| | | ||
| | |||
| | | ||
إعلانات منتديات تعب قلبي
| ||||||
| ||||||
| |||||||
| الملاحظات |
 |
| | أدوات الموضوع | انواع عرض الموضوع |
|
#36
10-28-2007, 05:24 PM
| |||
| |||
 رد : فــهـــده ,, قصه سعوديه رومانسيه شكرا حبيبتي   |
|
#37
10-29-2007, 09:04 AM
| |||
| |||
| رد : فــهـــده ,, قصه سعوديه رومانسيه بصراحة كلمة روعة قليلة في حقهاننتظر التكملة على احر من الجمر |
|
#38
10-29-2007, 03:00 PM
| |||
| |||
| رد : فــهـــده ,, قصه سعوديه رومانسيه شكرا حبيبتي هذا من ذوقك الحلو |
|
#39
10-29-2007, 03:08 PM
| |||
| |||
| رد : فــهـــده ,, قصه سعوديه رومانسيه البارت الثالث عشر جده قامت فهده على صوت ريم .. مها : فهده يلا قومي الساعه 12 وانا زهقانه لحالي فهده وهي تغطي نفسها بالحاف : مهاااا انقلععي مانمت زين امس مها وهي تمزح : والله مدري مين ماخذ عقلك ومسهرك هاليل ابتسمت فهده لما تذكرت مين كانت تفكر فيه امس .. وانتبهت مها على بسمتها .. مها وهي تشهق : كنتي تفكرين باحد امس !! فهده وهي مرتبكه : هاااه .. لالا مافكرت باحد مها : اجل ليش ابتسمتي زي الهبله تو ؟! فهده : امم .. لان .. لان .. انابروح الحمام قامت فهده من السرير ومسكتها مها .. مها : مافيييه روحه الا لما تقولين لي مين كنتي تفكرين فيه فهده وهي منزعجه : يا مها قلت ماكنت افكر باحد قامت فهده ودخلت الحمام .. ( اكرمكم الله ) بيت ابو متعب نواف كان قاعد لحاله لما دخل عليه متعب .. متعب : وش اخبار اخوي الصغير ؟! نواف : وده يطب من الشباك متعب : افااا ليش ؟! نواف : الملكه بعد اسبوع متعب : وهذا شي شين ؟! نواف : بالنسبه لي ايه متعب : اهاا وليش شين بالله ؟! نواف : كانك ماتعرف متعب : انا داري ليش انت ماتبي البنت نواف : ههههه ليش يا شيرلوك ؟! متعب : لان ابوي هو الي مختارها لك وانت من طبعك تحب تعاند ابوي نواف :..... متعب وهو يتنهد : صدقني يا اخوي ابوي مايبي الا مصلحتك والدليل اختياره لريم لك نواف :.... نواف لف نظره للشباك .. متعب تنهد .. وقرر انه يترك نواف لحاله .. راح عند الباب والتفت لنواف .. متعب : نواف خذها نصيحه مني عط ريم فرصه تدخل قلبك لاتصدها يا اخوي نواف :... طلع متعب من غرفه نواف .. تنهد نواف .. وقرر انه يطلع بسيارته ويتمشى .. في بيت ابو فيصل في غرفه ريم ريم كانت قاعده على سريرها وماسكه دفتر رسم وقاعده ترسم .. دخل عليها فيصل .. فيصل : هلا والله بالي بتتزوج وتتركنا ريم حست بمغصه في بطنها لما جاب طاري الزواج : هلا فيصل فيصل : هااه كيف الاستعدادات معك ؟! ريم : ماشي الحال فيصل : ايه زين زين صار بينهم سكوت .. فيصل كان وده يسال ريم ان كانت تعرف البنت الي تحبه .. بس ما كان يبي يوضح لها .. فقرر يسالها بحذر .. فيصل : اقول ريمووه ابسالك شي ريم وهي مشغوله ترسم : تفضل فيصل : فيه وحده من بنات عمي تحب ؟! <-- الحين قالك يسالها بحذر ريم وقفت رسم وطالعت فيصل وهي رافعه حاجب : وش عنده الاخ يسال ؟! فيصل : هاه لا بس فضول ريم : اهااا فضوول , والله يا اخوي فهده هي الوحيده الي علاقتي معها عميقه والباقي علاقتي معهم سطحيه يعني حتى لو فيه وحده منهم تحب ما اتوقع تقول لي فيصل : انتي علاقتك