بحث مخصص
|
| | |
| | |
|
| ||||||
| |||||||
| الملاحظات |
| ||||
 |
| | أدوات الموضوع | انواع عرض الموضوع |
|
#1206
11-23-2007, 08:06 PM
| |||||||||
| |||||||||
 رد : حسبتك عديم الاحساس وصرت لي كل احساسي قصه رومانسيه سعوديه رووعه تابع>>>قررت قرار ما تدري راح يكون صح او خطأ... مشت بخطوات حزينه مجهوله المصير وطلعت من المستشفى وبكذا طلعت من حياه فيصل وزياد ويمكن حتى من حياه نفسها.. %%%%%%%%%%%%%%%%%%%%%%% نواف اتصل على ابراهيم لانه بيزورهم العصر عشان يعطيهم بطاقات العرس.. العصر مر عليهم... رزان بمزح: اجل ياليتك كل يوم تعرس عشان تسير علينا نواف: والله معليش انا مقصر بس امور هالعرس وكل يوم طالعه لنا مشاكل والدنيا تشغل اللي ما ينشغل.. ابراهيم: معذور معذور عارفين لو انك فاضي كان ما قصرت.. نواف: ايه والله المهم كيفكم كيف اليبيبي معاك ان شاء الله مو تاعبك.. رزان حطت يدها على بطنها المنتفخ والمتكور بشكل محليها وبفرح صادق قالت: لا والله لا تعبني ولا شي اصلا أي شي من ابراهيم انا راضيه فيه حتى لو كان فيه موتي نواف بمزح: اوووه ياعيني على الحب ياعيني اشوى ان مي مو هنا والا كان قالت شفت شفت اللي يدلع مو انت وبتكش علي بعد.. ابراهيم وزران:هههههههههههههههههه ابراهيم: بسم الله عليك على هالكلمتين انا اللي بروح اجيب القهوه .. نواف: لا مايحتاج انا ماراح اطول.. رزان : اقول بس والله ما تطلع قبل ما تشرب قهوتي نواف: اف اف انتي اللي مصلحتها من متى تعرفين انتي ما تعرفين تسلقين بيضه.. رزان: نوره اخت براهيم ياحبيلها علمتني اطبخ واسوي كل شي خايفه على اخوها يعيش في مجاعه ابراهيم ونواف:هههههههههههه ابراهيم: حلاص اجل بروح اجيبها عشان تجرب قهوتها الله ييعينك رزان بدلع: برهووم ابراهيم حط يده على فمه:ههههههههه خلاص بسكت بسكت تجنن يانواف بس العب عليك.. سوى حركه بيده رفعها على فمه واشر لنواف واهو يطلع له لسانه.. رزان ناظرتهم: ايوريكم انتو الاثنين اشوف اتفقتو علي طيب يا برهوووم طيب ابراهيم بخوف مصطنع: لاااااا الا كذااا خلاص بعقل.. نواف ورزان:ههههههههههههه نواف تكلم بعد ما تأكد ان ابراهيم صار في المطبخ تكلم بجديه:: رزان كيف ابراهيم معاك.. رزان بحب تكلمت: الحمد الله يجنن معاي.. نواف: متأكده؟!@ رزان: ايه متأكده ليش مو باين علينا!@؟!@ نواف: الا مشاء الله عليكم باين بس مو كل شي ظاهر للناس اهو نفسه في الباطن.. رزان: لا الحمد الله تطمن .. نواف: طيب واهله كيفهم معاك. رزان : عارف ياعمي نواف انصدم من كلمتها هذي اول مره تقوله ياعمي دايم يا نواف والا فوفو اذا بغت تدلعه.. رزان لاحظت وجهه كيف تغير: ايه مثل ما سمعت انت عمي وعلى عيني وراسي.. نواف بمزح: لا ولله تبين تكبريني عشان تصيرين تقولين قدام مي عمي وعمي تحسبني شايب.. رزان:هههههههههههههه ولا يهمك قدامها بدلعك يا عمو نواف: لا والله تلعبين علي انتي قاطعهم صوت ابراهيم داخل واهو شايله الصينيه: خلها تلعب عليك شوي مو دايم انا الضعيف اللي ينعلب علي.. الكل:هههههههههههههههههههههههههه $$$$$$$$$$((((((((((((((()))))))))))))))$$$$$$$$$ مرت الايام بسرعه على الكل ايام حلوه ايام عاديه وكلها روتين ايام تجر وراها يوم مهم لكثار... لمي ونوف اللي زواجهم قرب والدنيا مو ساعيتهم من الفرحه لانهم بيرتبطون بأشخاص صارت لهم اهميه بحياتهم .. مها اللي قررت ووافقت على موضوع خطبتها من خالد في هالفتره بس دخول ابوها السجن غير كل خططهم خالد كان فرحان بقرارها وقرر في قراره نفسه انه ماراح يخلي مها تندم على هالجواب طول عمرها وان كل اللي عانته في غيابه واللي سوته ايام مرضه كان شهاده تثبت حبها القوي له.. مشاعل وفهد اللي حياتهم صارت احلى واحلى وعلاقتهم ببعض صارت اقوى واشد مثل لحام شدهم لبعض اكثر.. حمل مشاعل عطى لحياتهم طعم ولون جديد زاد اهتمام ام سعد بمشاعل