بحث مخصص
|
| | |
| | |
|
| ||||||
| |||||||
| الملاحظات |
| ||||
 |
| | أدوات الموضوع | انواع عرض الموضوع |
|
#32
10-28-2007, 02:58 PM
| |||
| |||
 رد : فــهـــده ,, قصه سعوديه رومانسيه
العفوحبيبتي وان شاء الله مارح اتاخر  |
|
#33
10-28-2007, 03:06 PM
| |||
| |||
| رد : فــهـــده ,, قصه سعوديه رومانسيه البارت الحادي عشر جده قامت فهده على صوت جدتها ... جدتها : فهده فهده يابنتي قومي ماصار نوم فهده : هاااااه الساعه كم جدتي ؟! جدتها : الساعه الحين 12 قومي فهده : طيب لسا بدري جدتها : هاااو وشو بدري قومي يا بنتي فهده : اوكي اوكي قمت قامت فهده ودخلت الحمام .. (اكرمكم الله ) وغسلت وجهها وفرشت اسنانها وتوضت لصلاه الظهر .. طلعت فهده من الحمام وصلت الظهر ونزلت عند جدتها وكانت قاعده بالصاله وحاطه MBC 2 ... فهده : اخس والله جدتي تناظرين MBC 2 والله وطلعتي منتي سهله هههههههه جدتها : والله اني ماحطيت هل القناه خالك هو الي حاطها فهده : خالي عندنا ؟! جدتها : ايه جاي من قبل ساعه فهده : طيب هو وينه الحين ؟! فجاءه فهده حست باحد ينغزها من خصرها فهده تصارخ : ااااااااااااااااااااااه خالها طلال : هههههههههههههههههههههههههههههههههههههههههههه فهده تناظره باحتقار : هاهاهاها مايضحك جدتها : وراه يا ولدي تروع البنيه كذا ؟! خالها طلال : هههههههه وجهها يضحك وهي مرتاعه فهده : هاهاها ياخف دمك خالها طلال : اقول لا تاخذين وجهه بزياده تراني خالك فهده : ههههههههههه اوكي ان شاء الله يا خاااالي بيت عائله ابو متعب سارا كانت قاعده ومعصبه حيل وكان قلبها يغلي غلي تبي تعرف مين هاذي الي يكلمها سعود .. فجاءه رن جوالها .. سارا بدون نفس : الوو ..:الوو هلا سوير سارا وهي معصبه : نوف انا كم مره قلت لك لا تناديني سوير نوف : طيب سوري سوري , سارا وش فيك معصبه ؟! سارا : سعود هذا بيجنني بيطلعني من طوري نوف : افااا عسا ماشر وش صار بينكم ؟! سارا : تخيلي الاخ تركني عشان وحده ثانيه نوف وهي مصدومه : نعم !!! سارا : لا والي بيذبحني اكثر ان البنت الي يكلمها اعرفها نوف : معقوووله ؟! بس مين تتوقعين تكون ؟! سارا : هذا الي ذابحني مين هي ؟! نوف : طيب انتي بتسكتين ؟! سارا : انا اسكت ؟! شكلك لسا ماعرفتني انا سارا بنت ابو متعب ما اسكت عن حقي !! نوف : تعجبيين سارا : اااه بس لو اعرف مين هاذي الي تجرئت وخذت سعود والله لاوريها شي ماعمرها بتشوف مثله ولاحتى بتسمع مثله نوف : ليش وش ناويه تسوين ؟! سارا بابتسامه مكر : مو انا الي بسوي , اصدقائي بيسوون نوف وهي تشهق : انهبلتي انتي ؟! سارا : ليش انهبلت يا قلبي هاذولي اصداقائي عادي نوف : بس انتي تعرفين انهم بيبهذلون البنت سارا : هذا جزاة الي ياخذ اغراضي نوف : الله يعين الي بيلعب معك يا سوير سارا وهي معصبه : نوووووووف نوف : اوكي اوكي سوري اقول سارا تعالي وشلون بتعرفين البنت سارا : الحين مارح اقدر اعرف شي بستنى لين تبدا الدراسه بعدين يصير خير نوف : بس ليش لما تبدا الدراسه ؟! سارا : مو يمكن تطلع وحده من صديقاتي نوف : بس لو ماطلعت من صديقاتك ؟! سارا : وش قصدك يعني ؟! نوف : مو يمكن تطلع وحده من بنات عمي مثلا انتي تعرفين اننا رحنا للمخيم سوا فيمكن وحده منهم