
ساره: ان شا الله يمه
راحت لغرفتها وبدلت اهدومها وقعدت على السري اتفكر باللي صار امس
وقطع تفكيرها صوت الباب
كوماري: سارا يللا تكدا كيلا ياكل كادا بسرآآآآآآآ لا يا يكلون كله الكدا
ساره: الله ياخذها قطعت علي تفكيري: انزين روحي انتي
_______________________________________________
اليوم بيجون اهل زوج ناديه
ام علي : حي الله من جانا
ام صالح: الله يحييج
قعدو يسولفون شوي
ام صالح: اقول يام علي حنا ترى حددنا العرس ومادري اذا مو عاجبكم انغيره
ام علي : على البركه ان شا الله متى
ام صالح: شهر 8 لان الطاف عندها رابعه وحرام نشغلها بعرس اختها
ام علي : جزاكم الله خير هذا اللي كنت احاتيه الطاف
ام صالح : ما عليج كل شي تمام
ام علي : مبروووووووووك
طلعو الحريم وراحت ام علي لغرفه ناديه : شوفي ياناديه ترى حددو العرس
ناديه والدمعه بعينها: صج يمه
ام علي :أي صج
ناديه متى: شهر8
نزلت عيونها وبكت وحضنت امهاااااااااااااااااااا
__________________________________________________
مرت الايام واجت امتحانات نص السنه وساره كانت شادة حيلها بالاشهر ودرجاتها امتياز
باجرامتحان عربي وصعب ساره قاعده عند المدرسه تشرحلها وفكرها كله بالدراسه والنسبه
الابله: ها يا ساره افهمتي عليه ولا لسه
ساره: لا ابله والله فاهمه
طلعت الابله وخلت ساره تكمل دراستها
صوت التليفون البيت راحت ساره تركض اهي من صوب و هيا بصوب
ساره: هيا امانه خلي التيلفون بشيله انا من زمان ماتكلمت بالتليفون
هيا : ماااااااااااااااااااااااااااااااااااااااابي
هيا شالت التليفون : الوووووووووووووو
محمد : قوة منو هيا
هيا: أي نعم منو انت
محمد: انا محمد
هيا : محمد ؟؟؟؟؟؟؟؟؟؟؟؟؟؟؟؟
ساره ارتبكت وتوترت اوف ليش داق اللحين بفكر فيه
محمد: هيا وين خالد
هيا : والله مادري دق على نقاله
محمد: دقيت مغلق قلت يمكن بالبيت خلاص اذا جا قوليله اني دقيت عليكم
هيا: انشااالله
محمد: مع السلامه
هيا / مع السلامه
صكرت التليفون : مسكين وده يسمع صوتج بس ماله حظ
ساره: جب خن اروح اكمل دراسه
((محمد كان وده ان ساره اللي تكلمه علشان يرفع من معنوياتها بس للاسف ما صار اللي فباله))
____________________________
اليوم اول يوم امتحانات والبنات كلهم متوترين
جايه تمشي بكل ثقة وكنها الاولى على العالم
سارة: بنات شوفو منال شلون تمشي غرور على شنو مادري
مها باستنكار : غرور ؟؟؟ لا ياحبيبتي هذا مو غرور هذي ثقه
الطاف وهي تتطنز على مها : ثقه على شنو
مها : مشاالله عليها اهي شاطره
الطاف: مو بس اهي ترى احنا بعد
مها: لا تبين الصراحة اهي اشطر
ساره: جب بس يلا عاد الله يخلي عمتها المديرة اللي اتسرب الامتحانات لها
ريما: ماعلينا منها ...................... اه عبير جت
ريما تركض وتحضن عبير
ريما: شلونج يالقاطعه
عبير: انا قاطعه ولا انتي علمي وانا ادبي والطرق بعيد بيننا
ريما : افااااااااااااااااااااا ما تقدرين تمرين علينا
عبير: انا شا الله اوصلكم الكورس الثاني ............. شلوون الدراسه
ريما : والله صعب علمي
ريما وعبير خذتهم السوالف لكن مها والطاف وساره قاعدين يعلقون عليهم
ساره : شوفو عبير شلون تتكلم
الطاف: ههههههههههههههه لا ولا ما شفتو ريما لما حضنت عبير دبه تحضن ضعيفه كنها دب وامه
سارة و مها: هههههههههههههههه الله ياخذ عدوج
الشهانه غير متصل   الرد باقتباس
قديم(ـة) 14-11-07, 04:49 PM   #12
|[ عـضـو مـشـارك ]|

 
صورة الشهانه الرمزية
 
الدولة:
الافتراضي رد : قصه الامـــــــــأآأآكــََََـــَـنّ كلـــهـّــــاّ مشتــــآآآآقــــهــّ لـــــكــّّّ

ابله الاذاعه بالمكرفون : على جميع الطالبات الدخول الى اللجان
دخلو الينات وهم في توتر وقلق ساره والطاف يقرون ادعيه وقران
طلعو من المتحان وكان صعب مها تبكي من الصعوبه وسارة والطاف( خليها على الله)

_________________________-
مرت الايام بسرعه غير متوقعه وباجر آخر يوم امتحانات
بيت ام علي
علي : الطاف قومي عنطيني مفتاح السياره بروح الجمعيه
الطاف: ليش ماتقول حق ريم
علي: لاتطولينها قومي انتي
الطاف: انزين
راحت الطاف تجيب المفتاح من غرفة علي
الطاف على الدرج : عـــــــــــــــــــــــــــــــــــلـــــــــــــ ـــــــــــــــــــــــــــــــــــــــــي
علي: نعم
الطاف: المفتاح ما لقيته
علي : انا متاكد على الكوميدينه
الطاف : مالقيته
ريم كانت توها طالعه من غرفتها
ريم: شفيج يا الطاف صوتج طالع لين الشارع شنو اتدورين
الطاف: مفتاح سيارة علي
ريم: ابوووووووي ماخذه
علي: ولييييييييييييييييييييه ليش ابوي ماخذه
ريم : ماادري دق عليه وكلمه
الطاف : خليني اروح غرفتي اكمل دروسي ابركلي
علي: صج شنو امتحانج باجر
الطاف: علم نفس
علي: يللا هانت كلها باجر وتتحررين و تدوجين
ريم: أي والله
علي: وانتي شنو امتحانج
ريم: احياء
علي: شنو ناويه السنه الجايه علمي ولا ادبي
ريم: اكيييييييييييييييييييييييييييد ادبي
علي: ليش تقولينها بثقة (( وهو يقلدها)) اكيييييييييييييييييييييييد
ريم: ادبي احسن واقدر اغيب على كيفي
الطاف وهي ماشبه لغرفتها: وهذا الللي هامج
ريم : وانتي شعليج
علي : اقول روحي ادرسي باجر اخر يوم المفروض تصيرين نفس اخوج الشاطر
ريم: انشاالله عمي
ريم راحت تدرس وعلي راح يكلم ابوه علشان المفتاح

بيت (( ام خالد))
ام خالد تدخل غرفه ساره: ها ساره شلون الدراسه
ساره: الحمد لله
ام خالد: هيا وينها رحت لغرفتها مالقيتها
ساره: اكيد البالوعه بالمطبخ ولا عند ناصر اخوي تلعب بلاي ستيشن
ام خالد: خبله هذي ماتدرس
ساره: ما عليج يمه هيا شاطره
ام خالد: عسى تبين شطارتها السنه هذي
ساره: ليش يمه عادي
ام خالد: اللحين ثانيه ثنوي خوفج المناهج يتغير عليها
ساره: لا عادي تطمني اهي طول عمرها متفوقه
ام خالد: شنو امتحانج باجر
ساره: علم نفس
ام خالد: الله يوفقج
ساره: اجمعين
-----------------------------------------

خلصت الامتحانات بسرعة وطلعت النتايج الطاف نسبتها 93 وعبير 80 وساره 90 هيا 88 وبدور 95 وحنان 91 وريم 85

*****************************
العايله قاعد اتجهز للمزرعة بعد يومين بيروحون الكل للمزرعة ام خال وام علي وام محمد والجدات و ام انوار وعيالها و باقي العايله
الشهانه غير متصل   الرد باقتباس
قديم(ـة) 14-11-07, 04:51 PM   #13
|[ عـضـو مـشـارك ]|

 
صورة الشهانه الرمزية
 
الدولة:
الافتراضي رد : قصه الامـــــــــأآأآكــََََـــَـنّ كلـــهـّــــاّ مشتــــآآآآقــــهــّ لـــــكــّّّ

