بحث مخصص
|
| | |
| | |
|
| ||||||
| |||||||
| الملاحظات |
| ||||
 |
| | أدوات الموضوع | انواع عرض الموضوع |
|
#141
09-19-2007, 08:13 PM
| |||||||||
| |||||||||
 رد : (غروور وكبرياء) قصه سعوديه الجزء العشرين .. -20- الفصل الاول مشعل : لا رنا انا ابي اتكلم ... من طلقتهااا وانا كاتم ... خلااص ابي اتكلم .. ابي اطلع اللي في قلبي ..... هههههههههههه ... تساليين ليش طيب .... انا اقولك ... اتركتني عشااان ولد عمهاا عبدالعزيز .... رنا : وليش طيب .... وش يعني لهاا عبد العزيز هذا ... مشعل : هذا كان خاطبهااا قبل ما اتزوجهاا انا ... بس هوو سافر برااا ما ادري صراحه هوو تزوج هناك او يحب وحده او قال لغدير انا ما ابي اتزوجك .. يعني شي كذا .. .. وهي زي اللي تبي تنتقم منه.. تزوجتني ...ويوم رجع وطلب منهاا السمااح ... طلبت الطلاااااق ... رنا : طيب انت من قالك هالكلااام ... مشعل : عبدالعزيز بنفسه ...... وانا متاكد انه صادق ... لانه انا احيانا اشك في غدير ... انهاا مومعاااي .. او ما همتهاا هدوول ...... رنا : معقووله فيه ناس كذا تتزوج بس عشاان تنتقم ... مشعل : ايه فيه .. ليه تحسبين كل الناس طيبين مثلك ... رناا معااد عرفت وش تسووي استحت .. وصارت تلعب بالطرحه .. مشعل ناظرهااا وعرف انهاا مستحيه ... مشعل : رنـــــا .. رنا رفعت راسهااااا ... مشعل بحنيه .. : شكرا .... رنا خلااااص قلبهاا طااح من كثر مايدق....: ليش .. انا ما سويت شي .. مشعل : من قال ما سويتي شي ... من يهتم في هدييل الا انتي ... ومن سمعني وانا افضفض الا انتي ... رنا : والله هديل انا امووت فيهااا والله تستاهل .. شووف يا قلبي عليهاا شووف وشلووون تلعب .. والله برائة الدنيااا كلهااا فيهااا .. انا ما ادري وشلووون امهاا قدرت تتركهااا والله لو انهاا بنتي ما اتركهاا ولا لحظه .... وانت وربي تستاهل كل خييير ... مشعل يبتسم وربي وربي ما راح القى احسن منك ... هدوول جت تركض لابوووهاااا : بابا ابي أي ثكريم ... مشعل : لاااااا .. هدوول : بابا ... مشعل : لا لا لا .... هدوول ترووح توقف عند رنا : اميمه دوووولي له .... رنا ترفع راسهاا لمشعل : اخر مره ... مشعل :.................. هدوول : بابا ... مشعل : طيب ... طبعااا في الجهه الثانيه من الحكيير ... كانوا البنات وفيصل ومشاري وفواز مع بعض ....وطبعاا هباااال وصرااخ ولا كان فيييه غيرهم .... فيصل : نجلاء ... نجلاء .... نجلاء : هلا .. فيصل : تعالي نرووح نتمشى ... نجلاء : ................ فيصل : وشو ما تبين .. نجلاء حست انهاا فشيله تقووله ما ابي ....: لا يله .... فيصل : اوكي .. راحوا فيصل ونجلاء بس قبل ما يبعدوووون ... فواز : هييييييييه يا الحبيب ... فيصل وهويلتفت لانه عرف ان الكلاام موجه له .. : ههههههههههههههههههههه ... نعم ... فواز وهو يصارخ عشااان يسمعه فيصل ... وطبعاا الناااس كلهم يشووفنه ويسمعوونه ؟؟ : ويييييين ... رايح انت وحرمتك .. وتاركني مع البنات ... فيصل وهويمسك يد نجلاء عناد لفواز : والله ما لك دخل ... نجلاء تهمس لفيصل: فيصل فشيله اترك يدي ... فيصل : ههههههه .. لا عادي .. انتي حرمتي .. نجلاء : حرمتك .. بس مو قدام النااااس ... فيصل وهويشد على يدهاااا : محد له دخل فيني انا حر ..... وراحوا يمشووون ... نجلاء : اقووول فيصل .. وش صار على روحت البحرين ... فيصل : لا شي .. نجلاء : وشلوون ولا شي .. يعني ما فكرت . فيصل : الا فكرة ... بس منيب قايل لك وش قررت .. نجلاء بدلع : فيصل ..... فيصل : عيووووونه ... نجلاء : قووول ... فيصل :............ نجلاء : يله ..... فيصل وهو ياشر بيده لااااا .. نجلاء : قوووول .... حرام علييييك ... فيصل : اوكي ..... لا ما راح نرووح ... نجلاء : ليش .. عاد حرام عليييك ... فيصل : ليش حرام علي ... نجلاء : والله حرام تحرمني ارووح معهم ... ابي ارووح واوسع صدري معهم .. ليش انت كذااا والله حرااام ... والتفتت نجلاء عطت فيصل ظهرهااااا .. فيصل : شلوون يعني .. يا اما ودني ... او بزعل ... نجلاء وهي معطيته ظهرهااااا : ايه .. فيصل يروح ويوقف قدامهااا : ههههههههههههههههههه ... خلاص يعني نروووووووح .. نجلاء : :........................... فيصل : هههههههههههههههه .. انتي تبيناااا نرووووح ... نجلاء: ايه ... فيصل : واذا قلت لك اني من اووول وانا مقرر اننا نروووح .. نجلاء ترفع راسهاااا : يعني وشلووون تبي تلعب باعصابي .. فيصل : ههههههههههههههههههه ... اكييييييييييد لعبت باعصاابك .. نجلاء وهي تضربه على صدره ... فيصل مسك يدهاااا : هههههههههههههههههههههه ... نجلاء : فيصل بلييييييز فك يدي والله فشيله عند النااااس ... فيصل : هههههههههههههههههه ..طيب .....  |
| غرور وكبرياء قصه سعوديه |
| |
|
#142
09-19-2007, 08:15 PM
| ||||
| ||||
| رد : (غروور وكبرياء) قصه سعوديه
نرجع عند البنات .. اللي كانوا مشاري فواز معهم .. بس انهم اتركوهم شوي وبيرجعووون .. في هالوقت كانوا العنود وريم يمشوون جنب بعض .. بس كان فيه واحد منرفزهم طوول الوقت يلاحقهم ..ودخلوووا وحده من الالعاب لحالهم لان نووف ورغد راحوا لعبه ثانيه .... المهم العنود وريم اول ما ادخلوا اللعبه شافوا نفس الشااااب اللي يلاحقهم موجوود ... العنود : شووفيه الخايس هناااك ... ريم : الله ياخذه قوولي امييين ... العنود : تعالي نطلع .. ريم : لا والله ما اطلع عشاان هالخايس ... العنود اللي تعقدة عقب اللي صار مع مشاري : طيب اخااف يشووفنااا احد ... ريم : احد مثل مين ... العنود : مشاري وفواز ... ريم : طيب حناا مااا سويناا شي .. هو اللي يلاحقنااااا .. اشتغلت اللعبه وطبعاا اصراخ العنود وريم واصل لاخر الدنياااااا .. نزلوا من اللعبه .. وهم يمشوون حسووا ان احد يمشي وراهم ... الشاب : سلاام يا جميل ... العنود وريم طبعا وقفوا مكانهم .. الشاب يرووح قدامهم .. الشاب : ولو عبروونا ... العنود تناظر ريم .. وترجع تناظر الشاب : والله لو توخر خشتك عن وجهي..ان تندم .. الشاب : ما لك يا جميل ... ليش معصب .. روق ..