بسم الله الرحمن الرحيم
كنك ورق غصني وأنا في وقفتي مثل الشجر = طحتي من غصوني ونا وياك لا يمكن أطيح
الحب بأشواق العمر ياما تهيج وانفجر = وإنتي ولا إنتي داريه لو أشتكي همي وأصيح
يا بنت ما عشتك غلا لجلك تموتيني هجر = إن مت بعيون الهوى ببقى بهالدنيا جريح
كنت أحسبنك تصبري لو كان من شعرك أجر = ما تتركيني بالهوى مرضان وبهمي طريح
دامك تبعتي عاذل ٍ منطوقه أسلوب الغجر = فتحملي كل الألم لو جرك لحدّ الضريح
لونك عطيتي خامسه وألجمتي بفمه حجر = وخليتي أحلام الهوى داخل فؤادي تستريح
ما كانك سمعتي غلط أو بعض أنواع الزجر = من خل حطك بالصدر من غير مانك تستميح
كان بتعيشي بالهنا وتودعي كل الضجر = وتقولي آمر وش تبي آنا على صوتك أسيح
وآسافرك وإنتي معي وأوصلّك حدود المجر = وأكتبك بألواني شعر من حبر عينك ما يبيح
يا بنت أنا ليل الهوى وبصحبتي نور الفجر = يا بنت أنا مثل الشجر أموت لكن ما أطيح
وسلامتكم
؛؛؛
11-10-2007, 01:59 PM
يا بنت أنا مثل الشجر أموت لكن ما أطيح ! 
العرض العادي