بيت ام محمد
ام محمد: اقول عبير شلون البنات مالهم حس وشلون نسبهم
عبير: احوالهم تمام ونسبهام زينه
ام محمد: الله يتمم عليهم
محمد كان قاعد عندهم ووده ان امه تسأل عن نسبه ساره بس ماسألت ونطر امه لين تروح عشان يسأل عبير عن النسبه وعن المزرعة
راحت ام محمد لغرفتها تنام
محمد: اقول ساره ........اوووووه قصدي عبير كم نسبتج
عبير: مالت علي وعلى حظي 80
محمد: ليش في اعلى منج
عبير اتسوي نفسها ماتدري انه يحب ساره: اكييييييييييييييييييد فيه اجل اختك الشاطرة تطلع الاولى هذا عاد من سابع المستحيلات
محمد: منو اعلى منج بعايلتنا
عبير فاهمته بس تستعبط: ساااااااااااااااره(( قالتها وهي تجر الكلمه ببرود ) ) والطاف بس هذولا اللي كبري
محمد: ساره والطاف جم نسيهم
عبير: ساره مشاالله عليها عيني عليها باااااااااااااااااردة 90 والطاف 93
محمد مندهش : مشاالله عليهم اشطر منج
عبير : ادري
عبير اتظيع السالفه: اقول محمد
محمد: هلا
عبير: ماتوديني للسوق انا ساره والطاف
محمد: ليش
عبير : ودي اطلع مليت من الحكره والامتحانات خلصت وودي اشم هوى ومره وحدة اشتري اغراض المزرعة
محمد: بنروح المزعه مع خوالي
عبير : ان شالله ليش ماعندك خبر
محمد: لا ماعندي خبر
عبير: بتوديني
محمد: متى
عبير: الللحين تو الناس السا عة 4
محمد: انتي ومنو
عبير: انا والطاف وساره
محمد: يللا البسي لج نص ساعه
عبير: صج
محمد : والله
عبير : 10 دقايق واكون جاااااااااااااااهزه
راحت عبير تلبس ودقت على الطاف وواقفت وقاعد تدق على ساره
_____________
بيت ام خالد))
سارة تشيل التليفون: الووو
عبير تتكلم بسرعه: قوه شلونج انا زينه البسي بنروح انا وانتي والطاف ومحمد للمول
سارة: بسم الله شوي شوي تكلمي مافهمت ولا شي
عبير: انتي تزهبي وبس
ساره: شنووو ؟؟؟؟؟؟ مراح اروح
عبير: من صجج اقول خلصيني بنتسوق وبعدين بنتعشى بمطعم لا تضيعين الفرصه
سارة: قلت كلمه وحدة مراح اروح يعني مراح اروح
عبير على بالها ان ساره تضحك وراح اتمرها وتسويلها مفاجأه قالت :خلاص ساره خلاص على راحتج ترى الطاف بتروح
ساره: كيفها
عبير: باااااااااااااي
ساره: بايات
_________________
محمد : ها عبير خلصتي
عبير: أي يللا
محد راحركب للسياره وعبير ركبت وبالسياره محمد قال لعبير: منو نمر اول شي
عبير: نمر الطاف
محمد : اوكي
لما اوصلو عند بيتهم اتصلت عبير على الطاف وطلعت وركبت السيارة
الطاف : السلام عليكم
عبير ومحمد : وعليكم السلام
عبير: الحين روح لساره
محمد: اوكي
وصلو عند بيت ساره اتصلت عبير على سارة: الووو
ساره: الووووو
عبير: يلللا احنا عند الباب
ساره: شنو انتو عند الباب قلتلج مراح اروح
عبير: لاتضيقين خلقي يللا اطلعي
ساره : لاتحاولين
عبير: خلاص افتحي الباب بدخل
ساره: اوكي باي
عبير: باي
محمد: ها وينها
عبير: تقول مراح تروح
محمد يتصنع الا مبالاه : خلاص كيفها البنت
الطاف: لا مو كيفها ساره اهي اللي اتحلي الروحة لازم تروح
تدخلو للبيت وعقب حنه ورنه وافقت
ركبو الكل للسيارة
محمد: مابغيتي
ساره انحرجت : شسوي انا مالي خلق واهم غاليين علي وما اقدر اردهم
مشى الوقت بالسياره بسرعه وماحسو فيه من السوالف والضحك
راحو للمول يتمشون الا في مجموعة شباب يطالعون ساره
احترق محمد وراح تهاوش معاهم (( هواش كلام بدون طق))
ساره: محمد خلاص خلهم يولون
محمد خلاهم وراحو لللسياره وقعدو يسولفون عن احداث قبل صارت بالمزرعه ويضحكون
محمد: الله عاد اللحين احنا مشتافين للمزرعه
ساره: أي والله وخصوصا اذا راحت معانا هنادي
الطاف: هنادي اختي ماظنتي زوجها يوافق
ساره: والله اشتقتلها
عبير: مو بس انتي حتى انا
محمد وهو يعدل المنظره على ساره--- ساره قمه قي التكانه والثقل وتبين لمحمد انه مثل اخوها ولا بقلبها غير
محمد: اقول ساره مبروك النجاح
ساره: الله يبارك في حياتك
الطاف كانت شوي جريئه: بس ساااااااااااره وغيرها لا
محمد انحرج وحس انه مراهق: وانتي بعد ماعطيتيني مجال اتكلم
الطاف: اسفة اخوي يللا عطيتك اللحين المجال
محمد : مبروك
الطاف: الله يبارك فيك
محمد وصل البنات لبيوتهم وراحو لبيتهم
دخلت ساره البيت وجتلها هيا
هيا: ها شفتي الغالي
سارة كانت ساكته وماتكلمت وراحت غرفتها بصمت
هيا : هييييييييه اكلمج
سارة بنفس: نعم
هيا : شفتيه
ساره: لا شفت خياله . .......... اكيد اهو اللي مودينا
هيا: اللحين وقولج مبروكين
ساره: على شنو
هيا : شوفته والنجاح
سارة طالعتها من فوق لتحت وراحت غرفتها تنام

اليوم بيروحون المزرعة

انوار : الله ياحنان اليوم بشوف محمد اللي ذابحتني عليه سارة
(( انوار تحب محمد بس ما قالت لاحد))
حنان : قولي ان شاء الله
انوار : ان شاء الله
__________________
هيا: يللا ساره حطيتي الجنطه بالسوبر
سارة: افا عليج
ابو خالد: يللا ياعيال اركبو السيارة
ام خالد: كوماري خذيتي الماي
كوماري: أي ماما
_______________________
محمد : يللا يمه اركبي السياره تاخرنا
ام محمد : انزين بس اشوف عبير بتروح مع ابوك
محمد: ليش العباله وسيارتين خلينا نروح بسياره وحدة احسن
ام محمد: لا السوبر فيه الجناط وابوك وعبير.... وبدور ويوسف معانا وسالم عند ربعه
محمد: اوكي

_____________________________________
الكل وصل المزرعة وحطو الاغراض بالغرف
واجرو بقيات وبوانشي و شرو العاب ناريه
__________________________________________________
الشهانه غير متصل   الرد باقتباس
قديم(ـة) 14-11-07, 04:54 PM   #14
|[ عـضـو مـشـارك ]|

 
صورة الشهانه الرمزية
 
الدولة:
الافتراضي رد : قصه الامـــــــــأآأآكــََََـــَـنّ كلـــهـّــــاّ مشتــــآآآآقــــهــّ لـــــكــّّّ

الجزء الرابع


نزلت ساره من السياره ساره ونزلت جنطتها الثقيله بس ماقدرت اتشيلها وكانت سيارة محمد جنب سيارتهم
محمد بعده مانزل من السياره وسمع ساره:خالد تعال شيل جنطتي ثقيله مااقدر اشيلها
خالد كان بعيد عنها ورافع صوته: شيليها انتي وهيا
ساره: هيا راحت تتمشى اهي والبنات
محمد: ساره خلي الجنطه انا اشيلها روحي مع البنات وخلي الجنطه علي
ساره: مشكور
محمد: حاظرين للطيبين
ساره راحت للبنات اللي وصلو آخر المزرعه وسوو دائره وقعدو يسولفون وهي قاعد تتمشى اتفكر بكلمه محمد (( حاظرين للطيبين)) معقوله يحبني لا ما اعتقد شكله يعتبرني مثل اخته بس انا احبه قاعدة تتمشى الى ان وصلت للبنات
الطاف: هلا والله تصدقين فقدتج
ريم: اوله مو لهدرجة
الطاف: والله جد
عبير : وسعو لمرة اخوي
ساره مو مهتمه: امبين
عبير: ليش شااكه
ساره وهي تضحك: ما ضنتي اخذ اخوج
هيا؟: ليش ان شاء دام تحبون بعض ما في مانع
ساره: مالت عليج وانا شيعرفني انه يحبني يمكن ما يفكر فيني ومعتبرني مثل اخته
الطاف: لا والله عندي احساس انه يحبج من حركاته
عبير وبدور: اشوفكم تتكلمون عن اخوي واحنا ساكتين
ريم: ليش احنا حشينا فيه
عبير: المهم غيرو السالفه كرهت اخوي والسبه سوالفكم عنه
قعدو يسولفون عن الفن والفنانات وظلمت الدنيا وقاموا للبيت جت الساعة 1 بالليل
نواف اخو ساره 20 سنه يتصل على ساره
ساره: الوو
نواف: الو سارة
ساره: هلا
نواف: ساره ناوين تسهرون اليوم
ساره: منو تقصد؟؟؟
نواف : البنات
ساره : أي انشاالله ؟؟؟؟؟ انت وينك ما جيت المزرعه
نواف : انا مزرعه واحد من الربع قريبه من مزرعتنا وبجيكم اللحين اذا في سهرة وبجيب شوي وكستن
ساره: شوف احنا البنات ناوين نسهر بس الصبيان مادري
نواف : لاتخافين اتصلت عليهم وقلولي بنسهر
ساره: اهم وينهم مالهم حس
نواف : بالخيمه البعيدة شوي
(( العايله بانيه خيمتين وحدة للحريم قريبه وحدة دوانيه للصبيان بعيدة شوي))
ساره: اوكي بدق على خالد انروح لهم واحنا ننطرك
نواف: مع السلامه
ساره: مع السلامه

