المنتديات
اجعلنا صفحة البداية
اضفنا للمفضله
المنتديات
|
#6
25-10-07, 02:41 AM
|
|||||
|
|||||
فــهـــده ,, قصه سعوديه رومانسيه
الا الا اعجبتنا تكفين نزلي جزئين الله يخليك عشاااني
|
|
#7
25-10-07, 04:11 AM
|
||||
|
||||
رد : فــهـــده ,, قصه سعوديه رومانسيه
اوكي بس عشانك راح انزل بارت
|
|
#8
25-10-07, 04:14 AM
|
||||
|
||||
|
رد : فــهـــده ,, قصه سعوديه رومانسيه
البارت الثالث
قامت فهده على صوت المنبه ناظرت الساعه لقتها 11 قامت من السرير وراحت الحمام ( وانتوا بكرامه) تغسل وجهها وغيرت بيجامتها ولبست برمودا جينز وتوب ابيض ورفعت شعرها ذيل حصان ونزلت تحت للصاله لقت ابوها وخالتها قاعدين فهده : صباح الخير ابومحمد وام محمد : صباح النور راحت فهده وباست راس ابوها وقعدت جنبه ابو محمد : الله يرضى عليك يا بنتي فهده ابتسمت لابوها ام محمد : زين انك قمتي الحين الفطور بيجهز بعد شوي فهده : اوكي بيت ابو تركي البنات كانوا بغرفتهم يسولفون العنود : تتوقعون بتجي بنت عمي محمد اليوم ؟ غاده : اكيد مو العزيمه على شرفها ليش ماتجي العنود : ما ادري يمكن ماتجي هيفاء : لا ان شاء الله بتجي العنود : تتوقعون بتطلع حليله ولا زي سارا ونوف ؟ هيفاء : والله ما ادري ان شفناها يصير خير العنود : طيب وش بتلبسون ؟ غاده : يووووووه يل العنود وش فيك صايره مزعجه اليوم العنود : هذا جزاتي ابي اسولف معكم واونسكم مالت عليكم اروح اسولف لامي اصرف طلعت العنود من الغرفه وهي معصبه غاده : الله يعينها امي غاده وهيفاء : هههههههههههههههههههههههههههههههه بيت ابو متعب سارا كانت تكلم نوف بل التليفون نوف : بتجين العزيمه اليوم سارا : هههههههه اكيد وانا بفوت فرصه اشوف ست الحسن والجمال الي كلن يتكلم عنها نوف : فيصل يقول انها حلووة مرره سارا : ماعليك منه دايم ذوق العيال شين بل البنات نوف : مدري والله سارا : المهم نوف : امممم سارا : وصلتي الرساله الي عطيتك ايااها نوف : ايه ايه وصلتها سارا : كويس نوف : انا مو فاهمه انتي عندك رقمه ليس ماترسلين له بالجوال ؟! سارا : مالك دخل نوف : اوكي سارا : يلا انا بروح اخذ شاور نوف : اوكي يلا باي سارا : يلا باي بيت ابو محمد الساعه 7 ليلا فهده كانت واقفه عند دولاب الملابس تفكر وش تلبس "امممم اللبس الاورانج ولا الااحمر , تنوره ولابنطلون , افففففف يا ربي ليش انا كذا متوتره هم اهلي ليش انا خايفه افف " طاحت عيون فهده على بيجاما تمنت انها تلبسها وتنام وماتروح العزيمه بس طبعا ماتقدر لان العزيمه على شرفها " امممم خلاص لقيتها " طلعت فهده من الدولاب بلوزه طويله سودا فيها رسومات بل الابيض وبرمودا جينز لبست فهده ملابسها وفكت شعرها وحطت باف وحطت اكسسوارات اسود وابيض وبل المايك اب اكتفت فهده بل الكحل وقلوس احمر صوت ابو محمد من بعيد : يلا يا بنتي تاخرنا الساعه صارت 8 ونص فهده : طيب بابا الحين جايه حطت فهد عطر ولبست عبايتها ونزلت عند ابوها تحت ابو محمد : خلصتي فهده : ايه يا بابا خلصت راحوا كلهم لبيت ابو فيصل ولما دخلوا راح ابو محمد ممجلس الرجال وفهده وخالتها استقبلتهم ام فيصل ام فيصل : هلا هلا ومرحبا بفهده فهده وهي مرتبكه : هلا هلا خالتي ام فيصل : وشلونك وش اخبارك وراه ماتسالين عنا يا كافي هاذي اول مره نشوفك .؟ فهده: الظروف ام فيصل : يلا ماعليه شفناك الحين يلا تعالي اتفضلي كلهم هناك ينتظرونك فجاءه حست فهده برعشه قويه : كـ كلهم هـ هناك ام فيصل : ايه يحترونك من زمان فهده : اممم خالتي وين الحمام ام محمد : هذا وقته فهده : مضطره ام فيصل:ماعليه يا بنتي شوفي الحمام هنا فهده : شكرا راحت فهده عند المغاسل وهي ترتجف:ياربي انا ليش خايفه كذا مايسوى كل هل الخوف تراهم اهلي و ياربي انا وش جابني هنا ... : تسولفين مع نفسك ؟! لفت فهده على الي تكلم معها فهده باستغراب : فيصل ؟! فيصل : بشحمه ولحمه ههههه فهده قامت تطالعه من فوق لتحت : طيب انا بروح اسلم الحين وخر عن طريقي فيصل متكي عل الجدار : يا قووويه فهده : افف بزر ودفته عن طريقها وجت بتدخل ولا رعشه الخوف رجعت لها من جديد وتصلبت في مكانها " ياربي انا ليه كذا" لاحظ فيصل خوفها وضحك : تعالي تعالي ادخلك انا ان قعدتي على هل الحال مارح تدخلين ابد جا فيصل ومسك يد فهده وسحبها معاه للصاله فهده كانت مصدومه من فيصل " خيييييير وش يبي هذا مدخلني عليهم بهل الشكل وش يقولون عني اول مره يشوفني ماسكه يد ولد عمها وداخله وكانه شي عادي انا قايله البس ذيك البيجاما واقعد بل البيت بس لقافتي خلتني اطلع , حسبي الله عليك يا فيصل هذا موقف تحطني فيه " الكلام فجاءه وقف وكل الانظار صارت على فيصل وفهده فهده شالت يدها من فيصل بقوه وتوهقت فهده " وش اسوي الحين ؟ اسلم ولا وشو ؟ " فهده : ال السلام عليكم ام فيصل حست بخوف هده فقررت تسهل الموقف : وعليكم السلام يا بنتي تعال تعالي سلمي على زوجات عمانك وبنات عمك فهده حست براحه " الله يفرج عليها مثل مافرجت علي " راحت فهده وسلمت على زوجات اعمامها وبنات اعمامها واول وحده من بنات عماتها كانت سارا فهده : اهلين سارا بدون نفس : هلا والله فهده رفعت حاجب كان ودها ترد عليها بس ما حبت تسوي مشكله يكفي الاحراج الي سببه لها فيصل الي جنب سارا كانت نوف سلمت عليها فهده وبرضوا كان سلامها بدون نفس " وش فيهم ذول قاتله لهم قتيل وش هل المعامله " وكان جنب نوف ريم فهده : اهلين ريم : هلا والله كيفك فهده ؟ فهده بابتسامه : والله الحمدالله تمام انتي ؟ ريم : تمام ريم قربت من اذن فهده وقالت لها : ماعليك من سارا ونوف فيهم نقص فهده : ههههههه سلمت فهده على كل بنات عماتها وقعدت وقعدت جنب ريم ريم : اما الموقف الي صار لك تو تووحفه لو تشوفين وجهك كيف صار فهده : يالله طاااح وجهي تمنيت الارض تنشق وتبلعني ريم : لا عادي هو اصلا دايم كذا فهده : الله يعينه على نفسه ريم : هههههههههه من جد من بعيد كانت سارا ونوف يناظرون فهده باحتقار نوف: شفتي كيف دخلت علينا وماسكه يد فيصل صدق ماتستحي سارا: وهي تعرف الحيا اصا لو انها تستحي كان سالت علينا قطت غاده معهم بل السالفه : يعني انتي الي تعرفين الحيا ؟ سارا : ايه احسن من هل الفهده الي طايرين لي فيها غاده : طيب ما دامك انتي تعرفين الحيا والاصول كان سالتي عنها سارا : وش دخلك انتي بل السالفه اصلا انقلعي عن وجههي ام فيصل : يلا تفضلوا العشا قاموا الحريم وراحوا صاله الطعام تعشت فهده وخلصت وراحت تغسل يدها في المغاسل .. : غريبه ما سولفتي مع نفسك هل المره فهده عرفت الصوت ولفت : هاهاهاها سخيفه زي وجهك فيصل : وش فيك معصبه؟! فهده : وش فيني معصبه ؟ لا ابد مو معصبه ولا شي ! مو معصبه عل الاحراج الي سببته لي قدام زوجات عماتي وبناتهم الي اول مره اشوفهم ! فيصل : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه فهده : تضحك انت وجههك فيصل : لاني تذكرت وجهك ههههههههههههههههههههههههههه توووحفه ههههههه فهده : اففف طلعت فهده من المغاسل وهي واصله معها من فيصل " انسان غير طبيعي" فيصل : وعلى فكره فهده : خير فيصل : ابوك يبيك تسلمين على عمانك لانك ما جيتي سلمتي عليهم فهده : اييه صح طيب جت بتروح فهده وماعرفت وين مجلس الرجال فيصل : طييب اوديك انا تعالي ومشت فهده ورا فيصل لين ما وصلوا مجلس الرجال دخلت عليهم فهده وسلمت على عمانها وقالها ابوها تلبس عبايتها لانهم بيروجون البيت راحت فهده لبست عبايتها وجتها ريم ريم : فهده انتظري ابي اخذ رقم جوالك فهده : اوكي هذا رقمي 0505 ...... ريم : اوكي يلا باي يا قمر لاتقطعين فهده : اوكي باي رجعت فهده للبيت وراحت لغرفتها وغيرت ملابسها ولبست بيجاما وانسدحت على السرير ونامت ياترا وش بيصير بين فهده وفيصل ؟ ومين الشخص الي تراسله سارا ؟
|
|
#9
25-10-07, 04:18 AM
|
||||
|
||||
|
رد : فــهـــده ,, قصه سعوديه رومانسيه
البارت الرابع
قامت فهده على صوت الجوال شافت رقم غريب شافت الساعه لقتها 4 الفجر " يالله من هاذا الي بيدق علي بهل الوقت" فهده : الو .... : يا احلى الو فهده فتحت عيونها على اخر شي "معقوله معقوله وصلت فيه انه يدق علي بهل الوقت " فهده تبي تتاكد : مين ؟ فيصل : يعني معقوله ماعرفتيني ؟ فهده : اييه معقوله يلا اخلص مين انت ؟ فيصل : انا فيصل فهده : وانت عادي تدق عل الناس الساعه 4 الفجر ما تستحي انت فيصل : بشويش ترا ما يسوى كل هل العصبيه فهده : من وين جبت الرقم ؟. فيصل : اخذته من جوال ريم فهده : وانت وش دراك ان ريم معاها رقمي فيصل : سمعتك وانتي تعطينها الرقم فهده : طيب تبي شي الحين فيصل : اسولف فهده : شوف فيصل سوالف ماعندي سوالف وانا الا الان محترمه نفسي معك لانك ولد عمي وما ابي اغلط عليك فلو سمحت لا تدق علي مره ثانيه فاهم ولا لا وسكرت فهده السماعه في وجهه "افف سخيف خرب علي نومتي" فيصل سكرت السماعه وجههي مافيه بنت سوت فيني كذا بس ماعيله يا فهده عجبتيني ماخليتي لي فرصه أتمادى معك صدق بنت أصول ااااه يا فهده بس لا تلوميني إني دقيت عليك خيالك براسي ما خلاني أنام أول مره أحس بهل الشعور أول مره أحس انه احد بداخلي يسيطر علي معقولة هذا يصير فيني بسبب بنت ؟! بسبب وحده مو حاسه فيني ؟! فهده صحيت على صوت الجوال رديت وانا احسب المتصل فيصل قلت : الحين انت ما عندك دم ولا حيا اسكر بوجههك وتتصل مره ثانيه!!! ... : بسم الله الرحمن الرحيم وش فيك يا بنت ؟! انصدمت صدمه قويه هذا مو فيصل هاذي مها ! قلت : اوووه مها مرره سوري ما دريت انك انتي الي داقه كنت احسبك فيصل مها باستغراب : مين يطلع هذا بعد ؟ قلت : هههههههههههه لا يروح فكرك لبعيد هذا ولد عمي مها : اهااا , طيب ايش مسوي لك هو عشان تعصبين كذا ؟ قلت : ابد بس داق علي الفجر يبي يسولف , وشكله من اسلوبه مو اي سوالف اذا انتي فاهمه قصدي مها : اييه فاهمه فاهمه شكل الولد بادي يحبك قلت : اي حب واي خرابيط هو بس كذا راعي بنات مها : طيب فرضا لو قلنا فرضا طلع يحبك ايش بتسوين ؟ قلت : ايش بسوي يعني مو مشكلتي هاذي مها : اوووف يعني مارح تعطيه فرصه ابد قلت والدموع بعيوني : فرصه لايش ؟! فرصه عشان ينكسر قلبي مره ثانيه ! لا شكرا انا مستغنيه عن الحب وخرابيطه مها وهي تتنهد : يعني ما نسيتي الي صار ؟! قلت : كيف ؟! كيف يا مها انسى الي صار ؟! كيف انسى الجرح الي جرحه في قلبي ؟! كيف انسى دموعي الي بكيتها عليه ؟! كيف ؟! مها : بس قلت : خلاص يا مها ما ابي ينفتح هل الموضوع مره ثانيه مها : اوكي على راحتك اسفه اني فتحته قلت : يلا مها باي مها : وين ؟ قلت : ابي انام مها : اوكي خلاص تصبحي على خير قلت : وانتي من اهله قفلت الخط والدموع سالت بعيوني ااااااه يا سلمان كيف بنساك ؟! كيف بنسى جرحك لي ؟! كيف قلبي يحب من بعدك ؟! قتلته يا سلمان قتلت قلبي الي اعطيتك اياه , قلبي الي اغلى ماعندي اعطيتك اياه وذبحته , ااااه يا ليتني ماعرفتك يا سلمان يا ليتني ما عرفتك ... في غرفه سارا مسكت سارا جوالها ودقت عليه ... : الو سارا : الوو حبيبي سعود كيفك ؟ سعود بدون نفس : هلا سارا , انا تمام سارا : وش فيك معصب ترد من دون نفس سعود : خصوصيات سارا : ليش هو فيه بيننا اسرار عشان يصير فيه خصوصيات ؟! سعود : يوووووه يا سارا وش تبين الحين ؟ سارا : وصلتك الرساله ؟ سعود : اييه وصلت سارا : وش رايك فيها ؟ سعود بدون نفس : حلوه سارا : طيب رد زين عل الاقل سعود وهو معصب : سوير اسمعي مو انتي الي تعلميني وشلون ارد انا ارد عليك بالطريقه الي تعجبني سامعه ولا لا سارا وهي خايفه : خلاص خلاص مارح اقولك شي اسفه والحين بسكر عشان ما تعصب زياده سعود : يكون احسن "سكر السماعه في وجههي ماعليه يصير خير يا سعود ان ماخليتك تحبني وتموت فيني ما اكون انا سارا " سعود اففف فكه منها هل البثره انا الحمار يوم اني افكر اتعرف عليها بس يلا البنت ماعليها حلوة اتحملها كم اسبوع واتركها ... بعد مرور ثلاثه اسابيع في بيت ابو محمد نزلت سارا من الدرج للصاله الي تحت لقت ابوها قاعد مع عمها ابو فيصل راحت فهده وسلمت على عمها وقعدت جنب ابوها ابو فيصل : وشلونك يا فهده ؟ فهده : الحمدالله تمام , انت كيفك ؟ ابو فيصل : بخير دامك بخير ابو فيصل : اقول ابو محمد وراه ما نروح نخيم لنا اسبوع في البر ؟ ابو محمد : والله انا ما عندي مانع , وش رايك يا فهده ؟ فهده : بكيفك بابا وين ماتروحون بروح معكم ابو فيصل : اجل خلاص نروح نخيم الاسبوع الجاي ؟ ابو محمد : والله ماعندي مانع ابو فيصل : اجل خلاص بعلم انا ابو تركي وابو متعب وان شاء الله راح يوافقون ابو محمد : خلاص اجل عطهم خبر وان شاء الله الاربعاء نمشي للبر رن جوال فهده والمتصله كانت ريم فهده : عن اذنكم ابو محمد وابو فيصل : اذنك معك طلعت فهده من الصاله وردت فهده : وتقولين لي لا تقطعين هاه لك ثلاث اسابيع من يوم العزيمه مادقيتي علي ريم : والله اسسسفه انشغلت كثير فهده : اامممم خلاص سامحتك ريم : شونك وش اخبارك ؟ فهده : تمام و انتي ؟ ريم : والله طفشااانه مافيه شي نروح له فهده : طيب حزري وين بنروح الاربعاء ؟ ريم : وين ؟ فهده : بنخيم !! ريم :اماااانه فهده : والله ريم : طيب انتي قد خيمتي في بر فهده : لااا خخخخخ ريم وهي مستغربه : صدق !! اجل فاتك نص عمررك مرره ونااسه التخيم فهده : يالله حمستيني ريم : هههههههههههه ام محمد : فهده تعالي يا بنتي العشا جاهز فهده : ان شاء الله , يلا ريم باي بروح اتعشى ريم : اوكي يلا باي سكرت فهده السماعه وراحت تتعشى يا ترا وش قصه سلمان ؟! ليش فهده مو قادره تنساه ؟ وهل فيصل يحب فهده ؟! ومين سعود ؟ وش بيصير في رحله التخيم ؟! كل هذا بل البارت الجاي ان شاء الله لا تحرموني من الردود
|
|
#10
25-10-07, 06:02 AM
|
||||
|
||||
|
رد : فــهـــده ,, قصه سعوديه رومانسيه
القصه مو بس روعهـ الا تجنن كمليها و يسلمووووو عـ البارتين يجي منك اكثر افهميها 1+2=؟؟ خخخخخخخخخ لا لا على كيفك نزلي
|
النمط المتتابع
