المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
07-09-07, 10:19 AM
| #1 |
| |[ عـضـو مـبــدع ]| الدولة:   روابط إعلانية |  •.♥.• العــريكـــة العــجـيـبــة •.♥.• السلام عليكم .. العريكة هي أكلة شعبية منيب شارح لكم وش تتكون منه لأنه إلين الحين مافيه شي محيرني بحياتي مثل وش هالحاجة البنية اللي نحط جمبها سمن وناكلها بشراهة من غير لانسمّـي..!! رغم ان فيه حاجات كثيرة تشبهها مثل الرضيفة والمشغوثة والمرقوق والمبثوث والمصابيع *.. بس العريكة هي اشهر شي عشان كذا صرت اسميها كلها عريكة ومشّ حالك،، الحين أتحداكم يالقصمان انتم واهل نجد تعرفون وش اقول!!.. أندري عنكم.. خلكم.. تستاهلون.. مسوين فيها ودايم تقولون كلمات مانعرفها.. هيّـــا اقعدوا بها الحين<< ورع في سبيل الله :D :::::::::::::::::::::::::::: كانت أمي الله يخليها لي ويطول بعمرها وياخذ ولدها:D ماتخلينا نروح المدرسة الا مفطرين عريكة.. كل يوم عريكة كل يوم عريكة.. واذا أحد قال مابي والا سوا لك فيها.. تمسكه وتحطه بين رجلينها ثمن تفغص(ن) خدوده إلين تطلع عيونه وبراطمه ثم(ن) تلقّــمه من هالعريكة إلين يقول سااااارعي للمجد والعلياء.. حيث كان الحقو والعدلو نكوووون مع الوقت والمداومة صرنا مدمنين عريكة.. الواحد يقوم من الصبح يتحكحك ويهذري ويصافق براسه في الجدار إلين تجينه العريكة.. ثمن يركد راسه ويرجع طبيعي.. وبعد فترة صار الوضع متأزم.. وقلنا لازم نزيد الجرعة شوي.. فـصرنا نفطر ونتعشا عريكة .. ودنا صراحة يصير غدانا بعد عريكة.. بس أبوي معيي.. يقول الغدا لازم كبسة عشان نحافظ على جنسيتنا السعودية:D.. يقول مالها داعي تخرب العلاقة مع آل سعود عشان حتة عريكة لاراحت ولاجات:D .. قلت يابن الحلال أنا باكلمهم لك وأبو متعب الله يطول في عمره يقول لازم يصير فيه حرية الرأي.. واحنا من حقنا اننا ناكل عريكة.. فـ بأقول لهم ان عدم أكلنا للكبسة ماله أي أهداف سياسية ولاهو عدم موالاة لهم وللدولة السعودية..<--- مفعول العريكة شغّـال كنت أنا أكثر اخواني إدمان عليها.. يمكن لأني كنت دايم أقول مابي!.. وأمي تسوي معي الحركة آنفـة الذكر:o .. عشان كذا صار الإدمان عندي بزود.. ولكن صارت الطامة اللي ماكنت اتوقعها.. والحدث اللي قلب حياتي فوق تحت.. وهو اني صرت عزوبي ولحالي.. وصرت ذاتيّ التغذية.. المشكلة اني ماعرف أسوّي عريكة .. ولا أعرف اسوي شي.. وضاقت بي الرياض بما رحبت.. وصرت أراكض بالشوارع واصارخ.. عريكاااااااااااااه عريكاااااااااااااااه(والله من الهبال.. اذكر كنا نطير من الفرح اذا شفنا سيارة مطافي ونلحق وراها نقطع الاشارات ونهايط ونصارخ.. حريقاااااه حريقااااااه)"تراها الوزن".. المهم.. أضربت عن الأكل والشرب.. نحل جسمي.. وصرت نحيف.. ونفسيتي صارت دمار.. وصرت بس أمشي وأغنّــي: قالوا علامك يالجنوبي توسوس ،،،، حالك نحيل وكثرة الشعر زاده إذا تطيع الشور عزّم وأعرس ،،،، قلت اتركوني مالي في العرس راده اتصلت على أمي وقلت يمه أبي تزوجيني:110103_wedding_prv: وحدة تعرف تسوي عريكة:15_f: الوضع ماعاد ينسكت له.. قالت اعطني خمس دقايق ودق علي يكون الموضوع منتهي (ماعندها وقت ياحبيلها).. واتصل على ابوي واقول : هيه.. اسمع.. علمن ياصلك ويمر من قدام خشمك ويتعداك(مدري ليش اذا صرنا نطالب شي ونحس انه من حقنا.. نقوم نقلّ أدبنا!).. أنا رجال(ن) أبي أتزوج.. قال جملتك فيها غلط :D .. أنا تعفط وجهي وحمقت ثم قلت : طيب.. أنا زلابة(ن) أبي أتزوج... قال : ايه كذا معليش وليه؟ .. قلت : حلوة وليه؟؟ ابي أنــ....احم أبي أنـام بدري(تصـرّفت؟).. قال : احلف انه مهوب عشان العريكة؟:D .. قلت : الا:15_f: .. قال: مع السلامة:D ((ياناس هالآدمي مهوب شايفني أبد.. نعنبوا بليسه أقسم بالله معاملته للشغالة أصرف من معاملته لي<<< بلاه يرجي شي من ورا الشغالة مهوب احسن لك لو يرجيه من وراك:D)).. قفل بوجهي.. وانا طرطعت وقلت اباتزوج... وباتزوج عشان العريكة ولا علي في أحد.. وارجع اتصل على امي.. قلت : بشري؟؟ وش صار على موضوع الرجال؟(مشكلة الضمائر عندنا أزليّــة).. قالت : والله ياحماري مدري وش اقول لك:15_f: "ياحماري على وزن ياوليدي.. بس عائلتنا فيها الرقة والحنان بزيادة الله لايضرنا".. قلت قولي يابعد طوايف حمارتس الصغير:).. قالت : عشرين بنت هالحين خطبتهم لك وكل وحدة تقول للثانية كلي تبن واذلفي يالبَـقَـرة انا اطلق منتس(عزّ الله مدحتي:D).. قلت: زانت علومك.. ايوه؟.. قالت : بس فيهم مشكلة وحدة بس!!.. قلت :لاتقولين مايعرفون يسوون عريكة؟؟ .. قالت : هوَ ذاك !! قلت : هوَ ذاك ؟؟؟؟؟؟؟؟؟؟؟؟؟ أحلىىىىىىىىى ياللي تتكلم فصحى .. قالت: مايمديييييييييك .. قلت : أأأأأأأأأأأأألعن ابو اللغة العربية ياشيخة قسم بالله مالها سنع من غيرك .. قالت : كفاكَ مهايطة(ن) يافتى ودعنا نبحثُ عن حلٍ لمشكلتك يا أتاني العزيز..( طيب قولي ياحماري العزيز.. الأتان مؤنث الله يلعن محو الأمية اللي درستي فيها يابعد عمري انتي:15_ المهم قلت والحل يمه؟ ترا وضعي مايسر عدو ولا صديق.. يمه افهميني.. ابغا عريكة:15_f: .. مافيه أحد بيحس فيني ياناس؟!!.. أريدُ حلاً.. أريدُ حلاً.. أريدُ حلاً..<< ماتريدُ تبناً؟؟ قالت : والله حاسّـة فيك ياخلفهم.. بس وش السواة؟.. الا ورا ما اقول لك طريقة إعداد العريكة وانت تسويها بنفسك؟.. قلت : والله انك جبتيها!!.. قسماً بالله انك جبتيها.. خلاص لقينا الحل.. لا أريدُ حلاً.. لا أريدُ حلاً.. لا أريدُ حلاً<< قايل لك ماتريدُ تبناً؟ وربي اصرف!! رحت جبت ورقة وقلم ومسكت الجوال برقبتي واقول : اها.. ايوه.. اها.. وأنا أكتب(ياناس هالحركة ودي اسويها صدق.. لو مرة وحدة قبل أموت:15_f:).. وجلَـست تشرح لي الطريقة ويوم قضت واقفل منها واروح للسوبرماركت واجيب المقادير(مقادير يا قلب العنا,,مقادير وش ذنبي انا:D).. وارجع الشقة واولّــع القــزّ .. وأسوي عريكة.. آخر فلّــة وآخر روقان.. مشيت حسب الطريقة اللي قالت لي أمي.. وكل شي تمام وماشي أوكي إلييين قربت تزين،، ولكن صار شي غريب.. صارت العريكة كل مالها وتكبر: .. وتكبر .. وتكبر.. وطلعت من القدر.. وتكبر:050103hm_prv:.. ويتغير شكلها.. وتطلع لها يدين ورجلين.. وراس.. وتطلع من القدر على شكل آدميّــة.. أنا مسكت جفوني وجلست أمطهم.. وفكيت لحيي إلين خبط في الأرض.. ودفــيت نفسي إلين خبطت في الجدار... كل هذا عشان اسوّي متفاجئ..