##...البنت الناعمة × البنت الدفشة...##

[قلب دافئ]

سلاااام صبايا وشباب

طبعا كان ودي انزل موضوع في السحاااالي
<<<<<< مايرتاح الا بصرقعة السحااالي(دمه تعود على حرب السحالي)
بس قلت خلاااص خليها هدنة هالايااام عشان نعد امورنا شوي
<<<<< تعب يواجه السحالي لوحده

قلت انزل موضوع بعيد عن السحالي ..اغير الجو هههههههه


البنت الناعمة والبنت الدفشة

البنت الناعمة :-
طبعا هذة البنت وهى نايمة فى غرفتها الدبدوب والارنوب كلهم فى احضانها واذا قامت من النوم ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى بترجم لكم شنو قالت لها الخدامة .. تقول قومى ما ما وقت واجد تأخير .. والناعمة اول ما تصحى من النوم تفتح الستارة والشباك علشان الغرفة تتنفس وشغلت موسيقى رومانسية علشان يكون الجو رايق وتاخذ حمام محترم وبعد ما تطلع من الحمام على المراية تحط من هالكريمات والصبغ .. لازم تحافظ على البشرة .. خلصت من المراية وتتجة الان الى الاستشوار وبعدين تلبس البنطلون الجنز والبلوزة .. وتنزل تاكل الفطور اللى يكون عبارة عن دونت وعصير برتقال.


البنت الدفشة :-
تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى شبعتى نوم ترد الدفشة على امها .. زين زين الحين بقعد وتقعد تأفففففففف ويطلع من فمها نار .. بالاضافة الى انها وهى نايمة كل دقيقة تطيح من على السرير .. وبعدين يدخل اخوها الصغير ويصرخ وجع يالله كفاية نوم .. ترد علية : اطلع من الغرفة والا ارميك من الشباك الحين .. المهم اخوها اللى اكبر منها يروح لها الغرفة يرفسها وبعد تلك الرفسة العنيفة تصحى من النوم


البنت الناعمة :-
ما تتغدا الا الساعة 4 ولا 5 ولا تتغدى الا على عيش وبيض مسلوق وسلطة تحافظ على رشاقتها .


البنت الدفشة :-
تتغدا الساعة 12 بالضبط ولا تتغدا الا كبسة ولحم او دجاج واذ خلصت تشرب البيبسى شربة واحدة يعنى ما فى مجال انها تتنفس .. وما تسمع الا اصوات مخفية .


البنت الناعمة :-
طلعتها تكون من بعد صلاة المغرب ما تطلع العصر تحافظ على البشرة من ضوء الشمس .


البنت الدفشة :-
تطلع الساعة 2 القايلة تروح مشى لبيت خوالها لحد ما تنقلب سمرة .


البنت الناعمة :-
تروح ستار بكس او اى كافية وقبل لا تطلع تمر على الصالون تحط هذاك الميك الاب .


البنت الدفشة :-
تحط كحل يملا العين والروج تقول ما كلة انسان واذا بتروح تروح السوق ولا سوق الحراج .


البنت الناعمة :-
اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها .


البنت الدفشة :-
ها ها ها ها .. والحاره الثانية تسمعها .


البنت الناعمة :-
اذا تحب تسمع اغانى ما تسمع عربى ما تسمع الا ريكى مارتن طبعا لانة حلو وممثلها المفضل توم كروز لوسامتة وميل جبسون وجيم كارى لخفة دمهم .


البنت الدفشة :-
ممثلها المفضل بو هلال وعبدالناصر درويش ومطربها المفضل خالد الملا ومزعل فرحان .


البنت الناعمة :-
لما تتفرج على التلفزيون تقعد على الكرسى وتحط رجل على رجل وتبتسم لان الابتسامة تضفى بشاشة على الوجة .


البنت الدفشة :-
تنسدح على الارض وتحط رأسها على المخدة وتمد رجلها وتحطها على التلفزيون واذا تبى تغير القناة دقت التلفزيون باصبع رجلها وغيرت القناة .


البنت الناعمة :-
اذا تبى تحلم احلام اليقضة طلعت فى حديقة بيتهم وقعدت على الكرسى هزاز وقام الكرسى يروح ويرجع .


البنت الدفشة :-
تروح بالحوش وتمد السجادة اللى فيها خمسة وثلاثين لون احمر واسود وابيض وجابت كاسة ستة متر متروسة شاى .


البنت الناعمة :-
فى نهاية هالموضوع تقولكم تشاو .. او سى يو .. او بباى .


اما الدفشة :-
فى نهاية الموضوع تقولكم .. حياكم الله .. تأمرون على شىء


ههههههههههههه

وكل وحدة من السحااالي تقولي الصدق هي من اي نوع

تحيااااتي

قلب داااافئ.

[ابوجعيثن]

هههههههههههههه
عيش ابيض مسلوق
ههههههههههههههههه
وشلون ينسلق ارز
يسلمووووووووو
قلب
دافئ

[أمبرطورة الحب]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههه
ماقدرت تواجه الفراشات الامورات وحدك
هههههههههههههههههههههههههههههههههههههه
ابي رايك انا البنت الناعمه ولا الدفشه وش تتوقع
ههههههههههههههههههههههههههههههههههههههه

[قلب دافئ]

ابو جعيثن

ياهلا والله اخووي..دوووم هالضحكة نا شاءالله..

خلاص عدلت ياخووي خخخخخخخ

الرز كيف ينسلق (والله مدري )

الله يسلمك..شاكر لك مرورك الجميل

[قلب دافئ]

امبراطورة الحب

ياهلا والله امبراطورة..دوووم هالضحكة ان شاءالله..

هذي هدنة بس (مجرد وقت)و راجع لكم وياويلكم مني على اللي سويتوه فيني (<<<< يهدد من الحين)

والله احساسي يقول انك بنت دفشة درجة اولى هههههههههههههه

بس باين عليك حلييييوة (<<<<<< احرج البنت )

يسلموووو على مروورك