وزادت محبه مشاعل لأم سعد لانها اعتبرتها امها اللي ما لقت لحنانها في هالدنيا له أي وجود ... ام احمد وابو احمد اللي تحسنت صحته بفضل قوه قلبه وصبره على مصيبته جازاه ربه بصحته اللي رجعت بسرعه ادهشت الكل ام احمد اللي كل بصلاتها تبكي عى فراق بنتها حاولت وحاولت تخبي عنها هالشي عشان ما تضايقها واهي بعز فرحتها.. حالهم من حال ام فهد وابو فهد اللي وافق يخطب مها لخالد بأقرب فرصه ... فيصل واميره اللي حياتهم تحولت لانواع العذاب والسواد غيمه نزلت بأمطارها على قلوبهم بدموع سوداء قلب اميره الحاقد اللي خرب طعم كل شي بحياتها ومنعها من انها تعيش بفرح والا تبدى حياتها من الصفر عاشت ايام غطاها القهر والدموع .. فيصل شلله ما كان منحصر بجزء جسمه السفلي شلل غطى على كل شي بجسمه اولهم قلبه وعقله صدمته بتخلي نرمين عنه واهو بعز حاجتها له اثر على نفسيته واخر علاجه اللي كل ماله ويطول بسبب نفسيته التعبانه انقطاعه عن العالم وعن الحركه اهم هالاسباب ... ابراهيم ورزان كانت حياتهم المتواضعه مليانه حب لهفه على بعض سعادتهم بالطفل اللي في الطريق غطت على كل المشاكل الصغيره اللي ممكن تنقص من تفاهمهم القليل وتعامل اهل ابراهيم لرزان خلتها تحس انها بين اهلها وناسها وانها صدق خسرت امها اللي تبرت منها من بعد حادثتها واميره اللي قاطعتها بعد ما عرفت وش خطتها لتدمير مشاعل لقت اللي يعوضها من خوات ابراهيم الطيبات والا امه الحنونه والاهم من كل هذا ابراهيم وقلبه الكبير.. نواف واحمد كل واحد حالها اشبه بالثاني مو بس عشان عرسهم بنفس اليوم العرس اللي تكلمت عنه الرياض كلها حتى قبل ما يصير لأنه عرس لأكبر العوايل بالرياض واشهرها كانو عايشين بعذاب بعد ما قررت مي ونوف انهم يقطعون مكالماتهم فيهم ليوم العرس عشان على قولتهم يشتاقون لهم وشكل الطريقه ماشيه معاهم ميه ميه... وليد واحمد احمد لازال بعالم الاسود عالم البعد عن الله وقله الايمان فيه لازال ضايع وبعده عن الهدايه تزيد سواد قلبه اذاه وصل للكل بنات مالهم ذنب الا انهم صدقو كلماته بالحب الكذاب والا عشقه وهفته على شوفتهم وعدم قدرته على احتمال بعدهم وليد اللي في نظره اكثر شي بيريحه الموت الموت الرحيم بالنسبه له المرض تمكن من كل خليه بجسمه دمرها وخلاها قابله للأنهيار بأي لحظه اخته اللي كانت تناظره يموت كل يوم اكثر واكثر كانت احيانا تفكر تقولهم يقتلونه عشان يرتاح من اللي اهو فيه بس ايمانها بأن الموت حق وكل شخص له في هالدنيا سنين وايام معدوده ويوم موته جاي لا محاله.. متعب للي طلع من المستشفى وبتشجيع الكل واول شخص اهو الجد منصور على العلاج ودخل المستشفى وكل يوم يتحسن اكثر واكثر.. حصه اللي فضى عليها البيت وما بقى لها غير مها اللي شوي وبتتركها بعد اعتزلت الناس بعد ما هجروها وهجرو صداقتها بمجرد انتشار خبر زوجها للي دخل السجن واختلاسه للفلوس الايتام والا انهيار شركته وافلاسه تركوها الناس وصديقاتها واهي بأمس الحاجه لهم اكتشفت غباءها وانها فضلت غرب على عيالها فضلت الطلعات على الجلسه في بيتها فضلت انها تجامل الناس بدال ما تشوف حاجه بناتها لها ندمها كل يوم يزيد وجبروتها وقوتها انكسرت بمجرد ما تشوف البيت الخالي ووحدتها للي الباين انها بتطول.. في النهايه نهايه قلبين لازالو متفرقين .. هل هذا قدرهم والا هذا حظهم في هالدنيا ان كل شخص منهم يعيش بعيد عن الثاني.. في وزياد نهايه ولا في الاحلام.. $$$$$$$$$$$$$$$$$$$$$$$$$$$$$$$$$$$$$$$$$$$$$$ قبل العرس بيوم سوت في مفأجأه لنوف ومي سوت لهم حفله وداع للعزوبيه او((باتشوريت بارتي )) خلت الكل يجلس ببجامات حرير حتى امها وام فهد وام سعد اللي لبسو مثلهم وكان شكلهم يموت ضحك كان الاكل كله شبسات وبوب كورن بكل انواعه كراميل وبالزبده بالجبن وبكل شي.. كانت حفله بنات درجه اولى وكانت في مرتبه الحفله بشكل يجنن كل شي