بحث مخصص
|
| | |
| | |
|
| ||||||
| |||||||
| الملاحظات |
| ||||
 |
| | أدوات الموضوع | انواع عرض الموضوع |
|
#446
10-11-2007, 08:01 AM
| |||||||||
| |||||||||
 رد : حسبتك عديم الاحساس وصرت لي كل احساسي قصه رومانسيه سعوديه رووعه تاابع>>> حمود تلعثم وحاول يصرف: كان بينهم مشاكل زياد مو مصدق اللي يسمعه : أي مشاكل اللي توصل واحد يقتل شخص أي مشاكل يا حمود لا تشك بذكائي ولا اشك انا بذكائك تكلم خلنا نتصرف حمود متوتر وكلام زياد وتره اكثر ما يدري يقول وبكذا يفضح بنت خالد ستر عليها والا يسكت وسكوته راح يكون صعب لان زياد عنده اصرار يخليه يعترف ويقوله كل الحقيقه.. حمود واهو متلعثم: الموضوع كله... احمد من وراهم واهو يركض وشكله ضايقه فيه الوسيعه: وش فيه وش صار له زياد بهدوء كان يلعب على نفسه قبل ما يلعب على احمد: لا تخاف ان شاء الله يطلع بالسلامه بس انت ادعي له احمد وصوته يرتجف : لا تخبي علي شي خالد وش صار له حمود بضيق: صار له حادث صدمته سياره احمد بقهر: حادث وييين حمود رجع جلس على الكرسي بتعب: وش اقولك موضوع طويل خلنا نتطمن عليه اول وبعدها لكل حادث حديث احداث صعبه نسته اللي اصعب بالنسبه له وللكل لانه ماكان مجرد صديق للعايله كان في مكانه الاخ والصديق لأشخاص واب العطوف لأشخاص تهالك جسمه القوي وتخدرت اطرافه ونزل على الكرسي بتعب وبهدوء عشان يوصل الخبر : ابوي عطاكم عمره لحظات صمت من دون رد و حتى همس اصوات حمالات تنسحب بسرعه وعليها من يحتاج الاسعاف صرخات اهل فقدو احباب لهم وودعوهم من دون ميعاد .. وهدوء دكاتره وممرضات تعودوعلى هالمواقف والاحداث .. قطع الصمت صوت احمد اللي كان مو مصدق كيف تصير لهم هالمصايب في يوم واحد: ماات عمي احمد مااات انت اكيد غلطان حط راسه بين يدينه وبكى بصمت حاول يقاوم نزول دموعه كان مثل البركان اللي يستنى لحظه انفجار حمود بحنان: احسن الله عزاك يا زياد الله يعوضك خير في عمانك ابو احمد وابو فهد زياد مسح دموعه بصمت: جزاك الله خير احمد لسى مو مستوعب توه شايفه امس في الشركه طيب ومافيه ولا شي: وشلون صاركذا وشلون مات زياد يحاول يمسح من ذاكرته هالذكريات بس صعب تنسى جزء كبير من حياتك تنسى ابوك صعب: حادث سياره انا وياه رحنا لعزيمه في الخرج وطلع قبلي.. وبعدها ما قدر يتماسك اكثر.. وبدى يبكي بحرقه تعبت اعصابه وقلبه ما عاد يتحمل يصبر زياده .. %%%%%%%%%في بيت ابو متعب %%%%%%%%% مها حالها مو حال وتحس انها ميته بدونه وجو البيت كمل الحزن اللي مخيم عليها مشاعل اللي من يوم ما تملكت واهي جسد بلا روح وزنها نقص للنص واهي تحاول تضغط على اهلها انهم يرحمونها بس تعب بلا نتيجه ابوها يكرهها وامها تستحقرها واختها مقاطعتها واخوها عايش حياته وكأن ماله اهل.. نزلت للمطبخ أي شي يبعد عنها الافكار اللي جايتها وشاغله عقلها *******نزلت تذكرت مافي احد راح يريحها مثل في الحين مسكت جوالها واهي تناظر الساعه حاسه ان الوقت متأخر بس تذكرت ان مي عزمتها تجي تنام معاهم ومع نوف واكيد اهم سهرانين وما نامو .**** مها بمرح: هلا وغلا بالحلووين في بتعب: هلا مهاوي مها بستغراب: فيوو قلبي تعبانه كانت تسمع اصوات وصياح وهالشي مره خوفها.. في ما تبي تخوفها صدق الموضوع كبير بس في هالوقت ماراح تقدر مها تسوي أي شي او انها حتى تجي: سلامتك مافيني الا العافيه مها شكها بدى يزيد: في لا تكذبين وش فيكم وش ذا الاصوات؟؟!@ في على طول قامت من مكانها وراحت جهه مافيها اصوات وهاديه في بتوتر:يا حبيبتي مافينا شي مها خلاص ما قدرت تجلس من الخوف: بتتكلمين والا وشلون والله اجي بيتكم الحين مي شافت في واقفه راحت لها ميته خوف من اللي سمعته مي واهي تلهث ومو قادره تقول كلمتين على بعض: عمي ابو سعد في حطت يدها على سماعه الجوال : وش فيه؟؟! مي وعيونها مدمعه: توفى اليوم طاح الجوال من يدها وتذكرت صوت زياد فهمت من همساته ان الموضوع ما يخص خالد لحاله وان في شي اكبر صاير في من دون تصديق: انت من جدك متى وكيف مي وميته خوف: ولله رحت اكلم احمد وسمعت زياد يقوله وجلس يبكي بعد &&كان ودها تطير وتصير جمبه الحين اهو في امس الحاجه لها محتاج أي مواساه او كلمه تصبره على المصيبه اللي طاحو فيها .. في رفعت الجوال وسمعت مها تصيح :مها ليش تبكين؟؟ لازالت تبكي: انا سمعت اللي صار الله يرحمه.. مي سحبت الجوال من في تحسب انها عارفه باللي صار مي : لا تخافين ان شاء الله خالد مافيه شي وقف قلبها كانت وين وصارت وين كانت تبكي على ابو سعد بس خالد حياتها عمرها سبب وجودها على هالدنيا اهو تذكرت كل مواقفها معاه كل كلامه ضحكته صوته وحتى ابتسامته اللي ما تفارق لحظه وجهه .. مي : الوو الوو حاسه برعد يسري بين عروقها: معاك في تأشر لفي بالسكوت بس خلاص فات الاولان.. مي تلعثمت ونشف ريقها : مها مع السلامه مها بجديه وبتمالك اعصاب: أي مستشفى مي تناظر ساعتها اللي تأشر على الساعه 2 الفجر: مها الوقت متأخر مها بنبره جديه: أي مستشفى؟!@ مي خافت : مستشفى.............. مها : باي وسكرت قبل ما ترد عليها مي في معصبه مولعه نار: انتي مجنونه ليش قلتي لها مي ندمت: والله ما كنت ادري وبعدين ليش انتي ما تبينها تعرف كل الناس عرفت ليش اهي بالذات لا؟؟!