المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
11-09-07, 08:44 PM
| #1 |
| |[ عـضـو مـبــدع ]| الدولة:  روابط إعلانية |  سحالي + غداء بالفيصليه = الله يستر بس تحذيــــــــــــــــــــــــــر يمنع منعا باتا البته قراءه القصه لاي فتاة مبطين متخرجه ولا بعد اعرست تجنبا للانجرافا خلف الروايه في خاطر الكاتبه >> ناقصين انحرافات يحكى انه في سنة 1426 هجري كانت سنة تخرج شلة سحالي يتمتعون بقدر كافي من الغباء والفهاوه كانت هذه الشله تجتمع كل صبا ح لاحتساء القهوه والحلى مع قليل من نبوة السيف والرزيزي كانوا يضعون جدولا دوريا وكل وحدتن ملتزمتن به تحفظه مثل اسمها والا سوف تلقى عقابا رادعا بحقها كان تحرم من شرب القهوه في يومن من الايام الجدول كالتالي الفطور والقهوه على يوم السبت : جهير يوم الاحد:نوير يوم الاثنين: ماعندهم شي ( اوف) يوم الثلاثا : مي يوم الاربعاء: لطيفه الملقبه ب (لطيف) في يوم من الايام وهن جالسات عند احد القاعات يتقهون ويبلعن قالت نوير:: ياسلام اخيرا بنتخرج وتفرج واعرس >> اهلها حالفين ماتعرس لين تخلص دراستها والله ياهلها نشبه بعد مي:: أي والله بنتخرج ونتوظف ان شاءالله جهير: تكفين هالوظيفه اللي تحتريس عاد لطيفه : الا وراه مانتقاط باخر مكافاه وندخل سوق الاسهم يمدحونه يقولون فيه ربحن موب صاحي خاصه اذا كان الواحد يعرف له حامور والا شي <<<< من حينها بزنس جهير : اقول بنات يالله يالله بدت المحاضره سرينا مي : بنات عندي فوكره ( خطه)الساعه الحين 12 والمحاضره ماتخلص الا الساعه 3 وشرايكم تطلعون معي يودينا السواق للفيصليه نتغدى ونوسع الصدر ثم نتكل على بيوتنا ولا من شاف ولا من دري جهير : لا والله اخاف يدري اخوي ثمن مافيه الا قص رقاب نوير:لا حول اقول وش يدري اخوس يالكمخه كلها ساعتين ونرجع ونحطس اول وحده في بيتكم جهير: << وجه مفهي : هاه والله مدري اصبروا استخير لطيف : اقول تراي طفرانه مامعي الا ريالن مشقوق بتباشرون علي رحت معكم مي البطرانه : ايه بباشر عليكم بس انهجن علي كل وحدتن لقطت عباتها ولبستها وركبن في سيارة مي نوع كامري بوكس انطلقت سيارة الفوركاتس الصد والهجران ماهوب طبعي >> صوت مسجل السياره ااااااااااااااااااااا وووووووووووووووو << سحبت فرامل الاشاره حمرا صوره للبنات وروسهم تهتز من سحبت الفرامل كانهم يقولون موافقين موافقين نوير التفتت يمين ولا عاد قدرت تعدل راسها شافت لها واحدن اطخم يطرح الطير من السما نوير: تومي بيديها لصديقاتها وخشتها مازالت يمين تقل جاها شد عضل ولا عاد قدرت تعدله نوير:بنات شوفوا ياملحه تسنه ماجد الشبل <<الله يحوم تسبدس شوهت الرجال نوير:مفهيه وطايحن حنسها ولسانها يتدودل تسنها سلقه لطيف: لا وبعد بي ام ياقلبي قلباه مي: بنات اثقلن قصم الله عماركن لا تطيرن الرجال بشفاحتكن << ليه الخوات بيصدين ضب البنات كل وحده تزبط كشرتها نوير ماعاد قدرت تستحمل وكشفت عن وجهها اللي كنه غطى ببسي منقطم التفتت عليه وهي تنشد: كامل الاوصاف فتني والعيون السود خذوني من هواهم رحت اغني اه ياعيني اه ياليل طن << الاشاره خضرا مشت سيارة البنات وراعي البي ام وراهم شوي الا جمس مليان شباب وراهم وصلت سيارة الفور كاتس للفيصليه وقفت السياره عند البوابه ونزلن البنات يتمخطرن كانهن الطاوس والشباب كل واحدن منهم ينطل اغنيه اسطوريه اتمخطر ياقميل في الساحه واتمشى هنا بالراحه طبعك ياقميل وواحدن ثاني يقول اسمر عبر مثل القمر ......... وهكذا بينما البنات يتمخطرن ويتمرجحن في مشيتهن فجـــــــــــــــــــــــــــــــاه تكرفسسسسسست لطوف قدام الناس (صديقاتها هجن وخلوها) التماسيح: بسم الله عليس جعله في الحارس ولا فيس <<وجه الحارس يقول جعلك الجزام اللي يجزم عمرك لطوف تقوم بسرعه وتنفض الغبار وتلحق صديقاتها لطوف:: ( تناشق وتعبر)يالنجسات يالمخيسات تنحاشون وتخلوني مي: وش نسوي لس يالسبيكه فشلتينا طلعوا البنات فوق للمطاعم وخذن غداهن وراحن يجلسن في قسم العوائل وكل وحدتن فرعت لتفتن الموجودين بكشرتها الحسناء الشاحبه قعدن ياكلن ويكعكعن << يامال الغصه جمبهم طاوله فيها وحدتن مع رجلها وقاعدتن قدامه كنها حارس مرمى تصدد له لايشوفهن وتناظرهن وودها تسحنهن << طيب اذا خايفه على رجلس من زينه وشوله جايبته في هالاماكن المشبوهه المصيبه الادهى في الطاوله الثانيه : ^ ^ ^ ^ او ياللهول اخوجهير مطلع خويته جالسين جمبهم بينما اخو جهير يزقلب وجهه يمنة ويسره ويطالع في بنات خلق الله قز خشة اخته جهير اخو جهير في نفسه : او ماي قود جهير طالعه ومفرعه بعد...