مع بنات عمي سطحيه ؟! ريم بسخريه : هههههههه صباح الخير فيصل : طيب ليش ؟! ريم وهي تكمل رسمها : مدري ليش فيصل : طيب انا استاذن بطلع مع سعود ريم : اذنك معك جده صلوا البنات الظهر وقعدوا يسولفون .. فهده : الاسبوع مشى بسرعه ماني مصدقه اني برجع الرياض بكره مها : ايه والله انتي ونايف بنفس اليوم بتروحون الرياض فهده باهتمام : نايف موعايش بجده ؟! مها : لا نايف يعيش مع اعمامه بالرياض ويزور خواله بجده فهده : اهااا مها استغلت اهتمام فهده : داريه ان ابوه تاجر كبيير ومعروف وغني مرره , ونايف مررره شخصيته حلووه ثقل وكشخه ورزه ياحظ الي بتملك قلبه بس فهده : اهاا مها : اقول فهيده ليش بما انها اخر ليله لك بجده ليش مانطلع شي ونفلها فهده : وين مثلا ؟! مها وهي متحمسه : ملاااااااهي !!! فهده : هاااه ملاهي مها : والله من جد فلله فهده : خخخخخخ اوكي خلاص انا بقول لجدتي عشان احجز السواق خبرك هل الايام طلعات جدتي كاثره مها وهي معبسه : بنروح مع السواق ؟! فهده : اجل نروح على رجولنا مها : لا انا كان ودي نايف يودينا فهده : تستهبلين انتي ؟! احس الرجال بيشوتنا من كثر مانطلب منه انه يودينا مها : يمكن يشوتني انا بس انتي بيحطك في عيونه فهده وهي تتنهد : متى ربي بيفكك عن هل التخيلات مها : مو تخيلات يا فهده خلينا واقعين شوي , الولد دايم يسالني عنك ودايم يقول لي اسلم عليك ودايم يرفض يوصلني الا اذا كنتي انتي معي بالله هذا وش معناته ؟! فهده : ادب مها : طيب وان قلت لك ان فيه مره انا وصديقتي لميس احتجنا احد يوصلنا ودقينا على نايف وترجيناه راجاااء حتى لميس اخذت مني السماعه وقامت تترجاه بس هو معيي صدقيني المساله مو مساله ادب لو انه ادب كان وصلني انا ولميس فهده : بس برضو ماله داعي مها بمكر : طيب وان قلت لك اني مارح اقدر اودع نايف الا اليوم لان بكره ما يمدي وبعدين هو مايجي جده كثير فهده بتنهد : اوكي عشاني رحمتك بس مها : شكرررررا يا فهوووووده في الحقيقه .. مها كانت تقدر تودع نايف في اي وقت يحلو لها .. بس كانت هاذي خدعه منها عشان تجمع بين نايف وفهده .. على امل ان فهده تحب نايف وتنسى .. سلمان ..من جهه ثانيه جزء من فهده كان فرحان ان نايف هو الي بيوصلهم .. بعد العشا فهده ومها كانوا متجهزين وخالصين بس ينتظرون نايف .. الي هو بدوره على طول وافق يوديهم الملاهي .. دق جوال مها وكان المتصل نايف يقول لهم اطلعوا .. طلعوا البنات وركبوا السياره .. مها : اهلن اهلن نايف : هلاا والله فهده :.... نايف : كيفك فهده ؟! فهده بصوت واطي : الحمدالله بخير نايف : وشلون رقبتك الحين ؟! ان شاء الله احسن ؟! فهده وهي مستحيه : احسن وصلوا للملاهي .. وقصوا التذاكر .. طبعا فهده كانت اكبر خوافه من الالعاب الخطيره .. بس ما كانت تبي تبين شي قدام نايف .. نايف ومها لعبوا لعبتين .. طبعا اللعبتين كانوا خطيرتين.. الاولى كانت الرولوكوستر والثانيه كانت المقص .. وفهده كانت كل شوي تتعذر بس بدون ماتبين الخوف الي فيها .. وصلوا عند لعبه القراصنه .. مها : يلا نلعب هل اللعبه نايف : والله انا ماعندي مانع مها : فهده يلا اللعبي معنا هل اللعبه ترا ماتخوف فهده وهي ودها تكفخ مها : مين قالك اني اخاف ؟! انا اصلا