(لأن الموقف يستوجب اني اتفاجئ.. بس عجزت اتفاجئ بطريقة طبيعية!!).. طلعت هالعريكة على شكل آدمية ونزلت من القدر وطفت القزّ وحشرتني في الزاوية وقالت لي : ألحين ياملعون الوجه يوم انك مقلق حياتي وماريحتني لا بيوم ولا ليل.. وش قصة أهلك معي؟؟.. أنا اختبصت وضاعت علومي وقمت اناظر فيها ومفتّــح عيوني واصارخ : بلادي بلادي بلاد الشمم ومهد العروبة منذو القدم... وتصكني بطراااااق.. واصير اتكلم بشويش وعيوني باردة وفمي صغير واقول: وذكر مصدرٌ مسؤول بأن تنظيم القاعدة قد يكون له يد في هذه التفجيرات .. من جهة أخرى... وتصمخني بكفّ ثاني.. الا أنا اصارخ وانادي.. ماجد عبدالله ناول.. ناول ياماجد عبدالله.. بلا أنانيّــة... وعدّلت وجهي بكف بعد الا أنا واقف على ركبتيني وماسك يدينها واقول برومنسية: ماريا.. هل تتزوجينني؟:050103hrm_prv:.. من كثر الكفوف والتسطير قلبت راديو يالله الخيرة.. المهم وتشوتني هالعريكة قدامها وتطلعني من الشقة تشويت.. مايمديني أطبّ الأرض الا هي واصلتني وبوووز مرة ثانية.. أقسم بالله حسيت بمعاناة الكورة يوم يشوتها عبدالله الجمعان!.. المهم وتستمر تشوّتني اختنا في الله(اختك في الله؟).. إليـن وصلتني لكودو.. وتدخلني المطعم.. وتطلب لي طلب وتقول : كل يا طوووط(كلام مشفر).. كل.. وانا آكل ومالي حيلة" الحكمة تقول إذا ماقدرت تقاوم.. حاول تستمتع ".. ويوم خلصت أكل وتوديني لبوفيه في أم الحمام وتطلب لي مطبق وكمونية.. وتقول : كل ياورع.. وآآكل .. ونطلع من البوفيه وتوديني بيت الدونات وتطلب لي دونات وتقول: كل يامدمن العريكة.. كل.... وآآكل .. ونطلع من هناك وتوديني لمطعم بخاري في البطحا وتطلب لي نفر لحم .. وتقول : كل يالسعودي.. كل كبسة!!.. أنا أنحشرت وماعاد قدرت آكل شي زود.. وكلما غصيت ترجدني ببقس يخليني أبلع الأكل ولساني والطاولة اللي قدامي بعد!!.. ونطلع من المطعم واتصل على امي واقول يمه الحقيني.. أريدُ حلاً.. أريدُ حلاً.. أريدُ حلاً<<<< يابن الحلال قايل لك يبيلك تبناً.. بس مانت راضي تسمعني وقبل لاترد أمي أو تدري وش السالفة جاتني رفسة من هالعريكة طيرت الجوال من يدي وطيّــرتني أنا إليــن طحت على مدخل مطعم ماما نورة.. وتطلب لي شاورما وتقول: كل ياللي يريدُ حلاً.. كل،،، وانا مابيدي حيلة.. وآكل .. ويوم قضيت وتشوتني لبرا المطعم وتمسكني من ثوبي وتشيلني في السما إلين شفت مصر قدامي... وتقول لي .. شف يابن الناس.. أنا لي سنين وسنين صابرة على حنّــتك وغثاك.. واللي صار لك اليوم بس فتح شهيّــة!!.. وأقسم لك بالله العظيم لو عاد تجيب طاري العريكة على لسانك بعد اليوم لتشوف شي ماعمرك شفته!!... وتفلتني وتختفي وأجاوب على وجهي بالأرض.. وماعاد شفتها أبد .. وأرجع للشقة وأنا اقوم وأطيح.. وآخذ القدر والأغراض وكل اللي اشتريتهم عشان اسوّي العريكة وأوديهم للجمعية الخيرية وأتصل على امي واقول: يمه.. خلاص ... لا أريدُ حلاً.. لا أريدُ حلاً.. لا أريدُ حلاً..