في البيت كانت الوانه بنفسجي واصفر مثل الوان عرس نوف ومي بالونات غطت المكان وضحك ورقص وتدريبات على الزفه.. في واهي ترقص مصري.:ههههههههههههههههههه اتحداكم مي: ههههههههههههه يختي انا مابي اعرج والا تنكسر رجلي بكرا انا مو خبله مثلك.. مها: فيووو يالخبله لا تسوينها.. نوف واهي تصرخ: والله ياويلك اذا طبيتي.. كانت في المجنونه واقفه فوق الدولاب والسرير بأخر الغرفه وتبي تسوي مغامره وتطب من الدولاب على السرير.. في واهي تصرخ:1 صرخو البنات: لاااااااااااااااا كملت عد:2 مي ودها تصيح: يالحماره بعيييييييد السرير بعيد لااااااا في ميته ضحك:3 وطبت... البنات بالحركه البطيئه: لاااااااااااااااااااااااا صرخت لما طاحت على السرير ودخلت راسها في المخده.. مها بخوف : عسى ما تعورتي يالخبله.. نوف ومي بخوف: رددي وش فيك لا يكون انكسر راسك.. في رفعت راسها واهي ميته ضحك: يالخواااااااااافين مافيني شي مافيني شي سليمه.. مي واهي تدفها: عمى يعمي العدو خوفتيني .. في لازالت تضحك:هههههههههههههههههههههههه حضنو البنات بعض وجلسو يبكون في حضنت مي ونوف وطبت معاهم مها ومشاعل وجلسو يبكون.. مها بمزح واهي تمسح دموعها: والله كنهم بيموتون مو بيعرسون مي واهي تمسح دمعتها: يله عقبالكم يااااااااارب مها: امييييييييييييين الكل:هههههههههههههههههههههههه نوف: انا بس اللي مضايقني ان ميوو بتسافر والا انا بجلس هنا ماراح اروح مي بحزن: ترا والله برجع اصيح مشاعل: لاتكفين يكفي صياح وسعو صدوركم خلاص بكرا بتودعون العزوبيه رسمي والله الزواج حلو خذو مني مجربه الكل:اووووووووووه يامجرب مشاعل:ههههههههههههههههههههه الله يقطع بليس التفكير الشين بعد ما انتهت الحفله الكل راح باقي ام سعد كانت تستنى زياد يجي ياخذها.. مي راحت تنام عشان تقدر تصحى من الصباح لان بكرا يوم عرسها يمكن تلعب على نفسها لما تقول انها تنام خوفها وتوترها يمنعها من هالشي,, وام احمد راحت تصلح عشى لأحمد وابوه.. جلست ام سعد وفي في الصاله.. دق جوال ام سعد ,, في: خالتي بتروحين اجيب عباتك.. ام سعد: ايه ياقلبي زياد براا يوم سمعت اسمه زادت دقات قلبها.. راحت جابت عبايه خالتها ... قبل ما تطلع ام سعد قالت: في لك شي عندي.. في مستغربه.. قبل ما ترد طلعت ام سعد من عند الباب صندوق كبير.. ام سعد: تفضلي ويله مع السلامه.. طلعت وتركت في في حيرتها ... شالت العلبه بصعوبه وطلعت لغرفتها ... جلست على الارض وعينها على العلبه والفضول ذبحها فكت الشريطه الستان السوداء .. شالت غطى العلبه وبدت تشوف ايش داخلها.. لقت صندوق خشبي معتق ودفتر جلد اسود كبير.. فتحت الصندوق بأعجاب بشكله لانها تحب القطع المعتقه او ((الانتيكا)) انصدمت لما شافت اللي داخل الصندوق.. قاروره زجاجيه صغيره في تراب واسوارتها اللي ضاعت منها في الدمام كانت تظن انها عندها راحت فتحت علبه اكسواراتها ودورتها بعجله وما لقت شي كيف وصلت هنا.. يتبع>>>  |
| حسبتك عديم الاحساس وصرت لي كل احساسي قصه رومانسيه سعوديه رووعه |
| |
|
#1207
11-23-2007, 08:15 PM
| ||||
| ||||
| رد : حسبتك عديم الاحساس وصرت لي كل احساسي قصه رومانسيه سعوديه رووعه
يتبع>>> قاروره زجاجيه صغيره في تراب واسوارتها اللي ضاعت منها في الدمام كانت تظن انها عندها راحت فتحت علبه اكسواراتها ودورتها بعجله وما لقت شي كيف وصلت هنا.. قاروره صغيره فيها مويه والباين انها مويه بحر من لونها الغريب والممزوج بالتراب.. ورقه صغيره اللي اصلا جزء من غلاف شيبس تحبه في..