قصة فهد

[ام مهند]

دخل فهد ولما وصل عند سرير والدته راى والدته على اسرير والاجهزه مركبه عليها وقف عند راسها لحضه يتامل فيها ويتذكر وفجاه طاح يبكي على امه ويقول يمه يمه وش فيك يمه تكفين ردي عليه يمه يمه وهو يبكي بكا يقطع نياط القلب يمه كلميني وش الي صارلك تكفين ردي علي يمه تكفين كلميني يمه ويحضن امه وهو يصيح وفجاه تحركت الام الحنون لما سمعت صوت ابنها وفتحت عيونها والتفتت الي فهد وهو يبكي ولما رات وجه ابنها والدموع في عيونه حاولت تتحرك وضمت فهد وهي تبكي وهو يبكي منضر يقطع القلب وتكلمت بصعوبه وهي تبكي وينك يا وليدي رحت عنا وفهد ضام امه ويقول غصب عني ياامي الغاليه لا تزعلين مني الي صار مهوب بيدي وهي تبكي وابنها فهد يبكي
ابوتركي خاف على فهد وامه وذهب مسرع لدكتور وقال له ام فهد صحت من القيبوبه الدكتور مهوب مصدق قال ماهو معقول الي اسمعه هذي معجزه وذهب الدكتور مع ابوتركي الى غرفة ام فهد ودخلو الدكتور وابوتركي 0ابوتركي مسك فهد واحتضنه معه ضمه على صدره وهو يبكي فهديبكي وابوتركي يبكي
قال ابوتركي لفهد الحمد لله على سلامتك يااخوي وسلامة الوالده الحمدلله ان الذاكره رجعت لك
قال فهد0 امي ياابوتركي امي انا خايف عليها خايف تروح مني امي تعبانه
قال الدكتور0 تطمن يافهد امك الحين الحمد لله بخير ماكان فيه امل انها تصحا من القيبوبه لها حوالي سنتين اواكثر وهي في قيبوبه لاكن بفضل الله هي الان بخير وبنشيل عنها الاجهزه وبنتركها عندنا تحت الملاحضه
جلس فهد مع امه مارضى يطلع من المستشفى ويتركها قال مااطلع الا مع امي
وبعد ماتطمن ابوتركي على فهد وامه ذهب الي بيته وقال لام تركي 0اذهبي وطمني ام ياسر على فهد رجعت له الذاكره
قالت ام تركي 0وشلون رجعت له
ابوتركي0لما راى امه رجعت له الذاكره وجلس معها في المستشفى وهي الحين الحمد لله بخير بتطلع باكر من المستشفى
وذهبت ام تركي إلى ام ياسر ولما دخلت عليها وجدتها تبكي مسكتها ام تركي وضمتها معها وهداتها وقالت لها ليش البكا بعد ما رايتي الحبيب الحمدلله هوبخير
قالت ام ياسر0انا خايفه على فهد اخاف يصير له شئ انا مالي احد في هذه الدنيا غير فهد
قالت ام تركي0 الحمدلله فهد بخير وعندي لك بشاره فهد رجعت له الذاكره
فرحت ام ياسر وسجدت شكر لله سجود الشكر واحتضنت ام تركي وهي تبكي وفرحانه
وقالت وين فهد ليش ماجا اكيد صار له شئ
قالت ام تركي فهد بخير وجالس مع امه في المستشفى واخبرتها عن ام فهد وكيف رجعت لفهد الذاكره
اما فهد بعد ماتطمن على امه وجلس معها وتكلم معها ارتاحت نفسه وتذكر زوجته وابنه واشتاق لهم بس مايبقا يترك امه ارتاحت نفسه شوي
واتصل على ابوتركي وقال له ياابوتركي الله يجزاك خير افضالك كل يوم تزيد علي انت اتعبت نفسك معي كثير ماادري وشلون اشكرك ماادري وشلون اقدراردلك لو شئ بسيط من جمايلك علي
قال ابوتركي 0اذا الاخو مايساعد اخوه اذا احتاج له فالدنيا مافيها خير وجلس يسولف معه شوئ ثم قال فهد لابوتركي يبي يكلم زوجته نوره