روق .. حنا بس نبي نتعرف .. العنود : جعلك .. ما تعرف نفسك قووول امييين .. فارق عن وجهي .. الشاب : وش بتسوووين يعني . العنود : شفت الناس هذي كلهاااا ... الشاب : ايه .. العنود : والله لاصرخ والمهم كلهم علييييك ... ريم شافت فواز ومشاري من بعيييد .. ريم تهمس للعنود : فواز ومشاري جوووا .. العنود وهي تناظر الشاب من فووق لين تحت ..: يله امشي ... وظلوا يمشوون بس الولد معاند وظل يلاحقهم ... مشاري انتبه له .. وقال لفواز ... فواز : مصدق .. يلاحق هالملاسييييين ... ذولي محد يبيهم .. مشاري : استح على وجهك .. جالس يلاحقهم .. فواز : طيب تعال نشووف وش يبي ... راحوااا بس طبعاا الولد ما انتبه لهم .. لانهم جووو من وراه مشاري : لو سمحت .. الشاب : هلاا .. مشاري : انت تعرف هالبنتيين .. الشاااب : لا بس الصراحه عاجبيني ...بس راسهم يابس ...هااه تساعدووني في تطيحهم .. ونقسمهم بالنص .. مشاري يصرخ : انت تعرف اللي جالس تتكلم عنهم ميييين .. الشاب : هههههه لا والله ما حصلي الشرف .. مشاري : هذووولي خواااتي .... تعرف وش معنااا خواااتي ... فواز : والله انك قليل ادب .... يا اخي تخيل خواتك مكانهم .. وش راح تسوووي ... الشاب اللي طبعاا تورط ما يدري وش يسووووي : بس انا خوواتي ما نتركهم يتشوون لوحدهم في مكاان مختلط ... مشاري يقرب منه ويمسكه ..وطبعاا العنود وريم يشووفوون كل شي ....وبدا مشاري يطق في الولد.. وحتى الشاب بعد جلس يطق في مشاري .. العنود تصرخ وهي تصيييح : مشااااااااااااااااااااااااااااااري .. مشاري سمع صووتهاا .. لا يا ربي مو معقوووله هذي العنود ... فواز يسحب مشاري : خلك منه .. لا تلوووث يدك ... ولا تنزل لنفسك .. لناس من هالمستوى ... مشاري بسرعه بعد عن الشاب وظل يناظر العنود ... معقووله خايفه علي .. لا ما اتووقع هي بس ما تبي الفضيحه ... والا اكييييييد انا ما اهمهاااااااا .... العنود اللي ا تدري وشلووون صرخت .. بس من جد هي خافت عليييه .. لانهاا كانت تشوووف الشاااب وهو يضرب مشاري.. والله خفت عليييييييك .. العنوود : ريم .. روحي اسالييه .. شووفي فيييه شي ... يعوره .. ريم اللي علطوول سمعت كلاام العنود بدوون ما تقووول ولا كلمه .... راحت وقربت من مشاري ... وطبعاا فواز مطير عيوونه فيهااااا .... ريم : مشاري ... فيه شي يعوورك ... مشاري : لا ... ريم : بس انت فيييه دم عند فمك ... وتفتح شنطتهاا ادوور منادييل ...بس ما لقت .. والتفتت على العنوود ... ريم : العنود معك مناديل .. العنود وهي تفتح شنطتهااااا ... العنود : ايه معي .. ريم : جيبيه .... العنود تقرب وعيووونهاا على مشاري والمنديييل في يدهااا .. ومشاري نفس الشي عيوونه على العنوود... خذت ريم المنديل من العنود وعطته مشاري عشاان يمسح الدم.... مشاري يناظر فواز... مشاري : انا برووح للبيت .. فواز : اصلا شووف الساعه ... خلاااص كلناا بنروووح ... ريم : طيب ويين الباقييين ... مشاري : كلمي عليهم ... انا برااااا ... ريم : طيب .... كلمت ريم ..على رغد .. وعلى رناااا ...واخر شي على نجلاء ... ريم : يله بسرعه تعالوا تراا حناا برااا .. نجلاء : وش فيكم ... والله بدري ..... ريم : اقوووول تعالوا ... بسرعه .. ترا مشااري جالس برا الحييين بسرعه ... نجلاء : طيب .. ريم : يله وقولي للباقييين ... نجلاء : طيب ...مع السلامه ... فيصل : وش تبي .... نجلاء : تقوووول تعالوا ترا حناا برااا .. فيصل : وش فيهم طايرين بدري .. ... نجلاء : مدري عنهم بس شكل صاير شي ... لانهاا تقوووول ان مشاري طلع ... فيصل : اوكي طيب يله نروووح ... نجلاء : طيب .. كلم .. على فهد .. ومحمد وراشد .... وقل لهم اننا بنرووح .. فيصل : خلااااص بس يله لا نتاخر عليهم ... |
