دامِك تِسَمِّــي الـ خ ـيَانَــه في مَلفاتِك ج ـنون

[روعة الليل]

أَدْري وَالله يَـا حبيبي مِـن وَرى عيـني تخون
لا تِظِـن إنِّك مِكَـذِّبْ .. لا تِصَدِّقهَـا ظِنونك

ومِن يُقول آنا أحِبـك وقلبي عايش لِك يصون
آنـا مثلك يا حَبيبـي مِن وَرى عِينك أَخونك

هَـان قلبـي في عُيونِك و هَم بَعَد قلبِك يُهون
عِشت أيَّامِـك بِدُونِـي و عِشت أيَّامِي بدونك

دامِك تِسَمِّــي الخِيَانَــه في مَلفاتِك جنون
فِينــي لِك مَليُون جِنِّــي كِلّهُم والله يَبونك

لاتِسَوِّي لِـي حِكايَـة نُون ومَـا لا يَعلمون
يَعنِي فاهِم يَعنِي عَارف وإنتَ ضايع وسط كونك

كيف أحبك ؟ ليه أحبك ؟ وإنتَ أصلاً مِن تكون
شخص خايِن والله باين حِط عيـني في عيونك

لا تِمَثِّـل دُور عَاشِـق .. ولا تِقول إنِّك حنون
إنتَ قاسِـي إنتَ ناسِـي إسأل اللِّـي يعرفونك

أو ترى يمكِـن يكـونوا مِثلِك إنتَ يكذبون
يذكرُونِك.. يفقدُونِـك.. بالكِـذِب هُم يعشقونك

لا تِصَدِّقهُم وتَبكِي وفـي غِيابِـك يضحكون
لا تأمِّنهُـم وأحـذَر قبـل لا تبـدي طعونك

والله باكِر ما يفيدِك لا بـدَى وقت الطعون
يطعنُونِك وإنتَ شايف وإنتَ عَـايش يذبحونك

والمصيبه بَعَد مُوتِك بالكِذِب هُـم يحزنون
يدفنُونِـك .. يكرمُونِـك .. و إلاَّ يمكِن يتركونك

هِي حَياتِك وإنت كِيفِك خُون لو وِدِّك تِخون
بَس إفهَم شَي واحِـد .. والله مِن خِنته يخُون

[لذة غرام]

روعة الليل...


صباح الجوري....



صح السانك...

قصيده رائعه بكل ماتحمله من معاني
واحاسيسن نجد شموخا بين سطورها
ممتزجا بالحزن والالم.
الف شكر استمتعنا
بمصافحت هذه الرائعه.


تقبلي مني ورود الصباح..!!

[الاطرق بن بدر آل هذال]

روعة الليل


رائعه كروعة اسمك

صح لسانك وسلمت اياديك


تقبلي مروري

[هدوووء الشتاء]

روعة الليل

قصيدة رائعة بروعة حضورك الاروع

تسلمين على ماخطته يمـناك من ابدااااع

صح الله لسانك وعساك ع القوة

تقبلي ارق التحاياا من

هدوووء الشتاء

[منطوق قلبي]

[poem font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
روعه الليل
صح لسانك
بصراحه القصيده مرررره روووعه
ننتظر جديدك..تقبلي مروري
منطوق قلبي[/poem]