قال ابوتركي0 ابشر يااخوي واعطى جواله لزوجته وقال لها ان فهد يبي يكلم زوجته ذهبت ام تركي الي ام ياسر ووجدتها تصلي وتدعي الله انه يساعدها ويساعد فهد على هذه الحياة وبعد مانتهت اتصلت ام تركي على فهد واعطت الجوال لام ياسر وطلعت رد فهد على زوجته وجلس يتكلم معها شوئ وقال لها سامحيني ياام ياسر انا تركتكم وانتم مالكم احد غيري بس الي صار مهوب بيدي الله العالم وشلون كانت حياتي كنت في عذاب
قالت ام ياسر لفهد انا ياالغالي عرفت القصه كلها يافهد انا عرفت انك عشت في عذاب كنت تتمنى الموت عرفت ان هذا كله من عمك لاكن الحمد لله ان ربي رجعك لنا ياالغالي
قال فهد الفضل لله ثم لابوتركي وجلست تتكلم معه إلى الصبح
قال فهد لام ياسر اذهبي صلي الفجر ونامي انا ابذهب اصلي واجلس اقرى قران على امي
ام ياسر صلت ونامت هي وياسر في غرفة فهد عند ابوتركي
وفهد صلى الفجر وجلس عند امه يقرى قران وصحت امه ورات فهد جالس عندها يقرى قران بكت واحتضنت فهد وقالت اسال الله ان لا يحرمني منك يا الغالي وقالت ابي اطلع من المستشفى اليوم
قال فهد الدكتور يقول بعد يومين قالت ام فهد انا ماني جالسه في المستشفى ابطلع ودخل الدكتور عليهم ولما كشف عليها قال اذا تبين تطلعين اليوم كتبت لك على خروج انتي الحمد لله بخير بس حاولي تتجنبي الزعل
وكتب لها الدكتور على الخروج واتصل فهد على ابوتركي وقال له انه بيطلع اليم من المستشفى هو وامه ذهب ابو تركي للمستشفى واخذهم من المستشفى وام ياسر ماكانت داريه ان فهد وامه بيطلعون ولما دخل فهد اخذ امه لغرفته عشان ترتاح ولما فتح الباب راى ام ياسر مسكها وضمها معه وقال الحمد لله ان ربي جمعنا رجعكم لي ورجع لي الذاكره
قالت ام ياسر لفهد0 بعد ماترتاح يافهد ابيك تقص علي قصتك من يوم طلعت من عندنا إلى اليوم وذهبت ام ياسر لام فهد وضمتها معها وهي تبكي كل وحده تبكي من جهه
وياسر كان يلعب مع تركي في الحديقه ولما سمع صوت ابوه جا يركض ولما راى ابوه صاح بصوت عالي ابوي ابوي وضمه ابوه معه واخذ يدور به وهو فرحان قال ياسر لابوه ابوي لا تتركنا قال له ابوه ياحبيبي انا رجعت لك وانت رجعت لي خلاص مانترك بعض إلى ان نموت ان شاالله وجلس ياسر يحكي على ابوه عن الي يصير له في بيت خاله وقصت ام ياسر على فهد قصة عمه والي سواه فيهم وقص فهد عليهم إلي سواه فيه عمه والهنود والي سواه ابوتركي عشانه قالت ام فهد ابوتركي هذا رجل طيب ما في هذاالزمن احد مثله
وانت يا فهد طيب وربي عوضك عن الاخوه ربي رزقك باخ نادر وجوده في هذاالزمن ربي عوضك بابوتركي
قال فهد 0ابوتركي عوضني عن كل شئ فقدته لوكان لي اخ ماكان يسوي لي مثل الي سواه ابوتركي 0ابوتركي هذا اكثر من اخ اذا راني متضايق وضايق صدري وسرحان افكر يقول لي لاتهتم يافهد انا اعتبرني ابوك واخوك وصديقك اعتبرني اهلك كلهم اي شئ يضيق صدرك احكي علي وقلي اذا احتجت شئ قولي