انوار تتدخل بشي مايخصها: منو هذا
ساره تتصنع المحبه: نواف اخوي
انوار : أي على بالي
ساره معصبه: على بالج منو
انوار: ولا شي
ساره بنفس: كلن يرى الناس بعين طبعه
انوار: شتقصدين
ساره: افهميها مثل ماتبين
انوار: أي حبيبتي على بالي تكلمين محمد
ساره منصدمه من كلامها اللي ماله أي صحه: انا اكلم محمد وابيع عمري مستحيل!!! مجنووووونه انا!!!!!!
انوار: والله تسوينها مو بعيدة
سارة وهي متفاعله بشده: احترمي نفسج لايجيج كلام ماودج تسمعينه
انوار: شعندج من الكلام ماعندج ماعند جدي
ساره وهي تطق انوار بالنعل وانوار تطق ساره بالنعل ويتهاوشون بالطق
(( محمد كان رايح للمطبخ بيجيب غوري للشاي ووقف عند الباب يسمع الهوشه على نهايتها وميت من الضحك و يقول لول مرة اشوف بنات يتهاوشون والله رحم ساره انه ماسمعها وهي تجيب سيرته واهو اصلا مايدري ليش تهاوشوا وكمل طريقه وراح للمطبخ ))
ناديه اتفرقهم: الله يهديكم هذا وانتو بنات خالات
ساره: ماسمعتيها شتقول قليله الادب
انوار ازعلت وراحت غرفتها وساره تقول: روحة بلا رده والله انها اهي اللي مخربه الروحه
حنان اخت انوار : ماعليكم منها والله ماتقصد
ساره وهي اتعيب على كلام حنان : صح ما تقصد انا اللي اقصد اختج هذي لسانها متبري منها الله يعينج عليها
البنات راحو للخيمه وخلو انوار تبجي على فراشها والبنات كانو مستانسين بس ساره كانت متضايقه ........
البنات وصلو للخيمه
البنات: السلام عليكم
الصبيان: وعليكم السلام ورحمة الله
(( خالد كان فاتح نار قبال الخيمة و جاهم نواف وقعدو يشوون من الشوي اللي جابه نواف لهم ويتدفون من النار كانت ساره مقابله محمد وهي ماتحط عينها بعيه ومحمد دايما يطالعها))
محمد: ساره ممكن طلب ماعليج امر
ساره: آآمر
محمد: مايامر عليج عدو غسلي الغوري هذا وعبيه ماي وجيبي معاه شاي وسكر
ساره: انشاالله
الطاف: ساره انطريني بروح معاج
عبير: الطاف وين رايحة
الطاف : البيت بعيد بجسر ساره
محمد: اقول ساره تعرفين تسوقين سياره
ساره منحرجة: لا والله
الطاف : انا اعرف اسوق السوبر والشفر
محمد وهو يطالع عبير: لا انا ابي وحدة تعرف للجيب
عبير : اقول لاتلف وتدور قول عبير سوقي وخلص
محمد: يللا هاج المفتاح وسوقي فيهم
عبير: عطني
شغلت عبير الجيب وركبت ساره جدام والطاف ورى
عبير: اوف اخوي حده مليغ
ساره وهي تضحك :أي والله مليغ
الطاف: حظج يا عبير عندج اخو يريح القلب مو انا علي بالمووت اسوق سيارته
ساره: تلموني ليا عشقته
عبير من قلبها تتكلم: أي والله الحمد لله اللي عطاني محمد اخوي والله انه رحووووووووم و قلبه نظيف وماعنده خرابيط
الطاف تشهق: مااااااااااعنده خرابيط لاتكذبين انا ذاك اليوم شايفته بالسوق يغازل
عبير: ليش احرجتيه
الطاف : شلون يعني
عبير: اتسلمين عليه وبجذي تحرجينه
الطاف: معاه ربعه
ساره: اقول عبير سوقي عدل
عبير : انشاالله عمتي
(( صفطت عبير السياره بالمصافط اللي جدام البيت ونزلو للبيت))
راحت ساره للمطبخ و راحت عبير تشوف التلفزيون والطاف انسدحت على الكنبه
عبير: يللا يابنات ماخلصتو
الطاف : اشفيج مستعجله
عبير: والله ان سوالف الصبيان ماتنمل ودي اسمعها
ساره: لاحقه عليهم انطري شوي
عبير : انا بشغل السياره على ماتحتر وناطرتكم
الطاف: حشى والله مو بنت صبي
عبير: اسم الله علي
طلعت عبير وشغلت ولحقتها الطاف وركبت جدام وساره ركبت ورى
وصلو للخيمه
خالد: نعيماااااااااااااااااااااااااااا
ساره: الله ينعم عليك
ساره تعطي محمد الغوري وسكانات الشاهي : سم
محمدوهو ياخذهم: سم الله عدوج
قعدو يسولفون عن احداث صارت بالمزرعه
محمد وهو ميت ضحك : تذكرون جدتي يوم يطيح
((كان شكل محمد جذاب كان ويضحك بكل ثقه وضروسه الحلوه البيض وشفايفه الحلوه ونظراته الجارحة و وعيونه الساحره و الخطوط اللي عند عينه ولحيته اللي توها طالعه معطيته جاذبيه مو طبيعيه كان لابس جاكيت جلد طويل اللي لايق على جسمه العريض ))
(( ساره كانت لابسه ملفع بيجي وحاطه مكياج خفيف وكانت قمه الجمال ولابسه ادسوس وجاكيت من قوه البرد وكانت تطلع محمد بنظرات اعجاب وهو يضحك وتقول بقلبها: آآآآآآآآآآآآآآه يامحمد لوتدري بس اني احبك كان ارتحت ليمتى بظل احبك بسكات .
ساره كانت اتطالعه بحنيه واعجاب وطاحت عينها بعينه بس هالمرة ما كسرت عينها وظل محمد يسولف ويطالعها
محمد وهو يطالعهاويكمل سالفته: صح ياساره
ساره مرتبكه: هاا !!!!!!! أي صح
محمديطالعها باعجاب : شفتو ساره معاي
الطاف: ساره اشفيج انتي قدساويه
ساره: ليش في احد قال غير هالكلام
الطاف: محمد يقول العربي احسن من القادسيه
((عبير كانت قاعده جنب ساره )) عبير تهمس لساره: أي انتي مع محمد ...
ساره تغمز لـ الطاف: حمدلله والشكر يا الطاف اقصاها نادي وبعدين انا محايدة
هيا: اصلا ساره مو مع أي نادي اللي يشجع القادسيه انا
ساره: أي صح
حسن اخو ساره: اقول مو كنكم لهيتو عن الصلاه(( حسن ملتزم حيل بصلاته))
محمد: يللا يا شباب قومو صلو
نواف يكلم سالم اخو محمد عمره20 سنه : يلا يا سالم (( ويلتفت على ناصر ويوسف اخو محمد )) يلا يا صبيان الصلاه خلينا نروح للمسجد لاتطوف علينا
محمد: يلا انا بشغل سيارتي واللي يبي يروح معاي يركب
حسن: انا بشغل سيارتي و باخذ يوسف وناصر
البنات راحو للبيت يصلون والشباب راحو للمسجد وكانت ليله الجمعه (( وحسن ملتزم حيل بيوم الجمعه و مايحب يسمع اغاني ودايما يعتكف بالرمضان وصلاته اول باول والكل يضرب فيه الامثال بعكس سالم رفيجه ولد عمه وخالته صلاته عاديه يتاخر ويسمع اغاني ومغازلجي حسن مايحب سوالف الشباب المغازل وغيرها))

عبير : اقوول ساره مشالله على حسن اخوج طبعه حيل حلوو يارب ترزقني بواحد مثله
ساره: اوووووووه ياللنقزه قوويه
هيا: قصدج اخطبيني
عبير: يمه يمه منكم ماقلت هاللكلام
هيا: خلاص اقول له ان عبير تمدحك
الطاف: من صجج تقولين هلكلام له لو علي كان ذبحني
هيا : عااااد لقيتي اقول لحسن علشان يعطيني محاضرات
الطاف: أي والله عاد حسن ماتخلصين منه
بدور: تخلصين من حسن يجيج خالد
هيا: أي والله خالد (( وهي اتقلده)) ماعندنا بنات يسوقون ولا عندنا بنات يغنون
بدور: أي والله خالد هذي كلمته(( وهي اتخشن صوتها )) ماعندنا بنتا يسوقون ولا عندنا بنات يغنون
حنان: وااي اكره خالد دايما يفشل انوار اختي وملييييييغ
الطاف على ضحكة : أي والله اصلا عيال عمي مبارك كلهم اكرههم خصوصا ساااااااااااااره
ساره وهي تضحك:جب عاد ما ارضى
عبير : يللا يابنات صلو وخلو عنكم السوالف
صلو البنات وراحو ينامون