@ في لاشعوريا: لانها تحبه يا خبله مي حطت يدها على فمها:........... في ما عرفت وش تسوي وشلون قالت لمي وشلون حاولت تصرف: ما ادري حسيت احس انها كذا يعني مي بستهزاء: حسيتي والا تأكدتي في بتوتر: لا حسيت بس مجرد احساس مي بنفس الاستهزاء: ايه طيب في بحزن: الله يرحمه مي مسحت دمعه نزلت على خدها: الله يرحمه ويصبر اهله اكيد لحد الحين ما عرفت خالتي وسعد ما عرفو في:لو كانو عارفين تتوقعين ما راح يجون هنا &&&&&&&&&&&&&&&&&&في بيت ابو سعد ام سعد جالسه في الصاله وكل شوي تناظر ساعتها تنتظر وصولهم اللي ما توقعت انهم يتأخرون لها الدرجه ام سعد بتوتر ومو مرتاحه: سعد مو كن ابوك واخوك تأخرو سعد من غير اهتمام: يمه معزومين معزومين يعني الحين تلقينه جالسين يلعبون بلوت ولا سألين عنك ولا عن احد اتصلي عليهم طيب.. ام سعد وعيونها غلبها النوم: دقيت لحد ما طفشت اخوك ما يرد وابوك جواله مقفل طيب اتصل على صديق ابوك اللي عازمهم شف طلعو والا لا؟؟!@ سعد بطفش: يمه تكفين اللي فيني مكفيني خلاص شوي وبتلقينهم داخلين من الباب.. دق جوال سعد سعد بأرهاق: الوو زياد بصوت منكسر: هلا سعد سعد صلح جلسته من يوم ما سمع صوته: اهلين وينكم لا تجون احسن .. زياد" لو تعرف" زياد بحزن وتعب: سعد الوالده عندك سعد ناظرامه اللي تناظره بتوتر وكانها حاسه بشي رد بكل برود عشان ما تشك: ايه بصعوبه لا تحتمل طلع الكلمه: سعد بقولك بس ابيك تمسك نفسك ما نبي الوالده يصير فيها شي عارف ان معاها الضغط كلام اخوه كان يخوف كل شي يدل على ان الخبر اللي بيوصله له يبي له صبر وقوه تحمل تنهد بصعوبه: قول زياد بضيق حس صدره يكتمه اكثر واكثر وقدرته على التنفس تصعب اكثر: ابوك يطلبك الحل سعد اعصاب مشلوله وعقل ماله قدره على التفكير ولسانه عجز عن نطق حروف فكيف ينطق جمل.. حاول يمسك اعصابه واهو يناظر نظرات امه اسهم تصيب قلبه التعبان اول شي .. سعد بدون أي كلمه قام .... ام سعد بخوف: وين رايح؟؟ سعد بدون ما يحط عينه في عينها يخاف ينهار بأي ثانيه: مشوار وراجع ام سعد ما صدقته وخوفها كل لحظه يزيد تكلمت بعصبيه: مشوار ايش الحين سعد بطفش: يمه مشوار مشوار وصل للباب وسمعها تقول.... ام سعد واهي معصبه: اذا ما قلتلي وين رايح يا وياويلك مني فاهم سعد لف واهو مولع: يمه بروح واذا رجعت يصير خير بعصبيه: اذا طلعت من دون ما تقولي لا انت ولدي ولا اعرفك سعد كان هذا اخر شي محتاجه : طيب يمه اجلسي جلست واهي تفرك يديها بعصبيه وخوف:قول تكلم!! سعد مو عارف كيف يوصل خبر موته موت زوجها حبيبها واخوها وابوها وكل شي بحياتها خسارته شي وخساره امه ما تقارن فخسارتهم سعد مسح وجهه بكفوفه بصعوبه وكأنه يبي يصحى من هالكابوس اللي كله سواد بسواد: يمه ابوي خطت يدها على صدرها: وش فيه؟؟ سعد ضايقه في الوسيعه والدنيا بعيونه سوداء: يمه ابوي صار له حادث ام سعد بصبر وسكينه: توفى سعد رفع نظره في عيونها اللي كانت تلمع بقوه واثبتت امه انها انسانه مؤمنه وصبرها ثباتها اكبر دليل على هالشي.. سعد ودموعه على خده: ايه يمه توفى ام سعد نزلت دموعها انهار على خدها : اللهم اجرني في مصيبتي واخلفني خيرا منها وبدت تبكي بحرقه.. سعد ما يعرف وش يقول في هالموقف المصيبه له وعليه وامه محتاجته ومحتاجه منه حنانه وعطفه للي الكل متعود عليه منه قام وجلس جمبها وحضنته بقوه كأنها كانت تستنى منه الحضن الدافي اللي فقدته لما فقدت ابو سعد.. سعد بعد عنها: يمه انا بروح المستشفى ام سعد بصرامه: وانا جايه معاك سعد بتردد: يمه ما يحتاج خلاص ام سعد بنفس الصرامه: سعد انا رايحه بك والا بدونك فأحسن انت وصلني يتبع<<<<  |
| حسبتك عديم الاحساس وصرت لي كل احساسي قصه رومانسيه سعوديه رووعه |
| |
|
#447
10-11-2007, 08:03 AM
| ||||
| ||||
| رد : حسبتك عديم الاحساس وصرت لي كل احساسي قصه رومانسيه سعوديه رووعه تاابع<<<< سعد بتردد: يمه ما يحتاج خلاص ام سعد بنفس الصرامه: سعد انا رايحه بك والا بدونك فأحسن انت وصلني وكملت بحزن: ابي اودعه سعد بستسلام: ان شاء الله بس وين سلطان؟؟!@ ام سعد: نايم من فتره.. سعد: احسن خليه ينام بكرا نعلمه الله يصبرنا %%%%%%%%في المستشفى%%%%%%%% لمح شخص من بعيد يمشي بهدوء وسكينه غريبه متجهه له ... كان شكله يعكس كلام كثير بينقال عن شخصيته لحيه بدت تخط على وجهه وغتره من دون عقال على كتفه وثوب متواضع يوصل لحد كعب رجليه وقف عند باب الغرفه ... نواف بستغراب: نعم نعم وين رايح ابراهيم : انا جاي ابي اسأل عن الاخ نواف نواف بستحقار: يعني تبي تدورني تروح تدخل على غرف بنات الناس.. بتوتر رد:العذر والسموحه مو القصد بس انا كنت ابي اتأكد لان سألت عنك في الاسقبال وقالو انك زوجها وجاي توقع اوراق .. نواف بستهزاء: اجل هذا مو استقبال هذا نشره اخبار وبعدين زوجها مو زوجها موضوع لا يخصك ولا يعينك ابراهيم بجديه:انا جاي بخطب رزان نواف مصدوم: تخطب رزان!! ابراهيم ببتسامه: يا اخ نواف بدال وقفتنا هنا ليش ما نجلس في الكوفي تحت لان عندي كلام كثير ابي اقوله لك نواف مو مرتاح: تفضل .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ استمرت المطارده الشرطه للوليد اللي ما استسلم وكل دقيقه سرعته تكبر وما يقدر يسيطر عليها... بلا مقدمات ضرب في عمود اناره الشارع بقوه هائله لدرجه ان السياره من قدام انقسمت نصين .. طار من مقدمه السياره ميت لا محاله وضرب في رصيف الشارع وكل جسمه ينزف الشرطي واهو يركض من سيارته:اطلبو الاسعاف بسرعه.. واحب اذكر جهود هالوطن في تقديم المساعدات لشعبها بدون كلل او ملل في جميع النواحي ..