وصدفه بحريه صغيره بلون زهري.. بندانه صغيره لونها فوشي تذكر انها كانت تربطها على شعرها من فتره.. واخر شي واكثر شي عجبها هو قطعه حديده اللي هي غطى علبه مشروبها الغازي المفضل((كوكا كولا)) مفتوحه من الجهتين وفيها سلسله فضيه قلبتها في يدها ولمحت من ورى كتابه بخط صغير ((الى من اعطت لحياتي روحا)) صارت مو مستوعبه اللي تشوفه هل العلبه من الشخص اللي تتوقع انها منه زياد... رجعت نظرها للدفتر الجلد الاسود.. فتحته بترقب وخوف من اللي بتقراه قرت في اول صفحه ((حياتي اصبحت من بعدك سوداء بسواد غلاف هذا الدفتر الذي جمع من ذكريات حبك الكثير قطع صغيره من كل مكان داست قدميك الجمليتين عليه اصبح ذكري رائعه لي بحر ورمال ليل ونهار اصبحت لي الحلم الذي لا اريد ان استفيق منه انتي الدفا اللي تجعل روحي تستمر بالعيش فلا تحرميني تلك النظره البريئه او الابتسامه الجريئه او حتى خصل شعرك السوداء بسواد الليل لا تحرميني كلمه ....احبك....))) دمعت عيونها واهي تقرى هالكلام من زياد معناه انها لازال حبها بقلبه ثابت ماغيره شي بدت تقرى كل كلمه بالدفتر بحب ودموعها تنزل ما تعرف دموع فرح او حزن حب والا كره لهفه او ندم.. عنوان ورى عنوان يشدها انها تقرى كل كلمه مكتوبه بخط يده الجميل.. ((انتي حياتي)) ((ورده ورديه في عالمي الاسود)) ((يوم فراقها فارقتني روحي)) وكلمه ورى كلمها بدت تفهم الرموز بالقطع اللي مالها معنى مثل ما كانت تعتقد بالاول.. قرت عن الرمال اللي كانت رمال الشاطئ لما جلست معاه والبندانه اللي ضيعتها لما كانت تبي ترفع شعرها وما عد لقتها صار اهو اللي سارقها.. قطعه من كيس الشيبس لما شافته بالاستراحه اول مره بعد فتره طويله.. اما غطى العلبه جلست تضحك لما قرت وتذكرت السالفه... في : لا تتحداني ولله اسويها زياد بغرور: مجنونه ياويلك بتتكسر اسنانك في: اسناني قويه ماعليك مني زياد: اقولك لا تسوينها في: عناد فيه بسويها مسكت الغطى وحاولت تشيله بأسنانه لحد ما عورتها.. زياد :ههههههههههه شفتي تتساهلين اقول هاتي انا بفتحها في واهي مكشره: ووشلون يا ذكي.. مسك العلبه ولفها بقوه لحد ما طاشت عليهم واخذ غطاها من ذاك اليوم.. جلست تبكي مو عارفه في ايش تفكر والا ايش تسوي ايش راح يكون ردها عليه.. جلست تقرى قصايده لها كل كل لحظه عاشتها معاه والا حتى التقت عينها بعينه... أبي ارحل عن الدنيا وانا ساكت لان حزني الغاني واشواقي بعد ماتت لانه ما بقى فيني سوى جرحي شوي من الالم مدفون في صرحي ابي ارحل عن الدنيا اودع ناس و تبكي ناس وذيك عيون بعض الناس ما تبكي الم بيني و بين نفسي يقل لي عطني امآلك وخذ يأسي وسوي من بقايا الحزن في ليلك قصايد تصبح و تمسي وودعهم بعد هالناس تراهم ما يحبونك ترى ما عاد يبغونك لانك تختلف عنهم وتلبس ثوبك الاسود مطرز بالحزن و الخوف لانك تنظر لابعد من حدود النظر و الشوف واقول احسن اودع ناس و تبكي ناس لان عيون بعض الناس ما تبكي حست باألم من كلماته ندم على فتره عاشت فيها من دون زياد جمبها يدفيها بصوته يواسيها بضحكته ويمسح دموعها وقت ما تحتاجه انتظرت هالكلمات عشان تتأكد ان شعورها عمره ما اخطأ وان حبها لزياد حب متبادل حضنت الدفتر وقربت لصدرها بعد ما قرت من كلمات فرحت قلبها وحزنته بنفس الوقت.. رجعت تفتح صفحه وورى صفحه وتقرى قصيده ورى قصيده خاطره ورى خاطره عمرها ما توقعت ان زياد شاعر او عنده قدره على الكتابه بهالطريقه الرائعه.. بقايا شوق بيدي رميت القلب في وسط نارك @ وأقفيت يا ظالم وأنا فيك مفتون يا زين قلبى من هواك استجارك @ حبك عسرنى ماطوى القلب با لهون إنـهد حيلى في عذاب إنــتظارك @ أخفيت جرحى مابى الناس يدرون مــتى تخفــف لو عــتى با عـــتذارك @ اشوفك مره على الحب تبكون أنـــــهيت قصــة حبنا باخــــتيارك @ وين الصبر يا قاسى القلب وشلون أرمي سلاحى واعترف بانتصارك @ ابكيت من يضحك على اللى يحبون &&&&&&&&&&&&&&&&&&&&&&&&& يوم العرس.. الكل منحاس من الصباح .. مي وفي تحممو من الصباح في راحت للمشغل مع مها وامها وام فهد ومشاعل .. ام مي ونوف جلسو في البيت يهدون اعصابهم قبل ما يروحون للقاعه وتجيهم الكوافيره هناك.. في المشغل*** في المسكينه حالتها حاله مو عارفه تجلس عشان يحطون لها الميك اب من كثر الاشغال اللي فوق راسها وتبي تسويها تتأكد ان صواني الحلى وصلت القاعه.. والورد وكل شي بمكانه,, خلصت مكياجها وشعرها وجت بتطلع من المشغل.. مشاعل بدلع: اش اش هالحلاوه الناس بتحسبك انتي العروس مو اختك في:هههههههههه لا تسمعك مي والله لتعضك مشكوره ياقلبي وانتي طالعه تجنين مشاعل جلست تناظر نفسها في المرايه: عاد والله ما عجبني مكياجي مرره في: حراااااام عليك والله يجنن مره الموف يجنن عليك .. مشاعل: طيب انا خلصت وبطلع معاك عشان اساعدك وش رايك؟!