تعرفت عليه سارا : اممممم ممكن , بس بنات عماني متشددين في امور العيال والتعارف فما اتوقع تكون منهم نوف : بس افرضي لو طلعت وحده منهم سارا : ما اتوقع , عل العموم انا بروح الحين امي لها ساعه تناديني نوف : اوكي باي سارا : باي بجده الساعه 7 باليل كانت فهده تجهز البيبسي والشيبسات عشان مها بتجيها .. فجاءه يدق الجرس حق البيت .. "اكيد مها وصلت" .. عدلت فهده لبسها الي كان توب سماوي وتنوره سماويه توصل للركبه وكانت فهده فاكه شعرها ومخليته وايفي كان شكلها مره كيووت .. فتحت فهده الباب ومن الثقه الزايده خمت مها عند الباب وماكانت منتبهه ان الباب كان مفتوح شوي وانها كانت باينه شوي والي كان موصل مها هو نايف .. نايف قام يطلع في فهده مصدوم .. اول مره يشوفها بدون عبايه " يالله هل البنت كل مالها تحلى" .. لما فكت فهده عن مها انتبهت ان الباب مفتوح وان نايف يطالعها .. انتبه نايف على نفسه ونزل عيونه .. ارتاعت فهده ومن كثر الروعه صكت الباب بقوووه .. فهده وهي مستنده عل الباب :OMG الله ياخذك يا مها ليش مانبهتيني ؟! مها : وانا وش دراني فهده وهي مصدومه : طيب عل الاقل كان نبهتيني ان الباب لسا مفتوح مها : يابنتي محد شافك الا نايف فهده : لا ياشيخه ونايف عادي يشوفني مثلا ؟! مها : يوووووه خلاص لاتكبرين السالفه الي صار صار فهده : اففف منك عليك بروووود مها : ههههههههههه اكيد لازم وحده منا تصير بارده اجل لو صرنا احنا الثنتين حارات مثلك وش بيصير ؟! فهده : ههههههههههههههه كان نسوي عمااايل مها : هههههههههههههههه فهده : تفضلي مها دخلوا البنتين البيت وراحوا للصاله .. مها : اخس وش هل الحلاوه ؟! كل هذا عشاني ؟! فهده : اييه اكييد خخخخ مها : وين جدتك ؟! فهده : طلعت تزور وحده مها : اهاا فهده : داريه وش نفسي فيه ؟! مها : وشو ؟! فهده : اشوف فلم رومانسي مها : ايييه حتى انا فهده : بس المشكله ماعندي افلام هنا و MBC 2 بطلعه الروح يجيبون فلم رومانسي حلو مها بابتسامه : وش رايك نروح نشتري لنا فلم ولا فلمين نتكي عليهم الليله ؟! فهده وهي مستغربه : الحين ؟! مها : ايه عادي وش فيها ؟! فهده : اصلا مارح يمدينا نروح ونجي الا وسواقك جاي مها : ههههههههههههههه فهده رافعه حاجب : قلت نكته ؟! مها وهي رافعه حواجبها : ليش ماقلت لك ؟! فهده باستغراب : لا وشو ؟! مها : بنام عندك الليله فهده وهي مصدومه : احلفييييييييييي مها بابتسامه : والله قامت فهده تصارخ : ياااااااااااااااااي ونااااااسه بتنامين عندي مها : هههههههههه الحمد الله والشكر فجاءه فهده وقفت تنطيط : بس يا الذكيه مافيه سواق يودينا وشلون بنروح ؟! مها وهي تضحك : انا الحين ادبر لك توصيله طلعت مها جوالها ودقت على نايف .. نايف : الووو مها : الووووووو نايفوووه وينك ؟! نايف : عند الربع وش بغيتي ؟! مها : ابي منك توصيله نايف : وانا سواق عند ابوك اوديك واجيبك ؟! مها : يلاااا نايف عشاااني نايف : انسسسي اترك اصدقائي عشانك مها : طيب وان قلت عشان فهده نايف : هااااه فهده , ايه ان شاء الله بس وين تبون تروحون ؟! مها : يا سلام عل الحب يا شييخ عشان فهده بتترك اصدقائك والله انك منتب سهل نايف : يلا عاد اخلصي وين تبون تروحون ؟! مها : محل افلام نايف : اوكي كلها 10 دقايق وانا عندكم مها : اوكي باي نايف : باي |