خدمه من داخل القلب وبكل تفاني تؤدى وحب نشكر كل من خدمنا وخدم وطننا وكان سبب في تقدمنا وحضراتنا كل من اعطى وفدى بروحه اسمى معاني الاخلاص كلمه من قلب كل مواطن.....شكراا %%%%%%%%%%%%%%%%%%%%%%%% الدكتور الارهاق بدى يبين عليه يدخل من غرفه للغرفه اللي جمبها كان في نقص في الاطباء وكان اهو الجراح الوحيد الموجود... الدكتور واهو يحاول التركيز على الحاله اللي بين يده: اطلبو الدكتور محمد بسرعه الممرض: طلبناه بس قسم الولاده محتاجينه لحاله خطره الدكتور بعصبيه: وانا عندي حالتين وانا جراح مو دكتور طوارئ اطلبوه بأسرع ما يمكن الممرض: ان شاء الله كانت االحاله للي بين يده خطره اصابه قويه في الرأس ما يدري عواقبها حاول على قد ما يقدر يوقف النزيف اللي خلاه يفقد كميات دم كبيره ومحتاج نقل دم ... الدكتور بتوتر زايد عن حده: حطو له دم جديد بسرعه الممرض :هذا اخر كيس موجود فئه دمه نادره واستهلكنا كل الكميات الموجوده ببنك المستشفى.. الدكتورسالم بعصبيه: وشلون تصير هذيي مستشفى كبير مثل هذا ما يكون فيه دم شوفو أي احد من اهله عنده نفس الفئه تصرف بسرعه خل الممرضه تروح تكلمهم .. الممرض بخوف: ان شاء الله بتصل عليهم الدكتورسالم بسرعه قياسيه غير لبس العمليات ولبس غيره: خيط الجرح وحاول تلقى متبرع دم بسرعه قبل ما يخلص اللي عندنا النزيف مو راضي يوقف دخل الغرفه الثانيه وكان الدكتور محمد وصل الدكتوسالم ربتعب: وينك تأخرت الدكتور محمد بتركيز : الله لا يوريك كيف الحاله الثانيه الدكتورسالم بأرهاق: الحمد الله قدرنا نسيطر على النزيف مع انه لازال ينزف بس بكميات اقل وطلبنا أي متبرع من اهله لان فئه دمه نادره واللي في بنك المسشفى خلص.. الدكتور محمد اعصابه مشدوده: الحاله هنا خطره العمود الفقري متضرر بشكل لا يمكن اصلاحه اللي نقدر نسويه اننا نمنع الشلل يوصل للجزء العلوي.. وبتركيز الدكاتره وعدد كبير من الممرضين والاختصاصين تجمعو في الغرفه والاستشارات تطرح من كل جهه على امل ان شي يتغير %%%%%%%%%%%%%% في غرفه الانتظار الكل عرف بالخبر خبر وفاه صديق عمرهم ابو سعد حاله حزن طغت على الاجواء .... ابو فهد كان في اول الغرفه يمسح دمعه خانته ونزلت لما تذكر صديق دربه صديق الدراسه راح من دون حتى ما يودعه كان لهم اعز من اخ وصديق واحب شريك .. ابو احمد في جهه ثانيه من الغرفه نسى او تناسى مشكلته مع اخوه اللي يجمعهم الحين شي غير الاخوه اهو حزن على فراق اخوو.. دخل عليهم سعد وجهه كان اسود من الهم مو مصدق ان خلاص ابوه رااح سعد ركع عند رجلين ابو احمد واهو يبكي: الله يسلمك يا عمي الله يخليك قل ان السالفه كلها مو حقيقه وانها كابوس ابو احمد حط يده على خد سعد بحنان: ترحم عليه يا ولدي سعد يهز راسه من دون تصديق:لاتقولها ابو احمد نزل راسه: الله يرحمه ويدخل روحه الجنه.. سعد لف على اخوه: زياد ابي اشوفه زياد متماسك ويحاول يصبر عشان اخوه وامه:طيب بخليك تشوفه بس صبرك ياخوي صبرك سعد بسكوت رد عليه... &&&&&&&&&&&&&غرفه انتظار النساء&&&& ام احمد وام فهد اللي كانت تبكي على حال ولدها الكل منشغل بوفاه ابو سعد واهي مثل المجنونه تروح وتضرب باب الغرفه يمكن تلقى جواب يريحها ام احمد مسكينه ما تدري تصبر مين والا تواسي مين من جهه ام سعد اللي فقدت زوجها ولو فكرت للحظه تحط نفسها مكانها يمكن تنهار تعجبت من صبرها وقوه ايمانها صدق دموعها ماكانت تنشف من على خدها بس بكاها كان ماله أي صوت وكأنها كاتمه حزنها وحسرتها في صدرها... ومن جهه ام فهد اللي في حال ما يعلم فيه الا الله تروح وتمشي في ممرات المستشفى مثل المجنونه تدور أي احد يرد عليها الكل مشغول بنفسه وبحزنه.. ام فهد واهي تبكي ووصوتها مسمع المستشفى كله: ولدي يا ناس ابي اعرف وش فيه تكفوون ام احمد تدور أي وحده من البنات ولا لقت احد.. ام احمد" يالله وين رحتو يوم بغيتكم اختفيتو " ام احمد تحاول: ان شاء الله الحين يطمنوننا عليه شوفي ابوه المسكين واقف جمب الباب من يوم ما وصل ولا احد رد عليه كلام ام احمد زاد صياحها: يعني ولدي فيه شي كبير ليش محد رد علينا لنا اكثر من ساعتين واهم جايبينه من ساعه صارو ثلاث ساعات وش يسوون فيه لا يكون موته .. ام احمد بقله حيله: يا هيا هدي وادعي الله يشفيه صياحك هذا ما يفيده اجلسي واقري قران عشان ترتاحين وادعي ربك ما يفيد غير وجهه الكريم.. ام فهد هدها كلام ام احمد وبدت تقرا قران بصوت هادي ريحها وريح اللي حولها واولهم ام سعد.. ******البنات كانو واقفين عند الباب يستنون مها **** نوف بطفش وومو قادره توقف في مكانها وتصيح : ياربي انا بروح اشوف اخوي وش صار فيه ما اقدر اوقف هنا اكثر.. مي بحزن: لو طلع كان عرفنا خلاص اجلسي وانتي ساكته وادعي لخوك احسن في اللي احساس الذنب بتركها له في الحاله يقتلها وتبي تواسيه خافت تتصل وما يكون مستعد انه يكلمها او يرد عليها اكتفت انها تستنى شوي وبعدها تتصرف.. &&&&&&&&في بيت ابو متعب&& لبست ملابسها في ظرف دقيقه واهي منهاره واعصابها ما تتحمل أي شي صارت تركض في كل غرف البيت تدور متعب لحد ما تعبت وما لقته جلست تصيح لأنها ماراح تقدر توصل لحبيبها وتحس فيه وتكون قريبه منه جلست على الدرج اللي قدام الباب وحطت وجهها بين كفوفها تمسح دموع الالم والحسره على كل لحظه ما تهورت فيها ومسكته وصرخت وتقوله انها تحبه اكثر من كل شي بدنيتها معاه حست بالأمان حست انها ملكه صدق كل الشباب حسسوها بهالاحساس بس معاه كل شي كان غير كل شي له طعم وله احساس وروح فقدته وحست بضياع من دونه رفعت راسها بسرعه على صوت المفتاح متعب بستغراب وباين عليه التعب وهالات سوداء على عيونه: وش جلسك هنا؟؟!