بحث مخصص
|
| | |
| | |
|
| ||||||
| |||||||
| الملاحظات |
| ||||
 |
| | أدوات الموضوع | انواع عرض الموضوع |
|
#67
11-03-2007, 07:19 PM
| ||||
| ||||
 رد : فــهـــده ,, قصه سعوديه رومانسيه
وينك وين التكمله
 |
|
#68
11-03-2007, 10:19 PM
| |||
| |||
| رد : فــهـــده ,, قصه سعوديه رومانسيه اقتباس:
 اقتباس:
بس ولايهمك راح انزل بارت لكم اقتباس:
|
|
#69
11-03-2007, 10:21 PM
| |||
| |||
| رد : فــهـــده ,, قصه سعوديه رومانسيه البارت السابع عشر فهده حطيت يدي على فمي غاده .. معقوله ؟! .. هاذي البنت الي تحب فيصل ولا يمكن تتخلى عنه ؟! .. حسيت برغبه كبيره بانفجار .. كان ودي اصفقها .. ليش ماصبرت ؟! .. ليش تضيع عمرها على واحد ما يسوى .. فتحت باب الغرفه .. شافتني غاده .. وارتبكت .. غاده : خلاص يا هدى اكلمك بعدين .. كتفت يديني وقمت اطالعها بطرف عين .. ههه .. هدى .. تحسب عمري 8 سنوات هاذي ؟! ... فهده : مين كنتي تكلمين ياغاده ؟! غاده وباين ارتباكها : هااه .. لااا .. هاذي هدى صديقتي فهده : اهاا مشت غاده بتهرب مني .. بس وييييييين تهربين يا غاده .. تعدتني .. ولفيت .. فهده : وسعود ؟! تجمدت غاده في مكانها .. كان ظهرها مقابلني .. بس كنت اشوف انها كانت ترتجف .. لفت علي ببطئ .. وباين على وجهها علامات الصدمه .. قويت نظراتي عليها .. غاده : هااه .. اام .. مين . سـ .. سعود .. انـ .. انا ..مـ .. مدري .. مـين تتكلمين عنه فهده : اتكلم عن الي كنتي تكلمينه قبل .. مو اسمه سعود ؟! حبيبك ؟! غاده : فهده انا .. قاطعتها : انتي ايش ؟! مبسوطه بالي تسوينه هذا ؟! تقولين لي انك تحبين فيصل ؟! وقاعده تكلمين واحد ثاني ؟! غاده بانفعال : بس فيصل يحبك فهده : تستهبلييييييييييييين ؟! فيصل ما يحبني هو كان يظن انه يحبني بس الحين الوضع اختلف لما قلت له انه فيه وحده تحبه !! غاده:....... فهده : ومين تعرفتي على الي اسمه سعود ؟! غاده نزلت راسها : بالمستشفى فهده وعلامات الصدمه في وجهها :لا يكون سعود صديق ... غاده : ايه فهده : ليش ياغاده ؟! غاده : بليييييز فهده لاتعلمين احد بلييييز ان درا اخوي ترا بيذبحني فهده : طيب ليش مافكرتي كذا من الاول الحين خايفه من اهلك ؟! وبعدين قبل ماتخافين من البشر كلهم خافي ربك نزلت غاده راسها .. فهده : لاتخافين انا مارح اعلم احد بس اتمنى انك تتركين هذا الولد قبل مايفوت الفوت طلعت من الغرفه .. وتركت وراي غاده الي عيونها كانت مليانه دموع .. كانت ريم قاعده تنتظر فهده .. "ياربيه هاذي وين راحت ؟! .. كل هل الوقت بالمغاسل .. خلني بس اقوم ادورها " .. طلعت ريم من المجلس .. ودخلت المطبخ عشان تشرب مويه .. شربت ريم المويه .. وقامت تطق اظافرها على الطاوله .. "الحين وينها هاذي ؟! .. يمكن هي طالعه بالحوش " .. فتحت ريم الباب الخارجي حق المطبخ .. وطلعت للحوش .. كان الحوش مررره كبير .. وقامت تدور فيه .. وقفت ريم عند كراج السيارات .. حست بشي يمشي وراها .. لفت ولايطلع لها كلب اسود بوليسي .. ريم لزقت باجدار من الخوف .. وكانت خايفه تصرخ عشان ما يطب عليها الكلب .. قعدت على هل الحاله عشر دقايق .. والدموع كانت تنزل .. والكلب جالس قبالها ويناظرها .. ...: ريم ؟! ريم من الخوف راحت لنواف وضمته .. نواف تفاجئ بحركتها .. بس كان دايخ بقربها .. ريم : نواف بلييز ..