|
#143
09-19-2007, 08:22 PM
| ||||
| ||||
| رد : (غروور وكبرياء) قصه سعوديه
عند الباب ... التقووا مشعل وفيصل .. مشعل : وش صاااار ... فيصل : مدري .. مشعل : مدري عنهااا ريم خووفتني تقوول مشاري طلع يبي يرووح للبيت .. فيصل : تعاال نشووف وش صااار .. راحوا عند سياراتهم .....وشافووا مشاري داخل السياره .. مشعل : اوووف .. شووف وجهه .. فيصل : اكيييييد متطاق مع احد .. مشعل : مشاري .. وش صار .. مشاري :....................... فيصل يناظر فواز : فواز وش صار .. فواز : تطااق مع واحد كان يلاحق العنود وريم .... مشعل : مهبوووول .. انت ... مشاري : يعني اسكت له ... مشعل : يا اخي هااوشه بس لا تطقه ... مشاري :....................... فيصل : خلااص ما صاار الا الخييير ... يله بس خلووونا نروووح للبيت .. مشعل : يله ... بس انتم اسبقوووني ...انا بروووح اشتري عشاااااااء والحقكم... الساعه 2 في غرفة البناااات .... نجلاء : خلوووووونا نشغل فلم ... العنود : أي فلم تبوووون ... رغد : خلووونا نشوووف الرعب .. رنا : ايه يله ... نجلاء : لااااا ... تكفووووون ... نوف : والله حنا ني الرعب ما تبييين اطلعي ... نجلاء : والله مو على كيفك تطلعيني ... وراح اقعد واشوووووف بعد ... ريم : يله طيب شغلووووه .... شغلوووا الفلم وكانوا كلهم خايفييين لان فيصل جاب لهم فلم رعب بكل معنااا الكلمه .. كل وحده منهم متمسكه في الثانيه ... نجلاء تصرخ وتوقف : خلااااص طفووووه .... ريم والعنود يوقفوون معهم : ايه والله ... مو مجبورين نشوووفه ... رغد : لا والله .. انا مره متحمسه ما راح تطفووونه .. ابي اعرف منهوووو السفاح ... رنا : حتى انا متحمسه ... نجلاء : انا بطلع واذا خلص نادوني ... ريم : حتى انا بطلع معك .... هاااه العنود تجييين معنااااا .. العنود : ايه .... فتحت نجلاء الباااااب تبي تطلع بس شافت في وجهها واحد لابس اسوود كل شي اسووود .. وباعلى ما عندهااااا صرخت .... اللي لابس اسوود خااف من صرختهاااا ودخل غرفة ابو فهد وابو راشد ... ريم : نجلااااء وش فييييييييييييييك .. نجلاء وهي تاشر على غرفت ابو راشد : شفته ............... شفته .... العنود : وشووو ... نجلاء تمشي وتروووح غرفة الشبااب وتطق البااااب : فييييصل ... ومشاااااري ... فيصل يفتح الباب وهوطبعااا كله نااااايم : نعم ... نجلاء وهي خلاااص بتصيييح : حراااامي .... والله حرااامي ... فيصل : وشوووو .... نجلاء : حرامي ... دخل غرفة ابووووي ... فيصل : متاكده ... نجلاء : اييه والله شفته بعيووني ... فيصل : طيب يله ارجعي لغرفتك ........ نجلاء : طيب ... رجعت نجلاء للغرفه بس قبل ما تسكر الباب استلموووهاا البناات اسأله .... ريم : نجييييل وعمى وش السالفه ... نجلاء : حرامي ... العنود تصرخ : وشووووووووو ... نجلاء تصرخ : حرامي .... هنا عاااد اسمعوووا اصراخ البناات كل وحده لسانهاا اعلى من الثانيه ... عند فيصل ... اللي بعدي ما قالت له نجلاء .. راح قووووم مشعل ...عشااان يجي معه ... وتوهم بيرووحوون غرفة او فهد وابوراشد .. شافوا الباب ينفتح ...ويطلع منه ابو فهد وهو ما سك معه الحرامي .. ابوفهد : مسكته ........... مسكته .. وراح فيصل ومسكه مع ابووووووه ... هنا سمعوووووه البنات وطلعوووا يشووفوووون .. فيصل وهو يفصخ اللي علي وجه الحرامي ....................... فيصل يشهق : فـــــــواز .... فواز : هههههههههههههههههههههههههههههههههههههههههههههههههه هه ... مشعل : وتضحك يا الخايس ... العنود وهي تقرب من فواز : حسبي الله على عدوانك .... طيحت قلبي في بطني ... فواز : ههههههههههههههههههههههههههه حلوه .. ابو فهد اللي كان ساكت بس تكلم : يعني معجبك اني قمت من النوووم ... فواز :............................. ابو فهد : انت متى بتعقل... متى بتكبر ... فواز: يبه نمزح ... بس انا كنت ابي ارووع مشااري اللي تحت ...بس مدري من اللي طلع من البنات وروعني عاد انا خفت ودخلت غرفتك... العنود اللي كانت تسمع فواز .. ومستغربه لييش مشاري تحت لحاله ... انا برووح له ... بكلمه .. هوو اكيييد زعلاان عقب اللي صار في الملاهي... ابوفهد : يله ادخل الغرفه .. وخل غنك الحركات اللي ملهاا داعلي... فواز : ان شاء الله .. دخل ابو فهد لغرفته ...وفواز التفت على البنات .. فواز : بالله قولوا لي من ذا اللي صرخة ... وربي دي اذبحهااا ... نجلاء: انا اللي صرخة .. فواز : ولييش تصرخييين ... نجلاء: وش اسووي طالعه من الغرفه انا توني شايفه فلم رعب...وبعيييد فتحت الباب وطلعت انت في وجهي... |
|
#144
09-19-2007, 08:27 PM
| ||||
| ||||
| رد : (غروور وكبرياء) قصه سعوديه
اما تحت العنود اللي نزلت بدوون ما يحس فيهااا احد ... اول شي طلعت برااا .. وشافته جالس عند المسبح ومعطيهاا ظهره ... العنود انا وش نزلني .. وش اقووله ... الحيين انا من صدقي نازله اعتذر.. ولييش اعتذر انا وش سووويت .. ما سوويت شي... بس مع كل كلاام العنوود هذا ما قدرت تمنع نفسهااا من انهااا ترووح له ... مشاري حس بحركه وراااه ... مشاري : فواز ... وربي ترا ما لي خلقك ... العنود : ومن قالك اصلا اني فواز .. مشاري.. لامستحيييل العنووود .. وش تبي يعني جاايه تهيني اكثر...جايه تذلني اكثر... مشاري.. يلتفت على العنود : نعم بغيتي شي... العنود شف الوقاحه ... مالت على هذا وانا جايه بعتذر... العنود : انا جايه اتمشى.. والا المكااان محصوور لك وبس... مشاري: لا مو محصوور( وهويرفع يده وياشر يده على المكااان كله ) تفضيلي تمشي ... سووي اللي تبينه ... العنود: ......... مشاري: ممكن الحييين تروووحييين هناك ... وربي مالي خلق احد ... العنود : وهي خلاااص الدمووع متجمعه في عيوونهاااا ...مقهووووره .. ترجع على ورا عشاان تروووح فووق ... بس الارض كلهااا مووويه ..