المنتديات
اجعلنا صفحة البداية
اضفنا للمفضله
المنتديات
|
#51
31-10-07, 02:51 PM
|
|||||||||
|
|||||||||
فــهـــده ,, قصه سعوديه رومانسيه
اقتباس:
اقتباس:
اقتباس:
مشكووور :) اقتباس:
وان شاء الله مارح اتاخر :)
|
|
#52
31-10-07, 02:57 PM
|
||||
|
||||
رد : فــهـــده ,, قصه سعوديه رومانسيه
البارت الخامس عشر
بعد مرور ثلاثه اسابيع اول يوم دراسي الساعه 6 صباحا ...: ماما فهده ماما فهده قومي يلا مدرسه فهده : اوووه فيه احد يروح للمدرسه اول يوم ؟!!!! قامت الشغاله تناظر فهده باستغراب فهده : اوكي اوكي الحين بجي اوووف طلعت الشغاله .. وقامت فهده من سريرها وراحت للحمام (اكرمكم الله) .. وغسلت وجهها وفرشت اسنانها وتوضت .. وطلعت من الحمام (اكرمكم الله) .. وصلت الفجر ولبست المريول .. قعدت تضبط بشعرها .. فكته وخلته وايفي .. نزلت فهده تحت لقت ابوها وخالتها واخوانها يفطرون .. فهده : صباح الخير الجميع : صباح النور ابوها : جاهزه لاول يوم مدرسه ؟! فهده وهي تبتسم : ايه بابا فطرت فهده وخلصت فطورها وراحت تجيب عبايتها من فوق .. دخلت فهده غرفتها .. وشافت الورقه الي فيها ايميل نايف .. مسكتها فهده وقامت تناظرها .. من ثلاثه اسابيع والايميل عندها وكانت متردده .. اضيفه ولا لا .. اقوله اني فهده ولالا .. تنهدت فهده وقالت في نفسها انها بتقرر لما ترجع من المدرسه .. وحطت الورقه بالدرج .. واخذت عبايتها ونزلت .. وصلت فهده المدرسه متاخره .. دخلت فهده الفصل .. وكان مليان طالبات .. والانظار كلها عليها .. فهده : السلام عليكم الجميع : وعليكم السلام لقت لها مكان في اخر الفصل .. "حلو لقيت لي مكان ورا" .. التفت فهده ولقت ساراتناظرها وهي متفاجئه .. وشلتها يطالعونها من فوق لتحت .. ابتسمت فهده ابتسامه ثقه ورفعت راسها ومشت لمكانها .. بالجامعه ريم كانت تمشي بكسل شديد " اففففف انا مين حادني ومخليني اجي الجامعه " في الطريق طلعت لها صديقتها ليان .. ليان : هلا والله بالعروس ريم ابتسمت ابتسامه بالغصب : هلا ليان ليان :مبروووك ريم ماقدرت تستحمل اكثر : علىىىىىىى اييييييش مبروووووك ليان : ليييييييش ؟! ريم : ماابيييييه ماابييييييه ليان : هاه ليش ما تبينه ريم : مغزلجي راعي بنات وع ليان : طيب هو حلو ؟! ريم بتردد : ايه ما عليه ليان : طيب عادي تجيبين صورته ؟! ريم وهي رافعه حاجب : ليش وش تبين فيها ؟! ليان : ابي اشوفه ريم : طيب بكره بجيب لك صوره ليان اوكي بالمدرسه مر اليوم بملل شدييد .. تعرفت فهده على بنت حليله وقعدت معها .. بس دايما اول يوم يكون اسوء ايام المدرسه .. رجعت فهده من المدرسه وهي مهدود حيلها .. طلعت لغرفتها ونامت .. الساعه 6 المغرب قامت فهده على صوت جوالها .. فهده : الووو ..: صحيتك ؟! فهده : لا عادي كيفك ريم ؟! ريم : الحمد الله تمام و انتي ؟! فهده : انا ماشي الحال ريم : كيف اول يوم معك ؟! فهده : افففففف اسكتي كان اشين يوم ريم : هههه ليش ؟! فهده : اولا اول يوم دايم ممل ثانيا انا جديده بالمدرسه ثالثا سارا تدرس معي ريم : الله يعينك هل البنت غثيثه فهده : اليوم كله تناظرني باحتقار هي وصديقاتها ريم : طنشيها زين هي كذا ناااقصه فهده : الله يعينها على نفسها ريم : امييين فهده : اقول كيف كان اول يوم لك بالجامعه ريم : والله ما عليه كانت معي وحده من صديقاتي وباركت لي عل الزواج وكذا فهده : اهاا وانتي وش رديتي عليها لما باركت لك ؟! ريم : قلت على ايييش !! فهده : هههههههههههههههههههههههه ياحليلك ماتقتنعين ابد ريم : لا وطلبت اجيب لها صوره له من وين بلقا صوره له بالله ؟! فهده : ماعندكم صور فيها هو ؟! ريم : فييه صوره