بحث مخصص
|
| | |
| | |
|
| ||||||
| |||||||
| الملاحظات |
| ||||
 |
| | أدوات الموضوع | انواع عرض الموضوع |
|
#16
10-26-2007, 12:16 AM
| ||||||||||
| ||||||||||
 رد : فــهـــده ,, قصه سعوديه رومانسيه اقتباس:
اهااا خخخخ مشكووره اختي القهوة على مرورك وهذا بارت عشانك  |
| فــهـــده ,, قصه سعوديه رومانسيه |
| |
|
#17
10-26-2007, 12:18 AM
| |||
| |||
| رد : فــهـــده ,, قصه سعوديه رومانسيه البارت السادس غاده كنت ناويه اعترف لفيصل بحبي له , كنت ناويه اقول له كل الي في قلبي من مشاعر واحاسيس , كنت ناويه اقول له والي يصير يصير , كنت محضره كلام كنت ابي اقوله بس كل الكلام تبخر لما سمعته يقول لها احبك من هنا عرفت انه مارح يكون لي مكان في قلبه سواء قلت له له او لا , قلبه كان لوحده ثانيه (( فهده )) ليش انتي يا فهده ؟! ليش اختارك قلبه يا فهده ؟! عمري ماتخيلت ان كلمه احبك تكون زي الطعنه في قلبي .. رحت عن فيصل وفهده ماقدرت ماقدرت اني اسمع اكثر حسيت بطعنه في صدري كل ما اتذكر هذا الموقف نظراته لها ليش يا فيصل ليش ؟! تتطعني كذا ليش ؟! حسيت بكره لفهده ما ادري ليش بس احس اني كرهتها .. كرهتها من كل قلبي لانها اخذت قلب الي حبيته من قلبي ... فهده وقفت مصدومه تماما من اعتراف فيصل , يحبني ؟! كيف يحبني ؟! توه عرفني من شهر تقريبا !! كيف يحبني بهل السرعه ؟! لا مستحيل اكيد قاعد يستهبل !! اكيد قاعد يمزح !! ناظرت عيونه لا مايمزح !! اااه ليش يا فيصل ليش ؟! ليش تحبني ليش ؟! انا قلبي ماودي افتحه لاحد !! ولا ابي اظلمك معاي ابد !! قطع سلسله افكاري صوته : قولي شي يا فهده تكلمي رفعت عيوني له : وش تبيني اقولك يا فيصل ؟ انا بعد احبك ؟! تبيني اكذب عليك ؟! تبيني اظلمك معاي ؟! لا يافيصل انا اسفه انت بل النسبه لي اخو عزيز وبعدين كيف قدرت تحبني بهل السرعه ؟! الحب يبيله وقت ! انا متاكده من ان شعورك تجاهي مجرد اعجاب حسيت بالم في نفسي في كل كلمه طلعت من فمي ... الجرح كان باين بعيونه ماكان ودي اجرحه بس ما اقدر, مااقدر افتح قلبي مره ثانيه!! الجرح الي بقلبي من سلمان لسا ما شفى ومارح اقدر اتحمل جرح ثاني من فيصل اعذرني يا ولد عمي اعذرني ... ناظرني فيصل بحزن وقال : صح عليك يمكن الي احس فيه مجرد اعجاب انا اسف عل الازعاج مشى فيصل وتركني قلت : فيصل !! لف علي وقال : نعم يا فهده قربت منه ومسكت ايده : انا اسفه يافيصل بس لو انك تفتح عيونك اكثر بتلاقي الي تحبك وتبيك وتستاهلك اكثر مني ناظرني بنظرات استغراب : فهده وش قصدك؟! فيه وحده تحبني ؟! هزيت راسي وابتسمت وقلت : زي ما قلت لك افتح عيونك وبتلاقي الي يحبك صدق تركت يد فيصل وقلت : تصبح على خير فيصل تركتني فهده مصدوم , وش قصدها بل الكلام الي قالته "لو انك تفتح عيونك اكثر بتلاقي الي تحبك وتبيك وتستاهلك اكثر مني " قصدها من بنات عمي ؟! معقوله وحده من بنات عمي ؟!! رحت لخيمه