شله .. شله عني نواف : ههههههههههه لاتخافين هذا كلبتي ريم وهي مصدومه : كلبتك ؟! نواف : ايه هذي ريتا كلبتي ريم : وكم لها هاذي عندك ؟! نواف : امم من كم شهر تقريبا ريم : وععععع كيف تستحملها نواف : لا والله حليله ما تسوي شي مسالمه بس ان عصبت عصبت ريم : اجل بعدها عني بعدين اخاف تعصب علي نواف : هههههههه ليش تعصب عليك ؟! ريم : مدري نواف : امسحي على راسها والله مارح تسوي شي ريم : لا اخاف تعضني نواف : طيب هاتي يدك وان عظتك فهي بتعضني معك ريم : بتخاطر ؟! نواف : عشانك كل شي يهون ريم حست بخدودها تحمررر .. وعطته يدها .. مسك نواف يدها وحس بشراره في جسمه .. يدها كانت ناعمه وصغيره .. اخذ يدها ومسحها على راس ريتا .. نواف بابتسامه : شفتي ماتعض ريم : ايه قعدوا الاثنين ساكتين .. ونواف كان سرحان في ريم .. "اه ياريم" .. ريم انتبهت له وهو يناظرها .. ريم : وش فيك سرحان ؟! نواف : اتامل جمالك واقول في نفسي يا اني محظوظ اني خذتك ريم استحت ونزلت راسها .. نواف مسك دقنها وحط عينه بيعنها .. نواف : انا ادري انك ماكنتي تبيني اول عشان حركاتي الاولى .. بس يا ريم انا مستعد اتغير عشانك .. انتي وبس ابتسمت ريم .. من هل اللحظه كل مشاعر الكره الي كانت في قلب ريم اختفت ..وتبدلت بمشاعر الحب لنواف .. قطعت سلسله افكارهم صوت جوال نواف .. نواف : اوووف هذا وقته ؟! ضحكت ريم ضحكه خفيفه .. نواف مسك قلبه : اموووووت انا ريم : ههههههه رد رد بس لاتفضحنا نواف : عادي زوجتي وش علي انا من الناس ؟! ريم : ههههههههههههه نواف : خلني ارد على ذا البثر نواف: الوووو وش تبي متعب : اعوووووذ بالله مافي لاسلام ولاشي نواف : ياخي اخلص ماني فاضيلك "وناظر ريم" معي الحبايب متعب وهو يتنهد : ياخي انت متى بتترك عنك هل البنات ذول نواف : ايييييييييييي بنات الله يهداك بس انا قاعد مع زوجتي حبيبتي متعب : صدق والله نواف : ايه والله متعب : وهذوليك ؟! نواف وهو يناظر ريم : من الماضي خلاص متعب : الله يبشرك بالخير , اقول نواف ابوي يدورك تعال نواف : وابوي الله يهديه مالقى يدورني الا الحين ؟! متعب : اقول تعال عطيناك وجهه طووووووووووط نواف : يالله ريم ابوي يدور علي ريم : اوكي باس نواف خد ريم بوسه سريعه وراح لمجلس الرجال .. ريم استحححححت مره من بوسه نواف وحمر وجهها .. حطت يدها على مكان البوسه .. وابتسمت .. ودخلت جوا .. في مجلس الحريم دخلت ريم المجلس والابتسامه شاقه وجهها .. شافت فهده قاعده عل الطرف وجهها معبس .. ريم : وش فيها الحلوة زعلانه ؟! فهده تبي تصرف : لا مافيه شي طفشانه بس ريم : افااا وانا موجوده ؟! فهده : وانتي اصلا كنتي موجوده ؟! لك نص ساعه غايبه وين كنتي فيه ؟! ريم وهي نص سرحانه : كنت في مكان عجيب فهده : وين ؟! ريم : الحوش فهده باستغراب : والحين الحوش مكان عجيب ؟! ريك : الحين اقولك السالفه وقالت ريم كل السالفه لفهده ... فهده : هههههههههههههههههههههههههههههههههههههههههههههههههه هههه ياسلام على المووووووووووقف الحمدالله يارب الحمد الله استجااااااب لدعائي وصار لك موقف محرررررررررج