له هو وفيصل فهده : طيب خذيها ريم : اوكي باخذها وامري لله بعد صمت طويل فهده : ريم ؟! ريم : هلا فهده : اقولك شي بس ماتسوين دراما ؟! ريم : وش قالولك عني ؟! المهم وشو الي بتقولينه ؟! فهده : ما ابي احد يدري ريموه ريم : اوكي بس انتي قولي فهده قالت لريم كل السوالف الي صارت بجده وايميل نايف ريم : اوف اوف اوف كل هذا يصير من ورااااي ؟! فهده : لا يططللللللع ريم : ان شاء الله مارح يطلع بس تعالي انتي الحين وش تبين بالايميل ؟! فهده : ابي اعرف وش سر النك نايم حقه بس مدري وشلون,اكلمه على اني انا ولا وحده ثانيه ؟! ريم : اممممم انا اقول ضيفيه ولا تقولين انك فهده فهده : طيب بس هو الولد مو غبي راح يسالني كيف عرفت ايميله وكذا ريم : قولي له انك وحده من صديقات مها وانك لقيتي ايميلها مفتوح واخذتي الايميل فهده : والله فكره مش بطاله ريم : اعجبك انا اوووم الافكار فهده : مع انه ما يبان عليك ابد ريم : اييه عشاني انا ما احب هل الاشياء بس عشان موقفك انا متفهمته واحس ان قصه النك نايم لها علاقه فيك فهده : وشلون تكون لهل النك نايم علاقه فيني ؟! ريم : ههههههههههههه بتعرفين مع الوقت فهده : الحمد الله والشكر ريم : ايه بكره بنشوف مين بيتحمد عل الثاني فهده : اممم طيب نشوف ريم : يلا حبيبتي فهيده انا بطلع الحين اكلمك بكره واشوف وش صار معك فهده : اوكي ريم : يلا باي فهده : باي سكرت فهده جوالها .. وتنسندت على خشبه السرير .. "الحين وش قصدها ريم ؟! , الله يشفيها هل البنت , الافلام صدق ماثره بعقليتها هي ومها .. بس معقوله هم يشوفون شي انا ما اشوفه ؟! .. واذا صار فيه شي اليش انا ما اقدر اشوفه مثلهم ؟! " التفتت فهده على الاب توب حقها .. " مافيه الا طريقه وحده اعرف فيها" .. راحت فهده واخذت لاب توبهاوالورقه الي فيها الايميل .. فتحت فهده ايميلها الثاني عشان مايعرفها نايف .. واضافت نايف .. مالها الا ثواني ويطلع لها نايف متصل .. ترددت فهده .. حست بخوف فجاءه .. ططن .. حبيتها حيل : مييييين ؟! فهده بلعت ريقها قبل ما ترد غموضه ذبحني : انا لانا وانت مين ؟! حبيتها حيل : انا نايف , ممكن اسالك من وين جبتي الايميل ؟! غموضه ذبحني : انا وحده من صديقات مها اخذت الايميل من عندها حبيتها حيل : اهاا طيب هي سمحت لك ؟! غموضه ذبحني : الحقيقه هي ماتدري اني اخذت الايميل حبيتها حيل : اهااا اجل سرقتيييييييه غموضه ذبحني : اييه بس ياليت ماتقولها شي لاني اخاف تزعل مني حبيتها حيل : هههههههههههههههه ان شاء الله سرك في بير لا تخافين غموضه ذبحني : ثااانكس حبيتها حيل : ولكم فهده قعدت تسولف مع نايف عادي .. اول شي تكسب ثقته بعدين تساله .. بس مو اليوم بعدين لما يثق فيها .. مرت الساعات بسرعه وهم يسولفون .. فهده حست بالراحه مع نايف .. كان محترم .. وحليل وخفيف دم .. بس تذكرت انه يحسبها بنت ثانيه .. تالمت فهده شوي بعدين تناست الالم لما كملت السوالف معاه .. في بيت ابو تركي كانت غاده توها مخلصه مكالمتها مع سعود .. طبعا قال لها نفس الكلام الي تسمعه دايم .. بس هي ما كانت تهتم .. هي كانت سعيده ان فيه احد معوضها عن فيصل .. "بس هذا الي اسويه غلط " .. تذكرت غاده كلمه احبك الي قالها لفهده .. حست بغصه .."ااااه يا فيصل لو انك تحس فيني " .. حست غاده بالدموع تتجمع في عيونها .. بكت غاده .. زي كل مره لما تتذكر كلمه "احبك" .. بيت ابو محمد جت الساعه 12 باليل .. وفهده كانت لسا تتكلم مع نايف ..كل لحظه تمر وهي تسولف معاه .. كانت تخليها تتعلق اكثر فيه .. بس طبعا هي تنكرها .. حست فهده بالنعاس . واستاذنت من نايف وطلعت .. ونامت والابتسامه بوجهها ..