الرجال وانا افكر يا ترا مين هل البنت ؟! سعود من بعيد قعدت اراقب فيصل وبنت عمه صوتهم واطي ماقدرت اسمع شي بس شكله من تعابير وجهه فيصل في شي صدمه يلا مو مهم المهم الحين اني اعرف اسمها .. شفت فيصل يرجع لخيمه الرجال وبنت عنه لخيمه الحريم حسيت انه هاذي فرصتي عشان اعرف مين هل البنت رحت لخيمه الرجال وجلست جنب فيصل وجهه كان مصدوم شكل الكلام الي قالته له بنت عمه كبير بس يلا بعرف كل شي الحين سعود : وش فيه وجهك متغير عسا ما شر؟! فيصل : هااه لا ولا شي سعود : فييصل لا تحسبني غشيم ما اعرفك وجهك يقولي ان فيك شي فيصل : توني اكتشفت انه وحده من بنات عمي تحبني سعود بتردد : ومين هاذي ؟! فيصل : مدري سعود : يعني مو البنت الي كانت واقفه معاك تو ؟! فيصل باستغراب : وانت وش دراك ؟! سعود بخوف : هاه لا بس انا كنت اتمشى وشفتك انت وبنت عمك فيصل : اهاا سعود : طيب انت وش دراك انت انه فيه وحده تحبك من بنات عمك ؟! فيصل : فهده قالت لي " اهااا اجل اسمك فهده هين يصير خير يا فهده " سعود : طيب وشلون هي جت وافتحت الموضوع معك ؟! فيصل : رحت اعترف لها بحبي لها سعود وهو حاس بغصه : و .. وش قالت هي ؟ فيصل : قالت اني مستحيل احبها بهل الوقت القليل وقالت ان الي احس فيه مجرد اعجاب سعود : وانت وش حاس فيه ؟! لسا تحبها ؟! فيصل : مدري سعود : وشلون ماتدري ؟! فيصل : بعد ماقالت لي فهده انه مجرد اعجاب, صرت اشك بمشاعري لفهده سعود براحه : اهااا فيصل : يلا انا راح انام الحين تصبح على خير سعود : وانت من اهله يوم الخميس الساعه 4 العصر رن جوال فهده فهده : الو مها : يا حمارره وحشتيني من زماان مادقيتي علي فهده : سووووري حبيبتي بس كنت وسط دراما هل اليومين مها : ليش وش صار ؟! فهده : فيصل قال لي انه يحبني مها : اييييييش ؟! طيب انتي وش قلتي ؟! فهده : قلت له انه مستحيل احد يحب احد بهل السرعه وانه مشاعره تجاهي مجرد اعجاب مها : اححححح حرام عليك قسيتي مره عليه فهده : لاوهم عادي يقسون علينا ويلعبون بقلوبنا ؟! مها بنتهد : يا فهده يا حبيبتي مو كل العيال نفس الشي فهده والدموع بعيونها : الا كلهم كذا يحبون يلعبون بمشاعر البنت لين يطفشون منها ويتركونها وبعدين انتي وعدتيني ما تفتحين الموضوع هذا مره ثانيه مها : خلاص خلاص اسفه مارح اجيب سيره هل الموضوع فهده : يكون احسن مها : اوكي حبيبتي فهده ماما تناديني باي فهده : باي كان سعود يشوفها من بعيد ويسمع كلامها مع مها " ياترا مين تقصد فهده بكلامها ؟! معقوله انها قد حبت واحد لعب بقلبها ؟! ايه ليش لا المهم انا ما علي من ماضيها المهم اني القى طريقه اتقرب منك يافهده بس كيييف ؟! كيييف ؟! اهاااا لقيتها مافيه الا سوير هي الي بتقربني من فهده , والله وبتروحين فيها يا فهده بس اني اصبري علي شوي " راح سعود يدور على سارا ولقاها واقفه ويا نوف يسولفون بعيد عن الخيام سعود : هلااا والله بسارا نوف : وانا مالي وجود