قالت ام ياسر 0حتى زوجته ام تركي طيبه مثله وهم جالسين يتكلمون اتصل ابوتركي على فهد وقال له انه يريده في موضوع ذهب فهد إلى ابوتركي في المجلس وجلس معه قال ابوتركي 0اسمع يافهد يا اخوي انا عندي بيتي الي بجانب بيت ابوي هذا انت تشوفه مهجور مااحدسكن فيه انت تشوفنا انا وعيالي ساكنين مع ابوي ابوي ماله احد غيري لازم اسكن معه وبيتي مثل ما تشوف مهجور وهذي مفاتيحه اسكن فيه انت واهلك إلى ان يفرج الله لك
نزلت دموع فهد وقال لا ياابوتركي انا ماارضى تبيني اسكن في بيتك زياده على الفلوس الي ضيعتها علي في الهند وعالجتني على حسابك واكلتني وشربتني وسكنتني عندك معزز مكرم وزياده على هذا كله خليتني شريك معك في شركتك وزياده على هذا كله بحثت عن اهلي إلى ان وجدتهم بفضل الله ثم بفضلك رجعت لي الذاكره ورجعو لي عيالي وزياده على الي سويته كله تبيني اسكن في بيتك
قال ابوتركي 0اسمع يااخوي اذا مااخذت المفاتيح وسكنت في البيت انت واهلك انا ابزعل عليك انا الحين يافهد عرفت انك ما تعتبرني اخ لك لوكنت تعتبرني اخ لك كان اعتبرت بيتي هو بيتك
قال فهد لا ياابوتركي كل شئ الا انك تزعل اعطني المفاتيح انا بس ماودي اكلف عليك
اعطاه ابوتركي مفاتيح بيته ثم جا ابوعبدالعزيز وجلس معهم وقال اسمعو ياعيالي انتم اخوان اذا احتاج واحد منكم الثاني يساعده ساعدوبعض0 قام فهد وحب راس ابوعبدالعزيز وقال انتم ناس طيبين نادر وجودكم في هذاالزمن
وسكن فهد في بيت ابوتركي واتفقو انهم يشترون لهم اراضي جنب بعض ويعمرونها ويسكنون فيها 0
فهد قال لابوتركي انه يبيه يذهب معه إلى عمه قال ابوتركي ليش تروح لعمك انت الحين الحمدلله منت محتاج له قال فهد ابساله ليش سوى فيني كذا انا وش الي سويت له عشان يسوي فيني كذا وابي اشوف وش سوى في حلال ابوي قال ابوتركي انا خايف عليك اخاف يسوي لك شئ
قال فهد 0انا خلاص عرفته انه قدار الحين مايقدر يسوي لي شئ
قال ابوتركي0 ابشر يافهد انا ابذهب معك في الوقت الي تبي قال فهد بعد صلاة العصر0 وبعد صلاة العصر ذهب ابوتركي مع فهد لعمه ولما دخلو عند عمه وجدوه مريض ولما راى ابوشاكر فهد ابن اخوه بكا بكا وقال سامحني يافهد سامحني ياولد اخوي انا من يوم سويت فيك الي سويته وانا ماارتحت ولا ذقت طعم لراحه عيالي صار لهم حادث مات اثنين والثالث صار مجنون يدور في الشوارع يا ولدي سامحني ارجوك سامحني هذي عقوبة الله بسبب الي سويته فيك وفي اهلك قال فهد الله يسامحك
قال له عمه ياولدي انا بعت بيتكم وضيعت فلوسه على علاج ابني لاكن مافادفيه علاج كل الحلال ضاع مزرعتك هي الشي الوحيد الي بقاء لك من حلالك سامحني ياولدي ضيعت كل شئ سامحني ارجوك طلع فهد وابوتركي وذهبو للمزرعه ووجدوها مهمله نظفوها واسقو اشجارها وجابو لهاعمال واتفق ابوتركي وفهد كل واحد ياخذ اهله نهاية كل اسبوع في مزرعه اسبوع في مزرعة ابوتركي واسبوع في مزرعة فهد
ابوتركي جاله ولد ثاني وسماه فهد وكذلك فهد جاله ولد وسماه عبدالعزيز وعاشو في سلام اخوه متحابين