وهي من قهرهاااا كانت تمشي بسرعه .. فا التوت رجلهاااا وطاحت على الارض ... العنود: ااي اااي.. مشاري جا يركض ... : العنوود.. العنودوهي تصيييح..: اااه ااه .. مشاري : سمي بالرحمن ... واهدي .. وقوولي لي وش يعورك ... العنود : ااي ااي ..رجلي... مشاري : مره تعوورك .. العنود : ايييييه .. مشاري: ما تقدرييين توقفيين .. العنوود : مدري... مشاري : طيب قوومي اساعدك ... العنود : ابعد عني ... مشاري: قوومي طيب اساعدك ... العنود : اقوولك وخر عني.... مشاري يصرخ : عن حركات البزرااان ... وخليني اساعدك .. العنود تصرخ : وخر عـــــــــــنــــــــــــــــــي .. مشاري : العنود عطيني يدك ... خليي اقومك .. العنود : ابعد عني ... لا تلمسني ..... مشاري يصرخ : ترا ماهميتيني ...موو اخر همي المسك ...انتي كلك على بعضك ما هميتيني ... فاهمه ... وراح وتركهاااا ....العنوود تصييح تبي تقوووم .. بس ما تقدر ..رجلهااا مره تعوورهااا ... حاولت ره ثانيه بس ما اقدرت ... اما مشاري اللي راح وهو قلبه مع العنود بس هوو حاول معهاا بس هي رافضه ... دخل غرفت الشباب ....شاف الكل نايم الا فواز .. مشاري : فواز .. فواز : نعم .. مشاري : العنود اختك تحت ... طاحت عند المسبح .. ورجلهاا تعووورهاا حاولت اقوومهاا ورفضت .. رووح شووفهااا... فواز وهو يوقف : وش فيهاااا ... مشاري : طاحت عند المسبح ... لان كان فيه موويه ... طلع فواز من الغرفه ونزل تحت .. ومشاري نفس الشي ما قدر يمنع نفسه من انه ينزل ... تحت عند العنوود ...بعد ما جاهاا فواز ... حاول يحرك رجل العنوود بس العنوود كل ما هوو حرك رجلهااا صرخة .... مشاري : فواز هذا كسر ... فواز : وشووو .. مشاري : هذا كسر ...يله قم .. انا برووح اجيب مفتاح سيارتي ... وانت قم جب عبايتهااا ... فواز من دوون ولا كلمه قاام ودق على رغد عشاان اطلع عباية العنود ... جاب فواز عباية العنود ومسكهاا وقومهاااا .. وساعدهاا عشان تركب السياره ... ركب فواز العنود ورى ... وركب هوو قدام مع مشاري ..... ومشاري طووول الطريق ..هوو يطالع في العنوود مع المرايه ...يحس بتانيييييب الضيير انه هوو السبب في طيحة العننود ... وصلوو الستشفى وراح فواز والعنوود .. وصح زي ما قاال مشااري .. اللي في رجل العنوود كسر ... جلسوو في المستشفى يمكن ساعتيين .... وبعدهاا رجعوو للبيت يمكن الساعه 5 ... اول ما ادخلوو البيت لين ابوو فهد وابو راشد نازلييين يصلوون الفجر ... ابو فهد : ونكم جااييين منه .. احد يرجع للبيت هالحزه .. فواز \اللي العنود كانت وراه .. مسكهاا وقدمهااا عند ابوووه .. اللي من شاافه .. راح ووقف عندهااا .. ابو فهد : وش فيييك .. العنود : رجلي انكسرت ( صاحت ).. ابوفهد حضنهاا ورفع راسه لفواز ...: وشلووون ... فواز : طاحت .. ابوفهد : طيب يله شل اختك .. عشان توديهاا فووق للغرفه .. فواز : ان شاء الله ... |
|
#145
09-19-2007, 08:31 PM
| ||||
| ||||
| رد : (غروور وكبرياء) قصه سعوديه