يعني ؟! سعود بدون نفس : ويا نوف سارا : لااا الحين يا هلا فيني واول كنت تقول لي انا ما اصلح لك ؟! سعود : انتي انتي الي ماتصلحين لي ؟! انا لو الف العالم هذا كله ما القى الي تصلح لي اكثر منك سارا وهي تتدلع : لااااا " وتتدلعين انتي وهل الوجه بس معليش كله عشان فهده يهون " سعود : ايييييه سارا : اوكي خلاص يا حبيبي سامحتك نوف : ياهووووووووو سعود : انتي ماودك تنطمين ؟! سارا : لا تغلط على نوف ترا زعلها من زعلي سعود : سووري يانوف حقك على راسي من فوق سارا : ايه يا حبيبي ابيك كذا سعود وهو كبده حايمه : يلا انا بروح لفيصل اشوفك بعدين يا قمر سارا : بااااااي بايبي سعود : باي راح سعود وترك سارا ونوف فهده كنت قاعده اتمشى لحالي بعد ماسكرت من مها لقيت غاده قاعده لحالها وشكلها مهموم رحت اشوف وش فيها فهده : وش فيها القمر زعلانه اليوم ؟!! غاده وتناظرها باحتقار : يعني ماتدرين ؟! فهده باستغراب : ادري بايش ؟! غاده : لااااا تسوين نفسك غشيمه يعني ؟! فهده : غاده ايش صاير ؟! غاده : ماتدرين انه فيصل يحبك ؟! فهده وهي مصدومه : وش دراك ؟! غاده بعصبيه : سمعته وهو يقولها !!! ليش يقولها لك لييش ؟! فهده وهي تتنهد : غاده انا ... غاده : ليش يا فهده ليش تسويين فيني كذا و ... فهده وهي تقاطع غاده : شكلك يا غاده ما تعرفيني زين انا مستحيل مستحيييل اني اجرحك الجرح الي انجرحته مستحييل اخليك تعانين المعناه الي انا عانيتها سمعتي الي قلته له بعد ما قال انه يحبني ؟! غاده وهي تنزل راسها : لا فهده : قلت له انه مستحيل احد يحب بهل السرعه واكيد ان المشاعر الي هو حاس فيها اعجاب لا اكثر ولا اقل وانه لو يفتح عيونه اكثر بيلاقي الي تحبه وتستاهله اكثر مني غاده وهي منصدمه : انا ... انا اسفه اني اخطيت عليك بس انا كنت مجروحه وادور احد الومه ومالقيت الا انتي فهده وهي تبتسم : ادري يا غاده انا عارفه شعورك هذا وفاهمتك زين عشان كذا ماخذت على خاطري منك غاده : وشلون فاهمه شعوري ؟! فهده وهي تتنهد : تقدرين تقولين اني قد مريت بتجربه زي كذا من قبل غاده : طيب احكي لي عن التجربه فهده : من زمان وانا في جده ............ صوت ام محمد : ابووووووو محممممممممد ابووووو محممممممممد الحقوووووا علييييي ابووو محمممممممممممد مو راضي يقوووووووووم فهده فزت من مكانها وبدت تركض لناحيه الصوت دخلت خيمه الرجال ولقت ام محمد جنب ابو محمد وهي تحاول تقومه فهده وهي تطق وجه ابوها : باااااابااااااا قووووم قووووووم لاترووووح وتتركني قوووووم جو الرجال يشوفون وش فيهم يصارخون شافوا حاله ابو محمد وشالوه واخذوه معهم للسياره , فهده راحت تركض تجيب عبايتها والكل يسالها وش فيه بس هي ماعطتهم وجهه واخذت عبايتها بس السياره الي كان فيها ابوها راحت ... : تعالي بوديك انا لفت فهده عل الصوت فهده : اوكي يلا بسرعه فيصل : يلا اركبي السياره ركبت فهده ورا بل السياره وجاء سعود وطلب