الحممممممممممدالله ريم : يختي اهون من مواقفك مع ال احم احم فهده : اقول وش رايك تنطمين ؟! ريم : هههههههههه خلاص خلاص بنطم جت الساعه 1 ونص وراحوا الجميع لبيوتهم .. دخلت ريم غرفتها وهي تفكر بنواف .. فجاءه رن حوالها .. كان رقم غريب .. اول مره ماردت .. ثاني وثالث .. لين قررت ترد .. ريم : الوو ..: مساء الخير ريم من عرفت الصوت ابتسمت : اي مساء النور قول صباح الخير نواف : خلاص ولايهمك صباح الخير ريم : ههههه صباح النور نواف : كيفك ؟! ريم : تمام , انت ؟! نواف : صرت تماااام يوم سمعت صوتك ريم : هههههه قعدوا الاثنين يسولفون لين ماطلع النور .. بعد مرور اسبوعين يوم الخميس كانت ام محمد قاعده بالصاله ومعها فهده .. رن التليفون .. ردت ام محمد .. ام محمد : الوو ام سلطان : الوو هذا بيت سالم ال... ام محمد : ايه ام سلطان : انا نوره ال... زوجه راشد ال... ام محمد : ياهلا والله ام سلطان : انا داقه عشاني ابي بنتكم فهده لولدي نايف وقلت ادق واخذ رائيكم قبل ما اجي اخطب رسمي ام محمد : والله انا بسال الابو وبسال البنت وان شاء الله برد لك خبر فهده كانت قاعده وماسكه الريموت وهي تناظر خالتها ورافعه حاجب .. رائيي ؟! بايش ؟! سكرت ام محمد الخط .. ولقتها فهده فرصه تشوف وش السالفه .. فهده : مين كان على التليفون ؟! ام محمد : هاذي ام سلطان فهده باستغراب : مين ام سلطان ؟! ام محمد : ام سلطان ال ... فهده ولسا مستغربه : طيب وش تبي ؟! ام محمد : اذا جا ابوك قلت لك فهده : اوكي |
|
#70
11-03-2007, 10:26 PM
| |||
| |||
| رد : فــهـــده ,, قصه سعوديه رومانسيه
... : السلام عليكم ام محمد وفهده : وعليكم السلام ابو محمد : اااااااااه قومي يا ام محمد حطي العشا ترا حدي جوعان ام محمد : من عيوني حطت ام محمد العشا وتعشوا .. جت بتقوم فهده .. قعدتها ام محمد .. ام محمد : اقول ابو محمد اليوم اتصلت ام سلطان ال... ابو محمد : ايه ؟! ام محمد : تقول تبي تخطب فهده لولدها نايف فهده كانت تشرب مويه ولما سمعت نايف شرقت .. فهده : كح كح كح مييييين ؟! ام محمد : ولدها نايف اصتبغ وجه فهده الوان .. "نايف .. جاي يخطبني انا ؟! .. اهااااا الحين فهمت .. عشان كذا قال لي ردي علي الخميس " .. ابو محمد : زوج ام سلطان اسمه راشد ال... ام محمد : ايه ابو محمد : ايييييه هذا اعرفه كان يجلس معنا بالديوانيه اول وصراحه هل الرجل خلوق ومن عايله طيبه وغنيه فهده : يعني كنت صاحبه اول ؟! ابو محمد : لا كان بيننها علاقه شبه سطحيه بس كان معروف باخلاقه ونسبه الطيب , انا من جهتي موافق بس في كل الاحوال الراي رايك يابنتي فهده وهي محمره خدودها : عطني وقت افكر ابو محمد : من حقك يا بنتي بس ترا انا اقولها لك عيال راشد مارح تلقين مثلهم اخلاق وسمعه طيبه فهده : ان شاء الله بس عطني كم يوم افكر ابو محمد : خلاص يا بنتي على راحتك خذي الوقت الي يريحك فهده بابتسامه : اوكي قامت فهده من طاوله الطعام وراحت لغرفتها .. سكرت فهده الباب وتنهدت بقوه .. فكره انه نايف بيخطبها ماخطرت على بالها ابد .. حست بدوار .. كانت بحاجه انها تكلم احد .. اخذت فهده جوالها ودقت على مها .. مها : الوو فهده : مهااااااااااااااااااا ياحمااااااااااره