ما اخاف من الالعاب التافهه مها : طيب ورينا الي ماتخاف فهده : طيب الحين اوريك ركبت فهده هي ونايف مها اللعبه .. وفهده كانت قاعده عل اعصابها ومتمسكه بالكرسي زيين .. طرت على مها فكره جهنميه .. قبل ماتبدا اللعبه بشوي قامت مها .. فهده : ويين ؟! مها وهي تكذب : حاسه بحومه كبد ما اقدر العب فهده : نعم ؟! وانا ؟! مها بمكر : مو انتي ماتخافين ؟! وبعدين معك نايف نزلت مها وفهده قامت تطالعها باحتقار .. "شف الخاينه !! راحت وتركتني !! وهي تعرف اني اخاف من الالعاب هاذي " .. فجاءه تحركت اللعبه وارتاعت فهده وتمسكت بالكرسي بقوه وغمضت عيونها .. وكاتمه صرختها .. كان شكلها تووووحفه .. واللعبه كانت كل مالها ترتفع وتسرع .. وفهده خاااااايفه مرره .. ونايف عرف انها تخاف من هل الالعاب وكتم ضحكته عشان مايحرجها .. بعدين فهده ماقدرت تستحمل اكثر .. فقامت تصااااارخ ... فهده : ااااااااااااااااااااااااه وقفهاااااااا وقفهاااااااااااااااا والهندي مايدري وين ربه حاطه فيه .. يناظرها كانه مسبوه .. فهده : ياااااا المتخلللللللف وقفههههههههههااااا نايف خلاص ماقدر يستحمل .. نزل راسه وقام يضحك على فهده .. فهده : يااااااااااااحمااار ياااا دببببببب ياااا مسبووووه وقفففهااااا ومها كانت شوي ويغمى عليها من الضحك .. وراحت عند الهندي وقالت له يوقف اللعبه .. بالاخير الهندي استوعب ووقف اللعبه .. نزلت فهده والعبره ماسكتها .. مها : هههههههههههههههههههههههههههههههههههههههه فهده الله يقطع ابلييسك موتيني ضحك شكلك كان توووووووووووووحفه فهده : انطمي بس مها ونايف كانوا ميتين ضحك .. وفهده كانت معبسه .. لما خلصوا ضحك .. راحوا تعشوا في مطعم .. طبعا نايف راح قسم الرجال .. وبعدين رجع نايف فهده لبيتها ورجع مها لبيتها .. دخلت فهده غرفتها .. تذكرت وش الموقف الي صار باللعبه .. وضحكت عليه .. راحت فهده رتبت شنطتها لان رحلتها كانت الصبح .. خلصت فهده الترتيب .. وانسدحت عل السرير وقامت تفكر بنايف .. " ياربي الحين ليش انا افكر فيه .. لايكون بس .. لالالا مستحيل .. انا تعلمت من المره الاولى .. ومستحيل اكررها .. بس يمكن تكون هل التجربه غير عن الاولى .. يووووووه اففففففف خليت المساله تجارب .. خلني بس انام"... قامت فهده على صوت منبه الجوال .. وراحت الحمام (اكرمكم الله) .. وغسلت وجهها وتوضت .. وصلت الفجر .. ولبست عبايتها لانها رحلتها بعد ساعه .. وكان لازم تروح المطار .. نزلت تحت ولقت جدتها وخالها بالصاله .. خالها : يلا جهزتي ؟! فهده : ايه جهزت , يلا جدتي اشوفك على خير مع السلامه جدتي : انتبهي على نفسك يابنتي ولاتقطعين فهده وهي تبوس راس جدتها : ان شاء الله يلا مع السلامه جدتها : مع السلامه يا بنتي وصلت المطار مع خالها طلال .. وبعدين ودعت خالها وركبت الطياره ... وصلت فهده الرياض .. وطلعت تدور ابوها .. لانه هو قالها انه راح يستقبلها .. شافت ابوها من بعيد .. وتذكرت اول مره جت الرياض وشافت ابوها .. بس هل المره كانت جايه فرحانه ومشتاقه لابوها .. ضمت فهده ابوها وحبته مع راسه .. ابوها : الحمد الله على سلامتك يا بنيتي فهده : الله يسلمك بابا , وشلونك ؟! وش مسوي ؟! ابوها : الحمد الله زين , وشلون خالك وجدتك ؟! فهده : الحمد الله بخير يلا يا بنتي امشي نروح للبيت .. دخلت فهده البيت وشافت اخوانها الصغار يلعبون .. لما انتبهوا عليها راحوا ضموها .. محمد وعبدالله : فههههههههههههههههدددددده فهده : اهلييييييين حبايبي وحشتوووووني محمد وعبدالله : واحنا بعد ام محمد : الحمد الله على سلامتك فهده فهده : الله يسلمك خالتي محمد : فهده جبتي لنا هديه ؟! فهده : ايه حبايبي بس هي بالشنطه الحين اول ماتجي راح اعطيكم اياها محمد وعبدالله : هيييييييه فهده : ههههههههههه ام محمد : محمدوعبدالله خلوا اختكم ترقى فوق وترتاح فهده : لا خليهم بلعب معهم مرره واحشيني لعبت فهده شوي مع اخوانها وطلعت فوق لغرفتها .. راحت غيرت لبسها لشي مريح .. واخذت جوالها ودقت على ريم .. فهده : الوووو ريم : هلا والله بفهده وصلتي للرياض ؟! فهده : اييه ريم : الحمد الله عل السلامه فهده : الله يسلمك , هااااه وش اخبارك مع التجهيزات للملكه ؟! ريم : اوووص تكفين لا تذكريني امي متحمسه على الزواج اكثر مني فهده : طيب شريتي لك لبس مرتب للملكه ؟! ريم : ايه فهده : حلوو ريم : فهدوده حبيبتي انا بروح الحين عند امي اشوف وش تبي فهده : اوكي ياعمري باي ريم : باي انسدحت فهده عل السرير وراحت افكارها لنايف .. وتذكرت انها مو بجده .. يعني ماتقدر تشوفه زي اول .. حست بظيقه صدر .. "الحين انا ليش ضايق صدري .. واذا ماشفته عادي .. اصلا هو مايهمني" ... ياترا وش بيصير في الملكه ؟! وهل بتعدي على خير ؟!وهل نواف بيفتح قلبه لريم ؟! ولابيكمل عناده ؟! وهل فهده بتشوف نايف مره ثانيه ؟! وهل هي صدق مو مهتمه فيه ؟! كل هذا بالبارت الجاي ان شاء الله الردوووود بليييز |
|
#40
10-29-2007, 03:10 PM
| |||
| |||
| رد : فــهـــده ,, قصه سعوديه رومانسيه البارت الرابع عشر يوم الخميس الملكه قامت فهده ابكر من العاده .. كانت حاسه بصداع قووي .. ناظرت الساعه لقتها 4ونص .. قامت من سريرها ودخلت الحمام (اكرمكم الله) .. وتوضت وصلت الفجر .. راسها كان لسا مصدع .. فتحت فهده الدرج واخذت حبتين بندول .. استوعبت فهده انه مافيه مويه الا بالمطبخ .. نزلت تحت .. اكلت البندول ووشربت المويه .. ورقت فوق لغرفتها .. انسدحت على السرير وحاولت تنام مره الثانيه بس خلاص النوم طار .. قامت فهده وشغلت الاب توب حقها . ودخلت ايميلها .. كانت مها متصله .. فرحت فهده "الحمدالله في احد اسولف معه" .. فهوده المقروده : هلااااااااااااااااااا مهاااوي لاوي لاوي : هلااااا والله بفهيده الدبه فهوده المقروده : دبه بعييينك ما تحصليين مثل جسمي مهاوي لاوي لاوي : خخخخخخخ عمتي اشتغل فيك الغرور المهم كيفك ؟ فهوده المقروده : الحمدالله انا تماااام انتي ؟ مهاوووي لاوي لاوي : تمااامزز مهاوي لاوي لاوي : اقول فهيده فهوده المقروده : وشو ؟! مهاوي لاوي لاوي : نايف معي بالماسنجر ويوم قلت له انك دخلتي قال سوي لها انفايت معانا , عادي ولالا ؟!! فهده بدون ماتحس بنفسها : اييه سوي عادي مهاوي لاوي لاوي : ههههههه اوكي تمت اضافه "حبيتها حيل" الى المحادثة مهاوي لاوي لاوي : جاك و روز تعااالواا خخخخ حبيتها حيل : جيييت فهوده المقروده : هلااا نايف حبيتها حيل : هلا والله فهووده , وشلونك ؟! فهوده المقروده : الحمد الله بخير , انت ؟! حبيتها حيل : بخير بشوفتك استحت فهده .. مهاوي لاوي لاوي : اقووووووووول لا تقعدون تتغزلون علي وتطنشوني حبيتها حيل : افااا احنا نطنشك ؟! مهاوي لاوي لاوي : ايييييييه مو الست فهده موجوده <-- وحطت فايس يطلع لسانه " تشوفيين يا مها ان ما خليتك تلوين لوي ما اكون انا فهده" حبيتها حيل : وش فيك فهده ليش ساكته ؟! مهاوي لاوي لاوي : شكلها تتوعد فيني الله يعنني عليها ان شفتها <-- وحطت فايس مطلع لسانه حبيتها حيل : ليش تتوعد فيك يا مها ؟! مهاوي لاوي لاوي :مدري انت كنت هنا معنا سويت شي غلط <-- وحطت فايس بريء فهوده المقروده : الدراسه بتبدى بعد 3 اسابيع  <-- تبي تصرفمهاوي لاوي لاوي : هههههههههههههههههههههههههههههههه عاش مصررررف فهوده المقروده : انتي وش رايك تسكتين ؟! مهاوي لاوي لاوي : ان شاء الله خخخخخخخخ فهده سولفنا يمكن 3 ساعات .. نايف كان حليل وخفيف دم .. ومها بس تحرج فيني والله لاوريها ان كلمتها .. جاني النوم .. فستاذنت منهم وطلعت من الايميل .. انسدحت على سريري .. وفجاءه جا في بالي نك نايم نايف .. "حبيتها حيل" .. معقوله يكون حب وحده ؟! .. فجاءه حسيت بضيقه في صدري .. طيب انا وش دخلني ؟! يحب الي يحبها .. بس مين هل البنت الي قدرت تاخذ قلبه ؟! .. فكرت كثيير وفكرت ... لين تعبت ونمت .. الساعه 9 ليلا بيت ابو فيصل كانت ريم قاعده بغرفتها وهي ميته خووف " ياربيي هاذي الحين وينها " ... دخلت عليها فهده .. ريم : انتي وين كنتي ؟! من زمان وانا انتظرك !!! فهده : سوووررري سواقنا الغبي ضيع البيت , يا سلام على اللبس الحلو تهبليين تاخذين العقل ريم : مايهم " ريم كانت لابسه فستان مرره كيوت كان الفستان تحت ركبتها بشوي ومن فوق كان سيور ولونه كان سكري مايل عل البنكي وبالوسط كان فيه شريطه ناعمه بنكيه وكانت لابسه كعب بنكي وفاكه شعرها ومسويه باف " فهده : يابنت خليك متفائله انتي ماتدرين وش بيصير بعدين تنهدت ريم وحضنتها فهده ... فهده : يلا ان شاء الله تكون بدايه افراحك وسعادتك التفت عليها ريم والدموع بعيونها : بس ليش احس انها راح تكون النهايه فهده : رييييم خلاص تعوذي من ابليس وهذا واقعك ولازم تتقبلينه وتحاولين تاخذين منه الاحسن ريم : بحاول فهده : يلا ريموووه شفتي كيف خربتي المايك اب بدموعك ريم : ايي مايك اب حطيت خفيف مرره فهده : ايه وطالع شكلك رهيييب ريم : تسلمين دخل عليهم فيصل : يلا ياريم يبونك عشان توقعين نزلت ريم وفهده وكانت ريم ترتجف من الخوف .. مسكت يدها فهده وهمست في اذنها .. فهده : ريم هدي نفسك ريم : طيب وصلوا عند ابوها وكان ماسك الكتاب .. عطاها ابوها القلم .. اخذت ريم القلم .. وجت بتوقع ولا تجيها نوبه خوف وتترك القلم وترقى فوق .. ابو فيصل : ريييييم رييييييييييم راح فيصل وراها ودخل الغرفه .. فيصل : ريم ؟! ريم : ما ابيه ما ابيه فيصل : وشو الي ماتبينه ؟! ريم : نواف !!! فيصل وهو معصب : اقووووووول رييييم امشي معي لا امسكك مع شعرك وانزلك بالغصب , توك تقررين انك ماتبينه ؟! انتي تبين تفضحينا عند الناس ؟! دخلت فهده عليهم ومسكت فيصل على جنب .. فهده : فيصل ياخي هدي هذا شي طبيعي انها بتقول كذا