@ في: متأكده انك خلصتي ماراح تجلسين مع خالتي ام سعد؟!@ مشاعل: ايه خلصت واهي قالت اذا تبين تروحين روحي.. في مسكت جوالها: طيب بشوف السواق وينه.. مشاعل: ما يحتاج سعد برا بس امر البيت اجيب فستاني عشان البسه في القاعه وبعدين نروح وش رايك؟! بعد تردد: اوكي مشاعل : يله طلعنا.. ركبت السياره قبل ما تجي في اللي تأخرت واهي تدفع الحساب.. سعد بخبث: ياعيني وش هالحلاوه وش هالزين.. مشاعل بدلع: والله انك نصاب وشلون شفتني وانا متغطيه بعد.. سعد بخبث: انا اشوف الزين لو انه متغطي ببطانيه ماعليك انتي بس مشينا مشاعل: لا استنى بتجي معانا في ما عندها اللي يوصلها القاعه سعد:اهاا الله يحيها.. في ركبت واهي مستحيه: السلام عليكم.. مشاعل وسعد: وعليكم السلام في بأحراج: معليش عطلتكم سعد: افاا بس يافي انتي اخت واحمد اخوي يعني انا الحين بودي اختي عشان عرس اخوي مشاعل وفي:هههههههههههه وصلو البيت ... مشاعل: قلبي انزلي معاي دقيقتين ونازله.. في: طيب خلاص اجلس في السياره.. سعد: لا ما اقدر اخليك لحالك بالسياره شوي ونرجع.. اضطرت تنزل معاهم مشاعل واهي طالعه الدرج: شوي ونازله في بأحراج: خذي راحتك.. حطت طرحتها على كتوفها وجلست تناظر عيونها في المرايه بتفحص.. وقف قلبها لما سمعت: طول عمرك حلوه وبتظلين حلوه بخوف رفعت طرحتها بسرعه وغطت وجهها تخفي نظرات عيونها المليانه شوق لشوفته وشوفه عيونه .. التفت عليه وانصدمت من شكله كان طالع يجنن لابس الثوب والغتره البيضاء ومضبط سكسوكته مثل ما تحبها واحلى مافي شكله عيونه اللي تلمع بشكل غريب من طاحت عينه عليها.. زياد بحزن: في وصلتك هديتي امس.. في نزلت راسها: ايه وشكرا على الكلام زياد بحزن يقطع قلبها: وانا اعني كل كلمه كتبتها يا في انا صرت شاعر بسببك وبسبب حبك لي وحبي لك انا انسان ضايع من دون نورك ارحمي قلبي تعب من فرقاك اخيرا في نطقت: وانا احبك بعد بصدمه سمع كلمتها: ابيك ابي اتزوجك في ابتسمت من تحت غطاها:طيب زياد جلس بدون أي حركه: من جدك قاطعهم صوت كعب مشاعل واهي نازله.. طلعت في بسرعه من الصاله واهي ميته خوف وقلبها مو ساعيته الدنيا من الفرحه اخيرا رجعت الفرحه لقلبها اخيرااا.. ركبت السياره واهي تفكر باللي صار يرجع وينعاد بكل تفاصيله وكل ما تذكرت كل ما بدت تستوعب ان اللي صار حقيقه وااقع اخيراا راح تكون لزياد زوجه وصديقه وحبيبه وكل شي بدنيته واهو كل شي بدنيتها.. %%%%%%%%%في القاعه%%%%%%% مها وام احمد وام فهد وام سعد وصلو قبل مشاعل وفي.. ام احمد: وينك تاخرتي مشاعل:معليش ياخالتي كله بسببي انا اللي اخرتها في: طيب ها كل شي مضبوط مها: انا شفت كل شي والحمد الله ذا الهندي الغبي جاب الصواني بعد ما هزئته تهزئ عصبني في:ههههههههههه كفو والله لقيت من يحل مكاني,, طيب نوف ومي خلصو مها بفرحه: والله طالعات ملكات جمال يجنون مشاء الله.. في: خليني اروح لهم تلقينهم ميتين خوف مها بستهزاء: ما اتوقع في ما فهمت.. مها: على فكره انتي طالعه تجنين في بأحراج: تسلمين والله وانتي الاصفر عليك يقتل وين خلوود يشوفك.. مها استحت:هههههههههههه خليه بحاله بس في: ليش؟؟ مها: امس يقولي بيروح لأمي عشان يكلمها وانا قلت لا خلها بعدين في: حرام عليك جننتي الولد خفي عليه.. مها:ههههههههه خليه يستاهل فتحت باب الغرفه اللي مي ونوف جالسين فيها .. نوف ميته ضحك:ههههههههههههههههههههههه يقطع ابوو شكل اخو خالي ابن عمه اللي مات مي بتموت ضحك لحد ماطاحت من الكرسي واهي تضحك: لا والله وش تقولين انتي غللللط مو عمه خاله خاله.. في دخلت واهي مرتاعه: وش فيكم انتو انهبلتو بفساتينكم وتسون كذا قومو قومو لا تجي ام نواف والا امي وتشوفكم وتهون عن العرس نوف ققامت صلحت جلستها : لا الا هذي في: وش فيكم انهبلتو. نوف: هذي مي عطتني حبه تقول مهدئه في بعصبيه: يالمجنونه سويتها من وراي وانا محذرتك مي :يختي ما اقدر احس اني لما بشوف االناس بصيح في: تروحين تاكلين حبه مدري من وين جايبتها.. مي بعناد: ايه %%بعد ساعات تجمعو المعازيم والكل مندهش من جمال القاعه والكل يسأل عن البنت.. البنت ام فستان بحري ملفوف على جسمها الأنثوي وشعرها المموج كأنه امواج البحر مع مكياج بحري صايره كنها وحده من حوريات البحر على الارض.. ولا البنت في الفستان اصفر بلون اشعه الشمس ممزوج معاه الوان البتقالي الدافي ومكياج برونزي والشعر مرفوع شنيون بطريقه تجنن.. والا ام فستان موف ليليكي مع شعرها السايح ومكياجها السموكي الخطير بنات العايله كانو هم ملكات الحفل وجمالهم الداخي والخارجي زاد جمالهم الخارجي جمال اكثر... وقت الزفه... على اجمل قصيده نزلت اول شي مي... كانت اميره من عالم خيالي فستان اوف وايت بطرحه تقليديه مغطي شعرها بخصله العسليه المموجه مثور عليها كريستال يعكس الوانه على وجهها... مكياج بألوان الموف ودرجاته غطى عيونها زوادها جمال على جمالها فستان مع عالم خيالي نسيج من الحرير مع الستان بطريقه تجنن باين فيها صدرها وظهرها المرسوم عليه فراشه ملونه.. يتبع>> |
|
#1208
11-23-2007, 08:18 PM
| ||||
| ||||
| رد : حسبتك عديم الاحساس وصرت لي كل احساسي قصه رومانسيه سعوديه رووعه
تااابع>>> بحيا نزلت وبخطوات ثقيله وكانت ماسكه نفسها ما تنفجر بالضحك بعد ما ندمت انه اكلت هالحبه اللي خلتها مثل السكرانه ودعت ربها انه يعدي هالساعه على خير.. تفأجات لما سمعت لاغنيه لان شريط الزفه كان هديه من نواف واحمد لمي ونوف .. امشي بهداوه ياحلو دربك خطر خوفي على خصرك لا تميل وينكسر امشي بهداوه .. عيني امشي بهداوه امشي بهدواه هييييييييييي .. امشي بهداوه واحسب حساب الحسد ملك الاناقه جننت نص البلد لو قلت اشقر منك تغار السمر لو قلت اسمر ويلي يانار الشقر امشي بهداوه ياحلو الناس كلها بدت تصفق على خطوات مي المتاميله وكانت توزع ابتسامتها المشرقه للكل لصديقاتها بزاويه واهلها ودموع امها واختها بزاويه.. الكل كان يذكر الله عليها وعلى جمالها... وصلت للكوشه اللي كانت عباره عن غابه من روز البنفسجي ولاصفر بشكل غريب ممزوج بقطع غريبه من المرايات اللي تعكس الوان القاعه المظلمه والشموع اللي نورت القاعه كلها.. جا دور الاميره الثانيه...نوف... في كانت تناظرهم وتمسح دموعها تخيلت نفسها مكانهم واهي تنزف لزياد... نوف نزلت بجمالها الطفولي فستان يشبه فستان مي بس بلمسات نوف بطرحها قصيره مع فستان هاي نك مفتوح من الصدر .. مع نفشه بسيطه ورشه فضيه على الفستان الأبيض.. شعرها خلته مموج بس مرفوع شنيون مع غره قصيره على جمب وعلى اذنها فراشه كريستاليه معطيتها جمال وروعه... على انغام صوت الاله العود وصوت راشد الماجد الساحر.. بدت زفتها الرائعه.. تمايلت بحركاتها الطفوليه ببتسامتها الجميله على انغام اغنيه اختارها لها حبيبها احمد.. الزين هذا حلون وزين الصهال لبس القلايد فتان يسبي القلب والعين فيه الحسن والزين زايد.. مرت ساعات العرس بفرحه من كل الحاضرين واولهم في اللي فرحت لأختها ولأختها الثانيه نوف بعد ما انتهى العرس بسلام ودعوهم مي اللي بتروح للفندق وبعدها بتسافر للندن على طول ونوف اللي بتسافر لأيطاليا مع احمد بعد يومين مي واهي تبكي: بتوحشيني يالدبه في واهي تشاهق: وانتي بعد اول ما