ام مبارك الجده و سلطان (( ابو علي ابو الطاف)) ومبارك ابو خالد وام علي وام خالد واما محمد وابو محمد وام حمد(( اخت ام خالد وام علي ام انوار)) وابو حمد يتريقون
ام مبارك: اقول موضي (( ام خالد )) البنات متى يقعدون والله انهن ونيسات
موضي : والله ياخاله ما نامو الا الفجر مايقعدون الا الظهر
ام حمد: يلا يحريم استعجلو عشان اندوج بالبر
ام مبارك: أي والله خلنا نشوف الطبيعه
مبارك: أي والله روحو يا يمه ونسي عمرج كلها اسبوع وبنرد لضيقة البيت
راحو الحريم يتمشون بالبر وراحو الرجاجيل لـ الدجاج والغنم


انوار: تصدقين يا منال عندهم كآبه (( منال بنت عنها عمرها 19)
منال: انا مادري شلون تحبين خوالج
انوار : انا عادي عندي كلهم بس اللي قاهرني ساره تحب محمد ولا تقول
منال:/ ليش اهي تحبه
انوار: ما ادري بس كل سوالفها عنه ولن\من اسئلها تقول متل خالد
منال: حرام عليج يمكن صج
انوار: مااااااادري
الشهانه غير متصل   الرد باقتباس
قديم(ـة) 14-11-07, 04:57 PM   #15
|[ عـضـو مـشـارك ]|

 
صورة الشهانه الرمزية
 
الدولة:
الافتراضي رد : قصه الامـــــــــأآأآكــََََـــَـنّ كلـــهـّــــاّ مشتــــآآآآقــــهــّ لـــــكــّّّ

-------------------------------------------------------------------------
الساعه 3 العصر كوماري راحت غرفت البنات
كوماريتفتح البرده: يلا قومو اللهين الساءه 3
ريم تفزع من نومها : قولي والله الساعه 3
كوماري منصدمه: أي والله
راحت ريم اتغسل وجهها وكوماري راحت المطبخ
ارجعت ريم : يابنات قومو اللحين هنادي بتجي
ناديه: اقوووووول ريم اكلي خرى وصكي البرده والباب واطلعي روحي انطريها الحالج
ريم اتقعد هيا: هيا قومي اللحين بيجي المزيون زوج هنادي اختي
هياوهي نايمه: قولي والله هنادي بتجي
ريم : والله
وتدخل عليهم ام مبارك: يا بنات قومو ضاق صدري
وتروح ريم وتضمها : الله يايمه يضيق صدرج وانا عندج يا هيفاااااا
ام مبارك: أي بعد قولي هيفا واليسا ونانسي وقصي على العجيز المسكينه على بالج مااعرفهن
قامت ساره من النوم وراحت اتغسل وجهها وقامو البنات كلهن
ام مبارك: اقووول ساره انتي شنو مسويه
ساره متخرعه: شنوووووووووووو!!!!!!!!
ام مبارك: شقايله لـ انوار
ساره بلا مبالاه: أي انوار ماكو بس سوء تفاهم ليش اهي شقايله بعد
ام مبارك: تقول انج طردتيها من القعده عندكم وكل اليل تبجي يا ويلي عنها والله ياساره اني زعلت عليج انوار ماعندها الا انتي
شارة تشهق: انا طاردتها
ام مبارك: اهي تقول .:.......... ماهقيتها منج انتي ساره العاجل تسويين جذي
ساره: الله يايمه اتكذب عليج وعندج البنات كلهم شاهديين
الجده: امصدقتج بس لاتعيدينها
ساره: خليها تظبط عمرها بعدين مااعيدها ........... صج اهي وين
الجده: جى حمد اخوها(( عمره 22 )) خذاها تقول ماني قاعدة
ساره بقلبها فكه
حنان: يمه متى راحت انوار
ام مبارك: اليوم الصبح
حنان : اهاا

قامو البنات يتمشون بالمزرعه وقعدو تحت النخل
سارة: بنات شرايكم ندق على ريما
الطاف : أي والله الخايسه ماتدق
ساره تدق على ريما: الوووووووو
ريما: الو
عبير :ساره افتحي السبيكر
ساره تفتح السبيكر
عبير: قوووووه ريمااا
ريما : هلا والله باللي لهم وحشه
الطاف: شلون اابر عندكم
ريما : ما طلعنا السنه هذي
عبير: لا حسافة ...................... خيرها بغيرها.
ريما: أي والله اهم شي المدرسه والله ان المدرسه احلى من البر
عبير: وووووووووووع لهدرجة عندج حلوة
ريما : ياهبله علشان انتو فيها
الطاف: تسلمين ياعمري
ساره: ها شلون العطله
ريما : حلللللوة بس مو احلى من المدرسه ........... يلا ما بقى الا اسبوع
عبير: لاتذكريني تراني ناسيه
ساره: خلاص تبين شي
ريما : سلامتج
ساره: مع السلامه
ريما : مع السلامه

____________________________
ام محمد تكلم محمد بالتليفون: ها محمد وينك
محمد:جاي بالطريج ان شا الله تآمرين على شي
ام محمد: لا مع السلامه
محمد: مع السلامه
__________________________
انوار جت للمزرعه مع اخوها حمد وراحت للبنات عند النخل واول ما جت اشهقت :سااااااااااااااااااااااااااااااااارررره على راسج زهيوي
سارة اتصرخ وتقط ملفعها: وااااااااااااااااااااااااا
وراحو البات يركضون داخل البيت
ساره راحت تسبحت وبدلت ملابسها
الطاف: نعيما
ساره: الله ينعم عليج
--------------------
ريما: الله يا هنوف والله اني اشتقت لرفايجي(( اخت ريما متزوجه عمرها 24 سنه))
هنوف والدمعه تنزل من عينها: أي والله ذكرتيني برفايجي و خصوصا هنادي
ريما: والله دنيا تزوجتو وكل وحدة اللحين ام
هنوف وهي تمسح دموعها : أي والله عاد اتصدقين امس شفتها بالطبيب
ريما: مصير الحي يتلاقى
هنوف : شرايج تروحين السوق وياي
ريما : ما اقول لا

محمد يتصل على عبير: عبير تعالو
عبير : وين
محمد: الخيمه
عبير: اوكي
راحو البنات للخيمه
محمد: اقول ساره افتحي سيارتي وجيبي الاكل اللي بالسياره
انوار كانت اتخز ساره باحتقار
ساره : ما اعرف افتح السياره
محمد: خلاص بدور روحي افتحيها
بدور: انزين
راحت افتحتها وجابت الاكل
الكل خذا ببسي وشبس وككاو وحلاو
ساره: مشكور
محمد: ماسويت شي
انوار تتدخل بين محمد وسارة: هههه ساره شلون الموقف اللي اليوم
ساره تطالع انوار بطرف عين وماردت عليها
محمد بفضول : شنو الموقف
انوار: المسكينه مسكت الزهيوي
الطاف تشهق: مامسكته ولا شي
محمد يضحك على ساره : صج والله ساره
ساره والدمعه بعيونها" غلط مو صج الموقف ان الزهيوي وقف عل ملفعي والملفع بالزباله
محمد يضحك: لهدرجة خوف من الزهيوي قطيني الملفع بالزباله
ساره تضحك مع محمد عشان تحر انوار
انوار بقلبها الحقيره قلبت السالفه
انوار: بس كان شكلج حلو
ساره: مشكوره انتي احلى
انوار ومبين عليها القهر اوريج يا ساره الحين تضحكين باجر تبكين
الشهانه غير متصل   الرد باقتباس
قديم(ـة) 14-11-07, 04:59 PM   #16
|[ عـضـو مـشـارك ]|

 
صورة الشهانه الرمزية
 
الدولة:
الافتراضي رد : قصه الامـــــــــأآأآكــََََـــَـنّ كلـــهـّــــاّ مشتــــآآآآقــــهــّ لـــــكــّّّ

الجزء الخامس

الساعه 4 الفجر
هنادي والالم ذابحها : سلطااااااااااااان سلطاان قوم بطني يعورني ماني قادرة اتحرك
سلطان والنوم بعيونه: اشفيج
هنادي: بطني يعورني
سلطان : اللحين الساعه جم
هنادي: الفجر
سلطان : البسي على ما اغسل واشغل السياره
هنادي: لاتنسى نوره نايمه
سلطان: خلي عنود اختي تقعد عندها
هنادي: عنود مادري وينها
سلطان: تلقينها سهرانه بغرفتها
هنادي: تكفى روح انت
سلطان : خلاص اروح اغسل واناديها
راح سلطان يغسل وجهه ولما خلص نادى عنود وراح للمستشفى
-----------