@ كمل بعد مالاحظها تمسح دموعها: وليش الصياح بعد؟؟!؟ مها تحاول تهدى نفسها: متعب ابي اروح المستشفى متعب جلس جمبها وقال بخوف: وش فيك تعبانه؟؟!@ مها مالقت الا هالطريقه: ايه مرره مريضه وابي اروح المستشفى متعب مسك يدها: يله قومي اوديك بس امي ومشاعل وينهم مها من دون اهتمام: امك نايمه ومشاعل مثل العاده متعب ببرود: يا تبكي يا نايمه مها: لا هالمره نايمه.. متعب : يله قومي طيب مها ما ساعتها الدنيا من الفرح لبست غطاتها وراحت مع اخوها.. %%%%%%%%%%في الكوفي%%%%% نواف جالس يستمع بأنصات غريب لكلام ابراهيم .. ابراهيم كان يتكلم بكل صراحه واستثنى موضوع الاستراحه لانه متأكد لو انه عرف فيه راح يرفض زواجه منها نواف: والحين المطلوب ابراهيم: انا ابي اتزوج رزان على سنه الله ورسوله وابي اطلبها منك لانك ولي امرها والحمد الله ما صرت زوجها .. نواف ببرود: وانا موافق كمل بستهزاء: ايه الحمد الله من حظك ... بس في شي عنها مهم لازم تعرفه انا ما اقدر اخدعك ابراهيم : انا موافق مهما كان هالشي وما ابي اعرفه نواف بستغراب: متاكد؟؟! ابراهيم " المشكله اني عارف وش تبي تقول وكل اللي اهي فيه انا ووليد السبب فيه وان شرفها ضاع بسببنا على كثر ما عرفت بنات ما في وحده ملكت قلبي مثلها ولا راح اتخلى عنها" ابراهيم بثقه: ايه نواف مد يده: مبروك مقدما ابراهيم بفرحه صادقه: الله يبارك فيك بس ماراح تسأل البنت لازم تاخذ رايها نواف بحقد: لا بتوافق انا متأكد من كذاا &&&&&&&&&&&&&&&&&&&& يتبع<<< |
|
#448
10-11-2007, 08:06 AM
| ||||
| ||||
| رد : حسبتك عديم الاحساس وصرت لي كل احساسي قصه رومانسيه سعوديه رووعه
تابع<<<< &&&&&&&&&&&&&&&&&&&& فيصل جالس يخطط ويفكر وكل همه يشيل كل شخص يوقف في طريقه اثنين تخلص منهم بسهوله احمد وابو فهد ما توقع الموضوع بيكون بهالسهوله بس باقي شخص واحد ويصفى له الجو فيصل"كل اللي هم فيه من تعبي انا وحالي من حال أي موظف ممكن انطرد بدقيقه واطلع خسران كل شي بس لا مو فيصل اللي يخسر تعب كل هالسنين بلحظه انا بذكائي انفي هالعايله ابعدهم من طريقي بسهوله وباقي شخص ما اتوقعه بيكون صعب علي الاصعب وتخلصت منه باقي ابو سعد راح تكون نهايتك على يدي قريبه والاتفاق بيني وبينكم راح ينتهي يا حلوين" رفع جواله واتصل راشد بصوت كله نوم: في احد يتصل بهالوقت فيصل من دون اهتمام: اسمع وانت ساكت راشد بطفش: وش المطلوب؟؟!@ راشد صار تابع لفيصل بعد ما فيصل سمعهم اهو وابو متعب يتفقون على نقل اهم الملفات للشركتهم الجديده وهددهم انه راح يكشفهم لأبو احمد اذا ما صار لهم شريك.. فيصل بحبث: الملف خلاص بكرا راح يوصلك يبقى ملفين خلهم علي بطريقتي اقدر اوصل لهم وبكذا راشد بحقد: وبكذا نكون احنا الربحانين واهم ينزلون للصفر.. فيصل:هههههههههههههه عليك نور ويله تلايط وسكر السماعه في وجه فيصل"هههههههههههههههههه والله مساكين الحين بيعرفون فيصل مين والشركه من دونه وش تسوى ما وصلت انها تكون من اكبر خمس شركات مقاولات في المملكه بدون تعبي وبدون تعبي راح يكونون في الحضيض " %%%%%%%%%%%%%%%%%%% وصلت مها ودخلت وارتاحت لما شافت مي ونوف وفي واقفين واشكالهم ما تطمن مها واهي ميته خوف: وش فيه نوف تبكي: ما ندري له اربع ساعات في غرفه العمليات.. مها حطت يدها على قلبها وتحاول ما تبين مشاعرها اللي فضحتها بينهم: طيب وين خالتي هيا؟؟!@ في: في غرفه الأنتظار تعالي.. راحت بخطوات ثقيله معاهم.. مي" تلعبين على مين يا مها باين ان الحب في قلبك له اقوى من انك تخفينه او حتى تحاولين تخبينه والا وش يخليك تجين الساعه 3 الفجروانتي ميته خوف ووجهك يعكس مليون تعبير" في : بنات بروح اجيب لي شي وارجع مي بستغراب: وين في بعبوس: راسي مره مصدع بجيب لي أي شي اكله مع ان مالي نفس بس اذا ما اكلت بدوخ عليكم.. مي: براحتك بس لا تطولين في: اوكي بدت تمشي في ممرات المستشفى ممرات مخيفه البارده كلها تبعث اسؤ مشاعر مشاعر الموت والمرض مشاعر فقدان احبه ونزيف جروح تمنت تطلع من هالمكان بأسرع ما يمكن بس تأكدت انها راح تعاشره فتره مو قصيره حست انها متضايقه من ريحه المستشفى ريحه تذكرنا بمواعيد المستشفيات والابر والدكاتره المخيفين ظلت تدور تدور لها أي شي تاكله دخلت في ممر مظلم بالغلط وفي اخره غرفه منوره رجعت بسرعه وشافت شخص واقف عرفته من انفاسه وقوتها وباين انه يبكي بصمت ^^^^^^^^^^^^ في بصوت حنون: زياد زياد خذ دقيقه مسح فيها دموعه ولفت عليها : هلا في في بنفس الحنان: احسن الله عزاك زياد ببرود:جزاك الله خير عن اذنك في ضايقها اسلوبه : وين رايح زياد بعصبيه: وش تتوقعين وين رايح واحد ابوه ميت تبينه يروح يتمشى بروح اشوف اهلي وقف قلبها من صراخه مشت بسرعه تمسح دموعها والقهر والجرح اللي جرحها اياه في واهي تبكي" هذا نتيجه حبي لك ما كنت اتوقع انك تجرحني كذا المفروض اني الحق احساسي اللي قالي ابعد عنك بس ضغطت على نفسي وعلى قلبي ومشيت وراك وماجاني منك الا التجريح" اما اهو اللي ما عرف وش صار فيه كيف ينطق هالكلام لأعز ما يملك في اللي ملكته وغيرته وحبها وحياته من دونها مصيرها الدمار حاول يلحقها بس اختفت زياد" اخر شي كنت احتاجه اني اضايقها نوم وعيني