توصلين كلميني على طول مي: ان شاء الله .. ام احمد بدت تبكي وبكى الكل معاها واولهم ام فهد اللي ودعت بنتها بعد وسو مناحه مها بمزح واهي تمسح دموعها: ترا نواف واحمد برا شوي وبيرفسون الباب ويسحبونكم من شعوركم يله تأخرتو عليهم الكل جلس يضحك على الرغم من فرحتهم الممزوجه بالحزن..... &&بعد سنه&& في قاعه التف فيها الالوان السوداء والبحريه على انغام موسيقى فيلم تايتينك الرومانسيه نزلت كملكه نزلت مثل اميره تنتظر فارس احلامها يجي وياخذها و وتروح اهي وياه لعالم ثاني عالم كله رومانسيه وجمال فستانها الخارج عن العاده فستان حريري من اللون اللون اوف وايت الغامق مع طرحه طويله بطول سبع امتار خلت الفستان افخم وافخم شعرها اللي خلته بطريقه مهمله بس متقنه بعد ما فتحت شعرها وخلته بني بخصل عسليه بين لون عيونها الحلو وباقه ورد بسيطه من ورد الجوري والاوركيد الأزرق.. الكل يذكر اسم الرحمن واولهم زياد اللي كان ينتظرها في الكوشه مثل العطشان وينتظر جرعه من كاسها.. جرعه تشبعه وتريح قلبه.. كانت الكوشه خياليه تحس وكأنك في عمق بحر في نص الليل انعكاس الوان المويه على الارض وروز ازرق غريب مع اعشاب بحريه غريبه.. وقفت بعد ما وصلت للكوشه بعد مسافه حستها كيلوات مو بضعه امتار يمكن نظرات زياد المتلهفه لها وابتسامته الساحره اللي انعكست عليها الاضاءه وزادت لمعانها... وصلت بعد ما مد لها يده عشان ترفع فستانها طبع على يدها بوسه احرجتها والكل كان يطالعه ويذكر الله لا يحسدهم مثل عصافير طايره بعالم الحب وما تحس بأحد حولها.. قرب شفايفه من ذانها وقال بصوته الساحر: احبك ردت عليه: حسبتك عديم الاحساس وصرت لي كل احساسي استغرب من جوابها بس ابتسم مع غمزه حلوه لها احرجتها... تنهدت بحب وابتسمت على دموع اختها للي رجعت عشان تحضر العرس مها ومشاعل في الزاويه يبتسمون ويغمزون لها.. امها وام سعد اللي ماسكين دموعهم بالعافيه.. زياد رجع التفت عليها: مشينا ياقلبي.. في بهمس: مشينا... قاطع احلامها وافكارها صوته: صباحيه مباركه ياعروسه.. في بخجل: الله يبارك فيك صباحيه مباركه لك زياد: وش كنتي تحلمين فيه؟؟ في: بيوم عرسنا زياد:هههههههههه كان خطير في: ايه زياد:ههههههههههههههههه وش رايك نفطر برا على البلكونه.. في: ياليت بس خلني اغير ملابسي.. زياد بخبث: ملابسك تجنن مافيها شي في بخجل قامت ولبست بيجاما تركوازيه حرير تركت شعرها بطبيعته الحلوه وحطت ميك اب خفيف وقلوس زهري وطلعت تنفست بهدوء شافت المنظر اللي سحرها.. كانو بجزيره تاهيتي جزيرتهم المفضله ... زياد بحب: عارفه اني اموت فيك ياانك جنتيني بشكل.. في بعصبيه مصطنعه: انا اللي جننتك والا انت زياد بمزح: يوووه وش خلاني افتح الموضوع خلاص هوننا سكتنا.. كمل كلامه: قلبي ممكن اسألك سؤال؟؟ في وعيونها على البحر: تفضل.. زياد: انا لحد الحين ما فهمت قصدك لما قلتي لي حسبتك عديم الاحساس وصرت لي كل احساسي ممكن تفهميني وش معناها وقفت بعد ما سحبت يدها ووقف عينها بعينه تكلمت بحب: انت كل حياتي هواي اللي اتنفسه عارف انا كنت ما احبك بصراحه كنت اكرهك لاني اظنك ما تحس بولا شي وما عندك ذره رومانسيه بس بصراحه فاجأتني بالصندوق والدفتر ... كان بيتكلم وحطت يدها على شفايفه عشان يسكت.. كملت كلامها: بس ابي اقولك بختصار اني احبك واني بكون كل شي بحياتك ان رضيت وان ما رضيت زياد:ههههههههههه يعني غصب في عضت لسانها : تقدر تقول كذاا %%%%%%%%%%%%%%%%%%%%%% بعد سنه وبالأصح يوم العيد.. وفي الاستراحه المشهوره... مها : خالد بعد عني عاد خالد يتلصق فيها: مجنون انا اخيرا اخيرا بطلع حرتي كلها عناد فيك مها بطفش: خلوود وخر عني شف زياد وفي جو .. خالد: عادي انتي بعباتك ماعلينا منهم ليش اهم ماخذين راحتهم واحنا لا.. مها: يووه وهذا احمد ونوف.. خالد: احسن شي سويتوه انتو البنات انكم لبستو عبايتكم وكل وحده قامت