محمد وهو ميت ضحك: عبير انتي شفتي الزهيوي اللي على راس ساره
عبير: أي وعليه عليها ساره ماتحملت وبكت
محمد: اووووه كل هذا علشان زهيوي لو ضب شتسوي
ساره: انا وحدة ما احب الزهيويه والضب عادي بالنسبه للزهيوي
انوار بخبت: أي اكيد الضب يحب الضب
ضحكت هيا على كلام انوار
ساره وهي اتخز هيا اختها من الموقف اللي ماعجبها: اقول ما دري منو اللي تلعب قبل بالزهيويه والضبان
الطاف :ههههه أي والله ياساره وماادري منو اللي تلحق الخنافس
انحرجت انوار ووقفت وعصبت: ياحبيبتي كلن يرى الناس بعين طبعه
راحت انوار والدمعه بعيونها ولحقتها حنان اختها
ساره تكلم الطاف باذنها: من حفر حفرة لاخيه وقع فيها
---------
سلطان وهو مهتم : يا يادكتور بشر
الدكتور: مبروووك المدام حامل
سلطان مو شايلته الارض : صج يادكتور
الدكتور: باذن الله
هنادي تطلع من الغرفه وفي قمه التعب: هااا يادكتور شنو فيني
سلطان: سلامات مبروووك حامل
هنادي مسنتانسه والدمعه تنزل من عيونها (( صارلها4 سنين ماحملت)) : صج يادكتور
الدكتور: ان شاء الله
رجعو البيت وسلطان مهتم بهنادي حيل

---------------------------
اليوم الثاني

ام مبارك: اقول يا ساره انتي باي صف الللحين
ساره: والله يايمه اخر سنه ثنويه
ام مبارك:: الله يوفقج
ساره: اجمعين
محمد من ورى الباب: احم احم
ساره تعدل ملفعها وما في الغرفه الا ساره وام مبارك
ام مبارك: حياك
محمدوهو داخل: قوة
ساره : هلا
ساره قامت وراحت للغرفه الثانيه ومحمد من اول ما قامت وهو يطالعها ويفكر بجمالها وشخصيتها المحترمه
ام مبارك تقطع على محمد: اقول محمد وين رحت
محمد: لا يمه نسيت شغله بالسياره بجيبها تآمرين شي
ام مبارك مستغربه: لا سلامتك
راح لسيارته وشغل المسجل اغنيه (( احبك ليه انا مدري )) عبد المجيد عبد الله .. محمد سرحاااااااااااان بسااااره شلون رحومه وقلبها طيب وكبير وماترضى على اخوانها شلون زوجها كان يتمنى انها تكون من نصيبه بس الله اعلم
قطع حبل افكاره يوسف اخوه يطق دريشه السياره على محمد محمد صحى من اللي فيه
يوسف وهو بعده يطق الجامه : محمد حمدلله اشفيك افتح الجامه
محمد بنفس: خير يا غثيث
يوسف: باخذ تليفوني ناسيه بالسياره
محمد فتح السياره ويوسف اخذ تليفونه
محمد رجع لخياله وهيامه
--------------------------
هنادي تدز مسج على امها وخواتها
(( باركولي انا حامل امس رحت الطبيب))
الطاف وناديه يدزون مسج(( مبرووووووووك و ديري بالج على عمرج واحنا كلها يومين وراجعين الديرة))
ريم: ملل عقب باجر نرجع الديرة
هيا: مالي خلق المدرسه
ساره: لا والله مشتاقه لرفايجي
000000000000000000000000
هنادي تدز مسج على هنوف صديقتها(( هنوف باركيلي انا حامل))
هنوف تقرى المسج وعيونها مو مصدقه وتدز رساله لهنادي(( مبرررروك ياقلبي وان شاء الله ولد ))
هنوف تكلم ريما: الله يرزقها والله اني ادعيلها كل يوم
ريما : من هنادي
هنوف: أي
ريما : ليش اهي اشفيها
هنوف: هنادي تزجت عمرها 19 وجابت نورة بعد سنه من زواجها و في ولادتها لنواره قال الدكتور ماتقدر تجيب عيال غير هذا
ومن يومها وهي متضايقه وزوجها يقول يمكن اتزوج عليج
ريما: وانا اشوفها ضعفانه
هنوف: الله يعينها من التفكير والزواج
ريما: لهدرجة الزواج
هنوف: واكثر
00000000000000000000
اليوم برجعون للديرة
شالو اغراضهم والبنات يسلمون على بعض
ناديه : يللا مع السلامه
محمد يطالع ساره : ساره مع السلامه وشدي حيلج هذي رابعه
ساره: لاتوصي ان شاالله
راحت ساره للسياره : باااااااااااااااااااااي
الطاف: بااااااااااااااااااي
الكل راح لسيارته
ساره بالسياره تفكر بالكلام اللي قاله محمد لها
رجعو للبيت وقطت راسها على المخدهودموعها اربع اربع مشتااقه للمزرعه واهل المزرعه

اليوم الثاني
تليفون ناديه : الوووو
...........: الووووووو
ناديه: نعم
.............: قوه
ناديه: نعم
.................: اعصابج شفيج ماتذكريني
ناديه صكرت التليفون ولا همها اللي دق
صالح زوج ناديه اهو اللي داق يختبر ناديه وعرسها بعد6 شهور
----------

هيا تفتح على ساره باب الغرفه وتفتح البرده: ساره قومي باجر مدرسه امشي السوق نشتري كتب واقلام
ساره والنوم غالب عليها: انزين بس اطلعي براااااا
هيا : كيفج انا اللحين بروح السوق
ساره: لحظه انطريني بروح معاج
هيا : ييللا خلصي
ساره: انززززين
قامت ساره اتغسل وجهها وتلبس
-------
الشهانه غير متصل   الرد باقتباس
قديم(ـة) 14-11-07, 05:04 PM   #17
|[ عـضـو مـشـارك ]|

 
صورة الشهانه الرمزية
 
الدولة:
الافتراضي رد : قصه الامـــــــــأآأآكــََََـــَـنّ كلـــهـّــــاّ مشتــــآآآآقــــهــّ لـــــكــّّّ

الجزء السادس

منال : اقول انوار شخبار بنت خالتج الخايسه ساره
انوار تنرفزت: اللحين عندها رابعه لاحد يكلمها اللحين دقيت عليها بالسوق البزر تشتري كتب
منال: اللحين ساره بزر لما راحت تشتري اغراض المدرسه ..............نسينا ما كلينا
انوار بنفس: اوووووووووووف منال لاتجيبين سيرتها
منال: زين لاتعصبين
انو ار بنفس: صج انتي اللحين ليش جايه
منال: ضايق صدري وقلت اتسلى وياج
انوار مالها خلق: أي