لييييييش ماقلتي لييييي مها : اجل خالتي ام سلطان دقت ههههههههه فهده : مها ياحماره والله مايضحك ليش ماقلتي لي مها : نايف قال لي ما اقول شي فهده : مها هذا موضوع كبير تعرفين وشلون كبير يعني لازم تقولينه لي مها : فهده يا حبيبتي ابسالك سؤال انتي تحبين نايف ولالا ؟! فهده : هاااه .. امم .. مدري مها : تبين تتزوجينه ؟! فهده : مها انا بكذب عليك اذا قلت اني ما ابيه مها : طيب والمشكله ؟! فهده : انك ماقلتي لي عشان اتحضر نفسيا تو شرقت بالمويه لما قالت لي خالتي ام محمد مها بنتهد : عادي يا بنت لاتكبرين الموضوع فهده : داريه ان ابوي يعرف ابوه مها : امااااااااااانه فهده : والله مها : فلله كذا توفرون علينا وقت السؤال فهده : هههههههههههههه وانتي وش دخلك بينهم ؟! مها : افاااا انا المستشاره الرسميه لنايف هع فهده : ههههههههههههههه سكوت فهده : مها مها : هلاا فهده : اوافق ولالا ؟! مها : اسمعي فهده على قد ما ابي اجاوب على السؤال انا مااقدر اقولك توافقين ولالا لانه بالنهايه هاذي حياتك وانتي الي تختارين قراراتك , بس صدقيني يافهده نايف انسان خلوق ورجاال بمعنى الكلمه وشخصيته قويه وفي نفس الوقت قلبه حنون وطيب وفوق كذا ابوك يعرف عائلته ويثق فيها انتي فكري فيها وقولي لي تبينه ولالا فهده بصوت خافت : ابيه مها : كلولولولولوووووووووووووش الف الصلاه والسلااام عليييك ياحبيب الله محمد كلولولولووووووووووش فهده ووجهها محمر : يا بنت اووووووووص مها : خليني افرررررح فهده صديقتي الصدوقه بتاخذ ولد خالتي صديقي الصدوق فهده : هههههههههههههههه مها : متى بتقولين لاهلك ؟! فهده : بكرا مها : اوكي حلوو ااه ياليتني عايشه بالرياض عشان اشوف خطبتك ابي اشوف وجههك خخخخخخخخخ فهده : الحمد الله انك مو هنا كان انواع التعليقات مها : ههههههههههههه فهده : هههههههههههههههههههه بعد اسبوع يوم الخميس يوم خطبه فهده ابو محمد : فهده يلا يا بنتي الجماعه تنتظرك فهده : جاااايه فهده : ياربيه ريم تكفين روحي بدالي ريم : تستهبلييييييين انتي انا الي بتزوج ولا انتي فهده : مدري خايفه ريم : اقول يلا امشي قدامي بلا دلع بنات فهده : طيب اعوذ بالله نزلت فهده تحت وسلمت على ام سلطان والعنود .. ام سلطان انهبلت على فهده "بعذره ولدي منهبل عليها .. ماشاء الله " .. اخذت فهده العصير ودخلت فيه عند الرجال ..لما دخلت فهده وشافت نايف .. قلبها قام يدق بسرعه .. كان لابس ثوب وشماغ ومرسم .. لما شافها نايف قلبه فز من مكانه .. كان شكلها رووعه .. واحلوت اكثر .. قدمت فهده العصير وقعدت جنب ابوها .. مرت الخطبه على خير .. بعد مرور اسبوعين يوم زواج ريم كانت ريم قاعده في الغرفه ومعها امها وخواتها .. كانت ريم لابسه فستان الزواج وكانت مسويه تسريحه رووعه .. رافعه شعرها كله ومنزله خصل منه طالع شكلها كيووت مره .. وكانت امها جنبها تبكي .. ام ريم : والله كبرتي يابنتي وبتروحين وبتتركيني ريم والعبره خانقتها : وين بروح اتركك يا ماما كلها شهر وراجعه لك ان شاء الله ام ريم : بس ولو يابنتي بتفارقيني وقام الكل يبكي .. دخلت عليهم مشرفة الزواج .. المشرفه : يلا هلاء الزفه بتبدا ريم : اوكي بدت موسيقى ناعمه .. الجميع انظاره كانت على ريم .. ريم كانت خاااايفه مرره لدرجه انه رجولها مو قادره تمسكها اكثر ..