|
|
#53
31-10-07, 02:59 PM
|
||||
|
||||
|
رد : فــهـــده ,, قصه سعوديه رومانسيه
نايف
شكيت بهل البنت .. اسلوبها موب غريب علي .. ادق على مها واسالها ؟! .. لابس انا وعدت البنت اني ما اقول لمها شي .. بس بدق على مها واحاول ما اوضح لها .. مسكت جوالي ودقيت على مها .. مها : الوووووو هلا والله بالقاطع نايف : هلااا مها مها : كانك نسيتنا يوم رجعت الرياض ؟! نايف : هههههههه معليش اعذريني مشاغل مها : يلا سلام الي يسمعك يقول تشتغل نايف : مو شرط مشغول بشغل مشغول بالدراسه مها : طيب طيب طيب نايف : اقول مهاوي مها : هلا نايف : فيه احد ماخذ ايميلي ؟! مها : اممم ايه فيه نايف بحماس : ميييين ؟! مها : فهيده ؟! نايف وهو مصدوم : فهده !! مها : ايه ,اقول نايف ليش كانت تبي ايميلك ؟! نايف : لا لا ولا شي يلا مهاوي اكلمك بعدين طوووووووووووط يوم الاحد الساعه 6 صباحا قامت فهده على صوت الشغاله .. الشغاله : يلا ماما فهده مدرسه مدرسه فهده : طيب طيب قمت اعوذ بالله ترا المدرسه مارح تطير قامت فهده تجر نفسها للحمام ..((اكرمكم الله)) .. اكره شي عند فهده كانت قومه الصبح .. راحت فهده غسلت ولبست .. ونزلت فطرت وراحت للمدرسه .. في المدرسه دخلت فهده الفصل بكسل شدييد .. كانت توها ماخذه تهزئيه محترمه من الوكيله عشان التاخير .. الاستاذه : ماشاء الله ثاني يوم وجايه متاخره فهده وهي مالها خلق : طيب مارح اتاخر ثانيه وقفت سارا وقالت : في احد لازم يحترم مواعيد المدرسه ولا لايجي فهده ناظرتها باحتقار : طيب اذا انتي كلموك تكلمي اوكي ؟! جت سارا بترد قاطعتها الاستاذه : بسسس ايش هذا سارا اقعدي انتي محد كلمك وفهده روحي مكانك ولا تتاخرين مره ثانيه فاهمه ؟! فهده : اوكي قعدت فهده مكانها وهمست في اذنها هديل : انتي مجنونه تردين على سارا ؟! ترا تحطك براسها ناظرتها فهده بتعجب : طيب خليها تحطني موخايفه منها ولامن الي جابوها شهقت هديل : انتي مجنونه والله كان تخلي حياتك سودا ضحكت فهده بسخريه : تستهبليين انتي ؟! خايفه من هاذي الي ما تسوى ظفر مني وبعدين حتى لو حطتني براسها على قولتك مارح تقدر تسوي لي شي لانها وللاسف بنت عمي هديل : بنننننننننت عممممممممك !! فهده : يب هديل : طيب ليش هي تكرهك كذا ؟! فهده بابتسامه ثقه : الغيره وما تسوي الاستاذه : فهده وهديل بطلوا كلام فهده وهديل : اوكي بالجامعه ريم كانت توها طالعه من محاظرتها .. "افففففففففف مابغت تخلص هل المحاظره ماصارت" .. ...: ريم ريم ريم : هلا ليان ليان : كيفك اليوم ؟! ريم : ماشي الحال ليان : عسى ماشر ريم : لا بس امس مانمت زين ليان بخبث : تفكرين بزوج المستقبل ؟! ريم ظربت ليان : الللللله يحوم كبدك قولي عذاب المستقبل ليان : اوووف كل هذا فيه والله حرام عليك عطيه فرصه سكتت ريم .. ومشوا البنتين عند شلتهم .. ريم : هاي بنات البنات : هلاا والله البنات وهم يزغلطون : مبرووووووووووك كلولولولولوووووووووويش ريم وهي منصدمه : اووووووووص فضحتوني عند العالم البنات : هههههههههههههههههه ليان : اييه صح على هل الطاري جبتي صوره زوج المستقبل ؟! ريم وهي تناظر ليان باحتقار : ايه ليان : ورينا يلااا ريم وهي تطلع الصوره من شنطتها : طيب اف مفشوحه البنات : ههههههههههه طلعت ريم الصوره وسحبتها ومنها ليان ... ليان : اي واحد فيهم زوجك ؟! ريم وهي تاشر على