إهداء لكل حبيب عزم السفر عن حبيبه :(

[manory]

اهداء لكل حبيب عزم السفر عن حبيبه



أشكر الشاعر: بدر القبيان



على سماحه لي بنشر قصيدته

اهدي اليكم هذي القصيده
واتمنى ان تحوز على رضاكم واعجابكم
=============================================

قبل اسافر ادري انك حيل يالغالي مغبون
...وادري انك ليلة البارح من الضيقه بكيت

وادري انك ما سهرت الليل واتعبت الجفون
...الا من خوفك وتفكيرك تعذبت وشقيت

وادري انك تحسب اني لو بسافر راح اخون
...ليه اخونك وانت اول شخص بالدنيا هويت

كان ودك تخفي همومك وخانتك العيون
....اعرفك من نظرة عيونك وباحزانك دريت

لا تحاتي يا حبيبي ولاتساير هالظنون
....والله اني لو بدور شخص مثلك مالقيت

اقسم اني صدق احبك حب سبب لي جنون
...أأأه لو تدري شسوي كل مابالي طريت؟؟؟

لا طريت انسى جميع الناس لو معهم اكون
...وانتشيبك واغفى مع طيفك ولا مني وعيت؟؟

ألـتـفـت لـلـناس ولا بالنظر يتسائلون
...مع منو تسرح؟ علامك؟وين رحت؟وين جيت؟

وابتسم واغير الموضوع والدعوه تهون
...واكتم العبره بعيني وعن شعوري ما حكيت

وقبل ما مشي طالبك حاجه واعرف اني امون
...طالبك لاتهل دمع العين لامني مشيت

واعرف ان ذكرك بقلبي وصورتك وسط العيون
...واعرف اني لو اسافر عنك كني بالكويت


للشاعر بدر القبيان

أتمنى تعجبكم مثل ما إعجبتني

[{ أحـمـر الـعـيـن }]

صح لسان : بدر القبيان .

تسلم يمينك
والله يعطيك العافيه ع النقل ...



ودمتِ بود

[نغم الحياة]

وادري انك تحسب اني لو بسافر راح اخون
...ليه اخونك وانت اول شخص بالدنيا هويت

صح السانك ولسان الشاعر
قصيده رااااااااااااااااااااائعه

[manory]

المشاركة الأصلية كتبت بواسطة { أحـمـر الـعـيـن }

صح لسان : بدر القبيان .

تسلم يمينك
والله يعطيك العافيه ع النقل ...



ودمتِ بود

الله يسلمك أحمر العين
وشرفتني بمروورك الكرييم

[manory]

المشاركة الأصلية كتبت بواسطة نغم الحياة

صح السانك ولسان الشاعر
قصيده رااااااااااااااااااااائعه

تسلمييييين نغم الحياة
صح ابدنك وإنتي الاروووع