المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
07-09-07, 03:14 AM
| #1 |
| |[ عـضـو مـشـارك ]|  الدولة:  روابط إعلانية |  سالفه نوره ... لاتفوتكم خطييييييييييييره المرايا .. صدق يطعن .. في نوايانا الدفينة طعن صادق .. يفضح الزيف وسنينة المرايا والله العالم .. هي أصدق شي .. في عالم كذوب في زمن مظلم وظالم .. ماتلاقي ضي .. ينبض بقلب الدروب المرايا .. عشق ساكن داخل قلوب الكثير من الصبايا إلا نورة .. بنت غاية في الجمال .. حسنها ياخذك من يمناك .. لحدود الخيال يوم نادت أمّها وبصوت عالي : ( يمّة .. يمّة بسرعة تعالي ) .. لمّا جتها أمّها .. قالت : علامك ؟ نورة قالت : يمّة أرجوك بقيامك .. إبعدي هذي المراية.. ابعديها .. وإلا أقلّك .. يمّة تكفين اكسريها .. ما أبيها .. ما أبيها .. ولو سألتوا .. ليه هي قالت كذا .. وإيش العلاقة ؟ قلت شوفوا .. ماقدر أخبّي لذا .. نورة (معاقة) ! ******* شلل نصفي .. سرق منها طفولتها .. سرق حتى ابتسامتها .. تشرّب جسمها الطاهر على غفلة ولا قدّر برائتها وهي طفلة حواليها كثير أطفال .. بنات العم .. والجيران .. عيال الخال .. تراقبهم .. تتابعهم تشوف (أحمد) وهو يسحب شعر (سلمى) و(علي) يلحق (مها) وبيده مسدس ما و(خالد) قاعد يحاور (حسام) .. بعلبة البيبسي ويكسر ظهر هالمشهد .. حزن (نورة) وهي تبكي على الكرسي تحاول قد ماتقدر .. لجل تخفي مدامعها وثار الدمع واتحدر .. وبدت رعشة باصابعها تزم إيدينها لكن .. يديها ماتطاوعها **** وتكبر نورة ويكبر .. معاها الهم ويجري حزنها الأقشر .. بمجرى الدم وياصل عمرها العشرين .. وفي هالعشرين .. تغيّر كل شي فيها .. ملامحها .. - مع إن الحزن ماسحها - أمانيها .. - ولو ماعاد تعنيها – سوالفها .. – بعد مالهم والفها - في هالعشرين .. على نفس الألم تصبح .. وعلى نفس القهر تمسي .. على الكرسي .. !! في هالعشرين .. أبد ماتابعت موضة .. ولاتعرف (جيفينشي) .. أو (كريستيان ديور) أو (فيرساتشي) وعروضة ولا مكياج وإكسسوار .. وحتى عطور .. تضج .. تثور إذا قالوا لها .. (نورة .. شرينا لك عطر .. شوفي بعد فستان .. يانورة إلبسيه ألحين .. ترا بيطلع عليك جنان .. بسرعة بس لاتبطين) تجاوبهم : (بسرعة ! .. بسرعة ليه ؟ وإلا لمين ؟ وهو من كثرة العرسان ! ) تقاطعها أمها : (نورة .. وش تقولين !! ) ترد نورة : (( يبه .. يمّه .. كفاية وإسمعوني زين .. أنا عمري ترا عشرين ترا ما عادني طفلة .. ياناس المسألة سهلة .. مثل ما (1) و(1) يساوي (2) معاقة .. خير ! ماتفرق .. - وفي هاللحظة .. بدت لحية أبونورة .. تلم الدمع من عينه .. وبدت تغرق !- يبه .. يمّه أنا مليت من روحي .. نعم مليت تعبت أداري جروحي .. وياما أخطيت خطاي إني تصنّعت السعادة .. لجل خاطركم لجل ماتـنجرح فيكم .. مدامعكم يبه تدري ؟ .. كنت أتمنى من صغري .. وهذي أمنية عمري .. وإلا ألحين هي منوه تمنيت أحضنك بالليل .. إلا من جيت من شغلك أبوسك فوق راسك حيل .. وأفك الجزمة عن رجلك أروح أجيبلك قهوه .. وأجيك أجري وحتى إنتي يا أمّي .. لو تدرين كم عانيت .. كم أتمنيت .. أخفف عنك شغل البيت مثل ما ( نجوى) .. تساعد مرت عمّي يبه .. يمّه تراني ضقت وربي ضقت من نفسي ياربي شقد طفشانة .. وتبغوني بعد ألبس !! ألبس من علشانة ؟ أبد لاتصدقون إني .. أبتزوّج وأجيب عيال والله عال !!! من إللي في الزمن هذا .. بيرضى أكون له زوجة ؟؟ ويتزوّج معي كرسي !! يبه إنسى .. وحتى إنتي دخيل الله يايمّه .. بعد إنسي )) وهذي سالفة نورة .. ياهي بنت مقهورة .. مضى من عمرها عشرين .. وهي باقي على هالحال حكايتها إنتهت ألحين .. وخلّت داخلي ثورة .. وأنا ما بيهدالي بال .. إلين أعرف .. من إللي بوقـتـنا رجّال .. ويتزوّج مثل نورة ؟؟ الشاعر محمد عويضه.. |
|  |
|
07-09-07, 03:21 AM
| #2 |
| |[ عـضـو مــاسـي ]| الدولة: |  رد : سالفه نوره ... لاتفوتكم خطييييييييييييره والله عورني قلبي يعطيك العافيه |
|
| |
|
07-09-07, 06:47 AM
| #3 |
| |[ عـضـو نـشـيـط ]| الدولة: | رد : سالفه نوره ... لاتفوتكم خطييييييييييييره يعطيك العافيه الله ي شفي الجميع يارب |
|
| |
|
07-09-07, 07:45 AM
| #4 |
| |[ عـضـو نـشـيـط ]| الدولة: | رد : سالفه نوره ... لاتفوتكم خطييييييييييييره أشعاره دائما أكثر من رائعة لها نكهة خاصة تحمل معاناة حقيقية صعبة لكن تعبر عنها ببساطة وسهولة سبحان الله فهو مبدع لأقصى الحدود ،،، الشاعر محمد العويضة له قصيدة اخرى ابكت شارعنا السعودي ربما مررتم بها تحكي قصة طفوولة معاق وأنا استمعت لالقاؤه لها مؤثر أكثر من الكلمات لأنك تحس بكل كلمة تنقال تحس انك عايش ذيك اللحظة مشكوور أخوي وطن لاختياراك الذي ينم عن ذووق رائع بل رفييع....:f55: أختك:: إيــفا |
|
| |
|
07-09-07, 09:43 PM
| #5 |
| عضو موقوف من الاداره  الدولة: | رد : سالفه نوره ... لاتفوتكم خطييييييييييييره وطن 666 بصراحة كلمات تكسر الخاطر وتعور القلب ابدع الشاعر في الوصف شكراااااا على اختيارك المميز ننتظر جديدك تقبل مروري تحياتي |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| سالفه على الطاير | احساس305 | نكت × نكت ضحك | 35 | 24-04-10 03:16 PM |
| سالفه وعدت على خير | ..مًٍجنٍونْه بًأفْكـٍأاٍريٍ][.. | نكت × نكت ضحك | 15 | 30-06-09 01:25 AM |
| ماعنده سالفه ؟ | تبطي عظم | نقاشات و حوارات | 30 | 10-09-08 04:22 AM |
| سالفه تفطس من الضحك لاتفوتكم ........... | عذب السجايا | نكت × نكت ضحك | 0 | 07-10-05 01:47 AM |