<<<< الحين ابشر بالـ تبناً اللي يحبه قلبك :::::::::::::::::::::::::::::::: أبي أعرف شي واحد بس.. الحين انتم يا الي في اصدقاء انتم اخويانا ليه؟؟ بس حقين استهبال وبس؟؟ هاه؟؟ ياخي ترا ذبحنا أكل المطاعم... حسّــوا بمعاناتنا شوي واعزمونا لو يوم بالشهر.. ناكل أكل زي الناس <--- ياخي تزوج وفكنا وعلى فكرة.. ترا رمضان جاااي.. اذا ماغثيتكم وعزمت نفسي الفطور كل يوم عند واحد.. ما أكون نادر ولد المديرة <<<< كع -------- والله تبون الجد؟؟ مشتهي عريييييييييييييكة < ----- بتطلع له البعبع تشوّت فيه بدوي بلبنان مسوّي فيها لبناني : سألوه وين فندق فينسيا قال : هونيك بالدحديرا .. .. ما تضحّك ! : محشّش قالّه ابوه أبشّرك جالك أخو صغير ، قال : بذمّتك لاتقول لأمّي [ خلّها مُفاجأه ] .. .. ما تضحّك ! : تعريف الزوجه : غلطه .. وورطه .. وطول العُمر ربطه .. يا تصيب يا تخيب ياتجيب جلطة .. .. ما تضحّك ! : في وحده سمراء إنتحرت ليش : لأن إسمها [ باسكال ] ومحد مصدّقها .. .. ما تضحّك ! : محشّش كافر طاح وقال: بسم الله .. قال صديقه : حنّا كُفّار لا تقول باسم الله .. قال: ايه صح أستغفر الله .. .. ما تضحّك ! : محشّش يركض بالبيت , صدم امّه قالت له : عمى ما شفتني , قال : شفتك بس ماأدري وين .. .. ما تضحّك ! : ديك يأذّن فوق شجره وتحته ثعلب يوم خلّص الديك قالّه الثعلب ماودّك تنزل نصلّي جماعه .. .. ما تضحّك ! : سامحوني .. * لا تدقـّقون بـِ أسماء الأكلات .. فهي اشبه بـِ اسماء قبايل الجن .! آخر من قام بالتعديل ولد الوزير; بتاريخ 07-09-07 الساعة 10:49 AM. |
|  |
|
13-09-07, 07:02 PM
| #2 |
| |[ عـضـو جـديـد ]| الدولة: | رد : •.♥.• العــريكـــة العــجـيـبــة •.♥.• اخي في الله باللهي عليك انت بتتكلم بانهي لغه |
|
| |
|
14-09-07, 11:10 PM
| #3 |
| |[ عـضـو مـشـارك ]| الدولة: | رد : •.♥.• العــريكـــة العــجـيـبــة •.♥.• شكرأأ على هذا الموضوع لاكن انا ماقريتةولاكتقبل مروري واحنا نتضر الكثير منك تحياتي ريم الغلى |
|
| |
|
15-09-07, 05:52 AM
| #4 |
| |[ عـضـو نـشـيـط ]| الدولة: | رد : •.♥.• العــريكـــة العــجـيـبــة •.♥.• حبيبنا مشكوووور على القصه والله فطست من الضحك يعطيك الف عافيه تقبل مروري اختك |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| ازياء رووووعه {{♥♥{ياحلو دموع البنات ... ودمها...!!♥♥ | انا الألماس | ازياء × فساتين | 11 | 27-09-11 12:09 PM |
| ♥ خـــــايف اتصل ♥ وتقوليــــن (دق المزعج)♥ مسجات | ..::o0((بنــت بوظبــي))o0::.. | رسائل جوال | 21 | 27-09-11 10:17 AM |
| •.♥.• عـيـش بقلـب ♥ وإبتـسم بقلـب ♥ وسـامح بقلب •.♥.• | الغامدي07 | منتدى المواضيع العامة | 7 | 07-09-08 10:19 PM |
| ♥ஐ♥ آلآنْ نُبْدِعْ لِنَتَألَقْ ♥ مَعَ أحْلَى كُولِكْشِنْ ♥ஐ♥ | فلها وربكـ يحلها ..} | ازياء × فساتين | 11 | 07-09-08 06:51 PM |