كل البنات يصير لهم كذا بالملكه بس انت الحين انزل وانا بهديها وانزلها .. ناظر فيصل ريم باحتقار .. بعدين طلع من الغرفه .. فهده : تستهبليين انتي ؟! ريم وهي تصيح : ماابيه يافهده ماابيه تنهدت فهده : يا ريم يا حبيبتي خلاص هدي وروحي وقعي انتي ماتدرين وشلون حياتك بتصير بعدين لاتحكمين عليها بهل السرعه ريم : بس يا فهده نواف لعاااب تعرفين وشو لعااب يعني مو جدي ابدا ودايم له علاقات مع بنات وشلون تبيني اتزوجه ؟! فهده : بس هو يمكن يتغير انتي ما تدرين !! ريم : مااااااارح يتغير نواف واعرفه زين اصلا محد خرب اخوي فيصل الا نواف فهده : يمكن يتغير عشانك ريم بسخريه : هههه عشاني ؟! تلعبين على مين يا فهده هو عمره ماحبني , تبينه يتغير عشاني فهده : ايه انتي ماتدرين , يلا ياريم قومي وتعوذي من ابليس وانزلي معي ريم حست انها كذا ولا كذا بتتزوج نواف فقامت ريم ونزلت تحت مع فهده .. مسكت ريم القلم .. ووقعت .. بعد مرور ربع ساعه كانت ريم قاعده وساكته .. الجميع يبارك لها .. وهي نظرها كان عل الارض .. كانت ساكته من برا .. بس من جوا قعدت تصرخ .. حست ريم بالدموع في عيونها .. بس مسكت دموعها .. "مارح اصيح ... مارح اصيح" .. ابو فيصل : تعالي يا بنتي اقعدي مع زوجك هو ينتظرك بالمجلس رفعت ريم راسها بسرعه : نعم ؟! ابو فيصل : ايه المفروض انكم تقعدون مع بعض شووي ريم : ان شاء الله بابا قامت ريم من مكانها وراحت بتجاه المجلس .. في المجلس كان نواف قاعد لحاله بالمجلس وينتظر ريم .. وتذكر تحريصات اخوه له .. لاتنسى تقولها مبروك يالعروس .. لاتنسى تسولف معها .. الخ .. فجاءه الباب انفتح .. ودخلت ريم .. كانت منزله راسها .. نواف بلم في مكانه .. "هل البنت احلوت .. متاكدين ان هاذي ريم ؟" .. قعدت ريم في كنبه بعيده .. استغرب نواف .. نواف : ريم تعالي اجلس جنبي قامت ريم وجلست جنب نواف "يبيني اقعد جنبه بعد .. ياربيييي " نواف : مبروك يا عروس ريم : الله يبارك فيك سكتوا الاثنين .. نواف يطالع بريم .. وريم تطالع بالارض .. وبعد سكوت طويل تكلم نواف .. نواف : سولفي ريم : وش تبيني اقول ؟! نواف : اي شي وبعدين ليش ماتطالعيني ريم : ... نواف : يلااا بس بلا حيا خليك فرفوشه رفعت ريم عيونها بعيون نواف .. نواف انهبل على عيونها ..كانت واسعه وحلوه ولونها بني فاتح .. ريم : ليش ؟ تحسبني وحده من هل البنات الي تعرفهم ؟! نواف وهو دايخ بعوينها : هاااه ريم : انت الكلام معك ضايع قامت ريم من مكانها وطلعت برا المجلس .. ونواف كان سارح بعيونها .. رقت ريم لغرفتها ولحقتها فهده .. فهده : وش صار يا ريم ؟! ريم وهي منفعله : نواف يبيني اصير زي الي يعرفهم فهده : هو قالك كذا مباشره ؟! ريم وهي تتطنز على نواف : لا بس قالي سولفي خليك فرفوشه فهده ورافعه حاجب : طيب ؟! ريم تورطت : يعني يلمح فهده : ياريم يا حبيبتي الولد مالمح ولا شي بس انتي شكلك فسرتي الكلمه غلط ريم : ياربيي هل الزواج لخبط مخي صرت حساسه وانفعل بزياده فهده : هههههههههههه عادي عادي شي طبيعي انك تصيرين كذا بس انتبهي مره ثانيه لا تنسين نفسك ريم : ان شاء الله قعدت فهده جنب ريم وقالت : الحين قولي لي كيف كان نواف ؟! ريم : تبين الصدق يا فهده ؟! فهده : ايه ؟! ريم وهي منزله راسها : كان حلو فهده وهي تضحك : ياهوووووو ريم وجهها احمر : فهدااااااااه خلاااص فهده : خخخخخخخخخخخ طيب طيب بسكت بيت ابو متعب نواف دخلت غرفتي وانا مو داري عن احد .. الناس تباركلي وانا تايه .. في عيون ريم .. ااااه بس كيف سحرتني هل البنت .. عيونها كانت خقاق .. بس كان فيها الم .. فجاءه طق الباب .. نواف : مين ؟! ...: انا ريما ممكن ادخل ؟! نواف : تفضلي دخلت ريما : مبروووك نواف باتسامه : الله يبارك فيك ريما : اوووه اشوف فيه تطور نواف ابتسم ريما : هاه كيف العروسه ؟! نواف : تجنن , بس ريما : بس ايش ؟! نواف قال السالفه كلها لريما ريما : وبعد تسال ليه في عيونها الم ؟! السبب باين مثل وضوح الشمس نواف : وشو السبب ؟! ريما : علاقاتك مع الي مايتسموش نواف :.... ريما : بتتغير ؟! نواف : مدري والله تنهدت ريما وطلعت من غرفه نواف .. قعد نواف لحاله يفكر .. معقوله يكون هذا السبب ؟! .. اذا كان هذا السبب .. فاالله يعنني .. بيت ابو محمد دخلت فهده غرفتها وانسدحت عل السرير "اووووووف حاسه بتعب" .. طق الباب .. فهده : مين ؟! ابو محمد : انا ابوك فهده : تفضل بابا ابومحمد : بنتي فهده انتي عارفه ان الدراسه جايه صح ؟! فهده : اييييييه صصصصح الدرااسه يوووه ماسجلت في مدرسه ابومحمد : ههههههههه طيب وش تنتظرين ؟! فهده : طيب اي مدرسه اسجل فيها انا ما اعرف المدارس الي بالرياض ابومحمد : سجلي في مدرسه بنت عمك سارا مدارس ..... الاهليه فهده حست بالقرف يععع مع سارا بس يلا وش اسوي ماللي الا هل المدرسه : اوكي خلاص ماعندي مانع كلها سنه واخلص ابومحمد : زين يا بنتي خالتك ام محمد بتروح تقدم ملفك للمدرسه روحي معها فهده بابتسامه : ان شاء الله ابومحمد : يلا انا بروح انام تصبحين على خير فهده : وانته من اهله طلع ابوها من الغرفه .. قعدت هي لحالها .. جا على بالها نايف والنك نايم حقه " انا لازم اعرف مين هل البنت" .. دخلت فهده ايميلها ولقت مها متصله .. فهدوده المقروده : مهااا مهاوي لاوي لاوي : هلااا فهوده المقروده : نايف اون لاين مهاوي لاوي لاوي : لا ليش ؟! حست فهده بخيبه امل .. بس خطرت لها فكره فهوده المقروده : طيب تعطيني ايميله ؟! مهاوي لاوي لاوي : اوكي بس ما قلتي لي ليش ؟! فهوده المقردوه : سالفه اقولك عنها بعدين عطيني الايميل لاني ابي اطلع مهاوي لاوي لاوي : اوكي هذا الايميل فهوده المقروده : اوكي شكرا بااااي مهاوي لاوي لاوي : فهده انتظري قفلت فهده ايميلها ..حست فهده بالذنب لانها قفلت الماسنجر .. بس هي كانت عارفه مها ايش راح تسالها .. وفهده نفسها ماكان عندها جواب لهل السؤال .. كانت تسوي اشياء هي اصلا مو فاهمه ليش تسويها .. انسدحت على سريها مستغربه من الي سوته .. هذا مو من عوايدها .. بس كانت حاسه بفضول تبي تعرف هل البنت .. وبنفس الوقت داخل فهده كانت حاسه بغيره من هل البنت ... ياترا هل فهده بتعرف وش قصه هل النك نايم ؟! وهل بيكون لهل النك نايم تاثير في حياتها ؟! وهل نواف بيترك حركاته القديمه عشان ريم ؟! وهل ريم بتصدق نواف وتبدا تتقبله ؟! كل هذا بالبارت الجديد الردوووود بلييييز |
|
| أدوات الموضوع | |
| انواع عرض الموضوع | |
|
|
 |  |
العرض العادي