طبعاا شال فواز العنوود ووداهاا فوووق ... وانتهى اليووم االلي كان ملئ بالاحداث بالنسبه لرنا ومشعل .... والحرب الجديده بين العنود ومشاري... والوضع الهادي بين فيصل ونجلاء... .. وصفاء العلاقه بين ريم و فواز ... يوم جديد اول من قااااام ريم ... قامت اول شي سوته قامت من السرير ... بس طاحت عينهاا على العنوود .. ريم وهي تشهق : العنوووووود ...وش ذا .. العنود طبعاا في سابع نوومه ... لانهاا من الالم ما نامت الا الساعه 7 الصبح ... ريم : العنووود ....... العنوووود ... هنا قامت نجلاء... ريم : العنوود ..قومي قولي وش فييييك ... نجلاء: ريموووه .. خليهاا تنوووم .. ما نامت الا متاخر... ريم ترووح عند نجلاء: وش فيهااا ... وشلوون انكسرت رجلهاااا .. نجلاء: انكسرت امس ... ريم : وشلوون طيب .. نجلاء: والله مدري ما فهمت منهاا شي..بس كل اللي قالته انهاا كانت تحت عند مشاري.. ومدري وش صاار... الظاهر طاحت .. ريم : وش كانت تسوووي تحت .. نجلاء: ما ادري ... بس انا شاكه ان فييه مشكله كبيره صايره بينهاا وبين مشاري ... كل ما سالتهاا تتهرب.. ريم : انا ملاحظه مشاري مهوووب طبيعي هاليوومين ... نجلاء: ايه والله طووول وقته هااادي ...ولا يضحك زي اوول ... ريم : طيب خلينا نسال مشاري ... يمكن يقوول لنا السالفه ... نجلاء : ما اتوووقع ... ريم : طيب انتي وفيصل وش صاار عليكم .. نجلاء : ولا شي... ريم : وشلووون ...لا شي .. يووم رحيوو للملاهي .. وش صار .. نجلاء: زي العاده .... وربي يا ريم ما اقدر .. انا من اشووفه ما ادري وش يجيني ... ما اقدر اطوول وانا زعلاانه ... ريم : شوووفي مالك الا انك ..تقووليين له عن ذا اللي تكلم علييييك ... نجلاء: وش اقووله .. لا...لا...لا... ريم : طيب يمكن ذي تلعب عليييك .. يعني يمكن موو صدق الل تقووله عن فيصل... نجلاء: لااااا... وشوو تلعب علي .. لا كل شي واضح ... انا متاكده انهااا صادقه ... ريم : طيب يمكن هي اللي تحبه .. بس هووو لا ... نجلاء: مستحييييل .... ريم : بس والله شكل فيصل يحبك ... نجلاء: هههههههههههه .. يحبني ... مستحيييييل .... ريم : ولييش مستحيييل ... انتي موو زووجته ... نجلاء : الا زوووجته ...بس هووو يحب وحده ثانيه ... افهمي يحب وحده ثانيه ... ريم : بس انا ما ادخلت مزاجي ..انه يحب وحده ثانيه .. والله يا نجلاء شي مهووب منطقي ... نجلاء: طيب فسري ي وشلوون درت اننا في الشرقيه ... وشلوون درت اننا رجعناا من شهر العسل .. ريم : ما ادري بس وربي ما اقتنعت ... نجلاء:........................... ريم : يله بس قوومي خلييينا نغسل ونغير وننزل ... تحت فواز اللي ما نااام الا 4 ساعات ...قام من النوووم وهو حااااس ان راااسه بينفجر الم فضيييع ... نزل تحت وخذا من امه بندوول .. بس ما فيييه فايده .. الالم كل ماله ويزيد .. ابوفهد : فواز تعاال افطر ... فواز وهو ماسك راسه: ... ما ابي ... مشعل : امش كل ... ترا بيبتل راسك يووجعك ... فواز : وربي ما اشتهييييييت ... فيصل : طييب قم نروووح .... للمستشفى نشوووف وش فيييك ... فواز :لااا وارووح مستشفى عشااان صداااع .... لا لا هووو شووي وبيطيب ... يتبع ............... |
 | سياسة الخصوصية |  |
العرض العادي