اصفر وجهه واصبح كالباذنجان ليلة الضحى وقال لخويته يالله فمان الله << ابو السحبة ياشيخ خويته : وين بدري اخو جهير : بطني يمغصني يبدو انه اسهال مزمن ماقدر اتحمل بروح للبيت خويته : رح رح ماتشوف شراهم شي صحتك <<خافت يسهل عندها وتبلش به ولا جابت معها بامبرز ولا موني نايس نايس احبك اه اسيبك لا << نغمة جوال جهير جهير : يؤ بنات اخوي دق وعوووه والله البلشه وش السواة الحين نوير:ردي ردي كانك في الجامعه جهير( والنفاضه تصقلها صقلا) :الو هلا اخوي اخوها: الله لا يهلي بس جهير: افا وش فيك ياخوي <<في خاطرها تقوله شكله درى اني ادخل شات <<البنت منذ نعومة اظافرها منحله اخلاقيا اخوها : انزلي لعنة الله عليس جهير : وين انزل منه اخوها: انزلي ياملعونة الصير لاجي الحين امردغس بهالعقال قدام خلق الله تراي شايفس يابنت الكلب << قام يخور جهير: طيب طيب طراخ < صكوا السماعه جهير: بنات رحت ملح اخوي كشفني < تلقط شنطتها وتلبس نقابها وتروح تهابد مع الدرج وتشوف اخوها موقف عند البوابه بسيارته الكراسيد 94وتروح ركض وتركب وراء صمت يسود السياره وجه اخو جهير مفعم بالعصبيه وجهير تطقطق اصابعها تعبيرا عن القلق وصلوا البيت فتح باب الانوماتيك ودخل السياره نزل وفصخ عقاله جهير اصفرت وبغى يغمى عليها اخو جهير يفتح باب السياره مانفتح >> جهير قفلت البيبان : اخوها: افتحي لاخلي هالعقال ميداليه في دمجتس جهير : وش فيك ياخوي صل على النبي اخوها : افولس افتحي جهير: الله يهديك ياخوي ترى راس مالها طلعة للفيصليه اجل لو انك شايفنا وحنا نغازل راعي ال بي ام وش بتسوي مصيبه اهون من مصيبه ياخوك << جابت العيد طرااااااااااخ طييييييييييييييييخ طووووووووووخ طوط طوط طوط جهير في العنايه المركزه اخو جهير في السجن ابو وام جهير جتهم جلطه وفطسوا مايستفاد 1 هذا جزاء من ينحاش من المحاضرات 2 نفرض ان يوم الاثنين عندهم دوام من بيجيب الفطور والقهوه 3 نوير عفب ماتخرجت ماعاد جاها عرسان 4 لاتروحين مكان الا معلمتن اهلس 5 اذا كنت ماترضى على اختك فمن باب اولى انك ماترضى على بنات الناس تحياتي: الشاااااااااااااااااااامخ911 __________________  مبروك عليكم الشهر وكل عام وانتم بألف خير |
|  |
|
11-09-07, 09:35 PM
| #2 |
| |[ عـضـو جـديـد ]| الدولة: | رد : سحالي + غداء بالفيصليه = الله يستر بس ههههههههههههههههه الله يرجهم الهبلات لو انا مكانه بجي واجلس معهن واتكي وان قالت كلمه لمختها بالعقال خخخخخخخخخخخخخخ<<< يستغل |
|
| |
|
11-09-07, 10:18 PM
| #3 | |
| |[ عـضـو مـبــدع ]| الدولة: | رد : سحالي + غداء بالفيصليه = الله يستر بس اقتباس:
هلا فيك مجنون غيرة دوم انشاء الله هالضحكة وربي يديم هالتواصل الحلوووووووو ومشكوررررررررررررر ودمت بود تحياتي: الشامخ911 | |
|
| |
|
11-09-07, 10:39 PM
| #4 |
| |[ عـضـو جـديـد ]| الدولة: | رد : سحالي + غداء بالفيصليه = الله يستر بس ههههههههههههههههههههههههههههههههههههه الله يرجك |
|
| |
|
11-09-07, 10:55 PM
| #5 |
| |[ عـضـو مــاسـي ]| الدولة: | رد : سحالي + غداء بالفيصليه = الله يستر بس وااااااااااااو الحمد لله واخيرا خلصت القصه ههههههههههه يعطيك العافيه شموووخ ع القصه الحلوه اجل بيتغدون بالفيصليه اجل خخخخخخخخخ لو هم جالسين عند محاضرتهم ابرك ههههههههههه يسلمووووووووووووووو تقبل مروري |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| بنت سعوديه بالفيصليه مخربتها | انســـىا انســـــآك | نكت × نكت ضحك | 36 | 20-12-09 03:14 PM |
| شي +شي=الله يستر من شي | الهجولي | نكت × نكت ضحك | 21 | 30-11-09 05:58 AM |
| { أبشع جريمة حصلت في ..... } الله لايبلانا انتبهو لبنتكم الله يستر | وردة البنفسج | نكت × نكت ضحك | 32 | 23-08-09 10:56 AM |