ما ذاقته من يوم ما عرفتها والحين ابوي وزعلتها كيف برتاح ان شاء الله تسامحني الوضع اللي انا فيه الله لا يحط أي احد فيه" ((((((((((((((()))))))))))))))**(((((((((((((((()) ))))))))))))))) سعد وعيونه مغطيها اللون الاسودوبحزن تكلم:زياد يله ابي اشوفه زياد بتعب: يله قوم معاي كلمتهم ووافقو ابو فهد : ادخلو انتو واحنا بعد نبي ونودعه كمل بحزن: هذا اخو دنيا الله يرحمه ابو احمد بدون ما يحط عينه بعين ابو فهد: الله يرحمه.. خذ يد اخوه وراح لأخر غرفه بالممر المظلم وخلاه يدخل اول لحاله .. مشى سعد بخطوات متراجفه غرفه بارده تنبعث منها رائحه الموت لف بهدوء وشاف ابوه ابوه ووجهه كله نور واثار الجروح منتشره على جسمه ويديه كان يرتجف ما يعرف من البرد والا من الخوف والا من اللحظه اللي بيودع فيها ابوه وصديق عمره كان له اعز صديق في وقت الضحك والمزح وكان له الاب في لحظات اللي يحتاج فيها نصيحته .. ركع بصعوبه وعينه على السرير الابيض قرب وجهه من خد ابوه وهمس بدموعه:يبه سامحني انا اعرف انك مسامحني صح يبه مالقى رد وزادت دموعه.. سعد وبكاه وصوته يعلى مسك كتف ابوه وبدى يهزه: يبه انا داري انك مسامحني الله يخليك سامحني مالي غيرك ومالي الا رضاك لا تتركني انا محتاجك مشاعل بطلقها بس انت ترجع مسامحني لا تتركني صوته وصل لزياد اللي دخل وشاف سعد يبكي بقووه ومو قادر يمسك نفسه لما شافه ما قدر يمسك دموعه .. راح وحضن اخوه اللي جلس على الارض واهو منهار عمره ما شاف اخوه بهالضعف سعد طول عمره مثال القوه في نظره ما ضعف ولا لحظه حتى لما ماتت رحيل ضعف وكان منهار بس متماسك ظاهريا لهم بس ما ضعف وانهار قدام الكل يمكن حزنه على ابوه تجمع مع خسارته لرحيل وما قدر يتحملها.. زياد واهو حاضن اخوه: خلاص يا سعد ابوي مسامحك سعد بنظره مثل نظره طفل لقى حبل امل يخليه يرتاح شوي: مسامحني؟!؟@ زياد : ايه مسامحك اهو قالي بس كان زعلان منك لأنك استعجلت سعد يمسح دموعه بفرحه: يعني سامحني زياد ببتسامه: ايه سامحك سعد ترك حضن اخوه ورجع ومسك يد ابوه وباسها بقوه: يبه والله مالي احد غيرك ارجع عاد لا تتركنا امي محتاجتك وانا وزياد وسلطان محتاجينك زياد وقف وطبع على راس ابوه بوسه وداعه وطلع سعد مسح دموعه وقف بشموخه المعتاد: يبه ارتاح امي واخواني في عيوني وامانه عندي طبع على خد ابوه بوسه ودعه فيها وطلع يجمع احزانه مسك يد اخوه ومشو لعند ابو فهد وابو احمد اللي كانو يستنونهم في بدايه الممر ابو فهد بحنان: احتسبو بالصبر والدعاء ما يفيده الا دعاءكم زياد بحزن: ان شاء الله يا عمي تقدرون تدخلون دخلو مع بعض وعيونهم تحكي كلام الزعل والشغل تركوه على جمب الحين خطوات ويشوفون صديق عمرهم على سرير ابيض بلا أي روح او نبض دخلو بهدوء وكل واحد منهم حاول يمسك دموعه اللي خانته في لحظه ضعف قدام اللي شافوه &&&&&&&&&&&&& اميره جلست عند رزان اللي بعد معاناه نامت جلست متكوره على كرسيها تفكر وافكار توديها وتجيبها تحاول تخطط كيف تدمر مشاعل وتهدم حياتها كانت عندها الوسيله بس باقي لها الطريقه وايش راح تكون النتايج دخل عليها نواف وتغطت بسرعه ... نواف من دون نفس واهو يناظر رزان: نايمه؟؟!@ اميره وماودها ترد: ايه نواف بحتقار: وصلي لها هالكلام في واحد خاطبها وانا موافق وبكرا راح نجيب الشيخ هنا وبيزوجهم اميره شهقت: انت مجنون وشلون تزوجها وفي هالحاله وبعد بتجيب الشيخ هنا نواف بنفس النبره: انتي مالك دخل كل ما اسرعنا بزواجهم كل ما غطينا على الفضيحه اللي حضرتها دخلتنا فيها.. كان يظن انها نايمه ما يدري ان كل كلامهم سيوف بقلبها هذا حبيب قلبها استغنى عنها في مشكله وحده طاحت فيها وكتمت دموعها اللي غرقت مخدتها وحاولت ترفع المفرش على وجهها عشان ما تنكشف لهم وتضطر انها تواجه نواف اميره مو مستوعبه وبقهر قالت: ومين عريس الغفله؟؟!@ نواف : اسمه ابراهيم ال........... وولد ناس واخلاقه زينه اميره حست انها ما سمعت زين: وش اسمه؟؟!@ نواف بدون نفس: قلنا لك اسمه ابراهيم ال.............. اميره بدون تصديق: ايييش !!! يتبع<<<< |
|
#449
10-11-2007, 08:08 AM
| ||||
| ||||
| رد : حسبتك عديم الاحساس وصرت لي كل احساسي قصه رومانسيه سعوديه رووعه تابع<<<< اميره بدون تصديق: ايييش !!! رزان حست بقلبها بيوقف من سمعت الاسم وشلون عرف نواف ووشلون وصله واكيد طلع نفسه الملاك وانا الغلطان حقير وواطي كل ما حسيت اني بعدت عنهم القى شي في ثانيه يرجع ويربطني فيهم الاول حملي والحين اهو اكيد وليد مرسله لي اكيد يبيه يقتلني ياليت يكون هالشي صح عشان ارتاح من همي .. اميره بصراخ:وانت وش عرفك انه اخلاق ما اتوقع امداك تسأل عن اخلاق الولد نواف بحقد: قلتلك انتي مالك دخل اهي بنت اخوي وانا ولي امرها وانا ماراح ازوجهم الا لما اعرف عن الولد كل شي بس حبيت اوصل لكم الفكره عشان تستعد لبكرا نفسيا مو ناقصين حالات نفسيه وطلع وتركها بصدمتها اميره جلست بتثاقل على الكرسي تفكر في اللي سواه ابراهيم هل كل هذا تمثيليه من تمثيلياتهم اهو ووليد وخطه انهم يهدون رزان من جديد افكار حست راسها بينفجر منها رجعت راسها على الكرسي ولاحظت شي اميره بحزن: اجل سمعتي رزان من دون ما تلتفت وباين على صوتها الصياح: ايه اميره بقهر: وانتي وش رايك؟؟ رزان صلحت جلستها وعيونها كلها دموع: انا موافقه اميره بتعصيب: انتي مجنونه وشلون توافقين عارفه مين اهو ما سمعتي اسمه اسمه.... رزان بدموع: اسمه ابراهيم مو لازم تعيدينه انا عارفه اسمه بالكامل اميره راحت لها ومسكت كتوفها بقوه وبدت تهزها يمكن تطلع من حاله البرود اللي تمر فيه رزان بعدت عنها بقوه وبصراخ ردت: يا اميره يمكن يموتني وارتاح وافتك من عيشتي خلاص من لي مالي احد الشخص اللي كانت حياتي لها معنى بوجوده نظراته لي مليانه استحقار وحقد شي انا ما اقدر اتحمله يمكن ابراهيم تغير مثل ما قلتي لي ليش يرجع يتزوجني بعد اللي سواه فيني اهو مو مضطر لو أي واحد مكانه يمكن هرب لما لقى الفرصه ما جا وعرض الزواج خلاص انا موافقه هذا مصيري ومصيري انربط فيه يا يكون سبب في خلاصي واما يكون سبب هلاكي ودخلت في نوبه صياح اميره رحمتها جلست جمبها على السرير: حسبي الله عليهم وان شاء الله يكون ابراهيم تغير ويكون الشخص اللي يستاهلك.. &&&&&&&&&&&&&&&&&&&&& ام فهد بعصبيه: خلاص انا طفشت ابي اعرف وش صار بالولد بموت فمكاني ام احمد: بسم الله عليك الحين يطمنوننا ام فهد تحاول تمسك نفسها: أي يطمننونا الله يخليك شوفي كم لهم من ساعه هذي خامس ساعه ام احمد: ياهيا في عمليات توصل يوم كامل ادعي ربك يستر عليه ام فهد بقلب ام رفعت يدها للسماء: ياارب احفظ لي ولدي يارب رجعه لي سالم معافى يارب العالمين.. واستجاب ربها لدعاءها شافو الدكتور طالع من الغرفه وعلامات الارهاق والتعب باينه عليه... وفي ثواني تجمع الكل حوله واولهم مها اللي كانت طول وقتها تدعي في باطنها انه يشفي خالد ام فهد بخوف: طمننا يا دكتور الله يخليك ولدي ولدي الدكتورمحمد بتوتر مع ان هالمواقف تمر عليه كل يوم بس كل مره تكون صعبه لما توصل خبر عن شخص عزيز وقريب منهم في حاله خطره:انا اسف احنا حاولنا وحاولنا نقلل الضرر على قد ما نقدر بس هذا قدر الله وامره وحكمته وانتو لازم تكونون خير عون له عشان يعدي هالمرحله ويتحسن الكل حاط يده على قلبه والخوف تمالك اعصابهم تكلمت ام فهد بخوف وعيونها تنتظر أي حركه تنزلها: ولدي يادكتور وش فيه ريحيني الدكتور محمد بأسى: عموده الفقري تضرر بشكل كبير مما سبب له شلل سفلي *كيف راح ينزل الخبر على خالد وعلى اهله؟؟! *وهل راح يتم زواج ابراهيم من رزان؟؟ *وهل سعد راح ينفذ وعده لأبوه وراح يطلق مشاعل؟؟ّ؟ّ الكل حاط يده على قلبه والخوف تمالك اعصابهم تكلمت ام فهد بخوف وعيونها تنتظر أي حركه تنزلها: ولدي يادكتور وش فيه ريحيني الدكتور محمد بأسى: عموده الفقري تضرر بشكل كبير مما سبب له شلل سفلي الكل عبر عن صدمته بطريقته ام فهد بدت تبكي وتحط يدها على فمها عشان صوتها ما يطلع: ولدي انشل ياحبيبي لاحول ولا قوه الا بالله مها حست بدوخه ورجليها ما تشيلها قربت تطيح على الارض بس سبقتها يد مسكتها لها بقوه.. مي بهمس: تعالي اجلسي مها بستسلام جلست وغطت وجهها تغطي دموعها اللي صارت لها رفيقه وصديقه طول هالايام اول شي خسرته بس خساره تقدر تتحملها اذا كان اهو بخير بس لما تخسره واهو محتاجها وما تقدر تساعده مي اللي كان زعلها على حال خالد وحال مها اللي ما يسر لا عدو ولا صديق صدق انها كرهت مها للحظه لأنها السبب اللي خلى خالد يتغير عليها بس كل شي تغير من بعد ما دخل نواف حياتها.. ابو فهد وحمود واحمد شافو التجمع وعرفو ان الدكتورالمسؤول عن خالد طلع ابو فهد بخوف: ها يا دكتور وش في خالد الدكتور محمد: العمود الفقري متضرر واحنا سوينا اللي علينا والحمد الله اننا قدرنا نسيطرعلى الضرر عشان ما يشمل الشلل الجزء العلوي من جسمه بعد احمد وحمود بصدمه: شلل ابو فهد ضاقت فيه الوسيعه: لاحول ولا قوه الا بالله حمود لازال مو مستوعب: طيب يا دكتور في امل انه يرجع يمشي الدكتور محمد: الحادث كان قوي وسبب الشلل انه اندفع بقوه خارج السياره وضرب في الرصيف هذا اللي عرفته للأن والرصيف سبب تضرر العمود الفقري عنده احمد واعصابه محترقه: ما رديت علينا في امل يمشي والا لا الدكتور محمد مقدر وضعهم: مافي شي صعب على رب العالمين بس خلو ايمانكم قوي واهو راح يصحى من البنج بكرا يعني جلستكم هنا مامنها أي فايده.. حمود حاول يتذكر الحادث بتفاصيله وصرخ : لحظه خالد انصدم ما صدم الدكتور محمد بستغراب: أي خالد انا اتكلم عن وليد ليش مو اهو ولدكم؟؟!؟@ احمد مو مصدق: لالا خالد ولدنا وش صار عليه الدكتور محمد: لا ياخوي انا المسؤول عن اللي سوى حادث وليد ال..... شوفو الدكتور سالم المسؤول عن ولدكم.. ابو فهد والدنيا مو سايعته: يعني ولدي ما انشل الدكتور محمد متضايق وشلون غلط مثل هالغلطه : لا ياخال ما انشل بس انا ما ادري وش صار معاه روحو اسألو الدكتور سالم شوفوه طلع ام فهد جلست تبكي زياده ما تدري من الفرحه والا من الزعل والا من ايش والكل في وضع مو مستقر يخافون يفرحون وينصدمون بواقع اشد من الشلل واقع الموت .. ابو فهد وده يرتاح من اللي حاس فيه: انت المسؤول عن ولدي الدكتور سالم بأرهاق: خالد؟؟!@ ابو فهد بتوتر: ايه الدكتور سالم بعجله:لو سمحت ابي أي واحد فيكم يتبرع دم لخالد لانه محتاج نقل دم والنزيف لازال ما توقف.. ابو فهد ويتمنى يفدى ولده بقلبه مو بدمه بس: كلنا فئات دمنا مختلفه عن خالد حمود بشهامه: ياخال وش فئه دمه ابو فهد: ab+ حمود بخيبه امل: انا ما انفع احمد بحزن: ولا انا الدكتور سالم : لو سمحتو الحاله مو متحمله أي تأخير شوفو أي احد بسرعه احمد راح بسرعه يشوف خواته أي وحده فيهم تحمل نفس الفئه &&&&&&&&&&&&&&&&& اما اهي فغطت نفسها بغطاها الاسود وما عاد شافت أي شي حولها.. احمد من عند الباب: مي مي قامت له: نعم احمد بعجله: وش فئه دمك مي تفكر: اتوقع ab احمد بفرح: +والا – مي تحاول تتذكر: لا – احمد بخيبه: طيب وين اختك اسألي ام فهد والا أي احد من اللي جوا أي احد فئه دمه ab+ مي بستغراب:في ونوف مدري وينهم وامي وخالتي توهم جاين الحين وحالهم منقلب مدري وين كانو بس ليش؟؟ احمد معصب: مو وقت اسألتك قولي عشان خالد وبس مي ما صدقت سمعت الاسم وراح تسألهم مي بصوت سمعه الكل: مين فيكم فئه دمه ab+ ام فهد : مو انا ليش مي لفت على امها: يمه وانتي ام احمد: لا والله ام فهد بأصرار : ليش؟؟!؟@ مي: احمد قالي عشان خالد.. مها رفعت راسها: انا فئه دمي ab+ مي بفرح: متأكده؟؟! مها بنفس الفرح: ايه والله مسكتها من يدها وسحبتها معاها عند احمد مي بحماس: مها نفس فئه دمه احمد مستانس: الحمد الله يارب يله تعالي معاي تقدرين يا مها؟!@ قالت بحنين : ايه اقدر وفي ظرف دقايق كانت على الكرسي والابره خوفها الازلي كانت لها انقاذ لها اول شي لان حياتها من غيره مالها طعم حتى لو كان مشلول المهم خالد يكون معاها وثانيا عشان ما تحرم ناس يحبونه منه فرحت لان كان لها هالشرف ان دمها يمتزج بدمه سحبو منها كميه دم كبيره حاولت توقف وحطت يدها على راسها مو قادره تتوازن مي رجعت جلستها وحبت تلطف الجو: وين رايحه توهم ساحبين منك قدر دم اجلسي هنا على ما ترتاحين وبيجبون لك عصير وخرابيط من قدك يا مهيووي مها ببتسامه : المهم دمي يفيده احمد دخل عليهم وسمع كلامها تذكر ان مي ومها ما درو باللي صار لان كملت بحزن: مع انه ماراح يرجع يمشي بسببه احمد بفرح: خالد مو مشلول الدكتور لخبط بينهم مي ومها ما تكلمو .. احمد:ايه والله العظيم بس خالد محتاج دم الحين لان النزيف ما وقف بس هذا اللي قاله الدكتور لحد الحين غير كذا ا قالنا ادعو ربكم انه يعديها على خير مها وصدمتها شلت لسانها وحمدت ربها انها متغطيه والا كان انكشف: يعني يقدر يمشي احمد: ايه الحمد الله مها" يارب رحمتك وسعت كل شي الحمد الله انا ما افداك بدمي بس يا خالد افداك بقلبي والله يقدرني ابين لك محبتي الله يرجعك لي سالم" احمد : مشكوره يا مها مها بنبره ما فهمها الا مي: العفو ما سويت شي دق جوالها وطلعت من الغرفه... مي : هلا نواف : هلا قلبي مي ببرود: اهلين نواف حس في صوتها شي: قلبي وش فيك؟؟ مي بعصبيه: انت وينك طول اليوم ما تتصل نواف فرح من عصبيتها: مو قلتلك اني بروح اشوف رزان مي تذكرت وتفشلت من نفسها كل الاحداث اللي صارت نستها: طيب وشلونها نواف ما وده يتذكر:بخير الحمد الله مهما كانت مي قريبه منه امور تخص عايلتهم ما حب يشاركها فيها فخبى عنها موضوع الزواج والسبب الحقيقي لمرض رزان.. سمع اصوات وصجه: انتي وينك فيه وش هالصجه؟؟ مي بحزن: انا في المستشفى انت في البيت نواف بدهشه: وش تسوين في المستشفى لا يكون فيك شي ؟!@! مي : لا ما فيني شي عمي ابو سعد توفى وولد عمي خالد صاير له حادث نواف: لا حول ولا قوه الا بالله الله يرحمه وشلون مي: حادث والكل متجمع هنا نواف: طيب وخالد وشلونه مي بضيقه: له خمس ساعات في العمليات وعنده نزيف وبنت عمتي تبرعت له بدم لانها الوحيده المطابقه شفت سبحان الله نواف: ايه والله سبحان الله يعني ابوه وامه ما يكون بينهم تطابق وبنت عمته اللي مو اقرب له منهم لها نفس الفئه قولي الحمد الله يتبع<<< |
|
#450
10-11-2007, 08:09 AM
| ||||
| ||||
| رد : حسبتك عديم الاحساس وصرت لي كل احساسي قصه رومانسيه سعوديه رووعه تاابع<<<< نواف: ايه والله سبحان الله يعني ابوه وامه ما يكون بينهم تطابق وبنت عمته اللي مو اقرب له منهم لها نفس الفئه قولي الحمد الله مي: الحمد الله دووم نواف بتعب: طيب قلبي انا جايكم الحين مي : لا مايحتاج الكل بيروح ماعدا عمي عبد الله وزوجته ونوف وانا بجلس معاهم نواف: لا وش يجلسك انتي معاهم مي: ما اقدر اخلي نوف لحالها في هالظرف انت ارتاح اليوم وبكرا تعال نواف بستسلام لان ارهاقه ما يسمح له بالمناقشه: خلاص قلبي بس شوفي اذا طلع خالد من العمليات طمنني حتى لو انا نايم اوكي مي ببتسامه: اوكي مع السلامه نواف: مع السلامه &&&&&&&&&&&&&في جهه ثانيه من المستشفى&&& ابو احمد اتصل على فيصل... ابو احمد: هلا فيصل فيصل وصوته كل نوم: هلا والله ابو احمد بجديه: هلا فيصل نايم فيصل عدل جلسته: لا ولايهمك عسى ما شر ابو احمد بضيقه صدر: عمك ابو سعد عاطاك عمره فيصل فتح عيونه على وسعها عشان يستقبل الخبر: ايش ابو احمد بعصبيه: اللي سمعته فيصل ما يدري ليش تضايق صدق كان يبي يتخلص منه بس عمره ما تمنى الموت له وابو سعد اهو الوحيد اللي كان يعامله بأحسن طريقه واحسن اسلوب : الله يرحمه وشلون ابو احمد: حادث سياره ابيك من الصبح تجي المستشفى عشان نكمل الاجراءات ونبدى بالعزا فاهم فيصل: فاهم ان شاء الله جايكم الحين ابو احمد بجديه: انا قلتلك بكرا فيصل بقهر: ان شاء الله بكرا الصباح بكون موجود ابو احمد : مع السلامه فيصل: مع السلامه سكر السماعه والنوم طار من عينه وكأن ربه يسهل له كل خطواته خاف ربه انه يبلاه لانه تشمت بس ضحك من قلبه على كلامه فيصل" انا ما تشمت على احد هذا مكتوب ومقدر بس الله يرحمك ياعمي والله كنت طيب وما تستاهل ياليتها جت في غيرك بس معليش هانت على يا فيصل هانت خطوات بسيطه وكل شي يكون لي &&&&&&^((^((((((((((((((()))))))))))))))^))^&&& && بعد ما قالت لنوف كل اللي صار .. نوف بكره: والله انه ما يستاهل انك تحبينه من اول مشكله سوى فيك كذا في بحزن: مدري يا نوف المفروض اقدر وضعه انت عارفه انه خسر ابوه حطي نفسك مكانه اانا الغطانه لازم استحمله مو اتخلى عنه بسهوله مي وتوها واقفه: هذي اختي اللي اعرفها رفعو روسهم لها.. نوف تمر بكل الحالات اللي مرت فيها البشريه عصبيه خوف توتر : وش قصدك يعني يعني يصرخ عليها عادي؟!