|
#34
10-28-2007, 03:08 PM
| |||
| |||
| رد : فــهـــده ,, قصه سعوديه رومانسيه
سكرت مها الجوال والتفت على فهده مها : تم فهده : حلو مها : داريه ان الاخ نايف ماكان راح يودينا بس يوم قلت له عشانك غير رائيه هههههه فهده : طيب ؟! مها : يعني يالفهيمه معناته انه يحبك فهده : تستهبلين انتي ؟! وش يحبني ؟! اكيد رحمك وغير رائيه مها : اسمعيني يا فهده خلينا نكون واقعيين انا لو اقعد من هنا لبكره وانا اترجى بنايف مارح يوافق ولد خالتي واعرفه زين مايترك اصحابه الا للعزيزين عليه مره فهده : يعني بالله انتي مو عزيزه عليه ؟! مها : الااا اكيد انا عزيزه عليه بس مثل اخته وطاقه الميانه عليه وكل يوم مرتزه بوجهه بس انتي غير انتي الي يحبها فهده : وش يحبني يا مها انتي داخله قلبه ؟! مها : فهده مايحتاج ادخل في قلبه عشان اشوف حبه اصلا هو باين خلقه دايم يسالني عليك ويقول سلمي لي عليها و ابد مايرفض طلب اذا انتي صرتي فيه بالله هذا وش معناته ؟! فهده : يمكن ادب مها : ادب ؟! طيب ولما اقولك ان لميس صديقتي مرره تتلزق بنايف وتطلب مني اني ادق عليه واطلب منه يودينا مكان تدرين وش يرد عليها ؟! فجاءه حست فهده بغيره على نايف من لميس " وانا ليش اغار هومايهمني اصلا" فهده : ايش ؟! مها : دبري نفسك انتي وياها ماني شغال عندكم بالله هذا وش معناته ؟! فهده : .... مها : اااه يا فهده لو تنسين سلمان وتتابعين حياتك كان شفتي كل الي انا اشوفه بنايف فهده : ..... فجاءه رن جوال مها .. مها : الوو نايف : يلا اطلعوا انا انتظركم برا مها : اوكي سكرت مها الجوال مها : يلا نايف ينتظرنا برا فهده : اوكي لبسوا البنات عباياتهم وطلعوا برا .. فهده كانت مرره مستحيه بسبب الموقف الي صار قبل شوي .. ركبوا البنات السياره .. وفهده كانت منزله راسها من الحيا .. نايف : وشلونك فهده ؟! فهده بصوت خافت : الحمد الله بخير مها : شوي شوي على رقبتك اخاف تطيح من الحيا خخخخخخخ فهده رفعت راسها بقوه عشان تتفاهم مع مها ولا يمسكها شد عضلي بالرقبه فهده : ااااي نايف : وش فيك فهده ؟! فهده : هاه لالا ولاشي بس مها وطت رجلي مها كانت بتفتح فمها وتتكلم بس نظره من فهده سكتتها نايف : مها ليش وطيتي رجل فهده ؟! مها وهي تفكر بعذر : بالغلط نايف : لاعد تتعودينها مها وهي تناظر فهده وتتبسم لها : ان شاء الله مها بصوت خافت عشان ما يسمعها نايف : ما اقدر انا على الي يدافعون فهده وهي ماسكه رقبتها : الله ياخذك يا مها رقبتي مااقدر احركها من الالم مها : هههههههه محد قالك ارفعيها بقوه زي الهبله وبعدين تعالي ليش ماقلتي لنايف الحقيقه فهده : لا يا شيخه اقوله جاني شد عضلي في رقبتي مها : هو كذا ولا كذا بيعرف من رقبتك المشبصه ههههههههههه فهده : ايه اضحكي مو انتي الي يصير مواقف مثل هاذي مها : هههههههههههههه نايف : يلا وصلنا نزلوا البنات للمحل ونزل معاهم نايف قاموا البنات يدورون بالكاتالوج حق الافلام .. مها : يالله الافلام شكلها مره حلوه فيه A Cinderella Story و LoveWrecked و A Walk To Remember فهده تعالي اختاري معي فهده وهي ماسكه رقبتها : وانتي شايفتني في حاله اختار فيها يا مها ؟! مها : الا الان