قصيدة حزينــــــــــة

[ريم الغلا]

هي قصيده على لسان سيدة وقورة ترقد احد المستشفيات منذ سنوات قصتها مبكية حيل
تقول هذه السيدة قبل سنوات جاء زوجي وطلب مني اروح معاه السوق وقالي اشتري اللي تبين وبأي سعر واشتريت افخم الثياب واجملها وجميع المستلزمات للبيت وغيره ورجعت للبيت مسرورة وفرحانه فجأة قالي زوجي كل هالاغراض مو لك هذي لزوجتي الجديدة وانتي الحين طالق ..بعد هالحادثة اصيبت الزوجة بجلطة وغيبوبه جلست في المستشفى ولا احد يزورها غير اخ لها زارها كم مره وبعدين بطل لما طالت المدة ولازالت موجودة في المستشفى والكل يعرفها وحافظ قصائدها وكلماتها ولما تسألها عن قصتها تبكي بحرقه وتردد قصائد توجع القلب لانها ولهانه حيل على اولادها ولا تدري عنهم شيء فالكل هجرها...

تكفيـن يـا طيـور حـرار افزعيلـي
ابي عن اديـار الاهـل منـك الاخبـار
تكفين حومـي فوقهـم وارجعـي لـي
والا ان حصل لك حومة داخـل الـدار
تكفيـن حـول ابيوتـهـم دوري لــي
سبعـة فـروخ يـوم اخليهـم صغـار
شوفي ضنـاي وعـودي وانكفـي لـي
وشلونهـم يـا علهـم صـارو اكـبـار
نسيوادفـاي ونومهـم فــي شليـلـي
وش علمهـم ياعلهـم طـول الاعمـار
قولـي لهـم أن امكـم لهـا عويـلـي
خمسـة سنيـن دمعهـا دوم مــدرار
وقولي لهـم انـي علـى طـول ليلـي
انـوح وليـا قـرب الصبـح انـهـار
وقولـي عيونهـا دايـم لهـا هميـلـي
تبكـي ليـا شافـت مـن النـاس زوار
كل يوم اقول اغدي حديهـم يجـي لـي
راحـت سنيـن مابـهـم واحــد زار
وانا اللي مـن سبـة سـوات الحليلـي
حالـي تـردت كـل مالهـا وتنـهـار
وفرقى ضنـاي اللـي تـردت بحيلـي
كني على شوفتهـم اصلـى علـى نـار
يـا ويلـي كـان الله عجـل رحيـلـي
وانا لـي سنيـن ابـي لوهـي اخبـار
ياعونـة الله الله مـن يبـي يتكـي لـي
جارت علي بامرالولـي كـل الاقـدار
تنكـروا مــن يدخـلـون الدخيـلـي
واللـي بوسـط ديارهـم يامـن الجـار
قولـي لهـم ياطيـور قلبـي عليـلـي
الله يكافـي قلوبهـم صـارت احجـار
وانـا اللـي لبـراق الخيـال استخيلـي
واقـول يـاعـل (......) للامـطـار
.تكفيـن وسـط ديارهـم صوتـي لـي
شوفي عسى لسمي مـع النـاس تذكـار
وقولـي لمـن نسيانـهـم يستحيـلـي
يااللـي نسيتوهـا تـرى الوقـت دوار
ياهيـه ياللـي بالسمـا لـك هديـلـي
ردي خبـر تكفيـن يكفينـي امــرار
شوفـي اكااللـي نومهـم فـي شليلـي
من اذان المغرب الى وقـت الاسحـار
شوفي اكااللـي مااهتنـي فـي مقيلـي
الا بمقيـل معهـم كـبـار و صـغـار
وقولـي لهـم ان كـان حملـي ثقيلـي
مره يجـون وعقبهـا شـي مـا صـار
وانــا يتـولانـي كـريـم جليـلـي
يا علني في جنته وسط الابرار........

[نوف الرشيد]

نعم هجير الليل لقد قرات هذه القصه كثيراا ومن الجريده بالتحديد
وهي حزينه فعلا شكراا لك على هذا النقل تسلم يديك!!!!!!

[ملتـ المشاعرـهب]

هجيرالليل

بالفعل قصة مؤثرة
وابيات معبرة

صح لسانك ولسان شاعرها

اشكرك على النقل الرائع
وعلى اختيارك الراقي

تقبلي ودي و وردي..!!

[{ أحـمـر الـعـيـن }]

مع كل اللي صار لها ما دعت عليهم ...
مره يجـون , وعقبهـا شـي مـا صـار

القصيده رائعه و نقلك أختي (هجير الليل) أروع

ودمتِ بود

[شـ ـ ـ ـاعر الانــثى]

قصة مؤثره فعلا .... يسلمووو اختي هجير على النقل المميز ...


تقبلي تحياتي اخوك ... عدنان .. العنزي