ساره بالسوق مع هيا وامها في محل مكياج
هيا : هذيك مو كنها نوال اللي بصفج العام وتزوجت
سارة وهي اتدقق : أي والله مشا الله عليج شلون عرفتيها
هيا : شبهت عليها
ساره راحت اتسلم على رفيجتها نوال
ساره: شلونك مع الزواج
نوال : تمام انتو اشلونكم
ساره: اقول هالمزيون زوجج
نوال تضحك : الله ياخذ ابليسج هذا الضب مزيون
ساره: هههههههههههههههه
نوال : ليش انتي تشوفينه مزيون
ساره: الصراحه فيه جاذبيه وصحيح انا كنه ضب بس مملوح
نوال : هههههههه انتي للحين حلوه وتعليقاتج احلى
(( زوج نوال مو حلووووووو مررررررررررررررة))
------------------------------------------------
الطاف وناديه منسدحين على السرير يسولفون...........
الطاف: اقول ناديه متى ان شاء الله اتجهزين
ناديه: الاسبوع الجاي ببدي تجهيز
الطاف : انا اقول ثوب العرس فصلي لحمي على ذهبي يطلع حلو
ناديه: ليش انتي شايفته على وحده
الطاف: ثوب اخت ريما حلو يهبل
ناديه: وع مو حلو انتو أي شي عند ريما قلتو حلو
الطاف توقف وتحط ايدها على خصرها: حدج عن ريما رفيجتي من ايام الابتدائي وامووووت فيها
ناديه تضحك: اكليني بعد اسفين
الطاف: أي علشان اتعرفين قيمه ريما
ناديه : انتو ذابحيني بريما ساحرتكم
الطاف تتذكر مواقف ريما معها: ريمااااا الله ملاك مو بنت شفتي مثل الصديق وقت الضيق هذا ينطبق على ريما ريما ساعديني حيل بكل شي ولو اسويلها أي شي ما اوفيها
ناديه : عاد اللحين اتصيرين شاعريه تكفين صكي الموضوع
الطاف: والله جد اكلمج
ناديه : اللحين ممكن تطلعين
الطاف: من قبل لاتقولين بطلع
طلعت الطاف وراحت المطبخ
------------------------------------
عبير وام محمد ومحمد قاعدين بالصاله
ام محمد: محمد ابيك اتوديني بيت امي
محمد يهز راسه : ان شااااااااء الله شي ثاني ياام محمد
عبير: أي انا بروح للالطاف
ام محمد: ليش !!! اشعندها
عبير: يمه انا قايلتلج بروح اتمكيج اليوم عرس اخت رفيجتي والبنات بيروحون
محمد يتطنز: انتو البنات ماتملون كل حياتكم مكياج ما الومكم اذا عجزتو بسرعه
عبير معصبه: جب!!!!!!!!!!
محمد: ان شاء الله اوديج
عبير تبتسم: مشكووووور يااخوي العزيز
======================
ام خالد ترد على موبايلها : الوووو
..........: مرحبا
ام خالد : مرااااحب
..............: ام خالد معاي
ام خالد: أي نعم
.........: ام خالد معاج ام فواز بصراحة انا بدخل بالموضوع انا الصراحه جايه اخطب ساره بنتج
ام خالد ماتدري شتقول: الصراحة ياام فواز ماعليكم زود بس بنتنا صغيرة
ام فواز: مالكم نيه اتزوجونها
ام خالد: اهي اول شي صغيرة وبعدين بتكمل دراستها
ام فواز : أي مشكوره الله يوفقها مع السلامه
ام خالد: حياج الله
---------------------------
ام خالد تروح لغرفه ساره
ام خالد تضحك: سااره تصدقين اليوم اتصلت علي تخطبج
ساره : صج وشقلتليلها
ام خالد: قلت لها انج صغيرة
ساره : أي احسن ما ابي اتزوج اللحين
ام محمد: يللا نامي مبكر بكرا مدرسه
ساره: ان شا الله
------------
عبير تتصل على ساره : اللو
ساره: هلا
عبير : ماتبي تروحين عرس اخت مها
ساره: لا ما عندي وقت امس سهرانه واللحين امفوله بنام دااااااااااااااااااااايخه
عبير: الطاف وريما و دانه والجازي والشله كلها لايطوفج وبنات المتوسطه قبل اماني ومريم وخلود
ساره: يحليلهم اماني سلمي عليييييييييييييها تكفين ومريم وخلود قوليلها مشتاقه لسوالفها اللي ماتنمل وجيبيلي ارقامهم تكفين
عبير: اذا شفتهم
ساره : اقولج عبير اليوم انخطبت قولي لألطاف جهازها مغلق تكفين اخاف تزعل
عبير تكلم جد : لاتوافقين انتي لمحمد انشاء الله
ساره: والله اذا جاني نصيبي مراح ارده
عبير: انا قلتلج باااااااااااي
ساره: باااااااااااااي
----------------------
انوار تكلم حنان: أي نسيت اليوم عرس اخو دلال رفيجتي محلفتني اجي اروح ولا لا
حنان: روحي البنت موصيتج
انوار : خلاص بقول لامي
حنان: منو اخوها
انوار: اخوها بدر
حنان : البسي مافي وقت
راحت قالت لامها والبست
---------------------------------------
بالعرس تجمعوا البنات ومن بعد السلام الحميم اللي دام ربع ساعه
خلود تكلم الطاف: شلون سااارة والله فقدتها ماتدق علينا ولا تسأل سلمولي عليها ؟
الطاف: شنو اتسوي ماعندها وقت
اماني: بنات انا ملكت
الطاف: مبروووووووووووووك منو
اماني: ولد خالي
الطاف: منو عزوز
اماني: جب اسمه عزيز
الطاف : مادري منو الي اتدلعه قبل بالمتوسطة
اماني منحرجة : خلاص هذا قبل
مها اخت العروس : تعالو ارقصو اللحين اغنيه حلوة
الطاف وعبير وهم رايحين يرقصون شافو بالصدفه انوار
انوار اتأشر لهم : قوه بنات
عبير عطتها طاف وراحت ترقص اما الطاف راحت اتسلم
انوارباستهزاء: اشفيها بنت عمتج هذي ماتشوف
الطاف بنفس: يمكن ماعرفتج على المكياج مشاالله متغيره
انوار: حمد لله والشكر تبين شي الطاف بروح اقعد بالكراسي
الطاف تصنع الضحكة: لا روحي اقعدي ما ابي شي
انوار راحت اقعدت بالكرسي وتطالع البنات من فوق لي تحت وكلها غرور
خلص العرس وراحو الكل للبيت
----------------------------------
عبير توها داخله البيت الساعه 11 من الليل
بدور تكلم عبير: مابغيتي تجين الناس بكرا مدارس وانتي رايحة ترقصين بالعروس روحي غسلي وجهج ونامي
عبير وهي تحط ايدها على خصرها وتطالع بدور من فوق لي تحت وتبتسم لبدور: خوووش والله اصغر القوم يتأمر علي
بدور تضحك : ليش مو عاجبتج اصغر القوم
عبير تروح لغرفتها وتوقف على الباب: لا مو عاجبتني بعدين انتي اللي روحي نامي
بدور : اكيد بروح انام اجل انطر اوامرج
عبير: يلللا روحي نامي فكينا
بدور تروح غرفتها وعبير تروح غرفتها
---------------------------
اول يوم بالمدرسه الفصل الثاني
عبير والطاف وساره يسلمون على رفيجاتهم
ريما: واخيرا ردت الروح لي
عبير: اوف لهدرجة
ساره وهي اتخز عفاف (( بنت صايعه بالمدرسه تكرة ساره وعبير والطاف وتتصنع لهم بالمحبه وحسن النيه وعفاف اتحب محمد ودايما تزور عبير علشان تشوفه وودها تتعرف عليه بس ماعطاها فرصه )) : بنات شوفو عفاف جايتلنا شنو تبي
ريما: المسكينه صديقاتها الصايعات كلهم مو حاضرين واهي وحيده شكلها تبي عبير
ساره وهي معصبه: اقول عبووووره انتي شتبين فيها ماارتاحلها احس كلها خبث
عبير تأفأف : اوف والله اهي اللزقه
الطاف: بس بنات قربت
عفاف تطالع ساره وتتصنع الابتسامه وبدلع: قوة يا حلوات
عبير وريما: هلا
عفاف: افا ساره انتي والطاف السلام لله ليش ماتردون
ساره تتصنع الحب: هلا
الطاف: هلا
الطاف حست ان ساره متضايقه وحبت تاخذها عن عفاف وهي اتطالع عبير وتأشر لعبير بعيونها (( قومي عن عفاف)) عبير افهمت حركه الطاف وقالت : اقول بنات انا بروح دوره المياه دقيقه وجايه
الطاف اتطالع ساره: يوووه ساره ابله سعاد تبنا بجمع الدفاتر امش الفصل
ساره ذكيه تحاول اتحسس عفاف ان السالفه طبيعيه : مو اللحين بعدين الفرصه الثانيه
الطاف : لا يا ساره اللحين
الشهانه غير متصل   الرد باقتباس
قديم(ـة) 14-11-07, 05:05 PM   #18
|[ عـضـو مـشـارك ]|

 
صورة الشهانه الرمزية
 
الدولة:
الافتراضي رد : قصه الامـــــــــأآأآكــََََـــَـنّ كلـــهـّــــاّ مشتــــآآآآقــــهــّ لـــــكــّّّ

ساره: اوف منج انا ما اروح بس يللا عشانج
قاموا الطاف وسارة وراحو للدوره المياه عند عبير
عبير: الحمد لله الله يعطيج العافيه ياالطاف زين صرفتيني عنها
ساره: ههههه المسكينه ريما الزقت معاها
الطاف: لا ياحياتي ريما شاطرعه بهالسوالف تفهم المطلوب لاتخافون عليها
الطاف تتذكر : اقول ساره عندي سالفه بس نسيتها
ساره : اذا تذكرتي قوليها
الطاف تذكرت : أي يالحيوانه انخطبتي وما تقولين ؟؟
ساره تشهق: عبييييييييييير انا مو محلفتج تقولين لها
عبير تضحك: أي وكاني قلتلها
الطاف: الله يامحج ما اتصلتي على موبايلي
عبير: اتصلت عليج ساره و طلع مغلق
الطاف : على العموم الله يسامحج
ريما تركض وتدخل الحمام وتتنفس بسرعه : آآآآه آآآه الله ياخذكم خليتوني معاها اشوه ان مها ارفيجتنا جرتها معاها
الطاف: مها داومت
ريما: أي
عبير: والله غريبه امس عرس اختها واليوم صباحيت اختها ومداومه والله لو عرس اختي مااداوم
ريما تتطنز على مها : من زود الشطاره
ضرب جرس الحصه السادسه والكل راح لفصله
--------------------
محمد بالسياره وحاط اغنيه (( يسألوني ليه احبك))(( راشد الماجد))
محمد يفكر بالايام اللي قضاها بالمزرعه ويقول بقلبه : ماشا الله عليها قمه الادب والاحترام والحيا والجمال
محمد كان معاه اخوته بدور ماخذها من المدرسه
بدور: محمد شفيك سوحان الاشاره خضرا
محمد يصحى من التفكير: هااا نسيت
بدور : انزين صكر المسجل ترى عور راسي وماني فاهمه شي من الكلام
محمد: مولازم تعرفين شنو يقول
بدور: لا لازم انا وحده ما اقعد جذي حماره مااعرف شي
محمد: اصلا انتي من اول ماولدتج امي وانتي حماره حتى نسبتج ماتتعدى ال95
بدور تشهق: اجل شنو تبيني اكثر من جذي
محمد:ابي 100/100 وهذا مستحيل
بدور ترفع حواجبها: انا اقول طالعه على منو اتاريني طالعه على اخوي اللي مااخذ 100/ 100تبي اخذها انا
محمد وصل للبيت : اقول ترانا وصلنا انزلي قبل لا ينرفع الضغط عندي ...
بدور تضحك: والله ما احد يرفع الضغط الاانت (( وصكرت باب السياره )) ولما جا محمد يبي يحرك اشرت له بدور
محمد:اوف بعد شتبي مني
بدور تفتح الباب : اقول محمد ممكن اتشيل الجنطه عني ثقيله
محمد انرفع ظغطه : نعـــــــــــــــــــــــــــــم اقول جب جب هذ اللي ناقص
بدور: ههههههههههههه
صكرت الباب وادخلت البيت واهي ميته ضحك
ام محمد مستغربه : بدور اشفيج تضحكين
بدور :لا يماه ولا شي السالفه ان محمد يحب رجولي علشان يشيل جنطتي بس انا قلت لا مستحيل اهين اخوي اللي اكبر مني ب 9 سنين
ام محمد: اكييييييييد اصيله ماتخلين اخوج ينهان من قبل حضرتج
بدور:يمه بنام لا احد يقعدني اوكي
ام محمد: اوكي
راحت بدور اتنام
-------------------------