تعورك ؟! فهده : اييه التفت مها على راعي المحل : عطني هل ال 3 افلام هاذي وخلاص راعي المحل : اوكي دخل نايف المحل وشاف فهده ومها نايف : هاه خلصتوا ؟! مها : ايه الحين بيجيب الافلام وندفع حقها نايف : طيب انا بدفع حقها انتوا روحوا للسياره فهده : لا نايف وش تدفع حقها ؟! نايف بابتسامه : اقول خلاص انا قلت بدفع حقها يعني بدفع حقها انتي روحي للسياره طلعوا البنات من المحل وركبوا السياره .. نايف اخذ الافلام ودفع حقها ولحقهم للسياره .. نايف هاذي الافلام حقتكم مها : مشكووووور نايف لاحظ رقبه فهده وقرر يسالها : فهده عسا ماشر وش فيها رقبتك ؟! فهده : هاه لالا مافيها شي مها كانت تحاول تكتم الضحكه نايف : اكيد ؟! فهده : اكيد نايف : طيب حركيها يمين فهده : ليش ؟. نايف : بس اتاكد حاولت فهده انها تلف رقبتها بس ماقدرت الالم كان فظيع نايف : ايييه انا داري ان رقبتك فيها بلا , شكل رقبتك فيها شد عضلي هنا مها ماقدرت تكتم الضحكه مها : ههههههههههههههههههههههههههههههههههههههههههههههههه فهده انحرجت اكثر واكثر ونايف حس بانحراجها فقرر يخفف عليها نايف : مها عسا ماشر قلنا نكته ؟! مها تفشلت وسكتت .. نايف : ايوه فهده رقبتك محتاجه مرهم عشان يهدا الالم شوي الحين بنمر للصيدليه واجيب لك مشى نايف بسيارته للصيدليه القريبه عند بيت فهده .. نزل نايف وراح جاب لها مرهم للشد العضلي نايف : تفضلي فهده بصوت خافت : مشكوور نايف : العفو وصل نايف فهده ومها للبيت .. ونزلوا البنات ودخلوا البيت .. ورجع نايف لاصدقائه .. مها : يلا خلينا نلبس البيجامات ونناظر الافلام فهده : اوكي بس خليني اول احط المرهم مها : اوكي حطت فهده المرهم .. وتذكرت نايف .. حست فهده بشعور غريب لما تذكرته .. شعور مثل الفراشات ببطنها .. شعور غريب ماعمرها حست فيه مع اي انسان .. حتى مع سلمان ما حست بنفس الشعور .. لبست بيجامتها .. وراحت لمها .. وقعدوا البنتين في غرفتها .. وشغلوا فيلم A Cinderella Story .. كانوا البنتين مرره مندمجين مع مقطع من الفلم .. رقصوا البطلين على اغنيه هاديه .. وعيونهم كانت باين فيها الحب .. البنت كانت متوتره وخايفه .. والولد يحاول يخفف عنها خوفها .. ابتسمت فهده على هذا المقطع وتذكرت نايف .. " ياربي ليش هل الانسان في بالي .. ليش افكر فيه كل شوي" .. خلص الفلم ومها وفهده قعدوا يتنهدون مها : ياااااااي شفتي كيف البطل حب هل البنت , ياااااااااي ابي زيه فهده كانت سارحه بخيالها وافكارها .. وطبعا كانت عن نايف مها : هيييه انتي يابنت معي ؟! فهده : هاااه ايه ايه معك مها وهي تتثاوب : ااااه فيني النوم فهده : وانا بعد مها : يلا امشي نروح ننوم فهده : اوكي انسدحوا البنات عل السرير ومها نامت اول ماحطت راسها عل المخده .. ابتسمت فهده وقدت تطالع السقف .. وطبعا عقلها كان مع نايف .. ياترا هل بتكتشف سارا البنت الي تكلم سعود ؟! وشلون راح يكون موقفها ؟! وهل المشاعر الي تحس فيها فهده حب او اعجاب ؟! وهل بتنسى سلمان نهائيا ولا هاجسه بيرجع يطاردها ؟! كل هذا بالبارت الجاي ان شاء الله |
|
#35
10-28-2007, 04:33 PM
| ||||
| ||||
| رد : فــهـــده ,, قصه سعوديه رومانسيه رووووععه من جد رووعه |
 | سياسة الخصوصية |  |
العرض العادي
