وينك حياتي ..جبتي بحالي العـيد

[الاطرق بن بدر آل هذال]

بقلمي المتواضع

ريمٍ وعدني مـاوفـى بالـمـواعيد
=قـال انتظـر لاشـك طال انتظـاري

سافر وقيّدني مع الهم تقييد
=صرت بغيابه بالهواجيس ساري

شفت العذاب وكل همٍ وتنكيد
=ومن العنا يطري على الف طاري

مدري سمع فيني كلام الحواسيد
=والا السفر ابعد علي المحاري

يالغاليه كنت اعتبر موعدك عـيد
=وارسم على ضوّه بقيّة مســاري

ماشاقني غيرك من الغنّج الغــيد
=ياجــنّتي .ياهـم قـلــبي ونـــاري

مليت انا الدنيا بدونك ولا اريد
=كل الحياه ان مامشت بأختياري

ياطول ليلي صار عقبك سراميد
=هايم ولاني بالمخاليق داري

وينك حياتي. جبتي بحالي العيد
=عودي قبل ياصلك علم إنتحاري

الاطرق بن بدر الهذال

[هدوووء الشتاء]

ماشاقني غيرك من الغنج الغيد ******* ياجنتي ياهم قلبي وناري

ابو سلطان

صح نبضك وفكرك وصح كلك

دايم كبير وقصايدك خير دليل وماترضى بالقليل في (( الشعر طبعا ))

ابداع يفوق وصف المستحيل واحساس قمة في الروعة

انتظر جديدك ودمت بكل الود

تقبل اروع تحيااات اخوك

هدوووء الشتاء

[روعة الليل]

كلمات جميله اخوي
اهنيك على قلمك المميز والجميل والله يعطيك الف عافيه

والله لا يحرمنا منك ولا من جديدك المميز



تحيـــــــاتي << روعة الليل >>

[بنت روق ادب وذوق]

صح منطوقك اخوي الاطرق
ومبين انها نابعه من قلب ومن موقف لاتحسد عليه...
ربي يجبر بخاطرك...

ابدعت بتصوير الحادثه لنا...
وزادها رونقا كونها بخط يدك......
الاطرق بن بدر..........جعل الشلل مايجي يمناك..

تحياتي

[ملك بلا مملكه]

كعادة المعتاد يبقى شموخه

زاد الله علما وابداعا
رائع في جميع المناهج
صح لسانك وصح كلك سيدي/الاطرق

بس ملاحظه بسيطه كلمه الحواسيد جمع للحاسد؟

لك احترامي وتقديري