ام خالد تكلم ابو خالد: اقول مبارك ساره انخطبت وانا رفضت
مبارك ابو خالد: ايه ادري اتصلو علي انا بعد و رفضت هذولا ناس مايتناسبون عليهم كلام
ام خالد: الله يكافينا الشر
ابو خالد يكلم ساره اللي منزله راسه ومسويه نفسها ماتسمع : اقول ساره شلون المدرسه
ساره وجهها صاراحمر: الحمد لله
ابو خالد: ساره متى تبدى الامتحانات
ساره : الاسبوع الجاي امتحانات الشهر الاول
ام خالد: والله وكبرتي ياساره وصرتي خريجة
ابو خالد: يللا اهم شي امتحانات النهائيه
ساره: الله كريم
هيا تنادي ساره من الطابق الثاني
هيا : سااااااااااااااااااااااااااااااااااااااااااااااااا ااااره تعالي بسرعة
ساره بصوت عالي: نعم
هيا : وحده تبيج بالتليفون
ساره: منو
هيا: تقول مفاااااااااجأه
ساره: لحظه واجي
مبارك ابو خالد: روحي شوفي منو اكيد وحدة اتعرفينها
ساره : خن اروح اشوف منو
(( ساره راحت فوق وتهمس لهيا باذنها : منو
هيا بصوت واطي وتهز راسها : ماااادري اول مره اسمع هالصوت
ساره تكلم : الوووو
عفاف: الوووو
ساره انصدمت عفاف رفها شلون داقه عليها وشنو تبي: هلا والله
عفاف: ماعرفتيني.
ساره ترفع حاجبها :منو معاي
عفاف : افااااا
ساره معصبه: شنو افا انا كل اللي يتصلون علي اعرفها بس انتي مااعرفج
عفاف : معاااج عفوفه
ساره: ما حصلي الشرف اعرف وحدة اسمها عفوفه
عفاف: اوكي معاج عفاف
ساره عصبت زيادة لانها ماتحب عفاف وعفاف ينخاف منها لان لها سوابق : عفااااااااااااااااااااااااف انتي ماتستحين على وحالج تتتصلين علي وانا مااعرفج ولا تعرفيني و من وين ماخذة الرقم
عفاف تكذب: من ريييييييمااااااااااااااااااااااااااا صديقتج الثقه
(( عفاف تحاول تبعد ريما عن ساره ))
ساره: لا ياحياتي كذبي على غيري ريما ما تعطي ارقام لاي بنت
عفاف : وانتي اشدراج ريما الحين توزع رقمج على أي بنت
ساره انصدمت معقوله ريما رفيجتها اتوزع ارقام ساره على البنات بس اتوضح لعفاف ان ريما ما تسويها : لا يا قلبي ريما ما اتسويها
عفاف : المهم ريما مسويتها رضيتي ولا انرضيتي
ساره اتصك التليفون بوجه عفاف وتقول معقوله ريما مااتسويها ريما امينه بعدين عفاف صايعه واخاف اتسويلي شي واهي تدري اني اكرهها
راحت غرفتها واتصلت على عبير وقالتلها السالفه
عبير: ما عليج ريما ماتسويها اتصلي عليها و اسئليها
ساره : اتصلي انتي وقوليلها
عبير: اوكي باي
ساره : انطرج
عبير: اوكي
الشهانه غير متصل   الرد باقتباس
قديم(ـة) 14-11-07, 05:07 PM   #19
|[ عـضـو مـشـارك ]|

 
صورة الشهانه الرمزية
 
الدولة:
الافتراضي رد : قصه الامـــــــــأآأآكــََََـــَـنّ كلـــهـّــــاّ مشتــــآآآآقــــهــّ لـــــكــّّّ

لجزء السابع
///////////////////

صكرت التيفون واتصلت على ريما وقالتلها كل اللي صار
ريما تشهق : انااااااااااااااااا والله ما سويتها والدمعه بعيونها افا ياعبير انا اخون ساره هذا اللي ناقص وانا ما سويتها و ياريتني اموت اذا انا مسويتها
عبير: لاتدعين على عمرج يا ريما مصدقه
ريما: الله يسامح ساره اللي صدقت
عبير: لاتلومينها ماتحب عفاف وتعرفين عفاف الله يستر علينا وعليها
ريما: خلاص بتصل على ساره
عبير: لا خليه بلمدرسه
ريما: اخاف اذا سلمت عليها ماتعطيني وجه
عبير : ماعليج اكلمها
ريما : خلاص
صكرو التليفون
ريما تكلم هنوف اختها : عفاف الحيوانه مطلعه علي كلام
هنوف : شنو قايله
ريما : تقول اني عطيها رقم ساره
هنوف: ابتعدي عنها ترى عفاف راعية مشاكل
ريما: تدرين بسالفتها
هنوف باهتمام: لا شنو
ريما : عفاف تحب محمد اخو عبير رفيجتي ودايما تروح بيتهم علشان تشوفه وامنيتها انها اتكلمه
هنوف: صج ......... وعبير عادي عندها
ريما: عبير ما تعزمها بس اهي تجي مفاجأه
هنوف: يقولون ان محمد مزيووووون
ريما: مزيون وبس الا قولي ملك جمال وكله رجوله
هنوف: سمعت ان حاجزين ساره له
ريما: اول مره اسمع ما قالولي البنات
هنوف: ياحياتي ساره لمحمد ومحمد لساره هذا اللي سمعته من حماتي
ريما: وحماتج اشدراها
هنوف: اخطبت ساره لاخوها بس قالوانها لولد عمتها
ريما: والله ساره ملكه جمال ومحمد مزيون والله يصلحلها لايقه معاه
هنوف: عفيه ريما اسئلي ساره صج الكلام ولا لاء
ريما : انزين
-------------------
(( عفاف امها مطلقه وابوها متوفي وماعند ها اخوان وبس اختها فاطمه وصغيره))
عفاف مقهورة من رد ساره وتكلم اختها: هيين يا ساره اللحين تصكرين التليفون بوجهي باجر تبكين قدامي وتبوسين رجولي
فاطمه اخت عفاف 14 سنه : حرام عليج اتي اشتبين من ساره
عفاف : انتي اشعليج
عفاف قامت تروح تنام
----------------------------------
الساعه 12 من الليل
ام علي تسولف مع بناتها : اقول ناديه عرسج مابقاله الا 4 شهور لازم من بكره نروح السوق انجهز وانتي بعد يالطاف لازم تروحين اتفصلين ثوبج بكرا علشان ما تلهين
الطاف: اوكي ماعند مانع
ريم: يمه نفسي البس احمر (( ناديه والطاف وريم اجسامهم حلوة))
الطاف: جب انا اللي بفصل احمر انتي فصلي وردي بناتي
ريم: لا والله ما احب الوردي ابي احمر
الطاف: انزين اخضر حلو وحتى المكياج الاخضر حلو على عيينج
ريم : مااادري
الطاف: انتي ناديه فصلي مشمشي اللحين العرايس كلهم جذي
ام علي: انا اقول ابيض احلى شي علشان تحسيين انج عروس
ناديه: انا مع امي الابيض احلى للعرايس
الطاف: يمه دخت بروح انام
ام علي : الله معاج (( وتناظر ريم )) وانتي متى تنامين
ريم: اللحين بروح
ام علي: يللا روحي
ريم تتأفأف: انزين
راحت ريم تنام ولحقتها ناديه
-----------------------------
الشهانه غير متصل   الرد باقتباس
قديم(ـة) 14-11-07, 05:09 PM   #20
|[ عـضـو مـشـارك ]|