التفت على يمينها لقت فهده تبتسم لها ابتسامه تشجيع .. ارتاحت ريم شوي .. ومشت للكوشه .. قعدت ريم على الكنبه .. والجميع كانت انظاره عليها .. ابتسمت ريم .. وجت امها وخواتها عشان يباركون لها .. نوف وهي تصيح : ريم يا دبه بتروحين وبتتركيني ؟! ريم وفيها الصيحه : خلاص نوف لاتقولين كذا ترا بالياله انا ماسكه اعصابي لاتخليني شلالاتي تتدفق نوف : ههههههههه اوكي بحاول فهده : مبروووووووووك ياعروسه للمره الخمسييين ههههههههه ريم : الله يبارك فيك للمره الخمسين هههههههههههه فهده : الله الله ايه الحلاوه دي طالعه احلى مني ريم : ههههههههههه مشكوره وانتي بعد شكلك روووعه فهده : شكرا احم احم ريم : هههههههههه فهده : يلاا الحين بيزفون زوجك انا بروح اقعد هناك ان خفتي طالعيني بس ريم : ههههههههههه ان شاء الله دخل نواف ومعه ابوه واخوه متعب وفيصل وابو ريم .. كان شكله بالبشت رووووعه البنات انهبلوا عليه .. وهو ماناظرهم .. كل نظره كان على ريم .. ريم وبس .. قعد نواف جنب ريم وجا ابو ريم وباركلهم .. ابو ريم : مبروك يا بنتي ريم وخانقتها العبره : الله يبارك فيك بابا ابو ريم: مبروك ياولدي نواف: الله يبارك فيك عمي ابو ريم : اسمع ياولدي انا اعطيتك ريم امانه انتبه عليها ودير بالك عليها نواف : تامر امر ياعمي الجميع جا وبارك للعروسين .. الحين صار وقت ان نواف وريم يروحون .. وقفت ريم تودع اختها و امها .. والشلالات تتدفق .. جات فهده ضمت ريم باقوى ماعندها .. فهده : بتوحشيني يادبه ريم : وانتي اكثر فهده : شهر يالظالمه بتخليني ؟! ريم : وش اسوي فهده :يلا ان شاء الله ترجعين لنا بالسلامه ريم : ان شاء الله فهده : لا تنسين تدقين علي ريم : ان شاء الله من عيوني ابو ريم : يلا يابنتي ياريم زوجك ينتظرك ريم : ان شاء الله يا بابا جيت ضمت ريم فهده لاخر مره وسلمت على امها واختها وطلعت .. فهده كانت تمشي والانظار عليها .. الجميع كان معجب فيها ويسال مين بنته .. سارا تظايقت من فهده الي سلبت الانوار منها وراحت للحمامات ..((اكرمكم الله)) وهي معصبه عل الاخير .. غاده كانت قاعده تسولف مع وحده .. حست جوالها يرن .. شافت المتصل لقته سعود .. استاذنت غاده من البنت الي كانت قاعده معها وراحت للحمامات .. ((اكرمكم الله)) .. دخلت غاده للحمام ودقت على سعود .. " الوو سعود انا الحين بزواج بنت عمي .. ياخي انت ناوي تفضحني زي المره الي فاتت مع فهده .. اووه ادري انك كنت مشتاق لي وانا بعد مشتاقه لك اكثر .. طيب لما ارجع راح ادق عليك اوكي .. يلا باي " طلعت غاده وهي ماكانت ملاحظه ان سارا كانت جوا التواليت .. وانها سمعت كل كلمه قالتها .. فتحت سارا الباب وابتسمت .. "اجل انتي يا غويد الي ماخذه حبيبي مني .. بس هين وين بتروحين مني .. محد يقرب من اغراضي ويطلع سالم .. انا اوريك ياسارقه الرجال" .. ياترا ايش الحياه مخبيه لفهده ونايف ؟!وهل حب نواف وريم راح يدوم ؟! وهل نواف صدق تغير ؟! ووش مصير غاده لماعرفت سارا انها هي الي ماخذه سعود منها ؟! كل هذا بالبارت الجاي ولاتحرموني من الردود والتوقعات |
 | سياسة الخصوصية |  |
العرض العادي