تتمشى مع رجلها... مشاعل واهي تلحق احمد: حموودي تعال تعال سعد واهو يركض: ياربي من هالولد تعبني.. مشاعل: مو ولد رح انت لحقه تراه طلع براسي نخله.. &&&زياد وفي كانو بعالم ثاني&&& زياد راسه على بطن في: بابا تسمعني قل نعم في ميته ضحك: ههههههههههه والله انك مجنون اقول وخر لا يشوفونا زياد: ماعلي منهم ماعلي منهم زوجتي ومالهم عندي شي.. تجمعو كلهم بمنطقه صغيره خضراء.. خالد: زيووود زياد:هلاا خالد بمزح: قل لمها عن ذيك البنت اللي ذاك اليوم تلاحقني تبيني اخذ رقمها وانا قلت لا عشاني متزوج من قلبي قلها مو مصدقه زياد بمزح: تراه يقول الصدق يامها ما يكذب مها: ايه طيب بس خالد: شوفي اذا مو متأكده من جمال رجلك اسالي البنات اللي يقرون القصه انا شفتهم يصيحون لما كنت بالغيبوبه وماتو لما احلقت شوشتي صح يا بنات ها سمعتيهم كلهم يقولون ايييييييييييييييه مها دفت كتفه بدلع: خلووود خالد: عيووونه والله كل البنات يجنون اعذروني بنات بس مهاوي مافي مثلها شوفي ياحبيلهم والله روحكم رياضيه يقولون ايه مافي مثلها الكل :ههههههههههههههههههههههههههههههه النهايــــــــــــــــــــــــــــــــــــــــــــ ـه &&&&&&&&&&&&&&&&&&&&& احمد ونوف كانواحلى زوجين تفاهم ومحبه خالد ومها مثال الحب اللي تغلب على كل الصعاب مشاعل وسعد مثال التضحيه في سبيل الشرف والسمعه الحسنه التي انتجت طفل صغير اسمه احمد ... وليد مات بعد مرضه بسنه موت كان رحمه مثل ما تمناه... اميره تزوجت حسين بعد ما طلبها للزواج والحين حياتها متوتره بين حبها القديم له وشكه الكبير فيها... ابراهيم وزران زوجين متواضعين يملأ حياتهم بالحب والطفلين اللي خلو حياتهم احلى,, احمد صديق وليد لازال يبحث عن الهدايه اللي لسى ربه ما هداه لها... فيصل المدمر والمشلول تصالح مع ابو احمد بعد ماعرفت العائله باللي صار له ومهما كان الظفر ما يطلع من اللحم رجع لهم بشخصيته الجديده الطيبه والمكسوره بنفس الوقت ابو متعب لازال في السجن بعد ما انحكم عليه 25 سنه والكل تخلى عنه... حصه تابت وحاولت تصلح اغلاط سنينها اللي فاتت مع عيالها بهالسنين اللي باقيه لها... متعب تعالج ورجع مثل اول واحسن بعد تحسن علاقته بأمه.. **تركتم مع مشاعري واحساسي احساسيس شخصيات بكيت لهم وبكيت معهم وبكيتو انتو معهم .. تركتكم مع قلمي او بالأصح مع لاب توبي ومعاي انا كاتبتكم((مدوخه خلق الله)) بحب كتبت بحب وضعت احرفي لأرسم اول خطوط لوحتي الاولى هي مني لكم ومنكم لي اشكركم على صبركم عطائكم وتشجيعكم كنتم خير قراء وخير مشجعين .. اشكر مصدر الهامي المجهول مصدري الملئ بالحب ارجو ان تكون هذه الاحساسيس وصلت لكم.. وداعا ياقصتي ياحبيبتي وداعا يا ملتقى الاصدقاء والاحبه وداعا لكم ما اصعب كلمه الوداع وما اسهل اللقاء في لوحه جديده كما اتمنى ادعو لي ولكم بالتوفيق والنجاح... ومثل ما بديت بعنوانها انهيها بعنوانها((حسبتك عديم الاحساس وصرت لي كل احساسي)) %%%%%%%%%%%%%%%%%%%%%% |
|
#1209
11-23-2007, 08:58 PM
| ||||
| ||||
| رد : حسبتك عديم الاحساس وصرت لي كل احساسي قصه رومانسيه سعوديه رووعه
لاااااااااااااااااااااااااااااااا لا تقوليييييييين القصة خلصت اهئ اهئ ما يمديني اقرا اليوم ان شاااء الله بكررررة والله راااح اشتاااااق لك ولكل الاعضاااااااااااااء ياااااااارب نكون اصدقااااااااااااء راااااااح اشتاق لكلمة (((يلااااااااااااا حنانك انتظر البارت))))) يااااااااااارب ما ننحرم منك ومن جديد قصصك يااااااااارب |
|
#1210
11-23-2007, 09:33 PM
| ||||
| ||||
| رد : حسبتك عديم الاحساس وصرت لي كل احساسي قصه رومانسيه سعوديه رووعه واااااااااااااااااااااااو خطير البارت تسلمين ياقلبي حنانو اهديك احلى بوسه اموووووووووووووووواه ياقمر تسلم ايدك ياحياتي تقبلي مروري معشوقتك |
 | سياسة الخصوصية |  |
العرض العادي
