بحث مخصص
|
| | |
| | |
|
| ||||||
| |||||||
| الملاحظات |
| ||||
 |
| | أدوات الموضوع | انواع عرض الموضوع |
|
#81
11-06-2007, 05:56 PM
| |||||||||
| |||||||||
 رد : فــهـــده ,, قصه سعوديه رومانسيه سعود كان مصدوم .. معقوله لو قالت سوير لفيصل شي بيذبحني ؟! .. لامارح يسويها .. بس غاده .. اكيد بتنذبح .. ياربي انا لازم اصحح الموقف .. ماابي اخسر غاده مو الحين عل الاقل .. اممم مافيه الا وحده تقدر تساعدني .. مسك جواله ودق عل الرقم الي كان ماخذه اول من جوال فيصل .. ..: الوو سعود : فهده ؟! فهده وهي خايفه "مين هذا الي يعرف اسمي ؟!" : مين ؟! سعود : انا سعود صديق فيصل عرفتيني ؟! فهده بدون نفس : ايه عرفتك خوي غاده سعود وهو مصدوم : كيف عرفتي اني .. فهده : سمعتها تكلمك "انا لازم افهم الهبله غاده ماتكلم بوجود احد " فهده : انت الحين ماتستحي على وجههك ؟! تكلم بنت عم صديقك ؟! ماعندك دم ولا اخلاق ؟! قلبك ميت ؟! سعود : فهده انا .. والله ماكان قصدي بس الحين غاده بخطر ولازم تساعدينها فهده بخوف : ليش وش فيها غاده ؟! سعود : سارا اكتشفت انها تكلمني وتبي تنتقم مني و منها وتعلم فيصل وتركي فهده : لحظه ... وسارا ليش تبي تنتقم منك ؟! سعود : اممم .. عشاني كنت اكلمها اول فهده : اييييييييييييش ؟! اقول روح عني يلا مارح اساعدكم بالطقاق الي يطقكم كلكم سعود : بلييز فهده غاده محتاجه لك الحين وسارا مارح ترحمها فهده بعد تفكير : بساعدك بس على شرط سعود : الي هو ؟! فهده : تترك غاده سعود : بس .. انا .. فهده : تتركها ولامارح اساعدك سعود : اوكي راح اتركها بس تساعديني اتفقنا فهده : اتفقنا .. عندك رقم سوير ؟! سعود : ايه عندي فهده : خلاص عطني اياه وانا بتصرف عطا سعود فهده الرقم وسكرت فهده الخط ودقت على ساره .. سارا بنعومه "لانها شافت الرقم غريب" : الوو فهده : اهلن اهلن سارا "والصوت العذب كله راح يوم سمعت انها بنت " : مين ؟! فهده : افااا ماعرفتي صوتي ؟! سارا : لا فهده : انا فهده بنت عمك سارا : خير شتبين ؟! فهده بجديه : فكي عن غاده احسن لك سارا : هههههههههه واذا مافكيت وش بتسوين ؟! فهده : اطلع فضايحك كللللها سارا بتردد : اي فضايح ؟! فهده : فضايحك مع سعود سارا : ماتقدرين تثبتين شي فهده : ياحبيبتي انا عندي تسجيلات محادثاتك مع سعود .. سو فكي عن غاده واتركيها بحالها .. ولا هل التسجيلات بتوصل لاخوك متعب سارا : لالالا والي سلمك الا متعب فهده : اجل اتركي غاده لحالها .. عشان اتركك لحالك سارا : اوكي فهده : يلا الحين انقلعي عن وجههي سكرت فهده الخط وقامت تضحك .. "اما ذي البنت غبيه بشكل .. مشت عليها الخدعه .. خخخخ .. خلني ادق على سعودوه واقول له عشان يترك غاده " .. دقت فهده عليه ومارد .. دقت مره ثانيه وثالثه ومارد .. فقررت ترسل له مسج .. "سعود دق علي اوكي " .. نزلت فهده عند ابوها وخالتها وقعدت تسولف معهم رن جوالها .. والمتصل سعود .. قفلت في وجهه وارسلت له مسج " شوي وادق عليك اوكي " .. قعدت فهده وكملت سواليفها عادي .. بعدين رقت غرفتها ودق على سعود .. وقالت له ان كل شي