@ مي: لا مايصرخ عليها عادي ما اتوقع زياد لو كان في حالته الطبيعيه بيضايق في بأي طريقه بس اهو في ظرف المفروض نقدره شوفي حالك يا نوف يعني اخوك في غرفه العمليات وانتي حالك مثل ما انتي شايفه اجل لو لاسمح الله كان ميت وش بيصير فيك نوف سكتت لان كلام مي ما يقدر احد يناقشه.. مي اثبتت كلامها: شفتي سكوتك يعني انك عارفه ان كلامي صح مي جلست جمب اختها: قومي بس واستهدي بالله ولاتلومين الرجال حاله ما يعلم فيه الا الله خلينا نشوف خالتي وامي اللي ما سكتت من يوم ما عرفت باللي صار وبعدها لكل حادث حديث.. قامت مع اختها بستسلام لانها ارتاحت شوي بعد اللي سمعته ما توقعت اختها بهالعقل والحكمه بس مي تغيرت 180 درجه من بعد ما ارتبطت بنواف.. %%%%%%%%%(((((((((()))))))))))%%%%%%%%% بعد ما مرت ست ساعات على دخول خالد لغرفه العمليات... الدكتور سالم: والله يا ابو فهد ما ادري وش اقولك انا عندي خبرين واحد حلو واحد شين وش تبي تعرف منهم اول .. ام فهد بخوف: نبي نعرف الحلو يا دكتور ما سمعنا اخبار حلوه طول اليوم.. الدكتور سالم: طيب انا تعبان من الوقفه خلونا نجلس في مكتبي ونتكلم بهدوء ام فهد مسكت لا شعوريا يد زوجها تحاول تجهز نفسيتها لتقبل اللي بتسمعه ^^^^في مكتب دكتورسالم^^^ جلس بتعب: انا اول شي حاب اعتذر لكم عن الخطأ اللي صار بس الدكتور محمد مسؤول عن الشخص اللي صدم ولدكم وحسبكم انتو اهله ابو فهد بتفاجأ:اللي صدم خالد!!! دكتور سالم: ايه واهو اللي انشل مو خالد ام فهد بقلب ام ما يرضى على ظناه أي جرح: الله لا يوقفه ليش صدم ولدي جعله.. ابو فهد قاطعها: لا تدعين على الولد ما تدرين يمكن ما كان يقصد وبعدين اهو فيه اللي يكفيه يكفي انه انشل احمدي ربك على سلامه ولدك وبس ام فهد كتمت حسرتها: الحمد الله كمل : طيب يا دكتور نبي نعرف حاله ولدنا بالتفاصيل.. دكتور سالم:مثل ما قلت لكم في خبرين اانا ببدى بالخبر الحلو اللي هو اننا الحمد الله قدرنا نسيطر على النزيف وفادنا الدم اللي تبرعت فيه البنت اتوقع بنتكم ام فهد بحنان: ايه بنتنا الله يسلمها والله ما ادري وشلون برد لها هالمعروف كمل الدكتور: الحمد الله الدم كان يكفي وما احتجنا اننا ناخذ منها زياده بس ابو فهد بترقب: بس ايش الدكتور سالم:الخبر الشين ان خالد دخل في غيبوبه ام فهد نزلت دموعها بدون سابق انذار: غيبوبه كمل: ايه غيبوبه والله اعلم متى يصحى منها وبعد ما ندري نتايج الضربه ايش ؟؟! ابو فهد ضايقه فيه الدنيا: دكتور لاتخبي علينا شي خلنا عارفين وعلى نور عشان ما ننصدم اكثر كمل الدكتور: ممكن لو صحى يكون فاقد لأحدى حواسه ابو فهد: لاحول ولا قوه الا بالله بعد الدكتور: مالكم غير الصبر وان شاء الله يصحى منها خلو املكم بربكم كبير اغلب اللي يدخلون في غيبوبه يرجعون منها.. ام فهد بخيبه امل: يعني يمكن ما يصحى ولدي يمكن ما يصحى... الدكتور: ليش التشاؤم خلك متفائله ووكلي امرك لله ام فهد: ونعم بالله بس ابي احط كل الاحتمالات الدكتور: هذا كل شي وان شاء الله راح يكون في عنايه مكثفه لحد ما يعدي هالمرحله الخطره لان نبضات قلبه مو منتظمه والزياره ممنوعه عنه على الاقل يومين ام فهد بعصبيه: يومين ما اشوفه لا ما اقدر تبي تذبحني انت الدكتور سالم : يا خاله انتي ما تبين ولدك يتحسن بسرعه ام فهد بحنان: وش رايك يا ولدي اكيد.. الدكتور سالم: اجل خلاص خلوه يومين بسمح لكم تشوفونه من الباب بس تدخلون عنده لا ام فهد بستسلام: المهم اشوفه &&&&&&&&&&&&&&&&&&&& بعد ما شربت كميه عصير كبيره وارتاحت تذكرت مها" وين متعب له اكثر من ساعه مختفي من بعد ما حطني ماعد شفته الله يستر على الولد مدري وش فيه هاليومين متغير دايم تعبان ومرهق وتصرفاته مو طبيعيه وين راح" مسكت جوالها واتصلت عليه.. متعب وصوته كله نوم: الوو مها : متعب وين رحت انت متعب لازال يتكلم وكله نوم: انا في السياره انتي وينك؟؟!@ مها بعصبيه: وش فيك انت شارب شي مو توك حاطني في المستشفى متعب تذكرومن غير اهتمام قال: اييه طيب دخلتي وش صار فيك؟؟!@ مها مقهوره من بروده: مافيني شي بس دوخه شوي بس لو انك واحد يستحي على دمه كان نزلت وعرفت المصيبه اللي صارت.. متعب بتوتر: وش صار وجلست تقوله كل شي... متعب واهو ينزل من السياره: يله انا جاي بس كنت تعبان شوي وارتحت في السياره.. مها: لا تتطول علي متعب بعجله: لالا ماراح اطول مر هاليوم وطلعت عليهم شمس يوم جديد يوم نتأمل انه يكون احلى ولو بجزء بسيط واحلى على الكل.. ام فهد ونوف بعد معاناه طلعت وراحت البيت بعد ما اقنعها الدكتور ان خالد ما راح يصحى على الاقل اليوم .. &&&&&&&&&&&&&&&&&&&&&&& كان عزى الرجال في بيت ابو سعد اما عزى الحريم ام احمد قامت بكل شي في العزى عشان تريح ام سعد ... الغرفه كلها اسود بأسود ناس تدخل وناس تطلع ومعارف ام سعد كثار ومافي احد عرف الا وقام بالواجب شي اتعب ام سعد اكثر من تعبها $$$$$$$$$$$$$في بيت ابو سعد$$$$$$$$$$ يتبع>>> |
 | سياسة الخصوصية |  |
العرض العادي