نواف : هذا ليان : يااااااااااااااااااااااي الله ياخذك ماتبييييييين هذا ؟! البنات طبوا وشافوا الصوره مع ليان .. لاما : واااااااااااااااااااااو يا ريم يا كلبه ماشاء الله عليك ياخذ العقل رنيم : اذا ماتبينه اعطيني اياه فجاه ريم حست بغيره وسحبت الصوره منهم : يلا بس ظفي وجهك انتي وياها رنيم : هههههههههههههه هاااااااه بدينا نغااار ريم : ووعع على ايش البنات : هههههههههههههههههههههههههههه ريم باستغراب : وشو ؟! البنات : هههههههه ولاشي ريم وهي تمشي لمحاظرتها : الحمدالله والشكر بالمدرسه الفسحه كانت سارا ونوف قاعدين بعيد عن شلتهم .. نوف : هاه عرفتي شي ؟! سارا : لا لسا , بديت احس انه البنت مو من بنات المدرسه لانهم اصلا يخافون مني نوف : انا قلت لك يمكن من بنات عمي سارا : بس بنات عمي معقدين نوف : بس احنا ماندري فهده معقده ولالا سارا : معنى كلامك ؟! نوف : يمكن فهده هي الي ماخذه سعود منك سارا : ظنك ؟! نوف : مدري بس فيه احتمال سارا : طيب انا بخلي وحده من صديقاتي تتقرب منها وتعرف واذا طلعت هي يا ويلها مني نوف : هههههههه من جد يا ويلها خلص الدوام ورجعت فهده للبيت .. رقت غرفتها .. وغسلت وتغدت ونامت .. قامت فهده المغرب وراسها مصدع كل العاده .. تذكرت نايف وابتسمت .. فتحت الاب توب ودخلت ايميلها ولقته اون لاين .. غموضه ذبحني : هلاااااااااا حبيتها حيل : هلااا والله غموضه ذبحني : كيفك ؟! حبيتها حيل : الحمد الله تمام , انتي ؟! غموضه ذبحني : زففففت حبيتها حيل : افاااا عسى ما شر غموضه ذبحني : المدرسه بمووت حبيتها حيل : هههه ليش ؟! غموضه ذبحني : انا البنت الجديده وماعندي صديقات بس علاقه سطحيه مع بنات الفصل وبنت عمي تدرس معي حبيتها حيل : طيب مو هذا شي حلو ان بنت عمك تدرس معك ؟! غموضه ذبحني : لااااااااا وعععع اكرهها وتكرهني ما نداني بعض حبيتها حيل : هههههههههه الله يعينك غموضه ذبحني : امييين سكووووت غموضه ذبحني : اقول نايف عادي اسالك سؤال ؟! حبيتها حيل : تفضلي غموضه ذبحني : مين الي حبيتها حيل ؟! حبيتها حيل : وحده غموضه ذبحني : لا يا شيييخ احسبها ولد حبيتها حيل بمكر : ههههههههههههههه لا بس وحده مااتوقع تعرفينها غموضه ذبحني : طيب اوصف لي اياها ! حبيتها حيل : هل البنت تجنن تهبل تقول للقمر اجلس وانا اجلس محلك وياعليها ثقل يدووووخ انا احس هي تحبني بعد هنا حست فهده بالغيره غموضه ذبحني : وانت وش دراك يمكن هي ما تحبك حبيتها حيل : لو انها ماتحبني كان ماخذت ايميلي فهده تتكلم وهي مو مستوعبه انه يقصدها غموضه ذبحني : ومين هل البنت ؟! حبيتها حيل : انتي انصدمت فهده صدمه قويه حبيتها حيل : حلوة الحركه يافهده فهده صرخت صرخه قويه وصكت نايف بلوك ... ياترا وش بيصير بين فهده ونايف ؟! ووش بيكون شعور فهده تجاه نايف ؟! وهل سارا بتكتشف مين الي ماخذه سعود ؟! وهل غاده راح تترك سعود ؟! كل هذا بالبارت الجاي الردووووود بلييييز :)
|
|
#54
01-11-07, 01:29 AM
|
||||
|
||||
|
رد : فــهـــده ,, قصه سعوديه رومانسيه
مشكووووووووووووووووورة ياقلبي البارت كان حلومررررررررررررة بس بليز لاتتاخرين علينا
|
|
#55
01-11-07, 02:05 AM
|
||||
|
||||
|
رد : فــهـــده ,, قصه سعوديه رومانسيه
تسلم يا بروك على القصة الجميلة وننتظر جديدك يا الغلا الله لا يحرمنا منك
|
النمط المتتابع