مشى معها تمام والحين لازم هو يكمل الاتفاق ويترك غاده .. لما خلصت فهده من سعود .. قفلت جوالها ونامت .. سعود ارتاح نفسيا وعرف ان سارا .. مارح تكون له تهديد بعد اليوم .. فتح سعود المسجات ولقى المسجين حقين فهده .. ابتسم سعود وطرت على راسه فكره .. "اخيرا لقيت طريقه انتقم فيك منها يافهده" .. دق سعود على غاده .. غاده : الووو هلا حبيبي سعود : هلا والله حبيبتي , كيفك ؟! غاده : الحمد الله تمام , انت ؟! سعود : بخيييير يوم سمعت هل الصوت سعود : غاده ؟! غاده : نعم حبيبي ؟! سعود : ابي اشوفك فيه موضوع مهم لازم اكلمك عنه غاده : وشو الموضوع ؟! سعود : مايصلح بالتلفون لازم اشوفك غاده :طيب عن ايش ؟! سعود : عن فهده غاده : فهده ؟! وش فيها ؟! سعود : مايصلح بالتلفون لازم اشوفك غاده : اوكي بس وين ؟! سعود : قدام ستار بكس ال في شارع ... يلا اشوفك هناك غاده : اوكي مسافه الطريق بس وصلت غاده للموقع وركبت سياره سعود .. غاده : خير وش فيها فهده ؟! عطاها سعود الجوال وقال : شوفي المسجات قرت غاده المسجات : وش معنى هذا ؟! سعود بمكر : فهده تحاول تتلصق فيني وانا احاول ابعد عنها بس هي موراضيه تفهم اني ما احب غيرك ولا ابي غيرك غاده وهي منفعله : فهده ؟! تبيييييك انت بعد ؟! لييييش ماكفاها الي خذت ؟! سعود وهو مو فاهم : وشو الي خذت ؟! الدموع صارت تجري على خد غاده .. "فهده جرحتني مره وتبي تجرحني ثاني ليييييش ؟! ليييييييش تبين تطعنيني وتاخذين مني الي احبه لييش ؟! .. يعني ماكفاها فيصل .. تجي تاخذ مني سعود بس انا مارح اخليها .. ما اكون غاده اذا ما دفعتها الثمن غالي " .. لفت غاده على سعود .. غاده وهي منفعله : عطني جوالك يوم واحد بس !! ابتسم سعود وحس ان خطته بدت تنجح وعطاها الجوال .. نزلت غاده من السياره وطلبت منه انه يروح .. راح سعود .. وطلعت غاده جوالها .. وتذكرت ان مره من المرات فهده استعملت جوال غاده ودقت على نايف .. وغاده خزنت الرقم للاحتياط .. دقت غاده على نايف مره وثانيه وثالثه .. ولا فيه رد .. قامت ارسلت مسج .. "نايف انا غاده الموضوع عن فهده .. رد " وما امدها تدق ثانيه الا ونايف داق .. غاده بتميلح : الووو نايف والخوف بصوته : وش فيها فهده ؟! غاده حز بخاطرها كيف هو يحبها وتخيلت لو سعود مكانه ماسوى ربع هذا.. غاده : انا ابي اقولك شي صراحه انت انسان طيب .. بس تدري لازم اشوفك نايف : ماراح تشوفيني ولا شي .. اذا عندك شي قوليه هنا .. ماشفت فهده برا عشان اشوفك غاده : لااازم ضروووري نايف : فهده فيها شي ؟! غاده : ايه .. نايف : خلاص انتي وينك فيه ؟! غاده : انا بستار بكس الي بشارع ... نايف : اوكي ثواني واكون عندك نايف حب يتاكد .. فدق على فهده وكان جوالها مغلق .. خاف نايف اكثر عليها وراح لغاده .. وقف سيارته البنتلي السودا .. جت غاده وهي تمشي بنعومه وتتميلح .. فتح نايف السباك بدون مايناظرها .. نايف : اخلصي فهده وش فيها ؟! غاده : هاااه .. لا مافيها شي .. نايف : تكلمي لا اوريك شغلك غاده : فهده تكلم غيرك نايف : هههههههههههههههههههههههههههههههههههههههههههههههههه هههههه