 
صورة الشهانه الرمزية
 
الدولة:
الافتراضي رد : قصه الامـــــــــأآأآكــََََـــَـنّ كلـــهـّــــاّ مشتــــآآآآقــــهــّ لـــــكــّّّ

بالمدرسه
ريما : ساره تعالي شويه بكلمج
ساره تقوم وتروح مع ريما بعيد عن الشله
ريما: ساره انا دريت بالسالفه بس والله ماعطيت عفاف الخايسه رقمج
ساره تمسك ايد ريما بحنان : ادري والله مصدقتج
ريما: انا بقولج شي اللي عطى عفاف الرقم مها
ساره: دريت ومها براسها قالتلي
ريما : اخذي بالج من عفاف ترى اتحب خطيبج
ساره مندهشه : خطييييييييبي منووووووو؟؟؟؟؟؟؟؟؟؟
ريما: علينا يا سويره
ساره من صدقما تدري : والله منو ماادري
ريما: محمد!!!
ساره تغير لون وجهها وصار احمر : منو محمد اخو عبير
ريما : أي
ساره تتطنز على ريما : ومتى صار خطيبي
ريما قالتلها عن كل اللي قالته لها هنوف
ساره تضحك: حماة هنوف خاااااااااااااطبتني وانا ماادري وانا خطيبه محمد اخبار توني ادري عنها
ريما: تدرين ان عفاف تزور بيت عبير بس عشان محمد
ساره: توني ادري
ريما : ساره والله اذا اخطبتج ام محمد لاتردينه خوش واحد جمال ومال واخلاق شتبين بعد ويكفي انه سيدا وماعنده خرابيط
ساره: اذا حصل هذا افكر
--------------------------
بيت خالد الدوانيه
محمد يكلم خالد: خالد بقولك شي بقلب من زمان وخايف تفهمني غلط
خالد يتعدل في القعده: خير يولد العمه افا ماعاش من يفهمك غلط انت بالذات
محمد: والله هذا العشم فيك يولد خالي مشكور
خالد: ماقلت الا الصحيح
محمد: والله ودي اخطب ساره
خالد مات ضحك : انت لحالك وين الاهل
محمد: شفت شلون فهمت غلط
خالد يسكت: يللا فهمني اش تقصد
محمد: قصدي يعني احجزوها لين تخلص رابعه واخطبها رسمي يعني يكون عندك فكره اني ابيها ........... فهمت
خالد: افااااا عليك من وين نلقى احسن منك يولد العمه يكفي انك محمد صديق دربي
محمد طاااااااااااااااااااااااااار من الفرح واهو معجب في ساره حيييييييييييييل

---------------------
بعد مرور اسبوع
بنات عم ام خالد و ام علي متزوجات سعووديين و زارو ام خالد وام علي علشان يباركون لها لتحديد عرس ناديه
ام وليد (( بنت عم ام خالد وام علي واختها ام عادل ))
ام وليد عيالها اثنين بس ماعندها بنات (( وليد عمره25 سنه و بعدين ماجد 22 سنه))
ام عادل عيالها(( عادل 19 سنه و خوله 16 سنه و نوف 14 سنه و سعد 11 سنه ))
في بيت ام علي و ام خالد موجودة معاهم
(( ام وليد اتدور بنت حق ولدها وليد ))
ام علي : حي الله من جانا والله اني فرحت من قلبي
ام وليد: الله يحييك
ام عادل: والله ان فرحنا يوم سمعان الخبر والبنات استانسو وودهم يزورون الكويت
ام علي : ان شاء االله بعرس ناديه
ام عادل : الا البنات ويينهم
ام خالد: اللحين عندنا امتحانات الاشهر والبنات يدرسون
ام عادل: الله يوفقهم سلمي عليهم
ام وليد : انا اللحين ادور لوليد بنت صغيره بس كلهم مب حلوات
ام علي: بعرس ناديه المزايين واجد ووليد مزيون
ام خالد: الا ماقلتيلي مع منو جايين الكويت
ام ولييد: مع وليد الله يحفظه
ظلو الحريم يسولفون ودخلت عليهم الطاف تعزمهم على العشى
الطاف: السلام
سلمو على الطاف
ام وليد انعجبت بالطاف جسمها وكلامها وووجهها حلو
ام وليد: ماشاء الله هذي الطاف والله وكبرت
ام علي : اكيد انتو صارلكم 8 سنين ماجيتوالكويت خبري بولييد يوم ياخذ الليسن
ام خالد: سبحان الله السنين تركض
ام عادل : أي والله
ام خالد: اشوف كنكم نسيتو العشى يللا قومو تعشو
--------------------------
خالد ينادي ساره وهو بالسرداب : ساااااااااااااااااااااااااااااااااااره
ساره بصوت عالي: نعم
خالد : تعالي بسرعه بكلمج موضوع خاااااااااااااص
استغربت ساره وراحت: خير خالد شنو بغيت
خالد: اقول محمد كان عندنا اليوم
ساره تغير ملامح وجهها : واذا
خالد: اخطبج
ساره تبين نفسها طبيعيه : لا والله باذن منو
خالد: باذني
ساره: والله ماعندك سافه اللحين مناديني من فوق وانا قاعد ادرس امتحانات واخر شي هالسالفه الله يعطينا العقل (( ساره على بالها يظحك))
محمد : والله اكلمج جد وبقول لامي وابوي علشان ما يملكون لج على احد ثاني
ساره : انا بروح ادرس احسن من كلامك الفاضي (( ساره بقلبها والله كان صج اسعد خبر بحياتي))
خالد: روحي ادرسي
ساره راحت الغرفه وانسدحت تكتب كلمات اغنيه تمر الايام راشد الماجد على كتاب التاريخ وتقول بقلبها(( الله ياخذك ياخالد ليش تذكرني بمحمد اللحين شلون بدرس وتحاول تنسى بس عقلها ما يقدر يوقف عن التفكير بمحمد ))
--------------------------------
رجعت ام خالد البيت و راحت غرفه ساره تتطمن عليها : ها ساره شلونج اللحين ام وليد وام عادل جايين من السعوديه
ساره فرحااانه : صج يماه يحليلها خالتي نوال(( ام وليد )) و هاله(( ام عادل)) يحليلهم جو الكويت ما جابو البنات معاهم
ام خالد: لا
خالد سمع صوت امه ودخل الغرفه : يمه ترى محمد حجز ساره
ام خالد : يصير خير
خالد: قلتلكم اذا احد خطبها قولولهم مخطوبه
ام خالد: لكل حادث حديث اللحين عندها امتحانات وبكرا اخر امتحان ونتناقش الخميس
------------------------------

بالمدرسه ابله هاجر: يابنات انتو اللحين اخر امتحان اليوم ذاكرو للأختبارات النهائيه اانا انصحكم نصيحة االامتحانات على الابواب وانتو من بكرا غايبين وعندكم شهر تدرسون فيه ادرو الجغرافيا 4 ايام على الاقل والعربي اسبوع والتاريخ اعتقد ما فيه صعوبه ادرسو 4 ايام والفرنسي جيبو مدرسه اتساعدكم والانجليزي لاتعليق والمواد الباقيه كيفكم
مها وبكل غرور: انزين يا ابله واللي دارسه
ابله هاجر اتزفها: اللي دارسه كيفها
ساره: ابله الامتحانات صعبه
ابله هاجر: لا والله بس اسمها هو اللي يخوف
ضرب الجرس وكل وحدى راحت تتمشى مع صديقاتها
ضرب الجرس وكل وحدة اتسلم على رفايجهها
ريمابصوت عالي : بناااااااااااااااااااااااااااات امانه ذاكروا عدل علشان خاطري اخر سنهواللحين مراح نشوف بعض لمده شهر والله يعينه
ساره دمعت وعرفت معنى الفراق: الله ياريما بفارقج شهر لا صوت ولا اشوفج والدمعه انزلت وتبكي ساره
والبنات يسلمون على ساره والطاف وعبير
الكل راح للبيت والامتحانات على الابواب وكل وحده فاتحه كتابها وتدرس وماتشتهي الاكل
---------------
الشهانه غير متصل   الرد باقتباس
إضافة رد

الإشارات المرجعية

أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


مواضيع مشابهة
الموضوع الكاتب المنتدى الردود آخر مشاركة
الاماكن مشتاقة لك - ديكورات [تجميعي] أنثى من نوور ديكور - اثاث منزلي 7 25-05-11 01:34 AM
الاماكن كلها مشتاقه لك وردة الخزامى خواطر - عذب الكلام 33 10-12-10 01:30 AM
الاماكن كلها مشتاقه لك. ......فلاش nightoflove معرض التصاميم 7 25-11-08 10:31 PM
مين اللي يستحق انك تقوله : الاماكن كلها مشتاقة لك؟ احساسي مايخطي نقاشات و حوارات 15 27-07-08 10:05 PM
الاماكن كلها مشتاقة لك احلى من العقد معرض التصاميم 40 01-07-08 07:35 PM


الساعة الآن +3: 10:11 PM.