من فيصل انه يروح معاهم .. ركب سعود قدام جنب فيصل ,, طول الطريق وفهده قاعده تبكي ولما وصلوا عند المستشفى نزلت فهده بسرعه من السياره وراحت تجري لبوابه الطوارئ فيصل : سعود روح مع فهده انتبه عليها انا بروح اوقف السياره وبجي على طول سعود : اوكي لحقها سعود لبوابه الطوارئ فهده كانت مختبصه ما تدري وش تسوي مين تسال كانت حاسه بدوار رجولها مو قادره تمسكها من خوفها على ابوها حست انها راح تطيح مسكها سعود سعود : وش فيك ؟! فهده تستعيد وعيها : انا كويسه , وين ابوي ؟! اسالهم وين ابوي !! سعود : طيب طيب استني هنا انا بروح اسالهم راح سعود وسال عن ابوها ورجع لها سعود : ابوك الحين بغرفه العمليات فهده وهي منفعله : ليش ؟! وش فيه ابوي ؟! سعود وهو يتنهد : ما ادري الحين خلينا نروح عند غرفه العملياات ونستنى الدكتور فهده : طيب راحوا عند غرفه العمليات وكانوا عمانها قاعدين بمقاعد الانتظار فهده حست انه هذا المشهد يتكرر لما كانت امها بغرفه العمليات وهي كانت تبكي ولما طلع الدكتور وقالها عظم الله اجرك بكت فهده بقوووه خافت الماضي يتكرر وتفقد ابوها زي مافقدت امها .. سعود كان يناظرها وهي تبكي حس بقلبه يتقطع عليها كان وده يضمها ويخفف عنها بس ما يقدر قدام عمانها.. قعدوا على هل الحاله ساعه ثانيه بعدين طلع الدكتور فهده : وش فيه ابوي ؟! الدكتور : والله جت له صدمه سببت له جلطه بل القلب فهده وهي مصدومه : جلطه !!!!! الدكتور : ايه ابو فيصل : طب كيفه الحين وشلونه ؟! الدكتور : لا الحمد الله تعدا حاله الخطر لحقنا عليه بل الوقت المناسب الحين حالته مستقره بس بنخليه بل المستشفى عشان نشوف اذا صار فيه تطورات فهده حست بشويه ارتياح " الحمدالله الله ستر " فهده : طيب متى نقدر نشوفه ؟! الدكتور : بعد نص ساعه بس اذا دخلتوا لا تطولون معاه لانه محتاج للراحه فهده : ان شاء الله ابو فيصل : شكرا يا دكتور ماقصرت الدكتور : ولو هذا واجبي فهده حسيت براحه لما دريت ان ابوي تعدا مرحله الخطر .. حسيت بصداع براسي فرحت عشان اشتري كوفي لقت ماكينه كوفي واشتريت منها الكوفي ... فجاءه سمعت صوت مو غريب علي لفيت عل الصوت ... وشفته هل بيعرف فيصل حب غاده له ؟! وهل بينجح سعود بل التقرب من فهده ؟! ومين الشخص الي شافته فهده بالمستشفى ؟! كل هذا بل البارت الجاي لا تحرموني من ردودكم |
|
#18
10-26-2007, 01:29 AM
| ||||
| ||||
| رد : فــهـــده ,, قصه سعوديه رومانسيه
الله يعطيك العافيه على القصه الرائعه نتقبلي شكري |
|
#19
10-26-2007, 01:38 AM
| |||
| |||
| رد : فــهـــده ,, قصه سعوديه رومانسيه
والله اسفه ما رديت عليك بالبارت اللي قبله لاني كنت نايمه و نوي اقوم من النوم بس و لا يهمك ارد ردين مو رد واحد بس مشكوووووورة
|
|
#20
10-26-2007, 01:41 AM
| |||
| |||
| رد : فــهـــده ,, قصه سعوديه رومانسيه
يسلموووو و ننتظر
|
 | سياسة الخصوصية |  |
العرض العادي