الحين انا ماكلمتني لين صرت خطيبها .. تقولين تكلم غيري !! .. صدق عافانا الله .. "ويقوم يصك الشباك " عصبت غاده وقامت تطق الشباك .. نايف : ماعندك كرامه انتي ؟! رمت غاده الجوال عنده وقالت : اقرا .. هذا جوال الولد انا جايبته نايف : وانتي ايش ؟! فاعله خير مثلا ؟! غاده : لا .. الولد حبيبي وهي قاعده تتميلح عليه نايف : بالله ؟! .. يلا يلا بس خذي جوالك وفكيني من وجهك .. غاده : دامك متاكد اقرا ويقرا نايف المسج .. " سعود دق علي اوكي " .. "شوي واكلمك اوكي" .. نايف : وش معنى هل المسج ؟! غاده : حبيبي يقول مابي اكلمك وهي تقوله لا لازم اكلمك نايف حس كأن جبل طاح على راسه .. حس ان الدنيا تدور فيه .. حس ان احلامه تحطمت .. شغل نايف سيارته وقام يمشي باعلى سرعه في شوراع الرياض ..ويبكي ويتحسر على اللي ضيعه من عمره .. ملكتهم الاسبوع الجاي ..كان خلاص تصير زوجته على سنه الله ورسوله .. حمد ربه انه فضحها قبل ماياخذها .. وماشي سرحان في طريق الملك عبدالله .. يتذكر كلام فهده له..كيف استحت لما قال لها احبك بالتليفون .. كيف كان يرسلها بوكيه ورد كل يوم ..تذكر بـ عيد ميلاده لما عطت اخته عنود هديه له .. وهي ساعه .. يناظر الساعه بيده .. ويرميها .. فجاءه دق جواله .. ناظر الاسم .. "حبيبتي" .. قعد يناظر الاسم وهو سرحااان .. والدموع تنزل من عينه .. وهومايحس .. مايدري الا ............................................... فهده كانت تدق عليه .. بس ماكان يرد .. فجاءه تقفل جواله .. استغربت فهده .. دق جوالها وكانت المتصله عنود اخت نايف .. فهده : الوو عنود : فههههههههههههههههههههههههههده فهده : هلا حبيبتي .. ليش نايف مايرد ؟! سمعت فهده شهقه .. عنود : نايف يا فهده .. فهده وقلبها معورها : ايييييييش فيه نايف تكلمي ؟! عنود : نايف سوا حادث و .. كانت هاذي اخر كلمات الي سمعتها فهده .. رمت جوالها ونزلت تحت .. قابلتها مرت ابوها .. ام محمد : وش فيك يا فهده ؟! فهده والدموع بعيونها : نايف سوا حادث و ... فجاءه فهده طاحت بالارض مغمى عليها .. ياترا وش صار لنايف بالحادث ؟! ووش بيصير لفهده ؟! وهل غاده بتنكشف بيوم من الايام ؟! وهل بتحظى بفيصل ؟! كيف راح تكون رده فعل فهده لما تعرف ان غاده هي سبب كل شي صار لنايف ؟! كل هذا بالبارت الاخير ان شاء الله لاتحرموني من الردود   |
| فــهـــده ,, قصه سعوديه رومانسيه |
| |
|
#82
11-06-2007, 08:07 PM
| ||||
| ||||
| رد : فــهـــده ,, قصه سعوديه رومانسيه
مشكوره على التكمله لاطولين علينا اوكي
|
|
#83
11-06-2007, 10:55 PM
| |||
| |||
| رد : فــهـــده ,, قصه سعوديه رومانسيه
اوكي ان شاء الله مارح اتاخر |
|
#84
11-06-2007, 11:40 PM
| ||||
| ||||
| رد : فــهـــده ,, قصه سعوديه رومانسيه
أشكرك على مجهودك الرائع ولاتطولين عليناحبيبتي ياليت تنزلين البارت اليوم أم العيوون السوود ... |
|
#85
11-07-2007, 03:13 AM
| |||
| |||
| رد : فــهـــده ,, قصه سعوديه رومانسيه تسلمين ياقلبي على البارت الحلو ولا تتاخرين علينا |
 | سياسة الخصوصية |  |
العرض العادي
